千両 (國際金融中心商場)

营业中

休息中

越高期望，越會失望，感覺一般迴轉壽司店。無優惠唔會嚟，去番一平民迴轉已足夠。服務態度：正常。環境方面：有點嘈，迴轉會好點，因為有板隔住。食物質素：刺身新鮮無雪味，施羅肥美。軟殼蟹就一般太凍。鰻魚就麻麻地，無咩味，唔似係炭燒。最好味係厚玉子燒夠熱。性價比：中等。總結：作為較高級別日本料理店，客人都比較高期望，一分錢一分貨，但食物賣相比較差。感覺同我平時食元氣無咩分別。但價錢就x2。有點失望。好味指數

都巳經嚟過好多年，每一次都想投訴，但唔知去邊度投訴啫！今日嚟到睇到有新menu，試得幾多就幾多啦。馬糞海膽好甜，加埋甲墨魚一齊食又唔同晒。拖羅嘅層次多咗，而且賣相好過之前啲。北寄貝夠爽甜，仲有兩食添。石班魚魚肉彈牙。松葉蟹腳夠香甜。廣島蠔好香濃嘅蠔味同海水味。七款新嘅寿司，有紫菜包住嘅都係唔得，最大原因係紫紫唔脆！其他分店我都有時會去，但都冇遇到咁嘅情況，希望佢哋睇到，可以檢討一下啦，而且呢間冇 set 食，理應更加要檢查得好啲架。

最近會員有七折優惠，好抵呀！午餐時段，看到有很多外賣。我們點了一客Senryo Supreme set. 餐牌説這個是給4-5人吃，但我們三人便可KO這個set，哈哈！壽司好新鮮，最喜歡便是拖羅及牡丹蝦壽司。包裝及賣相都好吸引，值得一贊。我們更點了一客炸生𧐢，十分香脆。七折之後是$519.9，好抵食！

會員生日當月優惠免費，不過要兩個人出席，即係都有全單半價啦！繼續encore生日飯！半價後$180有成20件，對於唔揀飲擇食的我，有多款不同選擇，又有神秘感是非常好👍🏼因為是按正餐餐牌半價折，所以壽司質素絕不馬虎（又拖囉又大帆立貝件件都係堅嘢）追加😋my favorite😍雖然未至於外冷內熱，但係炸蝦夠脆口。抹茶雪糕算最普通🤣🤭 我就揀咗個餐牌推介， 甜品控要試試，不論十勝紅豆、雪米糍都有驚喜，抹茶蛋捲雖不及日本這麼鬆軟但亦不像餅店行貨。😊～～～～～～～～～～～～～～～～～～～～～～～食物賣相＝(滿分20) 16食物味道＝(滿分20) 16服務質素＝(滿分20) 15裝修整潔＝(滿分20) 16性價比率＝(滿分10) 8 （半價來計算）回頭指數＝(滿分10) 6總評分 ＝(滿分100) 77分

好耐無食壽司，係三號風球來臨嘅前夕，同好友一致地好想食壽司，就去咗千両！食壽司，千両算係質素中上但價錢中等的日式餐廳，相信好多人都食過，所以不用我多介紹。千両海鮮燉蛋，海鮮係邊？係燉蛋𥚃面，有一隻蝦，幾粒細細粒嘅元貝同小小蟹肉，味道偏咸。牛油果軟殼蟹卷，一般！炙燒左口魚裙邊壽司，左口魚裙邊入口即溶，不錯！日本松葉蟹迷你壽司飯，好好好好味👍🏼👍🏼👍🏼，但太細碗！唔夠喉！總的來說，係好食嘅！👍🏼

