半島漁港/阿翁火鍋館

营业中

休息中

喜欢食蛋黄酱，配搭餸菜，效果相当满意，好香，能突出味道，因为最近都流行用蛋黄酱去做食物。這點心用玉豆再脆浆炸过，但能食出有肉豆味道，外边再用蛋黄酱去捞埋吃，我喜歡。若果你身体有胆固醇过高，就你自己选择了。

香港的茶樓越來越少，這酒樓點心做得不錯，所以較常來這裡。今天嘗試甜薄撑，花生芝麻配合不錯，軟軟的皮，好味。燒腩卷內的燒腩肉，肉質較乾，吃下去感覺較平平無奇。雖然新年後已經是初十五，還是正價沒有下午茶價錢。

早知就一定要食中餐，今次揀咗喺灣仔地點都算方便，套餐都幾抵食上湯龍蝦伊麵🦞龍蝦肉好煙韌，份量都好多😊招牌燒乳豬🐷即叫即燒，喺出邊仲可以見到佢攞住隻乳豬喺度燒，燒到皮卜卜脆，肥瘦適中😎酥炸蝦球🦐好大粒，炸到金黃色，鄙薄鬆脆，入邊蝦肉好彈牙😁清蒸龍躉🐠肉質爽脆鮮甜，魚皮膠質豐富，香口彈牙🥰秘製馳名燒鵝🦆最出名嘅就係燒鵝，肉嫩及皮下油脂豐腴，燒出來的鵝又香又脆又多汁，上枱嘅時候仲有個火爐喺下面，確保食落去熱辣辣😋

很特別的一個點心，大量糖伴隨芋頭來吃，很特別的味道，令平時不喜歡吃芋頭的我，也對這甜品有興趣。下午茶時段，點心皆平靚正，所以人客不少，再點個叉燒包，榴槤酥，這下午茶不錯。

下午二時開始有下午茶巿，食物選擇豐富，製作水準也高，蜜汁燒大鱔，脆而不油膩，香脆爽口，好正。下午茶時間也有四款炒粉面選擇，選了雜菌炆伊面，冬菇鮮味，不是罐頭貨，其他點心製作水準也高，下次再介紹。

星期日晚上與家人在這間酒樓食飯提早做冬。 枱與枱之間距離非常窄，我們是吃普通小菜，隔離枱就食火鍋。有一次，當我在進食中的時候，突然被人連人帶椅移走，原來是一個男服務員（應該是部長或經理的人）要放餸去隔離枱，但唔夠位入。 我覺得非常沒有禮貌，你可以先跟我說一聲吧？講返食物，其他小菜都正常，不過我覺得份量偏少，較油，尤其係生炒糯米飯非常差，超林，唔洗用牙咬都得 。。。完全唔係生炒！呢個好違反商品說明條例！！！

點心味道合格，不過服務態度十分差！那天我們去吃下午茶，只被安排坐在房門口的枱。坐了只有半個鐘，才知道原來那裏要間房，我們的枱隔離的位置就要放麻雀枱。那部長即對想來打麻雀的人不停地說「我們快要走」，意思即示意我們要快離開! 我們都十分愕然！那時，我們仍在吃點心，甜品剛到，難道就要我們立即怱怱忙忙食完就讓出位置，真是吃到一肚子氣! 我們來吃下午茶是想好好享受食物，不是三扒兩撥的吃完讓位比酒樓做下一場。難道小消費就要被看不起，要睇部長的臉色，受這不禮貌不公平的無理對待嗎？

It’s weekend, what’s better than having a morning yumcha session with the families and relatives?This restaurant chain also offers hotpot in the evening, it’s right on Hennessy Road.The savoury pancake and the sweet corn fish cake were yummy, fresh and crispy on the edges. Their quail egg on pork siu mai was a must-try. Not a lot of places offer this dish nowadays and here they made it just right, well-steamed and the yolk of the quail egg was velvety. The assorted dim sum basket has a variety o

食物和服務都係一般，地板太滑，我本人都扇腳4-5次才可以離開，還要扶住別人椅背才可以前行。極度不適宜老人家去飲茶。向大堂經理反應，只係求其回應說知道問題，但態度冷淡，

因為好耐冇飲茶食點心諗住試吓新開係灣仔半島漁港，一入去感覺新裝修每張枱都係坐到5至6人可以撘枱！我見燒鵝瀨26.5便點了，還有雞包仔13.8榴連酥13.8鮮蝦素肉餃13.8特價，但漏單嚴重，還有素肉餃等耐了我要求取消！最後想講燒鵝瀨不好食又肥又冇味平都冇用！

