千賀水產の鮮鍋道場 (已結業)

之前呢間餐廳太貴想食都唔敢試，宜家有優惠即刻去，佢有兩個優惠1.食6個鐘，有刺身盤同有海鮮盤，第二個人半價2.食2個鐘，無刺身盤同無海鮮盤，買一送一我地食option 1，大盤到呢，6-8隻蠔，新鮮又無腥味，又無沙，刺身都新鮮，野食未到前出前枱攞熟食，全部都好吸引，下次可以再嚟，不過唔使刺身同海鮮了，食平啲啲🤣🤣

因為疫情關係，都少左出去食飯。而家要食一定要揀過度過，揀一間性價比高，又要衛生既餐廳。今日就揀左呢間係觀塘地鐵站隔離既自助餐 - 千賀水產の鮮鍋道場。星期六的午市揀最premium 既set 都只係$218，可以食足4小時，真係值回票價。店員係呢個時間非常注重個人衛生，每位食客入店前一定要先探熱，之後用消毒酒精洗手先比入去，令大家食得非常放心。而且餐廳好守規矩，枱與枱之間有足夠既距離。$218既set 包左 日式打邊爐餐廳+放題。因為第一次來，店員非常有耐心解釋流程，首先揀打邊爐既湯底，我就揀左日本壽喜燒，之後餐廳會送上海鮮拼盤及刺身（按人頭），之後就可以出去揀打邊爐配料和飲品。同時出面有壽司、剌身同熟食，可以係等候時先醫肚。刺身勁新鮮，又鮮甜，而且有高級三文魚，甜蝦等。加少少錢upgrade就有呢個享受，非常值得！海鮮拼盤，用料豐富，有鮑魚，帶子，海蝦，蜆等等！日本壽喜燒湯底，清清地又可以帶出牛肉既濃郁，推薦！

見fb 有個二人同行一人免費既優惠，一至四先$208 加一， 我地㨂左星期日就$238, 包埋出邊buffet 區，任食兩個鐘。如果想要埋刺身，牛小排，海鮮拼盤就$298, 我地平平地今晚試個$238 既先😜✨入黎先量體溫同消毒雙手，兩個人坐卡位好闊落，同埋佢圍埋板，出去拎野食規定要帶口罩，感覺都安心d. 我地6:30 入坐，食到中段估唔到都幾多人，成個場都full 咁濟，睇黎個個都係見到呢個優惠黎。✨之前優惠話一人送一杯酒，不過我見佢無主動比，我地又唔諗住飲就友佢。主要想飲somersby蘋果酒，見到起出面水bar 入邊，又唔見有人負責斟ge, 問左出邊職員話可以自己斟xD 但好似無咩人知咁🤷🏼‍♀️ ,剩係飲呢個都抵！✨湯底都幾多選擇，無限追加款唔算多，不過肉類都ok. D 牛雖然偏瘦，但都有牛味， 豚肉片唔錯，雞件都好滑。送餐速度係勁快，係一開始漏左我個湯底，加埋煲滾佢無左廿分鐘，同埋order 野食要搵店員落單。✨最好食係蝦，好嫩同好鮮甜，encore 左好多round👍蜆都唔錯有甜味無沙，脆肉鯇魚腩啖啖肉同超爽口。薑汁貢丸勁爆汁同埋好多薑蓉，呢個我mama 地。✨另外出邊仲有丸

千賀水產食過幾次，觀塘和銅鑼灣都幫襯過，一直都覺得質素OK,但昨晚去食，質素跌晒WAT,近期真係可以唔使去食。一行四人，諗住吹吓水，所以比貴d無限時，7點入場，熟食/點心 款式比以往少，每盆熟食只得很少份量，但加添速度超慢，或無再加添，以往食完一盆會轉款，現在無了，而可order的食物有一半無，當時7點喳，水餃無，脆肉鯇魚腩無，蝦無，墨魚滑又無，好多都無，9點半已開始收冷食和沙律bar枱的食物，當晚的點心，只得幾款，比人拿晒又係等好耐先再加添，我d朋友話一d都唔值，睇嚟未來半年都唔會再去囉。每次要揾職員落單叫食物，但職員太少，想揾佢地落order都好難，唉！現做緊優惠，以下價錢再加一1. $238 一送一 (限時2粒鐘) 2. $298 二人同行一位半價 (全晚)

