半糖主義 (已易手) 新餐厅

潮流興吃甜品也要吃半糖，這間甜品屋就打正旗號把甜品做成半糖，趕一趕這潮流的風。我一開始就鎖定目標，點一個紫薯心太軟，聽說超快售罄！幸好今天還有。這個心太軟質地很緊緻，流出的也不像是灌漿的，而是真正焗出來的紫薯lava，而紫薯味是超濃很緊實，面頭上一些士多啤梨，奇異果等酸的水果，令這超濃的心太軟也是甜而不膩，吃起來好平衡，是我第一次嚐到不是超甜的心太軟呢！服務還滿好的，雖然已經１０點但還是很多人，店員還是耐心地提示我們由於人很多，所以甜品會上得比較慢呢～晚上人客超多，可能要等一會才有得吃啊～

同個朋友第一次到西環附近吃飯，順道吃一吃糖水，發現有間半糖主義都唔錯，啱晒我！尤其是呢排想清減啲，所以二話不說入咗去試。這裏的裝修很骨子，很有家的感覺，牆身的設計用上黑板，更令人回味上學的時光。店員推介呢度嘅紫薯拿破崙，就即管試吓。其實我份人都唔係話咁好紫薯，但係食完呢個拿破崙從此改觀，拿破崙非常脆，用叉拮落去，紫薯蓉同埋拿破崙皮混合一體，大件夾抵食，加上賣相唔錯，拌碟整得不錯。另外叫咗杯70%特濃朱古力飲品，我好鍾意食高濃度嘅朱古力，因為佢苦中帶甜，甜中有澀，令人一試愛上，這個特濃朱古力飲料沒有令我失望，非常濃郁的口感配上朱古力粉和朱古力粒粒，非常特別，加上他們鼓吹環保，用鐵飲管，即時加分！

我好鐘意食甜品, 但由於大多數的甜品糖份高, 對於我呢D成日要keep住身形的人仕來講, 唯有忍口, 但真的是超鐘意食甜品, 這日經過堅尼地城一間地舖, 間店舖名及它簡約而溫馨的裝修令我停下腳步仔細看看, 間鋪叫”半糖主義”, 是間甜品舖, 得知它是一間低糖的甜品舖後真是欣喜若狂, 可以不用忍口食個我的至愛”朱古力心太軟”了。干淨舒適的店舖座低之後非常relax, 等待我的朱古力心太軟的同時, 望下間舖, 間舖的角落放了書架, 放了些旅遊書及棋類書籍, 書架的旁邊仲放了個吉它, 好有文青feel, 得閒時約埋朋友慢慢嘆個甜品, 慢慢看下書, 傾下解, 這裡會是一個非常不錯的地方, 頓時喜愛上了這間店舖。數分鐘後, 我的朱古力心太軟來到我面前, 個size比我平時食的要大, 扁扁地, 上面還放了不少生果, 有士多啤梨, 有奇異果, 仲有藍莓, 淨係生果睇上去是超級新鮮, 士多啤梨連葉, 紅紅綠綠, 甚是好看, 感覺食這甜品並不是太邪惡, 而係好健康, 用匙撥開朱古力的外皮, 哇! 真係好流心, 熱騰騰的朱古力即刻從中間涌出來,舀一匙濃厚的熱乎乎的流心的朱古力再加上一啖朱古力餅的外皮, 唔

已經數不清在這裏吃了多少次甜品了，最近此店已經成為我的飯堂。在冬天季節，他們店舖還會迎食客，推出限量產品如冬天暖前粒粒推介，讓大家有更多選擇。今晚有較多時間，我和朋友嘗試了一個士多啤梨梳乎厘pancake，店員叫我要有耐性因為pancake需時大概半小時才能出爐，我和朋友邊談天邊說心事，時間很快就過去了，果然沒有令失望！這個梳乎厘不太甜，士多啤梨醬配上新鮮嘅士多啤梨，切成4分一的大小，加上忌廉，相信這個甜品的吸引程度，無一個女生能夠抵擋得住！熱辣辣食，真係好有幸福感。想解一解渴，可以叫一杯凍菠蘿荔枝茉莉花茶少冰，菠蘿酸酸甜甜，配上荔枝果粒，非常有口感，花茶亦不甜，絕對能為我們解渴。

