半島漁港/阿翁火鍋館

营业中

休息中

尋日同老公去灣仔半島漁港食任食火鍋，呢度係無限時的可鍾意食吓唞吓都唔會趕你走，可以慢慢食慢慢嘆，唔會有一種好趕嘅感覺，我地Book左咗枱6點去到，侍應帶我哋入座入面個環境好大好闊落，坐位都舒適同埋唔迫，出邊其他火鍋店有陣時座位會比較擠迫坐得唔舒服，呢度座位夠哂闊落舒適，我覺得呢度係值得一讚，嘢食方面今次就揀咗佢個鴛鴦鍋一邊係芫荽皮蛋另一半係沙嗲，尤其係沙嗲我同我老公給予超高評價👍🏻香味濃鬱，首先會上刺身拼盤有三文魚、帶子、生蝦同希靈魚，每款都爽口彈牙新鮮嘅，絕對唔會攞啲次貨去應酬你，然後到蠔皇鮑魚扣玉掌，呢個真係炆得好腍好入味，佢腍到俾你吮就可以食到👍🏻非常推介，之後再上埋是日海鮮拼盤有蟶子、帶子、海蝦、魷魚同埋生蠔，特別要讚吓佢嘅海蝦同埋生蠔👍🏻，個生蠔真係超新鮮會有嗰種鮮味，唔會有任何臭腥味，啲海蝦送到嚟仲識得郁，應該真係啱啱喺水缸攞上嚟插竹籤送過嚟，蝦肉食落超彈牙爽口，呢兩款海鮮我覺得真係好值得推介👍🏻，如果喺肉類方面的話牛頸脊就不得不提la，如果鍾意食高質嘅牛肉就一定唔好錯過，因為佢啲脂肪分布均勻肉味好濃睇見都食慾大增😋，咁我覺得呢個牛頸脊係鍾意食牛嘅朋友一定要去試吓，跟住再嗌

🍱餐廳：半島漁港/阿翁火鍋館（灣仔）🏫地址： 灣仔軒尼詩道71-85號熙華大廈地舖及1樓我哋最鍾意係食餸唔食飯，打邊爐就啱晒啦🤣今晚揀了喺修頓球場對面的半島漁港/阿翁火鍋館嘅任食火鍋，材料新鮮，服務周到，值得推薦！～按人頭計唔使諗嘅美食*蠔皇鮑魚扣玉掌，鮑魚同鴨掌都炆得夠淋兼入味，美味😋*刺身四款，有三文魚、帶子、蝦及希靈魚，個人最喜歡三文魚同帶子，厚切三文魚夠晒肥美，帶子鮮味冇得頂🥰*海鮮併盤，有蟶子、生蠔、三文魚及青口等，全部食材夠新鮮，仍回味嗰兩隻爽口彈牙的大蝦呢❤️*至尊水餃皇上枱平平無奇，食落去會有驚喜，皆因餡料豐富，最欣賞嗰啲蝦加木耳，好爽口😍*本地手切肥牛肥牛質地柔嫩，油脂分布平均，肉汁豐富，口感嫩滑，正😁～任食配料食完以上嘅美食都飽咗八成，只叫了四寶丸、鱔片、鮮蝦滑同大魚頭，全部都在水準之上👍～自助區有菜類、丸類、魷魚、響鈴、粟米、豆腐、公仔面等等，不過太飽了，我只食了菜同粟米，生菜爽口，粟米超甜；另外仲有飲品任飲、最鍾意飲啤酒的姐夫開心到爆啦，飲咗五罐🤣，我就最鍾意飲清熱解毒的新鮮煲既夏枯草，配打邊爐一絕😆總括嚟講，呢度地方寬敞，無限時任點任食打邊爐最啱一家人或朋友聚會