1.    牛小排2 人份量足2.    海觧 – 蜆 / 花甲 – 有沙, 蠔 – 不太新觧, 蝦 / 鮑魚 / 聖子- 不錯3.    魚生盤 – 還可以, 算新鮮4.   湯底 – 椰香喇沙鍋 – 完全冇椰香味, 更加唔覺食緊喇沙鍋5.    任食安格斯牛扖 / 豬脾 – 5.30去食, 7.45先開始預備出, 我地已經食飽, 一d誠意都冇6.    任飲Somersby 蘋果啤酒唔係樽裝7.   任叫食物選擇少, 有d仲要冇, 脆肉鯇魚片唔脆8.    長腳蟹 – 可能雪得太耐, D肉縮晒, 完全食唔到成條蟹肉 9.    熱食食物反而味道不錯10. 甜品選擇少到不得了, 生果祇有波蘿同埋冇色西瓜11.  雪條得幾條, 拎完就冇總括來講, 整體食物水準完全不值$298一位, 如果呢個價錢有更多更好既選擇, 食物refill 算快, 不過食物counter員工死死吓,  熱食味道不錯, 已blacklisted, 不會再來

好耐無出過街，今日順便係附近做野所以約朋友食飯！朋友介紹呢間就抗疫做緊晚市買一送一！十分底所以就黎試一試！呢到集合打邊爐同自助餐於一身！打邊爐湯底選擇亦十分多，我地揀左胡椒豬肚湯底。除左佢送的環球美食，出面亦有唔同冷熱盤選擇。湯底愈食愈入味，胡椒味濃👍🏻豬肚亦好好食！環球美食送既海鮮十分高質！鮑魚肥味，蜆肉好多汁完全無沙👍🏻👍🏻牛小排半肥瘦好靚，重牛味👍🏻刺身亦算新鮮👍🏻出面仲有部分冷盤任食。岩曬清淡人士，選擇亦好多！打邊爐材料選擇多，應有盡有。熟食選擇都好多元化，十足酒店自助餐。飲品基本野都齊，另有咖啡、花茶提供👍🏻但如果要飲酒就要加錢。雪糕同甜品選擇唔多，中規中矩吧！由於人唔算多，任食4個鐘真係相當足夠，慢慢食傾下計呢到係唔錯既選擇。

晚上與朋友來到這間位於觀塘廣場的餐廳吃飯，進入餐廳前，店員都替我們量體温和消毒雙手才可以進入，而且也有隔枱坐，令食客食得放心。我們叫了温野菜蕃茄湯作為湯底，蕃茄湯很清甜，而湯亦有很多材料一起煲煮。每個湯底都會包括刺身盛，海鮮盛和牛小排。刺身和海鮮都十分新鮮，份量也足夠兩個人吃。牛小排肥瘦適中，脂肪分明。除了這些，還可以另外追加食材和外面的自助枱拿。熟食方面，冷盤熱盤的選擇也十分之多， 例如長腳蟹，中華沙律，雜果沙律，炸春捲，蒸點心等美食。 我最喜歡吃的就是他的西班牙蜜糖燒豬髀，豬髀不會燒得十分硬，醃得很入味很好吃。店員們的服務態度很好，很有禮貌， 而且坐位也十分闊落，坐得很舒服。

今日晚上放工后和同事去了一间放题。第一次吃这间放题，坐位算舒服宽敞。放题包一份五品刺身盛及海鲜盛合，不错，我喜欢吃刺身。五品剌身有三文鱼，甜虾，八爪鱼，希灵鱼，象拔蚌，全都鲜味，回味无穷。我们要了火㶽放题。火㶽汤底点了温野菜蕃茄，放题的海鲜盛合很丰富：有大大只新鲜的鲍鱼丶蛏子、青口、蚬、鲜虾及鱼片。想不到原来新鲜配上蕃茄汤底都不错。肥牛、羊、鸡是可以任点，质素不错，我和同事吃了很多牛和羊。在蕃茄火锅下很香滑爽口，真的很新鲜。另外点心、沙律吧及日式寿司鱼生也是任食，我当然不会放过。还有其他美味向的食物如霸王鸡及酱油鸭，鸡很滑和香口。甜品也有不少选择。有朱古力慕丝，纽约芝士蛋糕、奶酪雪糕、豆腐花、啫喱。我吃了多件纽约芝士蛋和朱古力慕丝。纽约芝士蛋糕很重芝士味而朱古力慕丝有很浓朱古力，两样都是我的至爱。我们两个都饱得不能再饱了。