最近經過千両見佢哋而家有優惠做緊，特選刺身拼盤做梗半價 😱 真唔真架咁著數，於是走去問吓侍應，確實咗條款及細則之後就入咗去開餐喇 😋 原來千両都有迴旋壽司真係依家先知，不過可能其他分店都有但我無去過所以唔知。😅 特選刺身拼盤 ($590) : 全部刺身都超新鮮勁肥美，食完真係返唔到轉頭 🤭 加上半價只係 $295 價錢超吸引，唔食真係對唔住自己，實在太邪惡了，不過如果無半價既話一定唔會叫，因為真係有點貴。😂日本直送海膽刺身 ($230) : 實物比我預期中細板，不過海膽色澤鮮艷，而且重超鮮甜呀 🤤 可以包住紫菜或者配埋青瓜片食。春-唐揚螢光魷魚 ($48) : 以為係螢光魷魚，點知睇漏眼嚟到先知係炸既 😝 不過味道都唔錯，如果係生食應該重正。特製厚燒甜蛋 (明太子) ($22)天婦羅蝦生春卷伴芒果 ($58) : 健康得嚟又帶點熱氣。😝牛油果軟殼蟹卷 ($46)千両特盛壽司拼盤 ($360) : 每次嚟都會叫既壽司拼盤，因為款式唔錯而且又幾抵食。😝 鵝肝壽司 ($38/件) : 以千両既收費嚟講，鵝肝壽司定價都算平，雖然鵝肝都幾大件，不過就少咗軟嫩多汁油香滿溢既味道。大吞拿魚腩壽司 (

星期日去IFC 行街見好耐無食日本嘢，就去咗千両等位，我去到千両都差唔多兩點，都要排大約30分鐘（比以前已經算好快啦🤣)🔸油甘魚&北海道八爪魚刺身好新鮮好好食呀🔸麥粒青瓜，凍豆腐好新鮮🔸三文魚籽壽司好甜，一啲都唔腥🔸炙燒魚背壽司每次必食，燒一燒魚面一啲都唔油仲好香🔸芥末三文魚手卷一般啦🔸牛油果軟殼蟹卷嚟個都係我必點，個軟殼蟹仲係卜卜脆嫁🔸玉子燒Ok la 🔸加州卷唔好食，仲要太大件放唔到落口🙅🏻‍♀️會唔會再幫襯？如果唔太多人係會嘅

去完離島游，近近地約朋友在國金商場千兩吃日本菜。地點在商場四樓，地方不算大，不過這段時間人流比較少。食店內中央是一條旋轉壽司吧。兩旁是卡位。打開餐牌.剛好有半價一盤魚生推介，決定點它。特選魚生拼盤有大蝦，油甘魚，吞拿魚腩，青魚，螺肉，三文魚，帶子。除了有粒帶子一般，所有魚生非常新鮮，鮮甜，而且厚切，滿足了我這个魚生控。海膽夀司是看點評才點的，用的是北海道馬糞海膽，名副其實，每啖都甘香鮮美，流連在口中久久不散，雖然價錢比較貴，但物有所值。味醂魚乾送酒一流，甘香。焗柚子味噌日本蠔外香內鮮甜，咬落裏面是新鮮生蠔，非常美味總括來說這間行中檔路線，加上有半價魚生盤，物有所值，埋單是在店的外面，比較奇怪的是半價不打在單裏面。

話說小妹對千兩情有獨鍾，覺得佢連鎖店來說係好抵食。Jumbo 帶子係必食，一如既往嘅咁大粒！今次想推薦嘅係呢個西京燒，$68 （好似）呢個價錢呢個質素係好抵！好滑，面頭甜甜地！呢個牡丹蝦好outstanding , fresh 到一個點！和牛 x 櫻花蝦 嘅roll - 好特別，值得一試！總結，人均$200，好飽，cp 值好高, 會繼續食！

朋友為左做會員，Lunch time叫左我去ifc千両食午餐。由於ifc分店lunch time會有好多人，而店舖面積又唔大，朋友一早係12點已經入左舖頭坐低先，避免等我放lunch先到而要排隊。千両係冇任何lunch set嘅，所以我地2個人就散叫食物share。壽司同刺身方面，我地叫左三文魚同帆立貝刺身同兩個手卷。全部手卷同刺身都幾好味，夠新鮮，值得一試。熟食方面，我地叫左牛肉豆腐鍋，三文魚腩鰭，同牛舌。相反，熟食全部味道都麻麻地。正常牛肉鍋湯底係甜甜地，但佢個牛肉鍋湯底完全冇味，牛肉又un。牛舌同三文魚腩鰭味道都一般。千両嘅熟食完全唔值呢個價錢。Lunch time咁嘅價錢都算貴，而熟食質素認真一般，所以我應該都唔會再去食千兩，除非淨係去食壽司同刺身啦。

