千代鶴

营业中

休息中

同朋友慶祝食飯，決定要食好野，日本餐一定走唔甩👍🏻呢間千代鶴食過幾次了，食物都保持到水準😳話明豪食，叫返個海膽先, 口感濃郁，creamy 到不得了，完全無腥味, 超甜!!!!正肉串，燒得剛剛好，醬汁甜甜的，簡單又美味❤️牛舌盛，呢個係必點呀!!!好味到震，牛舌彈牙加上D香料提昇成個味道，100分❤️天婦羅，炸衣勁薄脆，一D 多餘油份都冇❤️三陸生蠔，一入口就知鮮!!鮮甜脆嫩，海味濃郁，加上自家製既醬料，YUMMY YUMMY🤤

最近同fd去左千代鶴食晚餐，餐廳主打日式串燒、燒烤等既居酒屋。環境舒適之餘、價錢都算合理。串燒5點：包括鷄脆骨、鷄腿肉、鷄腎、鷄心、鷄肝，呢個係厨師發板串燒set，全部都燒得岩岩好，裏面仲好juicy。外面好香炭火味。個人最推薦鷄脆骨。吉烈拼盤：包括蝦、魷魚、魚肉等海鮮。外面香脆、好乾爽唔會油膩，非常新鮮熱辣。帆立貝脆餅：燒帆立貝上面有魚子醬同三文魚子，下面脆餅類似最中餅。燒帆立貝鮮甜配上鹹香三文魚子、幾特別。汁燒魷魚：甜甜鹹鹹既醬汁同燒得外面香脆既魷魚真係好match，肉質好軟。鹽燒魚鮫：鹽燒可以帶出食材原本既味道，魚肉完全無腥味。

銅鑼灣發掘新餐廳，今次食日式料理加串燒，真係相當唔錯👍🏻地點方便，坐位都寬闊，重點D食物都好味🥰食物款式都幾多，今日食左幾樣都好好味❤️青魚刺身: 爽口鮮味啖啖肉，真係食得出新鮮，搭配WASABI 食得更爽🥰燒白鱔: 香噴噴令人食慾大增，鱔肉鮮嫩多汁，外皮烤得香脆，正👍🏻醬煮魚鮫：口感軟嫩，醬汁入味，鍾意”妹”骨既朋友不能錯過呀😝醬燒牛油果：真係第一次食呢個組合，口感奇妙，牛油果既滑順加埋醬汁既香甜，又估唔到咁夾☺️吉烈蠔烏冬: 炸蠔相當出色，金黃酥脆既外皮包著鮮美既蠔肉，而湯烏冬調味好清新，好味😍

話說見到OpenRice好似都幾多好評，咁諗住試吓。點知嗌咗啲壽司完全係用豉油蓋過食仲食得出聲味。串燒諗住會好啲，點知原來就咁燒都食得出啲食材係雪藏加冇味個$68set更加唔好再講話廚師發辦得蘑菇雞皮雞軟骨雞肉串，仲要勁多醬嗰隻甜度完全整唔到。個雞皮餃子焗雞皮厚到一個點好似食緊肥膏咁。奉勸其他人嘗試都唔好抱咁大期望，魚生好彩淨係叫咗兩碟一個油甘魚腩，一個火炙拖落兩個都係腥㗎。唔信嘅話，你哋自己去試吓啦。

今次到了銅鑼灣吃串燒，吃得開懷😎鹽燒開邊喜之喜次次高級食材，肉質甘香，鹽燒後帶出魚的鮮味，燒得好香，好大條啖啖肉👍🏻🤭本身條魚開左邊，很貼心🥰方便吃五花腩荔枝🐽好好味，豬肉及荔枝好夾荔枝可解油膩感👏🏻👏🏻天婦羅蝦🍤炸醬好酥脆，脆薄炸醬一咬落去超正，好鬆脆，蝦肉好彈牙又好大隻😍😆燒芝士年糕😍😉裡面的芝士味好好味😋外皮燒得好香裡面軟軟的口感，芝士味爆發出來非常之好味🤤

前排去咗銅鑼灣搵食，咁見SOGO隔離有間叫做澳門逸園中心，個名好搞笑，因為見做緊八折，以及串燒買一送一關係，就入咗去試喺11樓係居酒屋咁點咗一樣比較特別嘅係雞肉串，聽佢哋講雞肉係自家製自己串，所以食上去感覺會新鮮好多然後嗌咗餐廳推介隻燒雞皮，雞皮都算脆口彈性，油脂多，正。唔知大家食刺身鍾唔鍾意食赤貝，見到隔籬枱嘅赤貝勁大件就嗌咗，食上去感覺都好新鮮，肉質好脆爽最後嗌咗個燒粟米，粟米燒得個火候啱啱好試就會係非常之正，記保持早粟米嘅鮮味，亦都有脆口感覺。

