半茶匙 (已結業)

#觀塘 東廣場出名多野食，今次我就試咗一間主打台灣食品嘅 #小店 ，好味又好抵食😋 未到中午🕛放飯時間，小店門外已經開始有人排隊，而原本我想試嘅滷肉飯，都已經賣晒😅芋泥肉鬆吐司🍞（$35）都係店內推介❗️吐司🍞烤得好脆， 攞上手熱辣辣🔥，仲聞到陣陣芋泥嘅香。 咬落去外脆內軟，芋泥香甜軟滑，仲配上酥脆香口嘅肉鬆😋😋台式烤香腸（$32）台式香腸煎得脆口，油香滿溢，口味較甜，薄切食落更方便。伴上青瓜絲及微辣嘅蒜蓉，配搭一流。桂花之粉冰（$38）粉冰外表晶凝通透，質地滑溜，入面仲有寒天，煙韌小芋圓，桃膠等等，份量十足。紫薯芋圓鮮牛奶（$30）鮮奶燒仙草（$28）芋泥芋圓鮮牛奶（$30）咁多嘢都唔駛200蚊，真係幾抵食。

處理完定期既面談後，就約左朋友見而食野朋友係附近返工，帶左我去東廣場覓食朋友帶左我黎呢間台式茶飲小店除左台式既手調之外，仲有一d台式既小食同甜點，仲有朋友好中意既冰粉同芋圓添！！！我地分別揀左杯飲品，再要左d小食一齊share之後我地去左附近既草地公園開餐我揀既係“元祖芋泥姬”HKd$32小食方面就要左“熱壓吐司”、“台式小香腸”同“桂花冰粉”熱壓吐司有多款既配搭口味我地要既係芋泥配肉鬆，味道好夾台式帶甜既香腸，配上蒜泥青瓜咁食，有種係夜市食既地道風味冰粉可以自選三款配粉，特别推薦黑糖晶球，香甜之餘，口感好好

#手工 #芋圓其實想食熱😂😂 下次啦我好鐘意仙草😚😚 料好多又有桃膠，芋圓可以再煮軟糯啲因為比較麻麻地咬口既芋圓～ 重口味既我鐘意再濃郁啲既奶香不過清淡唔太鐘意甜既朋友就岩曬🧏🏻‍♀️ #甜品 #台式糖水另外想試芋泥肉鬆吐司好耐本身好鐘意食肉鬆但唔鐘意食芋頭但有相熟台灣人朋友提過芋泥吐司令我心郁郁☺️☺️今次試呢間既～好難想像會夾不過食落原來好似奶油吐司咁甜直芋泥都甜甜 好特別啊有芋香味，肉鬆味更突出如果肉鬆更新鮮更香濃就更好😋有種肉鬆見過更啡深色同埋無咁一絲絲好鐘意個款肉鬆‼️不過都好難搵到咁面包再烘脆啲薄啲會更正🤩整體都唔錯架啦～都令我對呢個芋泥改觀左，原來成舊野可以咁夾😂

所有嘢飲全部冇味道，唔甜難飲，溝水，根本唔知點樣做飲食業，完全冇理過顧客嘅感受，淡而無味都算，態度一般，全個服務都係新仔.......非常難堪，未試過咁啖味既野....上到OpenRice 先知咁多負評，不可一不可再

當時想買杯野飲，落單時已經兩位小姐應該是習慣了疫情下生意淡泊。即使有客人，同樣臉如死灰，好似比我打破左佢閉關修道既空間，一時番唔到黎，講野都冇力。杯野飲我就唔想評論喇，起碼重叫擺得入口，差得黎都唔會勾起小弟浪費光陰係度吹水。但個碗所謂既酸辣粉，我敢講係我有生以黎三十幾年間食過最差既。女友怕辣，已經同店員講要bb辣，再係落調味時重申一次，喪屍店員強調：已經好小個囉喎………結果有目共睹，佢除左辣之外乜味都冇，酸又唔酸，又完全冇晒平時食開酸辣粉一般都有既配料，油卻比平時候時多幾倍，每人食完一啖，就成碗掉左，唔係因為太辣，係因為太難食！！！要幫襯，請各位自己小心

經過見到依間小店，諗住試下佢d冷盤。因為見到有2-3個人等緊，就無上openrice check下伏唔伏就幫襯⋯⋯點知！！！真係好伏！我叫咗皮蛋同麻辣雞腎。唔好講賣相，講味道，皮蛋還皮蛋味，汁還汁，老實講未食過咁難食嘅皮蛋麻辣雞腎 極咸，質感韌到誇張 ！點解可以整d咁嘅野食出黎比客人食！！希望只係咁啱我叫嘅食係咁難食，不過我都唔會再去幫襯，比佢好食嘅小店多如繁星。真心希望佢有所改善，如果唔係佢影響好多食客個一餐嘅心情

使用化學物品沖製的酸奶飲品！充滿化學味道！極度難飲！售價$30問題是完全不能入口！簡直當做白老鼠！正間舖頭明顯全部採用淘寶買的原材料！極為可怕！佢真的加咗半茶匙化學奶粉+化學酸奶粉！實在難以招架！希望冇人再中伏！做生意！必須用真材實料！就算不是使用真材實料也不應該使用！極度難接受的化學物品作為銷售工具！用國內原材料不是問題！但是請問有否嘗試過自己的出品？這些真的可以給別人飲用？不說你其他東西！硬件全部都是充滿問題！

