十字冰室 (恆陞大樓)

营业中

休息中

見到主打十字奶被吸引過來了，童年的回憶，梗係要試下啦，裡面有好多懷舊餐可以選擇，都係用十字奶製造所以奶味好濃，我叫咗個常餐豬骨湯通粉，湯底好濃奶味，我覺得好好食，加上環境裝修係懷舊風，好有小時候的感覺。

【特濃牛肋湯番茄通粉 十字奶開的港式茶記🍅】十字冰室 | #西環 本地薑「十字牌牛奶」係每個港人的回憶，近年都出咗好多破格口味！係香港各區開咗十字牛奶做主角的茶餐廳！今日同事帶頭，推介必食皇牌餐！其實上次我食過豬扒商餐，味道不過不失！ 【皇牌餐－雜菜蕃茄牛肋湯通粉+黑松露配多士】呢個餐價值$65，矜貴之處相信在於有人氣牛尾湯通粉，而且炒蛋加入黑松露！`先介紹 「雜菜番茄牛肋湯通粉」，湯底超濃郁加入大量番茄的羅宋湯 茄味特濃，但又無羅宋湯的微辣 反之多咗牛尾的香味！除咗湯底夠濃，牛肋肉另外燉煮過，煮得入味 質感軟腍！ 「黑松露炒滑蛋」滑蛋的確炒得嫩滑，個人覺得原味比較好食！但如果係黑松露粉絲 就揀佢啦！

自問都做服務業 ，明白對住無理客感受係點樣。落單時有講唔該 ，我自己態度自問都ok， 無乜特別多要求。員工對住我嘅態度好似得罪咗佢！上菜大大力 ，枱面無糖問佢攞好似我錯咁 ，唔會再黎！

 難得放假，一家人食早餐然後上學。去了這間冰室，是女兒選的，因為她喜歡這樣的鮮奶。到達時 7:20，還未開門。我們是第一檯客。女兒點了雙併三文治，要火腿和午餐肉，怪怪的組合。如果我選，我會要炒蛋和鹹牛肉。由她吧。太太要了牛奶麥皮餐。我和長老都點了魚柳餐。基本上點了餐，轉頭就有得食。牛奶麥皮餐 ($38)，配兩片包和炒蛋，飲熱檸水。炒蛋是很滑很香的，加了牛奶和牛油炒？雙併三文治﹝火腿和午餐肉﹞($32)，正常味道啦，加 $8轉樽裝士多啤梨奶。女兒是為這支奶來的。長老和我都食炸魚柳餐 ($40)，不過不失，熱辣辣，沒有很油，其實都係想食炒蛋，配一片多士。熱奶茶，幾香，滑，正常茶餐廳水準。因為太衝忙，無影相。長老說起「十字牌鮮奶」是由天主教神樂院經營，原先牧場位於大嶼山，自給自足有餘就運出去賣。聽說近年賣盤了，搬了去元朗，還算是香港製造，品質有保證。

今日同同事過海探客，行到去高街一帶想食lunch, 但又唔想過$100/餐，周圍都係外國餐廳🙈終於見到一間大大隻中文字❤️，重要見到個招牌『十字冰室』，睇到裝修同價錢，即刻入去午餐$60左右，我揀咗皇牌餐 ：蕃茄牛肋肉湯通粉，加黑松露炒蛋，轉多士唔洗加錢，飲凍檸檬茶同事叫咗豬骨湯意粉（連豬扒）炒蛋跟多士蕃茄牛肋肉湯通粉 ok無咩特別，肉粒幾多👍黑松露炒蛋好香，好味，多士無咩特別同事話個豬骨湯意粉好味，豬扒都整得好味，我試咗少少，係幾好。呢個地段，呢個裝修＋價錢，抵食嘅👍

今日突然好有興致去做下遊客mood，就黎左食個1點“早餐”，打下卡咁.搵個位泊車都好難，前後一條街、餐廳岀面都泊滿唒車，兜左勁耐先搵到下面一個標位😂35度我行左5分鐘就已經有啲辛苦如果夏天係地鐵行到上黎，都幾辛苦，成大條斜佬，帶定水行😂.另外想説説特別的服務態度，真係唔知好嬲定好笑，有人話唔該落單，回應是粗聲粗氣的“咩呀”，我在對面看是笑竟然真係咁夠膽講 “咩呀”😂😂😂，但當事人表情當然是無奈😂😂.1️⃣溫泉蛋日式咖哩豬排飯 $70⭐️⭐️⭐️⭐️意想不到不是招牌都算做得幾好，豬排係吉烈豬排黎，炸得幾香脆，咖哩都唔辣，份量都幾多.2️⃣常餐 $62 (另+$8十字奶)⭐️⭐️⭐️我都係第一次食依個價既常餐，個湯底都特別，純白色，重牛尾豬骨味，豬排煎得好香，但係不值這個價.環境：6/10服務：2/10好味指數：6/10回頭率：2/10