環境好靚，餐廳開到好夜，收左工去都可以慢慢食。位置好方便，係地鐵站隔離。食物種類好多，有魚生、串燒、定食等，價錢亦都合理，最近有優惠，埋單有8折，walkin嘅話串燒買一送一，所以我嗰晚就散叫左唔少串燒同其他嘢食。仲有其他優惠，唔洗300蚊就食到12道廚師法辦，尼個可能下次去試下。食左唔少嘢，主要點串燒食，其中幾樣比較深刻。串燒好夠火候，有灸燒味。八爪魚口感彈牙唔會好難咬開。左口魚肉質嫩滑，入口即溶金菇肥牛就食得多，五花腩配本菇就比較少食，五花腩唔會好油膩。

港島血拼日行街行到攰當然醫飽個肚先今曰揀咗千代鶴因為個推廣太吸引了Walk in 串燒買一送一仲有全單八折優惠燒五花腩芫茜無得解釋因為芫茜愛好者皮脆肉香油脂夾住芫茜味滋味無窮油甘魚新鮮肥美油甘魚香無比海膽飯糰湯漬飯糰黏黏實實海膽甘鮮配搭好新鮮煙肉蠔卷層次感分明有鹹香又有蠔鮮值得encore人均消費💰 ： ＄ 200總結✍ ： 款式新穎,美味無窮.NatNat評分💎💎💎💎(5💎為最高)🏠 千代鶴🌐 銅鑼灣軒尼詩道525號澳門逸園中心11樓

年初一諗住搵間附近餐廳，2口子平平地食餐簡單晚飯算。見 Open Rice 有得訂位，$270 廚師發辦，呢個價錢，唔諗住有太高要求，點知中晒伏. 7:30pm 一入到餐廳，1枱客都無. 廚師叫我地座係門口轉左既一張普通4人枱，成間餐廳都係 up臭味。有位上年紀既姐姐負責招呼我地，我問佢兩次你覺唔覺得有臭味呀又up又壓尿味。佢2次都答我無呀無呀，可能係空氣清新濟味啫... 😵😪 之後轉身走左，回來已經上 ＜是日前菜3品＞ 🙄🙂‍↔️😔 唔打算回應我覺得臭既問題。我心諗唉，咁快快脆脆食完就走啦。姐姐好似知我想快d走，無幾耐就已經上 ＜是日發辦上壽司 首4品＞先講＜前菜3品 +茶碗蒸 ＞: 鯖魚茶碗蒸，薯仔沙律，麵豉湯，醋海澡. 茶碗蒸超腥，我食左一啖無食，以為旦味變壞左，但應該係魚腥味。湯唔夠熱，海澡無咩特別，最好味薯仔沙律食得落肚. 上壽司時又有小插曲，我同姐姐講，唔該幫我換壺熱d既茶呀。姐姐反問我：你覺得d茶唔夠熱？我話係呀，唔該幫我換呀。姐姐二話不說將茶壼同茶柸都攞走左，換左 d 超級熱既茶比我...柸都熱到攞唔到，我無言了!!＜是日發辦上壽司 首4品＞三文魚籽，帆立貝，真鯛，魷魚＜

最近好想食串燒，見呢間餐廳做緊一個幾抵嘅套餐🤩，串燒5本+1支桃味燒酒都promotion$68，就即刻決定試下啦🥳五花腩厚燒首先五花腩真係好厚切，油脂香氣簡直係無敵😛日本生蠔生蠔好大隻，而且口感都係我鍾意比較creamy嘅一種😎雞肉串雞肉調味好惹味，而且肉質鮮嫩😻煙肉車厘茄煙肉車厘茄呢個配搭幾正🤪，車厘茄嘅清新同煙肉好夾😙帆立貝蔥燒吞拿魚首先帆立貝本身都好厚身❤️‍🔥，燒完之後更加香口，加上吞拿魚一齊食真係好正💯

🤓 今日同朋友去咗銅鑼灣食飯，食物嘅質素都唔錯，仲有個串燒滋味套餐，連埋燒酒，都係68蚊ONLY！勁抵👍🏻🩶 有是日發辦串燒5本+1支桃味燒酒🤭🤭✨五花腩荔枝五花腩嘅脂肪帶出嚟嘅香味同荔枝嘅清甜口感真係好配合😎😎✨牛舌串肉質鮮嫩，經過燒烤後更加彈牙。配上適量嘅調味料，味道更加濃郁👍🏻👍🏻😋✨牛油燒番薯表皮酥脆，內裡軟糯🫶🏻加入濃郁嘅牛油，增添迷人嘅香氣同味道😚😚一啖下去，香甜嘅番薯味道一直瀰漫於口中🥹🥹✨油甘魚腩每一口都帶有濃郁嘅魚味同口感。搭配適量嘅調味料，味道更加突出😚👍🏻✨左口群邊火炙壽司新鮮嘅左口群邊搭配著壽司飯，再用火炙一下，令左口群邊帶出更豐富嘅味道同質感🥰✨香箱蟹肉質鮮美，富有濃郁嘅蟹味。蟹殼外脆內嫩，充滿著鮮甜嘅汁液，令人回味無窮👍🏻😎✨雞皮表面金黃酥脆，內部多汁嫩滑，帶有濃郁嘅雞肉香氣同脆🫡🫡⭐️

