十戶 (已結業)

今個月同老公慶祝結婚週年🎎，最後揀左呢間係土瓜灣嘅車站居酒屋🚋🚋，門口有個好適合打卡嘅日本車站，一入到去比頭頂一串日本燈籠🏮吸引住，當下以為去左日本咁，我哋揀左Bar枱坐，望住師傅忙碌咁整食物好治療😍👍🏻👍🏻特選刺身盛入面有7款刺身，大拖羅、油甘魚、牡丹蝦、鯛魚、帆立貝、三文魚、赤身，每款刺身都好鮮甜，特別係牡丹蝦好爽口，蝦膏甘香，肉身好肥美😋👍🏻👍🏻赤貝刺身師傅推介赤貝，剛剛空運✈️到港一定要試，顏色燈紅亮麗，帶有獨特嘅濃厚味道，口感外層爽脆，內裡貝肉卻又軟又嫩👍🏻👍🏻😍十戶杯一上菜就比佢賣相吸引左，金光閃閃，師傅好有心機擺盤，杯底係赤醋飯，上面有海膽同吞拿魚蓉，另外配有紫菜同滿滿一杯三文魚籽，將所有配料一口氣放入口，鮮甜味衝擊住味蕾👅，真係好好味😋，而且每𢳂一匙三文魚籽都好有儀式感，好好玩🍣🍣鮪魚壽司盛大拖羅、中拖羅、赤身各2件，都係用上赤醋飯，大拖羅經過火灸上面放左蒜汁，帶出咗大拖羅嘅鮮味👍🏻👍🏻蘋果烤鵝肝好好味，外皮燒至焦脆，入面仲保留住震下震下嘅質感，而且一咬好多汁流出。酸酸甜甜嘅蘋果片🍎同鵝肝一齊食，正好中和咗鵝肝嘅膩👍🏻👍🏻燒馬友一夜干燒後魚表面好香口，魚肉好嫩滑，配上一細

今晚係婚後同兄弟姊姊既慰勞宴,所以包左間房間房真係岩岩好..唔大唔細仲有得唱下K🤣🤣價錢都好親民,而且D員工全部都好NICE,一D都唔趕客🤗🤗食物既質素相當有驚喜,D朋友都讚不絕口最出色係鵝肝我平時唔鐘意食架..但係果晚都食左兩舊🤭唔係出面食好多油咁樣..而且入口即溶🤤燒雞翼都係個個讚真係皮脆肉嫩有肉汁🤣🤣波子葡萄豚肉卷我就好鐘意食 覺得好夾又唔膩但係朋友們比較喜歡豚肉包糖心蛋芝士玉子燒唔會乾晒..味道適中真係有芝士味🥰牛舌唔會好難咬 又好食🤤一定會再黎🤭🤭

雖然餐廳唔大，門面好似好普通，但食物質素好高❤️❤️❤️而且價錢親民一定要必食既‼‼️‼️‼️：🫶🏻🫶🏻 豚腩肉包糖心雞蛋 - 豚腩肉燒得好香，仲有少少脆邊， 包埋糖心蛋一齊食 ，甜甜地，口感好夾🤤🤤好想食多幾隻🫶🏻🫶🏻蘋果烤鵝肝 🍎🍎 - 超大舊， 煎既熟度岩岩好， 好juicy, 配埋蘋果平衡番個油膩感其他推介🫶🏻十戸特選壽司(8件)- 刺身好新鮮， 炙燒左口魚裙邊好食👍🏻🫶🏻 水母刺身🫶🏻 燒雞皮🫶🏻 燒免治雞肉棒🫶🏻 天婦羅蝦 · 南瓜· 蕃薯🫶🏻 燒牛舌🍶🍶🍶仲有超過20款清酒比你揀❤️❤️