今日約咗個好耐冇見嘅舊朋友出嚟食飯，想傾得盡興啲，我哋就揀咗呢間千賀水產。 因為可以食足六個鐘，慢慢傾慢慢食。平日每位$278，而且第二位仲有半價，難怪咁旺場。啲湯底都幾有特色，我地貪心啲加錢試左個鴛鴦鍋，韓風人蔘雞湯拼椰香喇沙湯。湯非常濃郁同足料，有驚喜喎！ 無限追加配料。質素都好唔錯！一次性海鮮拼盤全部海鮮都算好新鮮，尤其是鮑魚又大隻又彈牙。 扇貝有手掌咁大，鮮甜但有少少沙。刺身拼盤都係一次性，無得添加，擺盤靚，味道尚可。出面嘅嘢食有好多款式，有蒸點心、沙律、湯、甜品、蔬菜，就連長腳蟹腳都有，算係咁啦！仲有好多冷熱飲品可以選擇，即磨咖啡、花茶、汽水、果汁等等。 而花茶位有一種「甜葉菊」，可以消除疲勞、排毒美顏，而且甜度係果糖嘅2000倍，味道清新甘甜，我好鍾意。全晚都好盡興，不過夜咗嘢食係會refill慢啲或者無再refill，所以啱食嘅可以攞咗先二百幾蚊可以食足六個鐘，個人覺得超值！

朋友訂咗自助餐，起初以為冇嘜人，食食吓就開始爆滿。自助餐一般以為只有熟食放在大㕔自取，但今次包埋自助火鍋，非常棒！這自助餐包抱了兩份擺設美觀海鮮及魚生拼盤及火鍋海鮮。食材非常新鮮，大大隻鮑魚不單新鮮而且煙韌。雖然只有一份，但份量足，這已經令我感到滿意，還加上任點的肥牛、雞、羊⋯⋯不但如此，其他不同種類的蔬菜丶各式肉丸丶豆腐及其他打邊爐食品等等很多放在大廳任取，未能完全品嚐已感覺良好！不得不說的就是五品刺身，包含5樣刺身放在冰盤上，同樣新鮮美味。熟食我特別會留意廚師放在桌上切給客人的一片片火腿，也非常吸引，火腿味道也調校得很正及焗出嚟也不乾身。當然還有其他熟食，因為太飽未能品嚐，有點遺憾！侍應生不時也會端上新食物，讓人感覺滿足愉悅！最後甜品我選了乳酪雪糕及最令我驚喜的薑汁紅棗冰糖燕窩😋，有很濃既薑味及燕窩碎，讚👍！

食物款式唔多 每一樣味道一般 蟹腳非常差 得雪味 refill好慢 今時今日仲要叫人嚟加單 嚟嘅數目比叫嘅少一半 湯底又冇味 唔係買一送一都唔會嚟食...不過有somersby任飲 算抵番啲

好多youtuber都推介過呢一間餐廳， 今次終於可以一試。 一入到餐廳， 餐廳嘅面積比想像中大， 光線充足， 睇落亦好寬敞， 擺放食物嘅地方空間都幾闊落， 因為之前去過一啲自助餐空間比較迫， 拎嘢食時會好擠擁，要你讓我我讓你咁， 而呢一間就唔會， 可以放心慢慢揀嘢食同拎嘢食。一入到去店員就問我哋要咩火鍋湯底， 其實淨係湯底都有好多選擇， 有成十幾種， 本身私心想試下幾款少啲食到的， 人蔘雞湯， 波士頓龍蝦湯同麻辣湯底都好想試， 點知屋企人竟然揀咗在普通嘅蕃茄湯底，ok fine， 弱弱的我只能屈服。 當火鍋上枱後， 每枱都會有一份海鮮拼盤同一份刺身拼盤， 不得不說， 呢兩份拼盤嘅食物質素都好高， 海鮮全部都好新鮮好大隻， 大大粒嘅蟶子，蜆肉，同鮑魚， 味道仲要非常鮮美。 刺身拼盤同樣好高質， 牡丹蝦好大隻好鮮甜， 三文魚，北寄貝，帶子，好厚肉，好肥美。 但呢兩樣拼盤都係一次性提供， 如果想再食就要自費再額外加， 唔怪得咁好食啦哈哈。 另外仲有幾樣都係一次性嘅， 包括韓國餃子， 一份高級豬肉等等。 但其實除咗啲一次性嘅， 佢本身提供嘅任食配料， 味道質素都好唔錯， 除咗食物區各式各樣嘅

