十字冰室 (禮頓道)

营业中

休息中

每次返工食晏都諗爆頭唔知食咩好咁咁今次呢難得新開左一間冰室聽講係十字牌牛奶公司自己開的而我就試左佢的五香肉丁炒飯咁個飯有少少辣不覺其實幾好食味道係幾ok只不過份量有點少而我見我朋友食常餐佢個炒雞蛋係用十字奶整的好好食呀而且佢個湯意粉都唔錯不過又係細碗左少少咁野飲方面其實佢有好多選擇最特別係有十字牌牛奶俾你揀有熱有凍的但熱的竟然係貴過凍的哈哈環境方面呢間舖其實好細唔太好坐同埋好快趕你走但lunch time 呢d時間黎坐其實都ok

又是用懷舊元素的一間茶餐廳。朋友A不知道原來這個十字名稱，就是十字牛奶的同一個品牌！他還說兒時去過位於大嶼山的十字農場！而朋友B則說她行山時經過，該處現在還有一間教堂，總之，大家都很高興現在能支持本地品牌。餐牌就放在枱的玻璃入面，老實說，價錢不算便宜。套餐其實得三種，連熱飲由$58起。我點了皇牌餐，因為有我最想食的牛尾湯通粉，因為想支持十字牌牛奶，就點了奶茶代替檸茶！用品真的花了點心思，很喜歡砂糖包裝上的中文字。朋友點了常餐。主食是十字牛奶豬骨湯意粉，味美，但略嫌份量有點細。另外一個朋友單點的蝦仁蝦乾炒意粉（$68），份量也是偏細。總的來說，食物味美，相信因為新開不久的關係，年青的員工比較生手，但非常有禮，是一間精美、整潔的新派茶餐廳。

係銅鑼灣做完嘢，時間差不多10點，同行朋友話肚餓，我哋就四圍睇下有咩好野食，同一條街都有唔少美食店，而呢一間唔算大嘅冰室坐滿左客人，同行友人亦都話佢試過呢間冰室，味道唔錯，所以我地就決定係呢間店醫肚！我哋睇左餐牌一陣，決定叫一個皇牌餐蕃茄牛尾湯通粉配黑松露炒蛋加牛油方包同一個常餐豬骨意粉配香煎豬扒牛奶炒蛋同牛油方包。呢度嘅套餐中午11點就可以叫，價錢係銅鑼灣算公道。蕃茄牛尾通好快就到，蕃茄濃湯偏酸，有蕃茄蓉係湯入面，通粉入面充滿左湯汁，好食～個炒蛋都好軟滑分量亦夠，牛油方包牛油夠多但唔大，味道正，會有下次！

Trappist Dairy is a brand of milk from Hong Kong that originally came from the Trappist Monastery on Lantau Island in Hong Kong.  But now they have since expanded to a major factory some where else.  Along with the changing times, they have also expanded from just bottles to milk to now yogurt, flavored milks and now a cha chan teng.十字冰室 (English name: Cross Cafe) was originally in the Western District but now has expanded with a few other locations. The newest one is in Causeway Bay. As it's pa

午飯時間入去叫了一個意粉呆等20分鐘當中D員工不斷送錯餐埋黎最後同我講冇落單😨我都是坐一陣長枱枱號51啲員工好似發緊夢咁幾次送錯餐我提醒佢我隔離左右都冇叫過佢就堅持話啱就走咗去點知發覺原來枱尾嗰個等左好耐本野係枱頭搞到我今日食晏冇飯食行去買個麵包又要返工真係多謝你間十字冰室真係多謝晒祝你生意興隆