二次到訪呢間土瓜灣居酒屋感覺有D似去左日本咁🎏雖然位置未算好就腳 但係食物質素幾唔錯👍🏻 🥚 豚腩肉包糖心雞蛋 ($48) 其中一個必食菜色🤤外表好得意 大大粒燒左嘅豚肉包住糖心雞蛋🐖切開爆晒蛋黃汁 🍳加埋醬汁口感好唔錯 🍗 燒免治雞肉棒 ($42) 雞肉好嫩亦有小小軟骨咬口加埋醬油無菌生雞蛋冇得輸😋 🪿 蘋果烤鵝肝 ($88) 估唔到呢個價錢鵝肝都好大塊煎到好香鵝肝油味加埋蘋果一齊食中和返膩 正啊🍎👅 特上厚切牛舌 ($58)  牛舌都幾爽口居酒屋必食🙌🏻 🍢 雞膝軟骨 ($28)  🐙 特級山葵八爪魚 ($98) 呢個作為前菜好開胃Wasabi 八爪魚每舊都好大塊💚夾埋紫菜食更有層次😋

今晚同屋企人食生日飯，十戶已經係黎開既餐廳。特級山葵八爪魚送酒一流🤣煙煙韌韌配埋山葵味醬油鵝肝配准山漬每次黎都會必嗌，因為太出色🤣配埋清酒一流👍🏻原條伊左木刺身魚味重同爽，睇都好新鮮🤣因為突然殺落黎，所以無叫師傅留魚。米崎真蠔200g海水味重，超厚身。我地鐘意蔥汁另上🤣師傅另個裝開一隻最肥既比我鮟康魚肝多士鮟肝魚既肝打成醬，再配多士。估唔到好好食。原本以為係三文治咁，原來賣相仲咁靚仔。蝦油天使麵油蝦味好出，但又唔會過重，配天使麵爽彈牙，夏天天氣熱食一流。同行既小朋友都好鐘意食。雜錦天婦羅燒牛肋骨燒得好好食，唔會過熟，仲保留到肉汁，配埋師傅自己調既汁一流仲有其他野食傾得太開心唔記得影底

店舖門口低調，路過根本不會留意到，食物價錢平民，質素卻很有驚喜😍• 蘋果烤鵝肝🍎 $88這是最意想不到的菜式，蘋果的freshness中和了鵝肝的油膩，入口即化而清新。而且份量很多，性價比極高💖• 燒免治雞肉棒 (付無菌雞蛋)🍳 $42作為蛋控，這是到日式居酒屋必點的！• 生蠔 $78好大好肥美😍 鮮甜帶海水味👍🏻• 豚肉蘆筍卷 $46• 豚腩肉包糖心雞蛋🍳 $48• 明太子雞肉串 $42• 燒牛舌尖 $38• 明太子玉子燒🍳 $148

百吃不厭 吞拿魚魚蓉飯暫時香港食過咁多間吞拿魚蓉丼飯…未有一間比佢好！（可能大家多嘅定義都唔同😅）佢個飯有撈左汁 淺啡色 不是純白色壽司飯 而且吞拿魚蓉加左d柚子味 食落去唔加醬油都好好味 好濃味 所以我只係加少少醬油同芥辣份量亦都好多（係整體魚蓉都多,唔係靜係飯多）比較細食嘅女仔好大機會食唔晒 （不過我太鐘意食 所以都勉強食得晒）男士應該覺得好滿足我個人幾推介這間小店價錢方面 $1xx 唔算平 但有質素環境方面 地方唔算好大 但幾有日本居酒屋feel 好多燈籠 幾舒服

呢間車站居酒屋🚏係土瓜灣相當有名氣，門外打造成日本車站，入面就掛了日式燈籠🏮同和風既擺設，真係有點似走進日本既內街一樣亀泉純米吟釀CEL-24 生原酒入口味道香甜，帶有菠蘿既果香，又帶有高酸度平衡返甜度，易入口好好飲Suntory黑啤因為見惠顧2杯黑啤，送Suntory 啤酒杯1隻，平時都成日飲，緊係叫返兩杯飲下🤭燒雞泡魚干搽了一層甜既醬汁再燒，又香又好味枝豆送酒一流既小食，健康又好食芝士玉子燒厚厚既玉子燒再加入芝士，玉子燒口感鬆軟，整個口腔都是滿滿蛋既味道日本真蠔新鮮爽脆，加了少少日式醬汁，更加鮮甜美味醬油鵝肝鵝肝用醬油煮過後好入味，鵝肝係凍食，口感好幼滑，好似食緊mousse咁，隔離既漬物芥末山藥係用來清清鵝肝係口腔既味道，清爽好食十戶卷入面捲左d魚皮，好脆既口感，上面鋪左魚子，吞拿魚、真鯛、金目鯛，仲有個秘製醬汁厚切美國牛脷串燒燒既火喉岩岩好，入面仲好嫩，又香又彈牙豚肉荔枝捲豚肉燒至脆身，入面既荔枝有滋潤返豚肉既香脆，味道亦都好夾豚肉蘆荀捲豚肉燒至脆身，蘆筍清甜，兩者都好夾燒免治雞肉棒免治雞肉棒食到有d雞軟骨係入面，好有咬口，醬汁加上一隻無菌雞蛋，攪勻後再蘸免治雞肉棒，真係好好味