即使係一個人食飯，都要食翻餐好既，係IFC隨便逛揀咗千両，海膽壽司係必點的，食落好鮮甜，三文魚亦都好新鮮，唔會覺得好膩，鰻魚肉質肥美配上個醬汁好食，而且鰻魚本身好大塊，覺得非常抵食了，餐廳環境都唔錯，而且可以揀回轉壽司，下次過來可以試下回轉壽司。

行完個文創展 於是乎係IFC搵嘢食， 個晚星期五都九點幾十點到 但都仲係好多人係度排隊。拎咗飛都等咗二十幾分鐘 真係都幾多人去食。因為之前未食過 仲以為應該幾貴下 但睇咗menu 覺得都唔算太貴。 真係比元氣高質好多 CP值勁高！fd介紹食辣味三文魚 $22 兩件。佢話佢可以一次過食六件 初聞都覺得誇張 但試完之後覺得 嗯 確實好味。安康魚肝軍艦就真係一般般啦 唔算好食。軟殼蟹手卷亦唔錯 來到要lala聲食 等紫菜淋咗就唔好味啦～🤣下次一定仲會再去食！

係中環去完文創展 就過左黎ifc搵地方食野！其實我都係第一次食千兩 朋友話佢係高級元氣 有啲質素好啲嘅壽司 但都有平民價 講到咁 就入去食下啦我地坐迴轉位 其實就唔太方便傾計辣三文魚依然係我嘅最愛 真係好好笑 22蚊2舊 抵食啦！ 叫左個芒果米紙卷 中間有炸蝦 做得幾唔錯 炸粉唔厚 而且舊舊切開都好足料 食左和牛系列 質素的確唔錯 海膽新鮮肥美 坐係到望住舊舊經過都好吸引 有好多好少見嘅刺身同壽司 haha 但無奈胃量唔大 後來嗌多個軟殼蟹手卷 呢個不嬲都整得唔差嘅！Overall都幾滿意 下次再黎大快朵頤

Happy Friday想食日本野，晚上6點半開的係門口等，眼見等20張飛，而現場得10個人等，最後等半個鍾內就有位啦。兩個人坐迴轉，似食緊佢個朋友貴價元氣咁。不過千兩食物水準更高，就好似鰻魚就分出高下，千兩比較軟熟嫩滑，仲有獨立醬料！😋其次，千兩的左口魚、帶子都比較似巨大壽司，入口更鮮更甜。值得一讚的，牡丹蝦$92（2件）、大拖羅刺身$150（3塊），極品！極新鮮！蝦身有好粘的口感，非常清甜，連蝦頭都有肉！🤤🤤大拖羅刺身，即魚腩最前位置，佈滿油脂散花紋，入口充滿魚油香！🤤 中規中矩，海膽$68（2件）、鵝肝$76（2件）。食一口，無種「不得了」的高級感覺，唔覺貴d等於好d。🤔肝煎得脆，不過有d似鴨肝。

好少食外賣壽司🍣，因為驚唔新鮮會變壞，但千兩係我公司樓下，咁近，應該會好d。今次叫左個千兩壽司🍣盛 $144。佢既壽司平均質素幾好，尤其想講下佢個拖羅，係幾高質，當然唔會去到入口即溶啦，但食落都覺得新鮮，有鮮甜味既。之後就講下個炸蝦卷，送到果時仲暖暖地，食落有脆脆地口感，外賣黎講都算幾難得，所以比個👍佢。燒左口魚都係我其中一個最鐘意食既。其他壽司🍣都有唔錯既質素，呢個價錢係中環區黎講都可以接受，可以一食。