十里洋場

营业中

休息中

好耐之前食過依間上海野, 完全比師傅驚艷到～前排再去番水準大不如前 🥲 係利園坐得好舒服, 但係退步左既質素加進取既價錢真係cp值唔高… 短期內唔會再試✅ 仍keep到水準既菜式-茶燻蛋茶燻味好重, 用既蛋高質 蛋味香濃！-水晶餚肉豬皮同蹄肉比例岩岩好～晶瑩剔透食唔停口！➡️ CP值低菜式小籠包湯唔夠熱唔夠鮮味, 皮唔夠薄. 獅子頭好普通, 鱔糊唔夠香唔夠肥美個荷葉飯味道算唔錯, 不過實物同menu相都差幾遠🦁️ 十里洋場 地址｜銅鑼灣恩平道28號利園二期1樓101號舖人均消費｜lunch都食左近$400/head -.-

呢間餐廳寫名是少鹽少糖，感覺上比較健康所以就黎試一試😋我就一早book定位，當日餐廳都唔full嘅，門口十分古色古香一開始見到呢個set好抵食咁，但我地無匯豐信用卡，所以最後我地單點坐低左就有前菜比我地，但前菜呢3款食物都麻麻地蟹肉冬茸羹 $88-味道淡淡地，食落少少蟹肉味海參酸辣湯 $72-呢一隻酸味唔會酸到喉嚨唔舒服，都好好食雞絲粉皮 $98-雞肉食落好‘林’身，粉皮爽口加埋麻醬一齊食正回鍋肉 $138- 呢個就麻麻地，菜唔夠香辣，肉炸到似豬油渣，可能係少鹽嘅關係我就唔建議大家叫呢個蘆筍海參炒帶子 $278-呢個極力推介比大家，淡味得黎好好食，帶子炸完再炆食落更加好食，海參爽口彈牙少鹽少糖黎講呢間都算好出色，會再黎食😋另外一提餐廳服務超級好

.🦞淮揚美點龍蝦手工麵下午茶🌟買一送一優惠 兩位連茶芥加一$411🐦燒乳鴿乳鴿要食先，熱辣辣而且皮好脆👍🏻餐廳仲好貼心提供手套🥢四喜烤麩味道太淡☹️如果可以甜翻D會更好🍶女兒紅醉雞用既係雞胸部位，但肉質都唔會柴，有酒味😋🥚黑松露燻蛋食到煙燻味，面頭既黑松露令味道唔會寡淡，好食🧡🦞龍蝦手工麵龍蝦好新鮮，蝦頭仲有膏🤤入面既薺菜雲吞餡料好足🥟麵質彈牙，唔會浸耐左就變腍，如果大食既仲可以免費加麵！全部食物既味道都唔錯，但整體調味偏淡。餐廳既環境好有格調，座位寬敞，坐得好舒服😊播既音樂係懷舊老上海歌🎵職員態度友善，會主動問你有咩需要或者對食物有咩意見🙋🏻‍♀️總括而言係一次幾好既用餐體驗

今次係第二次嚟十里洋場，上次晚飯時間嚟，覺得食物同服務質素都幾好，所以琴日約朋友出銅鑼灣食lunch，便打算再嚟，果然有啲嘢真係「可一不可再！」唔知係唔係午市同晚市嘅staff不同，今次lunch嚟，我只能夠講，服務同收費不成正比，但始終這純屬個人感覺，所以我也不多作評論，你有興趣嘅話，便自己去試吓吧。琴日我哋三個人，分別叫咗….香蔥雞半隻 : 雞肉好滑，味道不錯蜜汁脆黃鱔：汁有點過甜酥炸鳯尾魚：原來係將炸過嘅鳯尾魚，再加上糖醋汁，但味道同”蜜汁脆黃鱔”個味超似，而且都係過甜。如果想食類似嘅小食，個人建議「鳯尾魚」同「脆黃鱔」二選一就得了，因為真係差唔多味。金牌小籠包：小籠包算係今餐最好的，皮也算簿，肉汁也不算肥膩。但畢竟主打淮揚菜，小籠包做得好是基本的。脆煎灌湯小籠包：應該是因為煎的原故，皮做得比蒸的厚，油腻感一定比蒸的多了點，但個人覺得也不錯，而且上枱時跟鐵板一齊上，食時要小心肉湯燙咀。黑金流沙包：好明顯係”來貨”, 唔係師傅自製。而且包蒸得唔夠熱香芒金豬 Mango Pudding Piggy 2件/ $48 ：呢個真係 ”伏” 到不能再”伏”，佢個味根本就係羅X臣芒果啫喱粉味，