呢日過嚟附近探媽媽，女朋友講呢間甜品🍮喺呢區幾出名，於是順便過嚟試試呢度位於堅尼地城港鐵站附近，好易搵店鋪裝修清雅潔淨，座位尚算舒服😌大大塊黑板寫滿佢地選用嘅材料同標榜semi sugar 半糖今次叫咗兩個飲品同甜品🍮薰衣草梳打同藍蝶花梳打，兩樣口味都好清新士多啤梨🍓🍓拿破崙，本人其實麻麻地士多啤梨因爲怕酸，但呢個士多啤梨超甜，相對吉士醬同雪糕都唔算太甜如果大家想試呢個梳乎厘班戟，一定至少要等半小時，當日我地等咗個半鐘，因為未食過好出名個間，不能比較有咩分別，只知道價錢平一半有多呢間甜品好值得一試

原味梳乎厘班戟 $65士多啤梨白桃鮮果花茶$35士多啤梨窩夫$65腐竹雞蛋糖水$28一共$193 最近西環真係好多靚嘅風景，假期天氣又好，於是就去咗西環碼頭吹下海風，睇吓地平線，係地鐵站附近堅尼地城北街，發現左呢間糖水店，佢哋主打所有糖水都係半糖，即糖分會偏低，咁就食多多都唔使怕啦。我哋一行兩人入咗餐廳，發現佢哋糖水嘅款式好多，有中式又有西式，我哋於是就叫咗上邊嘅嘢食。腐竹雞蛋糖水熱辣辣，而且好足料，食到個人好飽好䁔好舒服。而且佢亦都秉承店舖嘅宗旨，真係唔係太甜。士多啤梨白桃鮮果花茶，一邊配上士多啤梨，白桃同埋藍莓肉，花茶味道適中，再配上好多款嘅生果，呢杯花茶真係唔可以睇小。士多啤梨窩夫同原味梳乎厘班戟，因為我哋行到都有啲肚餓，於是叫D飽肚既黎食吓啦，梳乎厘好軟綿綿，窩夫就好香，成間舖都聞到添。令人食指大動，好好味又健康D。我哋飽食叉完電之後，就繼續去西環碼頭吹下海風，影吓相。—————————————如果喜歡我嘅文章，請幫幫忙follow 我，俾個like我。鼓勵下我繼續寫食評。多謝你。❤️

今日諗住同朋友放鬆下，所以去左呢間位於堅尼地城嘅半糖主義食甜品。甜品店以稀少糖製作甜品，希望大家甜入心但唔會甜入血，食肥晒。入面嘅裝修以白色為主，簡單清新，幾chill同幾令人放鬆，仲有個打卡位，啱晒用黎影靚相。 坐低望下餐牌，甜品選擇都幾多，有西式亦有中式，仲有最近好受歡迎嘅梳乎厘班戟，甜品又可以加唔同配料，重點係價錢合理。 如果覺得口乾，餐廳都有唔少冷熱飲品選擇，個人認為最吸引係朱古力特飲系列。 芒果芋圓小丸子加$8有球Haagen dazs雲呢拿雪糕，個甜品本身好足料，芋圓同小丸子煙韌彈牙，而厚切芒果亦好香好甜。 最欣賞係70%特濃朱古力，佢唔只朱古力味比好多其他舖頭嘅同類飲品濃郁好多，充滿可可豆甘苦味，飲品上面嘅裝飾仲好有心思，珠仔脆卜卜幾得意。飲完一杯一定又飽又滿足，$35性價比好高。