今晚食放題的餐廳，是朋友食完后介紹，座落於觀塘，名字感覺有點日式，叫千賀水產の鮮鍋道場 。餐廳裝修是舒適的卡位，我們2位都可以坐6人的座位，非常寬敞舒適。抗疫期間還有買一送一優惠。一入門口已見到餐廳的自助放題吧，非常多款式，當中有熟食、壽司、沙律、甜品、飲品及有火鍋配料，任飲任食，自然令我非常期待。坐下后，先揀了個湯底，黑蒜油豬骨鍋，見到材料充足，豬骨大大件。餐廳先送上非任食的極上象抜蚌五品刺身盛刺身拼盤有三文魚、希靈魚、螺片及甜蝦...等。見到每款都很新鮮，三文魚例牌是我的最愛。螺片很爽口，及甜蝦很鮮甜。及有非任食及任食的旬之海鮮盛合裏面有鮑魚、青口、生蠔、鮮b f海蝦、象拔蚌及鮮海蜆。見到各款海鮮都很新鮮，鮑魚、鮮海蝦、象拔蚌都帶爽口又鮮甜。鮮海蜆雖然細細粒，也很鮮甜。極上安格斯牛小排由餐廳送的非任食的極上安格斯牛小排，切得較薄，灼上5-6秒就可以食，牛肉味很濃，不愧為極上安格斯牛小排，正。除自助放題外，紙上任點的無限添食也有十多款。當中我揀了喜愛的美國穀飼肥牛片、鯪魚滑及牛柏葉。美國穀飼肥牛片美國穀飼肥牛肥瘦適中，雖然比起極上安格斯牛小排少了㸃油香，但質素極高，牛味也是很濃。當中

係啲咁嘅環境，出嚟食一餐自助餐真係好開心上網睇到介紹話呢度幾好食啲相又靚又吸引即刻打去訂枱聽電話嗰個幾有禮貌之後落嚟夜晚去到現場環境整潔個個都好有禮貌帶位直到我哋行出去睇吓有咩食，有龍蝦湯底仲有唔同其他湯底應有盡有出嚟睇又有豬牛羊海鮮餃子乜都有出前一丁公仔麵都係免費有埋盧燒牛肉值得去玩下睇下食下甜品吧色香味區全飲品更加難以數進絕對值得一家大細去食！係呢段時間仲有買一送一優惠陳家係平都冇人有抵到冇人信一定要去試吓！🥰🥰🥰

過去呢一個月其實真係冇啖好食，週六同朋友兩個人去觀塘，經過有人派傳單，見到呢間千賀水產嘅午市放題好抵好吸引。冇啖好食咗咁耐，真係忍唔住，所以上咗去食。我同朋友 都二話不說 一齊點咗呢個特盛海鮮火鍋刺身環球自助餐$218，仲要係可以任食4小時，我同朋友都話嘩一聲，呢度係可以慢慢食，吹下水唔使咁趕咁嘆下食物， 因為出面火鍋放題通常限 一個半鐘，食得好趕，呢度四小時真係同朋友吹水食飯嘅聖地。疫情之下，食客雖然唔多，但我依然見到佢出面嘅食物選擇都好多。湯底叫咗個鰹魚昆布干貝湯，下單後個鍋好快就上枱，之後個套餐仲包括五品海鮮拼盤，四品刺身同埋安格斯雪花牛頸肩， 一次過放咗喺枱上面， 個刻同朋友直情開心到癲咗，心花怒放。五品海鮮拼盤: 兩隻大鮑魚、兩隻蟶子皇、兩隻海蝦、海蜆多隻、幾件脆肉鯇魚。其實我真係好鍾意食蟶子同埋花甲，海鮮拼盤一嚟到，咩都冇理已經全部放曬落個鍋度滾。我哋個鰹魚昆布干貝湯湯底係奶白色，邊仲有一片片嘅海帶，飲落去有少少干貝嘅鹹味，我覺得呢個湯底同海鮮好夾，可以突出到海鮮嘅鮮甜，又不會太重口味而蓋過食物本身嘅原味 。蟶子皇 啖啖肉，味道都幾新鮮，最重要係冇沙好乾淨。海蜆都好大隻，仲