佢有好多套餐都買一送一，之前食過晚市都啱心水，今次專登嚟食晏，叫咗個商務午市套餐，又係匯豐卡或者會員都係買一送一，點心就一般般啦，我哋揀咗一個蟹肉羹，一個酸辣湯，兩者比較蟹肉羹優勝，酸辣湯味道平庸，唔酸又唔辣，主菜就叫咗紅燒獅子頭同炒鱔糊，紅燒獅子頭我嫌佢啲肉唔夠鬆化，有啲乾，無咩肉汁，炒鱔糊正喎，肥大肉厚好紮實，炒得又夠味，另外一人一碗炒飯，可能啲鹽最後加，唔炒均，一碗正常，另一碗就好鹹，最敗筆就係個甜品數量，湯圓唔應該比一粒，唔好意頭，大方啲，一人兩粒，湯圓遇意好意頭，點可以比單數，我哋張兩碗每人一粒湯圓放埋一齊，但個芝麻湯圓好出色，皮薄餡靚，一咬開啲芝麻湧出來真係不得了。仲有好多嘢食未試，下次再試埋個煙燻雞蛋。

試過1957集團「權八」及「安南」出色嘅下午茶後，今日繼續試佢名下另一間「十里洋場」嘅淮揚美點龍蝦手工麵下午茶，$288一位買一送一，單睇價錢已經好吸引，加上之前唔錯嘅體驗，今次同樣充滿期待😚同樣位於利園商場，裝修仍然雅致，用餐環境非常舒適👍今日我哋專程過嚟試其下午茶，菜單非常豐富，每人包括有淮揚小品點心、半隻乳鴿、一碗半邊龍蝦手工麵及一杯飲品，以$288買一送一計，已經冇得輸😱落完單後，八卦望下其他餐牌，竟然發現有幾款酒仲做緊promotion ，一支VCP香檳只係$398，如果大家有飲開香檳，都知道超市價都差唔多要$350，而家餐廳堂食賣$398，真係超抵，所以即刻開一枝開心吓🤣下午茶未正式開始前，餐廳有提供小吃，分别有豆腐粒云耳、豬耳菜青粒及茄子，三款味道正正常常👍🔻淮揚小品➕脆皮煙燻bb乳鴿擺盤幾得意，每兩人一籠，裡面有七個淮揚小吃包括女兒紅醉雞、水晶肴肉、麻辣順風、三色醃蘿蔔、四喜烤麩、黑松露珍珠燻糖心蛋及一隻乳鴿，每款小吃味道都幾好，其中幾款個人特別喜歡，如用女兒紅浸嘅醉雞，酒味好香濃；糖心蛋上面嘅黑松露味好香；而烤麩嘅醬汁味道亦好厚；最後個bb 乳鴿當然亦唔錯😋🔻龍蝦上海

位於銅鑼灣利園既餐廳，環境很好，係一個打卡既好地方📸見到有個下午茶茶，價錢$338，茶錢每人$20，前菜$20💰前菜3要前菜都好好食，酸酸地好開胃兩個大籠裝住好吸睛👀同朋友仔影咗唔少相📸醉雞個雞好淋，入味水晶肴肉有冇人同我一樣都係好鐘意食水晶肴肉？呢間就不過不失😀黑松露溏心蛋真心好重煙燻味，溏心蛋流心，凍食好正👍🏻脆皮煙燻乳鴿忍唔住要用手撕出黎，香脆可口！酸辣湯不過不失，食完就夠飽😆

今日來到銅鑼灣利園二期一嚐呢間以上海菜聞名嘅十里洋場！見佢宜家做緊下午茶優惠，當然要試吓啦！😋🔸淮揚小品：👉🏻醉雞-呢個醉雞係成個小品最出色嘅，非常入味，醉得恰到好處！👉🏻水晶肴肉-普普通通👉🏻烤麩-實不相瞞，我覺得我屋企整嘅好味啲😅👉🏻麻辣豬耳-不過不失👉🏻醃蘿蔔-前菜嗰款醃菜好味啲👉🏻黑松露溏心蛋-好重煙燻味，溏心蛋都好滑好香評分：6/10🔸脆皮煙燻乳鴿好好味呀！熱辣辣，脆卜卜，仲有肉汁！👍🏻評分：8/10👍🏻🔸龍蝦雲吞手工麵個湯底勁重龍蝦味😋麵底彈性剛好！龍蝦🦞肉新鮮有鮮味！雲吞菜肉比例好，有上湯肉汁，不過略嫌肥肉多左少少。成個麵有齒頰留香嘅味道！評分：8/10👍🏻每人仲有一杯飲品，我地叫左紅棗桂圓杞子茶，不過太甜了，我沖左三次熱水，先覺得甜度剛好。總括嚟講，成個下午茶都好高質素，招呼亦非常好。不過，茶就不夠好，唔夠香濃。下次可以再黎試下佢嘅點心同其他小菜！評分：7.5/10👍🏻價錢：💰$288/2位，加每位茶芥$20及餐前小菜$20

