半島冰室

营业中

休息中

係炮台山附近都好少可有茶記咁平，仲要咁多人排隊，除咗價錢平，食完都知質素真係唔差！！今次揀左忌廉芝士雞球意粉，個包裝都幾得意，焗完放落外賣盒，所以都唔怕熱😃個雞肉味道唔會太濃，唔會焗完就鹹左，意粉同汁都夠，洋蔥焗完都夠冧，不過就淡左dd，只係可能焗定，所以個意粉就有少少開始淋，但就夠熱夠香既37蚊加埋一杯熱飲，想加多個印尼撈麵/出前一丁都係幾蚊，再唔夠飽都唔驚😂😂難怪下午茶去到堂食會不斷排隊

經常性滿座及排隊的半島冰室，以呢個咁抵的價錢，食物質素真的很高，很用心。平時打去叫外賣，態度又非常之好，係一間有良心又好食的食店，難怪會有咁多回頭客。平時叫得最多的是下午茶，芝士煎蛋豬扒包、炸雞髀配紅豆冰及撈麵、公司三文治、煎豬扒飯等等，全部都好好食，十分推介👍🏻✅ ✅半島冰室早餐的種類很多，之前試過歐陸早餐，味道也很不錯，但就還未有機會食過傳說中的早餐蕃茄湯通心粉，據說平時早上七點前已經賣完。

Basically their everything is good or excellent so it has amassed a huge fan base, which is basically the only bad thing - queues at all times. As a result takeaway is necessary to save time - which is probably their only other issue where they still use styrofoam packaging…Can’t possibly comment on all their food items which change every two days or so, so this one is based on this menu:Set A: altho it’s not technically fried rice as advertised, still perfectly done. The egg is silky, the bbq m

我從來都冇寫過食評，但我覺得一定要為呢間咁有心嘅茶餐廳寫食評表揚佢哋、為佢哋打氣。搬入嚟附近嘅月租酒店幾個月經過呢間茶餐廳都冇乜意欲想試吓但成日見到排長龍，有一次朋友講起呢間茶餐廳話佢哋啲出名用料靚，所以決定搵日去試吓點知一試就愛上呢間咁用心嘅街坊茶餐廳。由食物、價錢、服務整體都好滿意。唔似坊間一啲茶餐廳大部份茶餐廳淨係想做生意，味道大眾化逼埋你同人枱卡位，態度差又冇禮貌。經試過晒早餐、午餐、下午茶都冇令我哋失望，仲成日好期待佢哋每兩日轉一次嘅驚喜午餐。佢哋真係用心煮好每一樣食材：e.g.早餐既牛油多士，渣滿香濃香嘅牛油、外脆內軟，我望入去廚房見到有個廚師係專門企喺度烘多士！真係非常新鮮，熱辣辣香脆！我個餐唔跟多士+1個多士都只係加$3咋！嗌咗個XO醬榨菜肉絲煎太陽蛋公仔麵，啲XO醬榨菜好香好惹味、肉絲係用豬頸肉！榨菜同豬頸肉都好爽！個公仔麵我個人鍾意食硬硬地，啲面預到啱啱好唔會比啲湯浸到林晒！食完之後嘴唇都充滿晒XO醬嘅香味搞到我返到屋企都好回味個面！凍咖啡都唔差但今次叫咗個凍鴛鴦，我覺得比凍咖啡出色係我好鍾意飲嘅味道。老公叫咗個炸魚柳餐配凍檸茶，炸魚柳外脆內軟，佢又係勁鍾意食佢哋嘅