今日同朋友喺西環食完晚飯，食到飽飽地沿住電車路行左去堅離地城呢邊，想食個甜品繼續坐傾下計，就揾左呢間半糖主義試下😙😙我見個名叫半糖主義，主打稀少糖系列，仲有好多特別款式嘅甜品，例如紫薯waffle，花茶等等，賣相非常吸引, 睇相都流口水!今日我地叫左豆乳拿破崙($68)、伯爵茶燉蛋($50)、玫瑰洛神花草莓花茶($32), 價錢正常，但性價比高。 豆乳拿破崙豆味香濃，甜而不膩，拿破崙餅鬆脆可口，隔離個雪糕球都好好味， 特別一提佢伴碟嘅糯米丸子煮得恰到好處！伯爵茶燉蛋就好濃嘅奶味，口感好creamy!! 玫瑰洛神花草莓花茶係今晚最令我滿意嘅，因為平時飲洛神殺神花茶都覺得過酸，但係可能今次加咗玫瑰同草莓，感覺好清新，食完甜品再飲茶即刻可以消滯。

半糖主義以稀少糖(卡路里接近0!)製作中、西甜品，而且有霓虹燈打卡位，早已係IG寵兒。今次嚟食估唔到佢除咗睇得，味道不錯，價錢仲幾相宜~(因為揀咗霓虹燈位，所以相變成紫紫地色)燉蛋微凍，入口軟滑，第一口已經食到伯爵茶淡香。蛋同忌廉比例恰當，蛋香、奶香都啱啱好。而且焦糖夠薄身脆卜卜，唔會過甜或者燒到帶苦味。賣相亦相當吸引，雖然要$50，但份量相應比一般燉蛋大，而且用上較貴嘅明治奶同稀少糖，價錢合理有餘。我總係同梳乎厘班戟緣慳一面，今次好彩趕得切喺供應時間內 (3pm-7pm)嚟到。大大件pancake，撒上糖霜，簡單但吸引。Pancake蛋味好濃陏，唔會太甜，仲食得到麵粉香。不過可以更fluffy同厚身，緊記一上枱就好食喇，因為souffle pancake凍少少就會變實。自家製奶醬甜度低，塗滿pancake都唔會搶晒蛋味。cream輕盈唔甜膩，奶香出眾。製作需時30分鐘，正好可以比大家大條道理漫活慢慢坐。店內仲有唔少優惠，例如學生九折、滿$50+$1換燉奶...優惠係真心易享受到，良心小店當之無愧~

早幾日新年走到去西環拜年拜完年成班人仲係唔捨得走就搵間甜品舖🍮坐低繼續傾計👭我地叫咗幾個甜品一齊Share食首先係楊枝金露🥭芒果好香甜柚子肉好多好清甜啖啖嘅芒果汁加西米👍🏻👍🏻👍🏻正啊！推介之後係朱古力心太軟好濃郁嘅朱古力配上超滑嘅雪糕🍦♥️勁鍾意其實我原本係想揀呢個紫薯味㗎但佢似乎太好賣😭賣曬喇我下次一定會再返嚟試埋佢！好 講返正題！跟住仲有呢個梳乎厘班戟🥞呢個士多啤梨桃茶好少甜主要靠椰果肉嚟帶出甜味但都幾好飲其實入門口之前見到叫半糖主義都估到糖份係比出面少嘅意思入到去彤下啲介紹先知所謂嘅半糖其實係只用60-70%嘅糖但食落真係唔會太仍然有甜美但感覺係健康啲食完都覺得自己冇平時食開嘅甜品咁甜♥️店舖嘅裝修本身已經幾有心思Menu亦都好文青🤩等我可以偽下文青😂呢度嘅餐具都好別緻環保亦不失格調

今日同朋友喺西環工作完，一同食咗個西餐，事後又想嚟個甜品。剛好附近就有一間甜品店，見裡面坐滿晒人，覺得應該品質唔錯，所以就入去試吓。我就小小哋叫咗個芒椰西米露(三十七蚊)，見佢有得加芋圓(加五蚊)，就貪過癮試吓加埋。再叫多咗個熱玫瑰洛神花草莓花茶(三十二蚊)解解之前嗰餐嘅飽滿感。個芒椰西米露有幾多芒果肉吓，算幾足料，又估唔到個芒椰西米露同啲芋圓幾夾，又有咬口。個熱玫瑰洛神花草莓花茶就酸酸哋，幾適合配甜品。