一聲令下，六點後大家唯有乖乖地一係外賣，一係返屋企開餐，主攻晚市的食肆真係喊得一句句。退一步，6點前的下午茶或early dinner又再度成了主戰場。早近一年前，十里洋場已經多次出招攻佔下午茶時段，不單有新意，仲似乎越來越抵食。最新的「淮揚美點龍蝦手工麵下午茶套餐」，供應時間每日下午3時至6時，雖說$288/位，但有一送一優惠，連埋正價加一茶芥，人均都係$210有找，性價比相當高，又係時候同大家解構下。小食基本上沿用之前的下午茶概念，但主食部分作出了調整，例如碗麵就由雪菜肉絲麵幾何級躍升至龍蝦手工麵。淮揚小品凍凍地既女兒紅醉雞，皮爽肉嫩，酒香輕盈。水晶肴肉邊位晶瑩剔透，肉味鮮香。麻辣順風滷水豬耳切得極薄，咬落脆口，有少許麻辣，好惹味。三色醃蘿蔔口感酸爽，正好用來清清味蕾。四喜烤麩烤麩軟綿入味，四喜的花生、木耳、金菇及筍片份量啱啱好。黑松露珍珠燻溏心蛋溏心處理得相當好，煙燻味亦輕柔，加入黑松露珍珠令色彩不會單調，不錯。脆皮煙燻BB鴿（每位半隻）又係一定要保留既菜色，鴿皮燻得好香脆，肉質保持幼嫩食完就連手指都有陣煙燻味。龍蝦上海手工麵（龍蝦半隻、薺菜鮮肉雲吞兩粒）原隻新鮮龍蝦開邊，所以要

【#肥波hightea系列】🎈Boxing day陪下屋企人，去左銅鑼灣high tea。相對西式high tea，屋企人更prefer中式。十里洋場呢個tea set其實出左好耐，終於同到媽咪黎試下，很不錯呢😆🎈Tea Set 包左每人十款點心，半隻乳鴿同自選一款熱食🍲點心方面我覺得上海烤麩幾好食，個汁甜甜地，好入味；乳鴿熱辣辣，雖然食到有啲倫盡，不過都好食嘅😋另外就係有件鮑魚火腿酥都做得幾好，好酥脆👍🏻🎈熱食我同媽咪揀左酸辣雲吞，一碗兩隻，皮有少少厚不過都ok，酸辣湯就比較辣，胡椒粉落得比較重手左啲🍲湯包我見到大大隻都幾吸引架，而且都真係充滿湯汁，因為我見家姐姐夫飲左啲湯好耐先飲完，哈哈😆🎈餐飲我揀桂圓紅棗茶，好濃好好飲🫖屋企人就揀左楊枝甘露，佢地話好足料，杰撻撻好rich嘅texture，但味道唔算好甜，都幾好🍹🎈整體用餐感覺都幾好，職員服務態度亦都不錯，幾有禮貌🎄💵 $338/2位，前菜小食$20，茶錢$20/位，另收加一📍 十里洋場 @10shanghai 📍 銅鑼灣恩平道28號利園二期1樓101號舖#十里洋場 #十里洋場淮揚下午茶 #下午茶 #中式下午茶 #hightea

聽聞有大閘蟹宴食，呢間餐廳仲要環境裝修靚，舒適坐得舒服，服務員態度10分可親。所以一家大細就去咗呢度食飯。果然冇令我失望大閘蟹宴果然份量足夠而且飽肚，食到最尾大家都想打包。最欣賞就係服務員嘅態度，執枱迅速，全部職員講嘢都係十分之恭敬。好欣賞呢一種餐飲業嘅團隊。食物質素亦都高質，食得出佢啲食材比較新鮮。雖然成個晚市都好full好多人但係廚房出菜，同服務員態度，一啲都沒有怠慢。最欣賞係佢啲裝修同嗰啲燈飾

本身麻麻哋中國菜，不過見到呢間好似幾吸引就去咗食而且佢早退出咗個冬季套餐，有兩人陪同一人免費優惠個套餐都有幾多嘢食有蝦、花膠翅、蟹、乳鴿、鮑魚、淮山麵同埋雪梨燉雪耳啲蝦都算新鮮，花膠翅都幾滋補，味道唔錯個乳鴿超好食，調味適中隻蟹上面有啲鹽，都算多膏，幾鮮加埋啲鹽同埋醋好好食，唔會好乾淮山麵份量適中，不過啲配料太多同埋炸醬有少少鹹鮑魚有埋海參同花菇，鮑魚有咬口加埋鮑汁幾入味甜品係雪梨燉雪耳，飲完好潤，呢個冬日養生一流另外再嗌左幾樣嘢食，小籠包皮薄，都算多汁雞絲粉皮幾好食，有啲花生醬同埋青瓜絲爆汁牛肉餅味道幾好，真係有爆汁不過個皮有少少厚整體唔錯，雖然價錢偏貴不過有呢個優惠都算抵食