專登由屯門遠到而來拜訪炮台山既「半島冰室」，到步正值午市時段，遠距離已見到長長既人龍，所以不難找。今天天陰陰，話口未完已傾盆大雨，但人龍竟然不減反加！排緊隊既食客雖然狼狽地撐著雨傘，但完全沒有撤退既想法，反而是忙著選擇哪個午餐！難怪，這間冰室午餐出名多花款，經常帶比食客驚喜，就像今天的4個午餐都各有特色，十分吸引，看得出選寫餐單的人一定花盡心思。雨愈下愈大，有些食客未有準備雨傘，店內一位外表看似冷漠的侍應哥哥，竟然窩心地拿出一把雨傘遞給沒有雨傘的食客，怪不得這間冰室長年客似雲來，未吃已感受到他們的熱誠。終於可入坐了，今天我選擇了A餐「XO醬蟹油叉燒鮑魚溫泉蛋撈公仔麵」單看此餐名已覺得精彩絕倫！XO醬、蟹油、叉燒、鮑魚、撈公仔麵！這配搭簡直無得輸！比「暗然銷魂飯」還要吸引！午餐到了！雖然店內食客很多，廚房內每個師傅也忙過不停，尤其是身穿黑衫的大廚更是一路沉着應戰！非常有型！但午餐賣相一點也不馬虎，未食已被它吸引了拍幾張照片！先試試叉燒，肥瘦度適中，肉質夠淋，多汁，份量也十分足，有5-6件叉燒。鮑魚入味、質地煙韌，夠滑，不錯！撈蟹油公仔麵，想不到全碟最出色是這個撈公仔麵，公仔麵軟硬度適中，

一直留意食評 半島冰室 長期 排隊等位 不是新店 聲勢大 或知名網紅 推介過 而引發人龍潮 🚶‍♂️🚶‍♂️🚶‍♀️🚶‍♀️這天是 星期一 我和老媽 二人10:40am到了 只見門外 約10人在等 數分鐘後 員工 遞了張摺櫈給媽 很細心 之後過了一會 便到我們 街坊都很合作 吃飽 結賬離開 非常開心 首次來沒等多久 😄😄11:25am 前仍然可以 點早餐 十多款選擇 🍴🍴點了兩份早餐 1份基本組合 火腿通粉 煎雙蛋 我改了炒蛋 牛油多士 改了蒜蓉多士 加6元 熱奶茶 ☕☕ 另1份 雙拼公仔麵 沙爹牛肉拼煙肉 我的最愛 凍奶茶 🥤🥤 還加了一份 公司三文治 🥪🥪通粉 公仔麵 湯底濃郁 粉麵不太過焾 沙爹牛肉 嫩滑 沙爹味恰到好處 炒蛋也出色 不過熟 亦不太生 蒜蓉多士 香脆熱燙 極度滋味 公司三文治 用料大方 絕對是我吃過 數一數二的 高質且味美 奶茶也冲泡出色 茶味香濃 吃得心情暢快的 早午餐 🥓🥓 🍳🍳眼前見到街坊 來來往往 儘量不佔座 太長時間 我們也快快吃飽 結賬離開 120元還找回4元 真實惠 又高質 絕對能冠絕 各區的 人氣茶記 😋😋網上看到 該區的 餐廳廣告 主打食品 跟半島冰室

點了餐牌上的型男餐，其實即是常餐，豬膶通粉配炒蛋火腿多士，豬潤是爽滑的那種，湯加上了很多的薑絲，癖去了豬潤的血味，豬潤通粉值80分。炒蛋方面，可能我吃慣了澳洲牛奶公司和華星冰室的炒蛋，這個比較上來就沒那麼好吃，值70分。另外熱鴛鴦水準OK，算滑，亦有茶香和咖啡香。總括來說， $42算抵吃。

一月嘅時候我寫過一篇呢間冰室嘅食評，我係好滿意佢嘅食物，但留意到佢成日有啲‘蚊之’仔响餐枱飛飛下嘅問題。早排再次光顧，咁啱坐返同一張枱，發覺呢個問題已經改善咗，所以update返。今次去食咗一碗豬潤牛肉米，超級好食囉，好味過深水埗嗰兩間出名豬潤嘅食店。但係我搵唔番張相。另外要讚一讚門口哥哥仔，或者叫叔叔，我去嗰日好鬼死曬，餐廳好好，門口排隊位有啲遮☂️俾你拎嚟遮太陽排隊，咁我排到去對面，就放返低把遮，哥哥仔話咁曬拎埋過去啦，好鬼體貼。結論：好食，平，要排隊，坐得迫。