半島漁港酒家呢個位置都空疊一排，今年又新開返做酒樓，趁lunch time 嚟試下酒樓環境光猛，不劑迫，幾寬敞，不會有好嘈吵嘅感覺，大家可以好好傾下計😹😹😹推介午市套餐幾抵食，有飯麵+點心炒飯，點心都熱辣辣，味道不錯，上菜都好快，份量又多。福建炒飯加入豬肉、蝦仁、蔬菜和蛋等配料，經過翻炒，是米粒鬆散，口感香濃，配料豐富，非常美味。包點外觀精緻的和口感鬆軟。燒賣肉香和有蝦味，口感彈牙。🙌🙌🙌

hahaha  happy 飲早茶今次係我地搵到呢間酒樓帶長老來試新野早茶可飲到 11:30有 lift 上樓上飲茶窗邊有個超巨型電視最入亦有卡位我地坐中間位置 睇到電視就算了洗碗碟時，有個別食具唔乾淨，自行換過就算有個位見到d 生鴨，一隻隻掛起等燒，looks funny yummy要求濃普洱，真係做到呀，good☺️☺️☺️☺️☺️好開心每人1 個灌湯餃！好耐無食過😄😄😄😄菜苗蝦肉餃好好食排骨蒸粉，似粉絲，似懷舊點心，好食，雖然好肥😂😄牛肉一般，煎腸粉都ok 啦可以再來 ☺️

姊妹聚會最鍾意就係打邊爐，烚吓烚吓邊食邊傾，仲要唔限時可以慢慢食先啱我哋心水。由於我哋食力過人，所以通常都會揀任食火鍋，因為我哋一個住九龍東、一個住九龍西、一個住新界西，所以揀咗灣仔做中心點，見呢間唔限時任飲任食，就試一試。一入座未嗌嘢就先送上贈送嘅刺身、海鮮拼盤同鮑魚鴨掌，估唔到個鮑魚鴨掌竟然幾好食，刺身就一般般，最差係個海鮮拼盤，雖然有蟶子、扇貝、蝦、螺同青口，但望落卻好唔吸引。肉類、魚類、手打蝦滑、墨魚滑同手打丸類呢啲需要落單，其他配料則可以自己出去夾，不過款式種類唔夠新派的台式、日式放題火鍋多，都係得啲普通丸類、魚皮餃、芝士腸、蘿蔔粟米等等，蔬菜仲只得生菜同菜芯兩款，選擇少得可憐。送嗰碟牛肉望落幾好，食落都唔差，但之後再嗌嗰啲牛肉就變咗最Cheap嗰啲美國肥牛，一啲都唔好食，嗌咗一次就冇再嗌，反而啲魚還可以，可惜脆肉魭只得魚片冇魚腩，唯有食多幾碟鱔片補數。3個人埋單$1,082，下次寧願食番台式放題邊爐算，同等價錢啲嘢食靚好多，選擇又多。

之前食過南昌站嘅分店好幾次，覺得抵食幾好。見到灣仔今年開咗新分店，經過即管試吓。點知…無論食物質素同服務都好失望。😣😣😣入咗之前早去攞住呢張單張，海鮮火鍋任食。首先食咗個雞煲先，由於最初冇諗住寫食評，冇影低個食之前嘅雞煲。呢個係食咗幾件雞之後個樣，第一次食雞煲啲雞嘅質素咁差，雞肉好鞋、煲底有燶晒，係夥計控制個雞煲嘅火候。所以食咗幾件就冇食。所以之後叫部長轉火鍋，部長竟然話就咁湯，我即刻O晒嘴。個鑊窿成咁，加湯點食。跟住部長又話轉火鍋係要加錢，宣傳單張好明顯冇寫、入座嘅時候又冇講明。部長又話係老細指示，又話間間舖頭唔同做法，我唯有無奈接受，當然成肚氣啦。呢個時候決定影低個雞煲。依個就係加錢嘅冬瓜火鍋湯底，夠晒清😏鮑魚鴨腳，正常熟食，冇乜特別。呢啲就係海鮮，比起南昌分店明顯海鮮質素差啲，只得呢幾款，南昌分店係有龍蝦嘅。呢度嘅海鮮真係唔抵食。刺身四款每樣兩件，總算夠冰凍。牛肉還可以，唔算靚雪櫃類嘅食物啊，任攞任食。平價食材，數量、衛生還可以。有響鈴，又有公仔麵。總之食飽係冇問題。另外有鯇魚片、鱔片、蝦滑、墨魚滑、黑豚肉片、大魚頭、豬頸肉，呢啲食材還可以。有免費自助飲品，汽水、烏龍茶、啤酒都有

常言六十雙耳順 惟怨半生兜中缺半島漁港聚灣仔 老友飯局六月說全場爆滿新氣象 盡掃疫情環境劣先上乳豬樣子好 大紅體面稱一絕豐腴香濃好好味 可惜燶邊咸到醃信佢都傻海皇翅 勾個芡汁呢招拙明明白白湯一碗 何處再見鯊魚穴蚌仁口感不討好 蜜豆碧綠打八折雞柳不材都係肉 何妨入口鬥長舌海鮮代表魚一尾 斤兩恰當非半截掌握火候生熟度 魚與鴨掌僅一瞥花菇大隻份量足 生菜墊底並無切一啖四兩啱大口 小姐應該難下咽燒鵝上枱大大隻 有火㷫住繼續熱食落覺得都唔錯 雖然同區有先列龍蝦伊麵看來好 撩來撩去得肉屑我與老友勁失望 難道龍蝦仙蹤滅矜貴六粒百花球 盛器其實太大隻一人一粒唔使爭 剩番隻碟好清潔炒飯出場夠樣衰 看來配料樣樣缺最後上埋個甜品 紅豆起沙慢慢啜呢餐其實極豐富 從此聚會有新血