去做義工，一眾義工突然想吃芋圓做晚餐，所以就跟風食，他們選了半茶匙這一間，告訴我有三色綜合芋圓，在app買要$41左右，但門市買$36就可以，剛好有義工遲來就順便在門市幫手買上來，差不多大家都是吃這一款，而且可以自行再加錢加配料，彈性都幾高。一份已經有椰果、豆腐花、桃膠、仙草（涼粉），之後自選3款配料。十分豐富的一份芋圓❤芋圓的確有3款味，有抹茶味、芋頭味和另一款黃色芋圓我已經忘記是什麼味（好像是芒果味）。芋圓食落彈牙有咬口，味道都幾香，糖水入面有混奶，好好味，我加配的是紫薯泥、寒天（但當時賣完了，所以換成椰果給我）、小芋圓。怕吃不飽，所以選了小芋圓😂，但最後都夠飽😋😋😋下次有機會會再吃。

嗌咗杯桃膠杏仁茶$30先講味道，是冇的。好似溝開咗1:99咁稀再講桃膠，我完全係見佢有桃膠先幫襯但佢個桃膠令我好好好好好好失望！冇口感又碎，分量都唔多怪我當時太口渴，又見到有桃膠冇諗太多就買咗成杯嘢由味道到口感都太唔似一杯可以賣比人飲嘅產品，所以我揼咗，相都冇想影依家上嚟寫食評先見到已經有咁多人report過個伏

我買既芋圓加左豆腐花，點知豆腐花又黑又硬，仙草又有苦味，d芋圓又唔知放左幾耐，咁都可以比人食，真係非常之失望，幾十蚊我食左兩淡成碗掉左，希望你地可以改善下食物質素先拎出黎賣比人呀

本身見呢間咁多野食就諗住試下，又有小食又有野飲，就叫左一碗雞絲酸辣粉(～$45)同一碟蒜泥白肉。結果一食，中伏。啲雞絲又硬，啲麵唔係平時酸辣粉質地煙煙un un，係好似未煮熟咁，麵中間係好粉一粒粒咁，麵表面係硬到可以企起度，而且冇湯，食左幾啖就放棄左。咁細碗又難食收我$45。到蒜泥白肉，完全冇蒜泥味，啲肉硬到咬到牙痛，啲青瓜又唔新鮮。我第一次嬲到黎openrice寫食評，全香港最難食酸辣粉非佢莫屬。

本來見有網上優惠吸引過黎，點知話己經冇合作== 甘唔緊要啦，照叫左個紫薯肉鬆吐司，結果塊包係乾，但唔脆...味道亦都唔討好，之後個飲品牛油果波霸厚鮮奶圖文不符，得好小好小牛油果味，冇海報果個一層牛油果甘多，珍珠都唔彈，最過分係個酸辣粉，見幅圖諗住佢會有湯上，點知都冇，全部都係凍食。但最過份係啲餸全部攤晒出嚟，又唔琴蓋。仲見到有個面擺咗喺地下，啲面又勁硬，叫咗個牛柏葉好油，雞臀又勁鞋口，成個面冇乜酸辣味，蘿蔔丁隻味好奇怪似放左好耐，最後個面食剩8成就冇食了。

起附近做野，5點幾，未食lunch，dinner又好似太早，咁就周圍穩下小食，又唔想食魚蛋腸仔D旱野噢，半茶匙平時呢頭行開都見到間鋪，芋泥紫薯多士，大大張廣告係幾吸引，咁今日就trytry佢一件多士一杯好似幾岩，order左<芋泥肉鬆吐司 $35>兩塊烘底多士鋪上肉鬆夾住自家制芋泥，三樣食材互相交替互相融合，有鹹有甜，有軟有硬，只是叫價係太進取，食左一大半無味道嘅鋪租落肚<好立克波波冰$35>睇名完全唔知係咩來，只知道關holick事，問下原來個主題係類似7Eleven嘅思樂冰再加D珍珠，反而呢被我自我感覺麻麻，主要覺得holick味偏淡，同埋冰碎凍到D珍珠有D偏硬，創意十足，效果欠奉鋪頭門面開左檔重慶涼麵部門，好似都好好食，下次trytry先

第一次買佢的野飲，見到佢用黃色在餐牌highlight左個元祖朱古力，因為唔知邊杯係signature，就照佢牌上order啦。杯野都唔平嫁，$30。但朱古力好淡好淡囉! 珍珠硬的好難食! 一定無encore

-🦄半茶匙-芋泥花生醤厚吐司 Hkd35Rating🌕🌕🌕🌗🌑-原來觀塘東廣場個邊都有咁多野食架🤤就好似一個迷你版既葵廣咁😬😬上個月第一次去真係大開眼界喇🤣-呢間小店主打台式飲品🙈好多黑糖珍奶個啲但竟然都有賣埋台灣既厚吐司🍞選擇都有好多😻例如係芋泥/紫薯/抹茶等等吐司即叫即做 所以都等左大約5-10分鐘送到來已經係切好左 個橫切面好靚呀芋泥既份量好明顯比花生醤多😈😈吐司微微脆身 芋泥係真係純正芋泥溶咁唔會夾雜住芋頭粒粒 比較CREAMY👻味道方面 唔會話好甜 甜度適中👌🏻👌🏻芋頭味當然好重 意外地同花生🥜同幾夾👍🏻-整體來講吐司中規中矩😬👍🏻雖然係第一次食但味去到話食左會一鳴驚人咁既程度🤣大家有興趣又經過都可以一試既🙈🙈-