銅鑼灣澳門逸園中心都雲集左好多高級日本野🤤 今次朋友介紹呢間千代鶴食日式居酒屋再加廚師發辦🏮 ▫️Tsukune 4品呢道日式免治雞肉棒串4品好出色 香味好夠 四種唔同嘅醬汁同香料 沾上蛋黃再食 口感好豐富呀😍▫️日本生蠔一睇張相就知隻生蠔幾大隻！😛生蠔好新鮮 夠哂肥美 上面灑上少少刁草 增加佢個香味▫️油甘魚 & 凡立貝壽司黎得居酒屋緊係試埋佢嘅壽司啦😋油甘魚係我最愛 呢件啱我心水👍最緊要咬落去有油脂感 覺得十分滿足🤤▫️燒物拼盤燒物拼盤有牛舌、雞翼 簡單用上黑椒同埋鹽調味 牛舌口感爽口彈牙 雞翼燒至微焦味道都唔錯▫️雞皮雞膝軟骨雞皮雞軟骨呢個組合都係我最愛😍雞軟骨爽口 燒嘅程度剛好 加上七味粉 好夾😍店內仲有最新串燒滋味套餐+燒酒優惠價$68* (原價$138) 😳😳包左是日發辦串燒5本+1支桃味燒酒🤤下次可以再約埋酒腳試下😛

約了朋友在銅鑼灣的千代居酒居小聚，居酒居格局為和式淺木調裝潢，以吧枱為主 餐廳現在有套餐，優惠串燒滋味套餐原價$138，現只是$68！包了是日發辦串燒5本🍢及燒酒🍶價格相宜，適合不太餓又想找個地方小聚的人😀但我與朋友都有單點的食物想試，所以就沒點套餐 🥢五花腩茘枝卷 - 香口又有肉汁，適合配酒 🥢香箱蟹 - 師傅已折好肉，且蟹本身肥美多膏👍🏻 🥢煙肉露筍卷 - 咸香的煙肉與爽脆的露筍包在一起，也是一道正好配酒的小食 🥢雜菌響螺 - 以菇菌炒爽脆的響螺肉，整道菜更加鮮甜 🥢雞肉棒4品 - 香脆的表面，與添合了雞軟骨的雞肉棒，保留雞肉本身的鮮嫩同時又有脆脆的口感 🥢雞腿大蔥 - 嫩滑的雞腿肉與大蔥，加了紫菜令整體味道提升

是日廚師發辦串燒五本配桃味燒酌🍢 $138+10%-$69呢個有燒雞皮，雞軟骨，冬菇，燒雞髀肉，京蔥雞皮，雞軟骨好正常，無特別冬菇唔新鮮，好乾，好細粒，我估佢係買返嚟放咗幾日雪櫃，冬菇已經變細粒咗同乾咗，再攞去燒就更細更乾，之後佢哋用木魚花做裝飾，遮住佢，以免影響賣相燒雞髀肉有雪味，估佢食材解凍後辟除雪味嘅過程唔夠好，同埋好簡單只有七味粉做調味，所以雪味會更加明顯廚師發辦壽司八貫定食🍣 $288+10%平均$40一件，唔抵食，舊飯偏酸，好睇個人口味三文魚有筋，其他都係正常水平日本生蠔6隻🦪 $190+10%🦪日本生蠔佢哋應該入貨係入隻比較平，而睇落肥美嘅生蠔，食落去真係好腥，較少海水嘅鹹味，呢隻生蠔影相就好睇，但唔抵同唔好食最後佢話有個是日甜品係送嘅 $56+10%雖然佢張單係有減$56，但係都照有收+10%嗰日我哋訂咗個標題係 主菜餐牌 半價 是日廚師發辦串燒五本配桃味燒酌 ，但係主菜餐牌並非半價，感覺有啲標題黨，佢只係發辦串燒五本 半價 嗰日1800去到，1900走，一個客都冇

番工番到膊頭痛，真係要食餐好，搵個地方chill下先得。咁啱約到朋友，搵左呢間千代鶴，餐廳係壽司居酒屋，啱晒！原來11月份。午市每兩位即享減$100優惠，下次可以試個午餐喎！雞翼串、牛肋條，雞翼燒到金黃色又肥美，食落雞皮脆，裡面雞肉嫩。牛肋條就有牛味，肉質有咬口。雞皮串，每片雞皮都分開，而且脆卜卜，好易食。燒鯖魚、芝士蝦球，鯖魚好厚肉又冇乜魚骨，啖啖肉。芝士蝦球好香芝士味，蝦膠又彈牙。芝麻雞翼、南瓜天婦羅，我喜歡食芝麻雞翼，因為芝麻令到雞翼更香口，一整隻雞翼好滿足。南瓜天婦羅炸得脆脆，裡面甜甜既南瓜食落唔油膩。