I have ordered delivery for noodles with soup but they missed out the soup. Instead of rectifying the problem, they insisted soup was packed and neglected Customer’s need. In short , delivery was wrong and they have given bad service. It’s not worth going back.

今日下午，我走到黎西營盤揾野食。據說，因為中環租金太貴，有此心酒吧食肆向西移到西營盤經營。行咗一陣俾我揾到一間好有「80時代feel」嘅「十字冰室」。店內座無虛席，店外有一條小人龍。我相信呢間冰室應該吾錯，所以決定食呢間野。我一邊排隊，一邊google下「十字冰室」同「十字奶」有冇關係。原來兩間野都係屬於”Lark Group”。Menu不複雜，食擇選擇尚算豐富。我揀咗食常餐，試試牛奶湯煮意粉。賣相不錯！牛奶湯夠滑夠香，意粉十分爽身。再配埋凍檸茶及炒蛋多士，好飽肚！

正所謂，練拳不練功，到老一場空餐廳掌廚應該深明依個道理，日日夜夜都苦練刀功，日子有功，先有本領切出2mm厚度的豬扒就算加左比豬扒本身還要厚的炸粉，仍然薄如蟬翼刀功之高，非一日可以練成的曾經，我以為日式咖哩吉列豬扒中伏嘅機率係零我錯了我真的錯了我實在太年輕了我更加唔應該以為意式芝士焗雞扒就真係意式焗，其實掌廚都幾有潛質，港式豉油西餐當意式，連自己都呃埋，依下嘢，真係唔是個個都做到唯一，佢無呃我嘅係佢話佢剩係焗雞，意粉係無焗嘅，所以佢將一塊焗到燶嘅雞加啲豉油汁放係意粉旁邊總結：1）店家擁有神乎奇技嘅刀法 2）首創日式咖哩都有伏嘅先河3）原來有意粉就可以叫意式乜乜，咁我轉跟飯，佢咪違反商品說明條例4）我都知今時今日同餐廳老闆講良心係嘥氣

#十字冰室 (西環)西環西營盤高街48-78號恆陞大樓地下12號舖-----花生醬🥜厚西多士（$28）西多煎得外脆內軟 但又唔會過分油膩 一上檯就見到面頭有一塊大牛油 好heavy好邪惡但係又好正😈中間ge花生醬伴有花生粒 唔係純粹得醬 令整體西多士口感提升-常餐：十字牛奶豬骨湯意粉配香煎豬扒、牛乳炒滑蛋、牛油多士（$62) 意粉個名好長 好似好威威咁 但係其實湯底無咩🐂牛奶味又無咩豬骨味🐷倒是有d味精味😂好在豬扒非常厚切 又煎得香嫩 先挽回一分 牛乳炒蛋炒得非常幼滑 奶味濃郁 可惜炒得唔夠乾身 太多汁令到擺隔離ge牛油多士都濕左少少🤷🏻‍♀️-----👶🏻B仔整體評價：7.5/10個👍🏻👶🏻B仔抵食程度：7/10個👍🏻（西多價錢都可以接受 但常餐係茶餐廳黎講真係好貴 仲貴過翠華😨）👶🏻B仔環境評分：7/10個👍🏻👶🏻B仔味道評分：7.5/10個👍🏻👶🏻B仔回頭機會：7.5/10個👍🏻-----#swallowhongkong跟住我一齊吞食香港啦！🤤#swallowsaiyingpun