早排上網見到十里洋場大閘蟹套餐用指定信用卡有買一送一優惠。見好朋友就嚟生日，係咪要訂位試吓佢個大閘蟹套餐我們兩個都減肥中所以選擇下午食完有多啲時間消化午餐都有供應非常彈性 首先嚟到係前菜三併還可以加錢叫花雕酒這個花雕酒杯件擺設打卡👍冷盤分別有醉蝦，話梅苦瓜，熏蛋，紅燒墨魚大閘蟹分別有每人二隻兩隻上枱質素都不差有漏油蟹糕肉質鮮甜結實蟹膏炒蛋白略嫌偏鹹其他細節不錯紅燒鮑魚扣鵝掌調味質感都很好 ，都是略嫌獻汁比較夾打得不均勻食到半路有啫喱狀出現反而個炒飯有驚喜粒粒乾身亦沒有太多油分滲出最尾結尾薑汁麻用湯圓不太甜薑味勁重驅寒一流如果是有信用卡買一送一我覺得非常抵食

睇個名都知呢間嘢會好有中國上海氣息一入到去裝潢華麗,普遍嘅食客都打扮得雍容華貴,好切合主題睇menu嘅時候都會發現到一啲平時食嘅中菜都專登upgrade咗某啲材料例如酸辣湯裏面加咗海參,炒牛柳用咗安格斯牛etc.點心三拼樣子精緻,個餃做得幾好,皮薄餡多,又唔會爆炸主食係十里洋場炒飯 (重申: 我係一個好唔鍾意食米飯嘅人,但係呢個飯做得真係好好。粒粒分明有咬口, 而且用蛋泥炒飯,好易會破壞咗個飯。因為會炒到啲蛋老曬。但係呢碗炒飯裏面嘅每一束蛋,都係軟滑㗎! 好癲啊!湯圓唔係我偷食咗,而係真係得一粒😂So far 只係得個炒飯最驚艷,其他 dish 冇乜特別的但係又唔好睇佢的的骰骰咁,都幾滿足㗎 味道：6.5/10 十里洋場 商務午市套餐 每位 $348 (兩位起) 點心三拼, 海參酸辣湯, 杭椒安格斯牛柳,韭菜鱔糊,十里洋場炒飯,夠薑芝麻湯圓 📍銅鑼灣

位於銅鑼灣的•十里洋場𝟙𝟘 𝕊𝕙𝕒𝕟𝕘𝕙𝕒𝕚🔸•，是一間超高質的中國菜餐廳。店家以中國四大菜系之一的淮揚菜做主打，並用三十年代的大上海做裝潢靈感，精緻的中菜配上充滿東方韻味的環境氣氛，用餐氣氛與眾不同~我特別喜歡入口處的古典月門，好適合打卡呢~餐廳最近推出 冬日精緻加強版「海鮮珍饈百味宴🌟 $980/位」❣️1957&co.的會員，更享二人同行一人免費優惠😍，超級抵食呀!套餐包括: 堂灼花雕天麻醉翁蝦、濃湯花膠翅、煙燻脆皮BB鴿、鹽焗奄仔蟹、原隻鮑魚海參拼花菇、揚州炸醬河蝦仁拌淮山麵和冰花雪梨燉雪耳。扎扎跳的蝦子放在花雕酒內，讓蝦喝醉酒後，就可以蒸來吃啦🤣。非常足料的濃湯花膠翅，味道鮮香，配上金華火腿後，鮮味提升不少。是晚我們最愛吃餐廳的煙燻脆皮BB鴿🥰，乳鴿皮烤至完美的啡紅色，撕開乳鵨，流出大量肉汁和香油，肉質超級嫩滑，好吃得不得了～鹽焗奄仔蟹🦀同樣鮮美不已，肉白結實，蟹膏甚多。大大隻原隻鮑魚海參拼花菇，熬煮入味。鹹香惹味的揚州炸醬河蝦仁拌淮山麵🍜，同樣深得我心，淮山麵彈牙，感覺好健康呀。而且更可以加$288/位暢飲香檳、白酒和紅酒🍷，太太太滿足了～▫▫▫▫▫📍#銅鑼灣 利園二期101