.[🇭🇰香港- 土瓜灣].🔻初訪 - 喺呢個食物沙漠竟然新開多左間高質居酒屋🍶壽司, 刺身, 串燒, 天婦羅 咩都有得食! 不過我今次就主要食串燒🍢💁🏻‍♀️推介 “和牛芝士漢堡串”, “雞腿肉大蔥” 同 “牛小排” .🔻🍽 十戶📌 地址: 土瓜灣馬頭圍道89-93號福星大廈地下93號舖.#tummysreadyattokwawan #tummysreadyforjapanese #tummysreadyforyakitori

今次試吓去唔同區嘅居酒屋，鋪位唔算顯眼，入面嘅格局都幾有氣氛。首先試咗水母刺身做前菜，第一次食，咬落去非常爽脆，但冇咩特別味道，主要靠點嘅醬汁。十戶特選壽司精選左八款唔同嘅壽司，當天有海膽、鯛魚、油甘魚、牡丹蝦等等。整體來講幾新鮮，壽司飯咬落去軟綿。豚腩肉包糖心雞蛋呢個燒物喺其他店比較少見，豚腩肉嘅油脂感被蛋黃中和左，冇咁油膩，豚腩嘅香味好吸引。粟米天婦羅又係另一個比較特別嘅組合，鮮甜嘅粟米粒加上粉漿炸至金黃色，口感比較硬身。十戶卷有一個位非常有心思，店家用上唔同嘅刺身包住卷物，卷物餡料炸過，非常香脆。深海池魚卷入面包住蔥，深海池魚好有鮮味，上面仲加左少少黑松露醬，好特別。

今晚帶親友黎食飯，每次黎十戶，都唔會令我失望，屋企人琴晚都食得好開心。食開日本野睇到個價錢都已經知良心價仲有酒同野食都無影晒🤣掛住傾計。水母刺身同千切大根煮水母刺身配埋柚子汁，酸味味咬落又爽。鮟康魚肝第一感覺，鮮嫩細膩。赤崎真蠔海水味重而已肥大，好新鮮。新鮮帶子肉口感同平時出街食果d急凍帶子無得比。帶子鮮味整重，口感結實。好鬼好食。香箱蟹黎之前提早打黎訂4隻。今次再黎食，一樣好好食。十二月份必食之選。池魚王洋蔥卷池魚王配紫洋蔥以個組合，意想不到好夾🤣豚肉糖心蛋一樣保持水準。燒羊架羊架完全唔騷亦唔柴。好味

已經唔係第一次幫襯佢哋，每一次嚟食都好有驚喜😍嘢食keep住都係咁高質素🤤一直都好欣賞呢度可以慢慢坐唔趕客👍🏻今次同好耐冇見嘅朋友一齊嚟食😊大家都掛住食有好多都唔記得影相🤣🚩日本真蠔聽師傅介紹話呢牌生蠔當做，點咗幾隻嚟試吓，果然勁肥美勁好食😍🚩壽司八貫次次嚟呢度必食壽司😋食材新鮮就故知然，但我最欣賞佢哋呢道嘅壽司飯，聽師傅講整嘅時候係用赤醋，食落去勁香，飯粒粒分明。🚩汁煮左口魚邊食落去充滿油香，配埋個汁十分惹味🤤🚩厚切牛舌芯都係必食推介嘅厚切牛脷😍一上菜已經聞到勁香，食落去爽口得嚟有肉汁同油香🤤出面呢個價錢食好多時未必俾晒牛舌芯，所以嚟親呢邊都要一人一串咁食先夠滿足😋🚩雞腿肉大蔥今次第一次試，食落去好有驚喜😍雞肉十分嫩滑，大蔥好香口，加埋個汁勁好食🤤🚩豚腩肉朋友突然話想食所以叫咗兩串，本身怕腩肉會唔會食落好肥膩，點知完全唔會，師傅燒得勁香，肥膏位食落去爽口😍🚩羊架本身有個朋友話唔中意食羊，點知見我哋食得好滋味所以試咗啖，結果佢成舊食晒🤣羊架食落去充滿肉汁，一啲都唔騷🤤配埋個芥辣勁正😍🚩燒大白鱔食落去皮脆，肉勁彈牙同juicy🤤