門面有霓虹燈引人注目，尤其高街外藉人士特別多，較欣賞獨有港式的味道。員工4到5位，分工不明顯，未能各司其職。由入座、下單到結帳，除了等候時間較長，員工都不太懂得應對。注意⚠️這個是完整的一個餐。事緣點了2個相同的餐，但有一個餐卻遺漏了雞扒，對於冰室大同小異的餐點，不明出錯的原因在那。毫不專業的後補奶茶滑，相信用了十字奶。但咖啡完全不能接受，認為比例出錯，比快餐店的還要差。除了用餐出現一連串的混亂及錯誤，十字冰室還有其特色或賣點，只要員工培訓加強就好。幸而，地點佔優，叮叮和我到附近大街小巷穿梭，一洗頹廢，換來美好假日。

大食妹約咗朋友仔去龍虎門行山，出發之前一於嚟一個豐盛嘅早餐，OpenRice左一陣就決定去試吓佢好出名嘅十字冰室呢間冰室真係好旺場，朝早九點幾去已經冇位，都要等15分鐘先可以入座坐低就即刻嗌返個豐盛嘅早餐食，落單之後上菜都算幾快大概五至10分鐘就已經黎齊啲嘢啦<十字牛奶豬骨湯意粉配香煎豬扒，牛奶炒滑蛋及牛油多士$44> (好味:3.5/5) (抵食:3.5/5)豬骨湯底幾好食，真係有牛奶嘅味道，估計係真係落咗十字奶落去煮嘅滑蛋都OK滑，豬扒就有少少太乾，多士普通貨色喇<仿鮑片火腿絲通粉配牛奶炒滑蛋及牛油方包$40> (好味:3/5) (抵食:3.5/5)火腿絲通粉就真係麻麻哋啦，同出邊絕大部份嘅茶餐廳都係一樣，冇咩特別滑蛋都滑ge，牛油方包就。。。你懂的早餐都係大概40幾蚊貨仔，唔算平但係都唔叫好貴，食得飽嘅起碼食完有力行山先喇

◾️懷舊十字奶 - 十字冰室Cross Cafe❤️◾️——————————————————————呢間冰室賣點係十字奶🐮🍼佢皇牌餐（$62）嘅炒蛋同黑松露炒蛋都超正 岩我心水🤤佢嘅牛尾通有大大舊牛尾 一上枱個時嚇親我🤩本身🐰小編都係飲開好立克 阿華田個d 但佢主打牛奶 所以就試左佢嘅奶茶 無論係凍定熱 味道夠 澀味適中 口感香滑 不錯👍🏻個火蹆爆蛋菠蘿包（$26）隻蛋係流心嘅 不過我建議試黑松露炒滑蛋菠蘿包（$29）🙈總體黎講可以bookmark！🔖注意⚠️：佢有儲印仔優惠-The gimmick of the Cross Cafe is its self-produced Cross Milk. The scrambled egg is super good. The black truffle lovers can try the black truffle scrambled egg🍳in the . As its milk is renowned, I have decided to try the milk tea☕️. It doesn’t disappoint me! It is

十字牌帶起好多回憶，自小媽媽買朱古力奶或者牛奶都好鐘意買佢。源自小島嘅牛奶廠開冰室，水泥牆、鐵窗花、地磚，仲有霓虹招牌，一番懷舊風味。叫咗個樽裝朱古力奶，同當年嘅味道完全一樣！加埋童年回憶，更加覺得枝朱奶好飲。另外仲叫咗個芝士焗豬扒飯，炒飯底配茄汁，蕃茄汁底酸甜度剛好，本身已經好滋味，再加上豬扒較厚身，食落juicy。提一提嘅係餐廳幫襯嘅人都唔少，好彩食物上枱速度夠快，如果唔係繁忙時間真係有排等。

充滿兒時回憶嘅一個品牌，好開心見到佢哋仲會改革，延續落去，呢個世界日新月異，唔搞啲新意思，都真係好易被遺忘～行到餐廳入面見到，運送鮮奶嘅架都用嚟做埋裝飾同埋儲物，好有味道～冰室嘅炸粗薯條樽裝可口可樂，完美配搭... 薯條熱辣辣，外脆內溶～當然唔少得要嘆番支十字牌樽裝鮮奶啦～太陽蛋，半生熟恰到好處～仲有創新口味，士多啤梨脆脆乳酪～朋友飲馳名忌廉溝鮮奶～😋就係覺得十字只有鮮奶，換上檸檬水嘅感覺怪怪地～🤣黑松露炒蛋近年大熱，足料，連澳門茶記名菜牛尾湯通，呢度都有，足料而茄湯濃郁～懷舊風味隨處可見～