影片
更多
2024-10-29
170 浏览
講吓發掘小店的樂趣，此店可說是逆市奇葩，在近幾年飲食業艱難時，由一間外賣店，發展到第二同第三間有堂食的分店，都算多街坊捧場。記得最初第一間外賣店，為處於東涌港鐵站商場，行人自動樓梯的路口靚位，人流極之旺，舖的租金應該唔平。賣的都是叉燒、油雞、燒肉、乳豬等燒味，吃過味道不錯，價錢則稍貴。若果想吃質素相若的，可以行多10分鐘到街市的燒味店外買，價錢平三份一，完全是舖租反映物價。估計三年疫情可能它外賣生意不錯，加上只有本地消費，很多時黃昏放工累透，行過會嗱嗱聲買外賣加餸返屋企吃，一路見佢都好旺場，做到依家。它第二間分店，開始有堂食，選址在住宅區裏面的「酒吧街」，其貌不揚。我覺得選址倒是相當聰明，雖然這區比較多外籍人士居住，但成條街都是吃西餐或酒吧，中菜就得佢一間做獨市生意，有時都會見到外籍人士來幫襯。我放工食過好幾次，起初都是吃燒味。佢呢度好得意的，好鍾意免費派中式老火湯，坐低就問你飲唔飲湯？每日派晒就無。「青紅蘿蔔瘦肉煲霸王花湯」我覺得幾好飲，沒有味精感，味道也足，料甚多，是我少數會成碗飲晒的小店例湯。晚上的「燒味套餐」$62：揀了豉油雞，湯瀨粉，包飲品 (通常我習慣不喝餐飲)堂食外貌算幾
記得最初第一間外賣店，為處於東涌港鐵站商場，行人自動樓梯的路口靚位，人流極之旺，舖的租金應該唔平。賣的都是叉燒、油雞、燒肉、乳豬等燒味，吃過味道不錯，價錢則稍貴。若果想吃質素相若的，可以行多10分鐘到街市的燒味店外買，價錢平三份一，完全是舖租反映物價。
估計三年疫情可能它外賣生意不錯，加上只有本地消費，很多時黃昏放工累透，行過會嗱嗱聲買外賣加餸返屋企吃，一路見佢都好旺場，做到依家。
它第二間分店，開始有堂食，選址在住宅區裏面的「酒吧街」，其貌不揚。我覺得選址倒是相當聰明，雖然這區比較多外籍人士居住，但成條街都是吃西餐或酒吧，中菜就得佢一間做獨市生意，有時都會見到外籍人士來幫襯。
我放工食過好幾次，起初都是吃燒味。佢呢度好得意的，好鍾意免費派中式老火湯，坐低就問你飲唔飲湯？每日派晒就無。「青紅蘿蔔瘦肉煲霸王花湯」
我覺得幾好飲，沒有味精感，味道也足，料甚多，是我少數會成碗飲晒的小店例湯。晚上的「燒味套餐」$62：
揀了豉油雞，湯瀨粉，包飲品 (通常我習慣不喝餐飲)
堂食外貌算幾靚仔，豉油雞仍是如外賣般油潤，皮爽肉不靭：
雞也不會太肥：
作為街坊顧客，感覺是唔使又食西餐，可以有碗熱中湯落吓肚，這就是不能解釋的魅力。另一次幫襯點了白切雞：
估唔到無加錢佢都俾雞髀位我：
一樣皮爽，髀肉就更滑，肉是剛剛熟，點蔥油吃很愜意：
瀨粉就正常，是不想吃白飯的選擇：
當然不得不提送的老火湯，阿姐又係話派晒就無，唔會加水扮有。「粟米煲豬踭南北杏」
試過星期六中午和家人來吃飯，「燒味套餐」才 $48
分量少啲，味道一樣，不錯：
中午同樣都有送的老火湯呢：
重點想講它晚上的小炒和餸菜，算多花款，都係嗰句，唔想成日食西餐又唔想行就嚟呢度。老火湯「冬瓜南北杏煲豬踭」
餸菜叫了「小炒王」$82
估唔到出品有驚喜，有啲料到：
韭菜花、蝦乾、魷魚、蝦仁、銀魚仔、菜脯、腰果等共冶一爐，鑊氣夠且乾身惹味，不會油淋淋：
乾海味經炒後華麗轉身，成為下飯的主角 ：
新鮮魷魚及蝦仁，爽彈，韭菜花吸晒調味料及海味的味道，也相當對胃口：
第二晚 encore 再來，出街食飯會叫一些在屋企少做的，試了「菠蘿咕嚕肉」$82
新鮮出爐熱辣辣，很有鑊氣感及大排檔 feel。它做法刻意減少了醋的份量，主要用菠蘿汁及茄汁去帶動酸味，吃得出腩肉上粉即叫即炸，做到表層微微掛汁：
用的是新鮮菠蘿，甚有誠意：
料頭洋蔥及青、紅燈籠椒都很下飯，可說是「高手在民間」，比起外面中菜廳做出來的都沒差，價錢也對得起：
當然還有送的老火湯：
(以上價錢都是包飲品)兩味餸均是鑊氣及好吃兼備，大碟頭，食完是飽到捧住個肚走。順帶一提，每次吃完都不會覺得口渴，是屬少落味精的店。
张贴