同事話呢間冰室超正，特登早d出去搭的士過嚟食，點知都要等20分鐘🥲。蔥油煎蛋豬扒飯勁大兜飯！pat蔥油超邪惡😈，油淋淋撈飯勁正！豬扒都好大塊，大件夾抵食！如果唔使排好耐隊嘅話係食得過！

；養顏鮮奶雪燕麥皮 配 蛋沙律三文治 $30呢間野不得了，早上十點已經排長龍，禮拜日又唔開咁大牌，去到心諗呢間個裝修「娘」到咁嘅茶記有咩咁巴閉。巧養生養顏嘅麥皮大大碗，仲有雪燕，奶味香濃。三文治🥪係最出色嘅，用上厚身麵包並烘得恰到好處，蛋沙律加蕃茄，一啲都唔馬虎，多到飛埋啲蛋出嚟，飛彈☄️，哈哈。奶茶反而較失色，茶味欠奉；咖啡就夠滑，三十蚊買個good morning，我梗buy㗎，搵日試埋佢個tea先。

今日星期六要返公司ot, 明知半島冰室日日排長龍， 諗住0730就唔洗排隊啦。 少年，我太天真了。 0730 去到已經要排第5,6 位， 真係太利害了。 雖然排5,6 位， 但流程都好快， 大約等左10分鐘，都算ok啦。 今日食個美式早餐, 香煎豬扒 + 腸仔炒蛋 + 牛油多士 配熱奶茶。早餐到啦，半島咁出名真係無得唔服， 塊豬扒大過我塊面，豬扒煎得好香，好嫩滑， 最精彩係可以煎到有濃邊， 究竟點煎架？ 我以為去左扒房或酒店食扒餐。 呢個豬扒真係不得了，真係值得推薦。腸仔蛋就正式常常， 炒蛋有蛋香，有蛋汁， 唔會過老。 另外，杯奶茶有茶香， 唔會好苦。 半島冰室真係Cp值極高， 呢個早餐真係好好味。

ғᴏᴏᴅɪᴇ ᴛɪᴍᴇ 今次食咗半島冰室💛佢成日都有好多人排隊，閒日4點都等左15分鐘先有位食咗芝士煎蛋豬扒包($32)(7.5/10)個日咁啱冇哂豬扒包，淨係得普通包🤣芝士流晒出嚟，芝士味都幾濃🧀蛋仲要係半熟🥰豬扒唔會太乾，味道都唔錯，加埋一齊好邪惡😈不過可能因為呢個係普通方包，所以啲餡料集中咗係中間，食到邊邊位好乾😖不過如果係豬扒包應該冇問題！

今次見到出沙嗲雞扒飯，未食過半島沙嗲汁見到即刻打電話去落呢！雞扒好大塊，不過薄左少少，但都juicy既！沙嗲汁好濃好香，有少少花生同唔知係咪有(？)因為食完個口有陣味！水準依家高，係好食既茶記！！

港島區my favourite早餐沙嗲牛肉公仔麵記得叫多汁🤣沙嗲好香花生味麵唔會太“糊“, 軟硬剛好凍奶茶茶底勁香濃可以叫小小小甜 不過每日條隊都好長龍如果係翻工前食早餐就預鬆小小時間🤤

睇網評初試，算係港島區性價比不俗的茶餐廳，大熱鹹牛肉叉燒三文治香噴噴啖啖肉，三份早餐份量足味道好包基本凍熱餐飲。十點過後依然排長龍，熟客貌似會留靚卡位，人流雖多但員工有條不紊依舊客氣有禮！