十戶係我地平時要食居酒屋首選既餐廳。幫襯左一年師傅同樓面我地都已經熟落晒🤣蟹膏豆腐蟹膏味好濃郁，師傅請我地試🤣炸白蝦仔香口野，基本飲啤酒必嗌。日本赤海膽食開赤膽基本都唔會有苦味，不過就預左貴🤫赤貝刺身夠爽彈🤘🏻牡丹蝦刺身師傅將蝦頭既膏，拎埋出黎燒再放面。上枱已經聞到濃郁嘅蝦膏味。香箱蟹到今日既主角出場，特登叫試師整隻我地食，蟹個黃仲要糖心嫁😍，蟹籽卜卜脆。豚肉糖心蛋唔駛講水準依舊，流心😘燒雞翼雞翼燒得好好食，外脆內軟。油甘魚鮫煙肉廣島蠔卷以個好好味

因為住附近所以間唔中有去呢間居酒屋食，串燒燒得好之餘壽司亦好好味，樓面都好nice好識同客交流。對上一次七/八月去知道串燒師傅準備過檔，所以呢幾個月都無再去。今日再去試返，之前signature勁juicy嘅雞翼燒到乾晒仲有少少燶味，同行友人叫咗兩隻，一隻乾到柴皮另一隻中間啲肉居然生生地咬唔開；然後燒飯糰又係又乾又硬；其他串燒都跌晒watt。明明來貨應該一樣，識唔識燒同用唔用心燒真係差天共地。然後個肥叔叔串燒師傅著住條似波褲嘅短褲，一彎低身拎野就見到條底褲兼半個八月十五，坐吧枱真係避都無得避，作為廚師衣著整齊企理算係基本，如果連自己都唔尊重自己做緊嘅工作，可想而知食物水準去到咩程度🥲

香港有好多各式各樣嘅居酒屋，最近發現左一間喺土瓜灣，食物高質之餘嘢食都幾精緻，同埋環境都坐得幾舒服，推介大家可以帶朋友仔過嚟聚會😛蟹肉牛油果沙律🥗 $108牛油果🥑同蟹肉份量都幾多，配埋沙律開胃之作鮪魚壽司盛 🍱 $450呢款特製壽司盛係店舖推介😌，分別有大鮪魚腹腩2件、中鮪魚腹腩2件、鮪魚刺身2件、同鮪魚蓉卷4件，呢度嘅吞拿魚腩真係好肥美，同埋好重油脂味！好好味🤩🤩芝士玉子燒 $168蛋中間舖左芝士，玉子甜甜地，但係略嫌芝士唔夠多，所以做唔到好Rich好滿瀉嘅感覺😳湯烏冬 $38呢度嘅烏冬好幼身嫩滑，啱晒暖胃🫡燒免治雞肉棒 （附無菌雞蛋🥚）$42豚腩肉包糖心雞蛋🥚$48羊架$62美國牛脷 $58豚肉蘆筍卷 $46油甘魚鮫 $138去到串燒環節，真係每碟串燒都燒得好出色！牛脷🐮食落去口感爽得來好肥美，羊架肉質香嫩，蘆筍卷用蘆筍包住豚肉🐽入口好Juicy，而🖤黑白配⚪️最鍾意嘅兩樣分別係燒免治雞肉棒同埋豚腩肉包糖心雞蛋🫶🏻雞肉棒，免治雞肉🐔 啖啖肉而且食落去好嫩口！點埋無菌雞蛋醬甜甜地嘅味道🥰豚腩肉包糖心雞蛋外面係一層層薄脆嘅豬腩肉燒得好焦脆，包住個糖心雞蛋，切開啲糖心蛋醬流出黎，蛋醬爆曬