喺西環食完晚飯就想食糖水，朋友推薦呢間叫做「半糖主義」嘅甜品店，仲好近堅尼地城地鐵站添！ 甜品嘅選擇都幾多款式喎，有雪花冰、窩夫、疏乎里pancake、中式糖水等等，真係花多眼亂啊！芝麻糊我朋友比較喜歡食中式糖水，所以點左呢碗芝麻糊。黑漆漆的芝麻糊充滿黑芝麻香，入口好幼滑，質感濃稠，唔會太甜，好食啊！我地另外加$6加左芋圓，味道唔錯都幾煙韌~士多啤梨窩夫窩夫嘅份量都幾多的啊有四塊，微溫的，都幾香脆鬆軟，唔會太甜，配埋雲尼拿雪糕同cream食好match啊！正！

位於西環北街的半糖主義，係一間由4位90後合力打造的糖水甜品小店，所有甜品都以60-70%比例的糖製作，有些甜品更以健康的稀少糖製作，夠晒健康食得放心！店舖裝修得幾舒適，座位寬闊！甜品嘅選擇都好多種類，有中式西式，亦有特色茶飲，總有一款啱心水士多啤梨窩夫賣相都幾有心思！窩夫係厚身的，色澤金黃，香脆可口，外脆內軟，充滿牛油同麵粉香，仲帶有陣陣蛋香！可惜旁邊的士多啤梨略酸芝麻糊另加$6芋圓呢碗芝麻糊用咗稀少糖製作，甜味適中又唔怕肥！當中嘅黑芝麻係由師傅親手自己炒而製成的，所以黑芝麻味特別濃郁，入口香滑，好好味啊！另外加的三色芋圓口感不算特別煙韌，比較軟糯。

今日年初五，走到嚟西環同親戚拜年，拜年之後經過呢間半糖主義標榜少糖制作，一於試下係咪先🤤位置於港鐵附近呢度靜中帶旺，食店都好多裝潢設計舒適座位寬敞明亮制作嘅材料主要嚟自日本🇯🇵同韓國🇰🇷甜品主打有waffles 雪花❄️冰中式糖水同燉蛋平日都有學生優惠，另外食滿$50就可以$1享用蛋白燉奶🤩今次試咗兩款飲品同甜品🍮石榴梳打，味道清新酸酸甜甜藍蝶花雪梨茶，內有粒粒荔枝味果凍粒粒，味道清爽又有咬口士多啤梨拿破崙，以前都幾怕食呢個甜品因爲無論酥餅同吉士醬都好甜，食完口腔好唔舒服，但呢個食完完全無唔舒服嘅感覺🤩士多啤梨唔酸夾雜拿破崙食剛好最後係今期大熱梳乎厘班戟🥰一早想去試，意外發現呢度都有得食🤤店員講要等一個鐘😲因爲前面有兩個order 🤨唔緊要啦！橫掂得閒就等下啦，然後默默等待⌛️！果然等足一個鐘後就上枱🤪賣相好靚，而有別於平時食嘅班戟係用楓糖，呢度係用吉士忌廉，班戟本身幾乎係唔甜，但配上吉士同忌廉就啱啱好，吉士忌廉少甜奶味濃郁平時食完甜品梗係要飲大量水沖淡口腔甜味，但今次喺度食完全無呢個需要，值得一試再試🤩🤩

堅尼地城糖水舗唔多，想同朋友座底傾下計就會去依間半糖主義，佢有個靚黑板寫上店內名點及賣點。佢有D甜品用希少糖做，似乎好健康咁，但我都係想食紫薯佢有紫薯窩夫同紫薯心太軟，我最後都係揀左窩夫佢個混呢嗱雪糕係Häagen-Dazs嘅，輕盈啲嘅窩夫中間夾住一D紫薯，唔太甜幾好食。朋友仔食得飽，只係點咗凍藍碟花雪梨茶，佢有啲棷果係中間，有咬口但有D甜，下次要點少甜啦。佢好多客，要早D去，如果唔係就要等位㗎啦。