朋友突然間過來灣仔搵我仲話搵我去打邊爐🍲😁正丫，佢仲記得我至愛，真係好開心😍😍佢話地鐵站附近就有間酒樓唔錯即刻去啦，又近又方便！打邊爐仲要係任飲任食😋！價錢又唔貴，真係唔錯👍🏻每人仲附送炆鮑魚鴨掌西蘭花海鮮併盤、刺身四款本地手切肥牛、至尊水餃皇！湯底有7款，除咗啲平時常見既湯底外，仲有重慶辣雞鍋同埋澳門豬骨鍋！自選區都有好多食物有丸、有魷魚、有豆腐、有菜、有響鈴、仲有公仔面，等等⋯⋯除左自選區，仲可以入紙order 其他肉類、丸類同海產類！飲品都係自己拎，汽水、啤酒、仲有每日新鮮煲既夏枯草！啲到地方真係好坐又舒服，傾計食飯都一流！豬骨鍋，湯底夠曬味！不論刺身、海鮮、食物都好夠新鮮！飲品又可任飲！正！

起23/8，我同我親戚走左去呢度食下午茶，諗唔到佢價格的確幾扺食下。10蚊1碗粥，16.8蚊一宗飯，應該係因為下午茶有優惠比較扺。當時就叫左鷄飯同肉餅飯，亦都有黑椒牛仔骨，王子包，炒河，奶卷，紅豆沙同2碗粥。我親戚就比較鐘意王子包，造型幾得意下，餡料係紅豆，所食落甜口幾好。炒河68蚊，都幾好。我嗰邊比較鐘意炒鮮奶卷，外脆內軟有奶香味。可惜紅豆沙比較水，似未煮到喉。粥品都唔錯，口感綿滑。另外點心嘅話，排骨都算有肉香，芋頭蒸得算係幾綿密。牛仔骨都有肉味，配黑椒汁食的確ok，不過未算真係好驚豔，但都好味。不過整體唔錯，環境格局還ok正常。推薦同親友一齊食下下午茶，性格比幾扺下，同食物質數唔錯，可以同人慢慢食慢慢傾談。

半島漁港/阿翁火鍋館 (灣仔)灣仔軒尼詩道71-85號熙華大廈地舖及1樓超抵任食火鍋！地點非常方便灣仔站過條馬路就到大大隻招牌 一定唔會怕搵唔到阿翁火鍋館往時走貴價火鍋路線，而家做緊超扺食任食火鍋，2百零蚊一位任食，8半後入座有8折，OT完黎食啱啱好任食啤酒汽水任飲之餘，仲有剌身水餃同高級牛肉送，食材高質，湯底足料齋食佢送嘅嘢已經值回票價鮑魚鵝掌，非常入味好好食刺身新鮮，三文魚非常厚身啖啖肉另外仲有蟶子、鮮蝦、生蠔帶子，海鮮好新鮮生蠔juicy 爆汁揀咗個冬瓜瑤柱湯，湯底煲到非常鮮甜入味瑤柱份量非常之多，超級正可以寫紙仔飲食或者出邊corner，外邊corner放得非常乾淨，選擇非常多新鮮蔬菜都有好幾款可以揀牛丸豬肉丸魚蛋腸仔都有，最鍾意嘅午餐肉一定唔可以錯過鵝腸魷魚都不錯另外有興趣可以試吓佢嘅響鈴魚皮飲品啤酒任飲，可樂汽水綠茶乜都有建議一定要試佢自家製嘅夏枯草任食火鍋唔使加錢有得飲，入口清甜舒服，打邊爐飲夏枯草清熱一流一家大細唔想食火鍋都仲有小菜可揀同樣係抵食優惠，仲有$1小菜職員非常有禮，周不時會走過來同我哋吹水會幫我哋碗污糟碟，收拾得好快服務態度一流，10個讚！