早晚餐？定遲下午茶呢 下就5點幾⋯⋯平時出去食飯都鐘意依D時間，因為唔算人。個MENU好多野食 不過自己一條友都唔知叫好，好多小食好似好正，仲要只限禮頓道分店。如果有機會我想試下佢地個十字炸鮮奶。天氣熱都係飲番啖野先，Blueberry yogurt smoothie 加左雪糕。 十字自稱用 Gelato粉溝十字奶整，幾夠奶味但唔似gelato 囉。加12蚊先有雪糕覺得有少少貴，但整體我會推介依杯特飲先黎個沙丁魚包，第一次聽甘既配搭。幾有新鮮感，個豬仔包都幾脆，唔知係屋企整唔整到呢。眼闊肚窄，叫左個蝦仁炒意粉，有辣味幾開胃，意粉軟硬適中亦都唔會太干身，不錯。如果我住附近都會黎多D，環境簡單，個interior design 唔似周街D冰室扮懷舊又綠又白，依度主要黑紅白為主 young 好多。佢地個WC幾有FEEL,美中不足就係打卡位少左D，室內都有LED燈打卡位就幾好。

tea time特登去試下新開嘅十字冰室，由銅鑼灣港島線行去餐廳，大約要10至15分鐘。天氣好熱好曬，所以有少少辛苦。落座侍應幫我哋落單，叫咗懷舊蝦多士（$32），三色炸鮮奶($32)同兩杯濃滑奶茶（$18*2）。炸鮮奶非常驚艷，必食。三色系白色嘅原味牛奶，黃色嘅芒果木瓜，及粉色嘅士多啤梨，各個味道香甜，咬落去幾軟幾黏，奶味十足。蝦多士呢，蝦唔少亦夠鮮，但相較三色炸鮮奶特色不夠，不過不失。兩份小食分量都算大，食完之後先覺得飽翻喇，最後嘆翻杯奶茶，人生真系太完美喇。一餐落來，只需要百蚊港紙未到，抵食!

小女子喺銅鑼灣附近工作，公司附近啱啱開咗一間新冰室，今日就去試個便餐先！新鋪裝修好靚，傳統的餐牌同現代感的黑色瓷磚搭配幾好，座椅舒適。既然系十字奶嘅冰室，就點咗一份牛奶炒滑蛋三文治加芝士烘底，同埋一份Spoona yogurt牛奶布甸。三文治中滑蛋分量不少，雖然嘗唔出系唔系十字奶，但係能嘗到奶味十足，也夠滑。烘底有少少不夠均勻，我本身中意烘底烘久點芝士融化，所以呢個稍稍不足，不過整體都算滿意！Spoona yogurt系十字奶的新產品，似布丁又似乳酪，幾滑幾香，滿意！

行街路過呢間十字冰室，聽說同十字奶系同一家企業，就進去食個簡便午餐啦。睇佢嘅菜單好豐富，早餐，常餐，全日餐都有。仲還有各式飲品，其中奶製品最多，都系十字奶做嘅。今日揀咗兩樣新品，主食沙爹牛肉滑蛋菠蘿包同小食籠仔XO醬炒腸粉。炒腸粉先送到，分量在小食中算不少，味道驚喜，腸粉軟糯不粘牙，醬汁分量剛好，仲有雞蛋蔥花。菠蘿包都不錯，大家睇下照片就知，呢個包中滑蛋牛肉分量都幾足。雞蛋夠滑夠香，菠蘿包也夠酥軟，正！

琴日晚同Boy friend出門，佢想搵間bar睇世界杯，就先在附近的搵間冰室食晚餐。睇呢間十字冰室的menu，種類幾多豐富，我點咗侍者推薦嘅五香肉丁香蔥炒飯，bf點巨人炸雞髀配懷舊雜果沙律，飲品系檸茶檸蜜。炒飯出乎意料，肉丁肥瘦相間，幾有滋味，香蔥點綴更是增色。睇bf嘅雞髀幾大，佢都講炸的不錯。雜果沙律多是黃桃蘋果，我嘗幾口味道不錯，就是分量微微小，不過佢個肉食獸都很滿足。檸茶同檸蜜都系普通茶餐廳嘅水準，不過不失。是個滿足的晚上啦！