同屋企人去會展睇完展覽，係灣仔經過見到有間酒樓做緊晚市$1優惠，可以揀燒鵝皇、文昌雞或者BB豬，加上小菜同海鮮種類都幾多，就同屋企人試試🥢至尊燒鵝皇 $12-4位會供應1/4隻燒鵝，如果8人以上就有1隻，真係好抵食👍🏻燒鵝會有燭台小火keep warm，食完尾都仲熱熱地，另外就算1/4隻size都唔會太小，肉質比較軟腍，脂肪比例平均，食落唔會太油膩清蒸沙巴龍躉仔（約1斤） $168沙巴仔蒸得火喉啱啱好，魚肉嫩滑口水雞 $68口水醬汁惹味微辣，適合大眾口味，雞肉都尚算嫩滑，冇雪味金銀蛋浸莧菜 $138莧菜份量超多，啱晒成日出街食飯少食菜嘅朋友😆莧菜煮得剛好，冇渣唔會太硬晚餐尾聲店員仲送上杞子桂花糕，甜度適中，桂花清香，為晚餐寫下完美句號

今晚約左朋友到灣仔既半島漁港食晚餐，我地睇到有個優惠三寶晚餐，就直接叫左個個餐，分別有原個菠蘿咕嚕肉，白汁明蝦球（例牌）同埋清蒸富貴斑。然後加一蚊雞叫左極品BB豬，在叫咗一碟腐乳通菜。先介紹一下個菠蘿咕嚕肉，用鮮菠蘿及青椒🫑做調味，咕嚕肉炸得好脆，而且份量夠塞得滿半個菠蘿；另外要讚下白汁明蝦球，我同我朋友最鍾意食，每一舊一舊，好快就食晒，最鍾意師傅呢調味個個白汁，酸酸甜甜清蒸富貴斑，因為之前食得太多，上到富貴斑時已有飽意，由於條魚都大條約1斤重，竟然食吾晒，建議其他師兄留肚食好野。加$1乳豬都好食，皮好脆。到通菜上時已經飽上心口，份量異常地多，浪費了咁多食物，食完酒店經理想送糖水俾我地，我哋都有禮貌地婉拒了。我會推薦朋友們去食，份量多，價錢合理，近地鐵站。

今日去咗灣仔阿翁火鍋館（半島漁港）食無限時任飲任食火鍋🍲～～～重慶辣雞鍋🐓雞隻非常入味，而且算幾嫩，出面食嘅雞煲，通常都好嚡，唔好食😕但呢度嘅雞煲真心唔錯👍🏻～～～另外，雖然佢係辣雞鍋🌶️但唔算好辣，適合啲鍾意食辣，但又唔太食得辣嘅人，比如我🤣～～～食完雞煲，因為想轉個湯底，所以就加咗$30，換咗個豬骨湯😆不過胡椒味重咗啲，所以唔太食到豬骨嘅味道～～～雖然佢係食火鍋，但套餐包咗好多除咗打邊爐以外嘅食品，比如海鮮盤、刺身拼盤、本地手切肥牛，同每人一客鮑魚鵝掌同水餃皇，而且味道真係唔錯👍🏻～～～二人份量嘅本地手切肥牛，非常厚身，烚完後都好有牛肉嘅味道同口感，而且保持肉質彈牙，肥牛同平時嘅肥牛好唔同👍🏻其實我食完已經好飽🤣🤣🤣～～～佢嘅水餃王又大隻，所以食晒定量食品後，我已經食唔到其他任食嘅配料🥲～～～值得一提嘅係，呢度嘅店員個個笑笑口，成日幫我哋換碟，見到火鍋仲有一半水，就主動幫我哋加水，辛苦晒～🙏🏻❤️～～～任飲任食無限時火鍋星期一至四$298一位星期五六日公眾假期及前夕$328一位晚上8:30後入座仲有八折

今晚，我同遠方回來的家人去到嗰間酒樓吃晚飯，食物質素還可以，不過我哋兩圍，共18個人°其中一圍叫咗半席圍餐出嚟張單仍收18位茶位，後來同佢爭議，為何已經叫了半席，仍收18位茶位，後來才修正為12位茶位。之後再發現竟然還修多了三支沒有叫過的啤酒，再跟他爭議其中一位男侍應堅持我們有飲過，但我們卻從來沒叫過這款啤酒！已經叫他看閉路電視，那位員工沒有再說了。走開了，之後我們再叫經理來討論這件事，經理說：「不好意思。」本人覺得這間店的員工服務態度極差，還冤枉我們。