晚上返工去咗屋企附近呢間十字冰室食嘢，佢的晚市有懷舊鐵板套餐，唔知點解，就揀咗一份鐵板蝦球意粉配黑椒汁試下先啦。呢個套餐仲包一份22蚊以下嘅飲品，有普通的各類飲品及各類十字奶，我揀咗一份冰鎮奶茶。佢店里的waiter人數唔多，但都幾有禮貌，上餐速度都不慢。扒餐里有三個蝦球，下面系洋蔥同通粉。蝦球數量唔算多但每個都不小，咬開脆皮裡面蝦肉新鮮豐富。意粉彈牙，醬汁不過不失。冰鎮奶茶系真的懷舊，樽裝冰鎮，用细个时嘅十字奶，有新意，好食！

今天第一次去十字冰室，裝修設計好有香港懷舊冰室的風格用十字牌奶類製品做招牌，餐牌內的食品有別於一般的茶餐廳今晚2個人食左$1291) 皇牌餐 $65蕃茄牛尾湯通粉＋黑松露炒滑蛋多士＋凍奶茶蕃茄牛尾湯通粉個湯底好香濃，牛尾夠大件又煑得夠淋夠入味炒滑蛋加左黑松露夠香凍奶茶好飲2) 沙嗲牛肉炒滑蛋菠蘿包 $26呢個係我的至❤️，菠蘿包個酥皮香脆，個包又夠鬆軟，配埋沙嗲牛肉炒滑蛋，一個字「正」3) 籠仔椒鹽燒賣 $38椒鹽燒賣呢個煑法很有創新，啲燒賣香口而不油膩，只係略嫌少左D椒鹽

今日去到附近新開的銅鑼灣十字冰室嘗鮮，這家冰室主打特色是懷舊，畢竟十字奶是好多香港人從小飲到大的記憶。落座后看菜單，菜品蠻豐富，不僅有傳統冰室的炒蛋多士意粉一類，還有不少新菜式可嘗試。今日不十分餓，就只點了一份辣味蝦仁蝦乾炒意粉，跟一杯雪糕紅豆冰。意粉我嘗只是微辣，蝦仁有鮮味，意粉比較彈，總體還不錯。真正驚喜的是紅豆冰！軟雪糕浮在飲料上，浸入牛奶十分香甜，紅豆分量很大，味道剛剛好，甜而不膩，並且用舊式大杯裝，十分適合影相！

是日7月2號假期，早上去了屋企附近呢間新開不久冰室試下早餐！我哋2人叫了兩份早餐！港式早餐～通粉湯唔夠滾，蛋改了煎🥚有D黑，可能個獲之前煎得多嘢，冇再洗，繼續煎😏但都夠熱，ok ！多士就覺得唔好食，應該係麵包唔得黑松露炒蛋菠蘿飽～黑松露炒蛋可以，但菠蘿飽食得出隔夜麵包，唔脆🙅‍♀️奶茶～其實ok ，但我兩覺得有D爍，應該唔夠奶，應該飲茶走加番啲煉奶會好D！最後覺得冰室嘅人手不足，早餐出面得兩個人，又要執枱、落單都好忙碌，但服務態度ok！埋單兩份早餐合共$78 （以銅鑼灣係ok)我都會再來食，不過唔會叫多士及三文治因為環境地方ok！

見佢新開張派傳單咪入去試下,一入去又多人又要排隊,仲要坐得好迫,冷氣又壞.(32度得部鮮風機係度吹下吹下,真係迫你想走)個環境已經唔開胃啦食物就叫左兩道所謂招牌菜,豬骨湯意粉配煎豬扒+蕃茄繪牛尾通粉豬骨湯就無味的,淡的, 應該係用濃湯寶溝大量清水. 意粉就煮到勁唸,差不多係爛, 老火湯級數,俾無牙老人家食就岩的.豬扒就係唔知雪左幾耐,毫無豬肉味,用梳打粉醃到梅哂.蕃茄湯就標準味精湯(唯一一樣有味的野),牛尾都叫唸的,但係毫無蕃茄味,叫好D埋單$110,真係揾笨,永不幫襯