好耐未試過飲茶咁難食，樣樣野都差過出面出點心鋪，特別個鮑汁鳳爪，完全唔係鮑汁嚟㗎，根本就係豉油汁。啲蘿蔔糕又好似變咗質。碗燒鵝瀨有冇味道，好垃圾。以後不會再光顧。笑死。

今天下午，與爸爸媽媽和我三人再到位於湾仔半岛渔港饮茶。叉烧蛋饭真的不错，好软滑吓，好食，好腍吓。苋菜虾饺都不错，不是翻蒸又翻蒸令菜黄晒，是青绿色的。烧鹅濑，通常鹅是贵啲，但佢都比几多下，舍得俾人食，算抵食，唔错啲鹅肉。烧汁酿茄子，這不太好，个茄子就细小小，同埋个价钱就唔系咁合理，同埋唔系咁好食咯，总括嚟讲算不错，会再去食。

半岛渔港午餐爸爸，媽媽和我三人到位於灣仔半岛渔港吃午餐。我們點了幾道我們必食點心：反沙芋头，炸得金黃酥脆的外皮包裹著軟綿綿的芋頭，每一口咬下，都能感受到芋頭的香甜。黃金四季豆，炒得香氣四溢，口感酥脆。最後是什菌炆伊面，面條不錯。总括嚟讲，质素，味道相当不错。不是下午茶价钱，相对嚟讲就稍微贵少少，但比較其他酒楼，都不算贵。

有男人手掌咁大隻老鼠 又肥 係度跑嚟跑去 食飯位 水吧沖茶房 以後唔會再去🙏🏻未試過去普通茶樓去見到咁肥美又大隻嘅老鼠見唔到嘅地方都唔知會唔會掂到啲茶葉同食物好彩無被咬親 如果唔係都唔知點算🙏🏻轉頭Call埋食環 保障各位食客🙏🏻

今天下午，我到位於灣仔的半岛渔港吃午餐，看看食物有沒有進步。我點了窝蛋叉烧饭，又名黯然销魂饭。這道菜色香味美，叉烧软腍腍，肉鮮嫩多汁，配上煎蛋和香飯，價錢又扺食，正。

雖說長假期很多港人遷徙北上，是日來到這家酒樓茶市，卻又未見冷場，除了現場不少的食客之外，更是不停翻枱，熱鬧情況可見一斑。我們剔了數款蒸炸點加一碟星米，點滴如下：春卷 - 蒜蓉蝦肉做餡，蒜蓉幾香，蝦肉糊了點，脆皮似是焗製多過炸出來的，沒有油。煎釀青椒 - 青椒欠缺應有的香氣，煎得過火，變得腍身，魚肉勁實，不彈牙，豉油無味。魷魚鬚 - 外皮非常之脆，魷魚肉不硬，椒鹽是海量的，這道有驚喜！蝦餃 - 澄麵皮厚薄適中，蝦肉餡爽彈，調味恰好，另一個意料之外！鳳爪 - 醬皇蒸鳳爪，重點自不然落在醬汁之上，就正因醬汁豉汁不似豉汁，總之需放棄。灌湯餃 - 湯頭貌似正常，飲落無味，不加醋不行。餃子裡的肉散得就散，瑤柱或火腿俱不見蹤影。星洲炒米 - 食味問題不大，咖哩味正常發揮，炒料有蝦仁、叉燒、蛋絲、韮王等等，米粉亦爽。最騎呢的是配料晒士的品管：我們找到大小不一的蝦仁三兄弟，極其搞笑！我們一邊吃著，餐廳店員們一邊在旁邊高談闊論：又投訴客人落單、又好像跟同事賭博，這方面可能要注意一下。