半茶匙 (已結業)

阿華田波波冰🙈🙈官塘東廣場對我嚟講就系平民價錢中上質素，種類比較大眾化同埋新穎。呢杯野都特別唔會同其他店成日撞款嘅，但唔算平。小店都要$35杯，Size介乎平時連鎖店中杯同大杯之間。杯野阿華田味唔算太重，因為溝咗冰。不過見啲冰唔系想像中思樂冰沙冰咁樣，而系一粒粒茶餐廳細冰咁。唔知系部機問題定系佢用嘅冰原料本身太大粒，所以接觸表面唔夠，定系因為佢一路做一路收錢所以打得唔好。不過最好就唔好邊收錢邊沖啦，因為都會牽涉到衞生問題🤭🤭。

最近天氣有啲熱，冇乜胃口，記得成日經過東廣場有一間買涼皮，咁就試咗呢一間嘅涼皮。乜都想試既我今次就叫咗三個餸，分別有牛柏葉、夫妻肺片同埋豆乾。粉皮本身$35俾我加左咁多嘢之後就變咗$73。70幾蚊一碗涼皮其實有少少貴，建議大家都係揀一兩個餸，過下口癮算。牛柏葉有啲普通可skip，夫妻肺片唔錯幾好食，不過份量有啲少，得4、5塊。豆乾$8塞到成個碗面都係，不過食完有啲口渴。叫咗小辣,同譚仔5小辣差唔多呢lv。OpenRice 同其他外賣平台都冇得用app order涼皮，想食嘅朋友要自己親自去買。重點：呢間店主打都係奶茶，純粹過吓口癮先叫個涼皮食下，大家唔使特登試食。不過覺得個夫妻肺片可以一試

中午我在「西貢」食完屬於齋菜，沒有肉的「羅漢齋炒河粉」之後，就乘搭交通工具前往「觀塘」，在「東廣場」商場地下光顧素食食店，購買素雞扒飯。至於飲品方面，我選擇了在「東廣場」地下的美食廣場裡面，光顧台式飲品店「半茶匙」，購買享用沙冰飲品「芒果波波冰」。本來還想購買「紫薯Oreo吐司」，可惜最後忘記了而沒有購買。我本來想購買外賣素菜飯盒作為晚餐，和「半茶匙」的沙冰「芒果波波冰」飲品之後，立刻乘坐交通工具返回「西貢」，可惜「西貢公路」黃昏期間遇上嚴重交通擠塞，耽誤我返回「西貢」的時間。不幸中之大幸的是「半茶匙」廚房店員製造的沙冰飲品「芒果波波冰」，經歷「西貢公路」的嚴重交通擠塞，「芒果波波冰」裡面的沙冰還未有完全融化，我總算能夠喝到沙冰裡面的綿密口感。最重要的是「半茶匙」的「芒果波波冰」，原來可以容許食客另外選擇，為「波波冰系列」飲品的表面加上一層味道偏鹹和甜的「芝士」奶蓋。可惜我這兩日還需要食素，所以最後被迫放棄為「半茶匙」「芒果波波冰」飲品實際製成品的表面，加上一層味道可能很濃厚的芝士「奶蓋」。至於「芒果波波冰」實際製成品裡面的味道，「芒果波波冰」飲品充滿了來自「芒果」濃厚甜味，加上「芒果

每逢深夜總是餓，自從wfh後，長時間留家，日日食媽咪住家飯，對美食既追求變得越嚟越強烈~  早前同朋友係觀塘apm shopping，之後，就嚟到東廣場「半茶匙」買外賣。呢家小店係朋友推介，主打台式飲品，款式選擇極多，價錢合理親民。而除咗飲品，佢哋仲有其他美食，包括台式滷肉飯及手工芋圓糖水。當然，最令我心動既就係超人氣既台灣鐵板吐司。吐司共有9款口味，最後，我就揀了芋泥肉鬆及紫薯肉鬆吐司，再點多杯琥珀波覇鮮奶茶返屋企自私食。紫薯肉鬆吐司我個人嚟講，覺得紫薯肉鬆吐司好好食，首先佢大大份，感覺真材實料，吐司外層金黃色，入面放滿紫薯肉鬆餡料，入口時而紫薯味道好突出，口感好豐富，味道甜中帶鹹，外脆內軟，好好味~芋泥肉鬆芋泥吐司超厚實，份量超多，視覺非常飽滿，而芋泥口感香滑綿密，甜而不膩，配埋最佳拍檔既肉鬆，簡直係perfect match，芋泥控必試~琥珀波覇鮮奶膠杯上印有"一小時內飲用"既字眼，感覺好窩心。入口會有濃濃既黑糖味，同埋牛奶奶香味，甜度啱啱好，唔會"甜耶耶"，加上煙煙韌韌既珍珠，推介。

經過東商場，地面層係一個大型food court ，有好多小店，買完嘢飲，見到咗呢間小店，有賣唔少嘅台式小食。佢有賣芋圓、芋泥三文治、冰粉、台式便當，仲有台式飲品等等🤓。咁我就揀咗一份芋泥肉鬆三文治、台式腸同鹽酥雞外賣返屋企食。芋泥肉鬆三文治 $35芋泥係creamy質感，除咗有芋頭味，都幾重煉奶味，不過唔會太甜。芋泥同肉鬆真係好match,因為肉鬆可以令三文治層次更豐富😆。而三文治本身有烘底，幾香口。台式腸 $32台式腸份量都幾多，配上蒜泥同少少青瓜絲。蒜泥令成份台式腸變得惹味香口😋，可以變成另一款新口味。鹽酥雞 $38鹽酥雞即叫即整，熱辣辣，炸粉唔算太厚。☺️

半茶匙I was wandering in Kwun Tong and I walked past this store in E plaza. Lots of choices here, ranging from Taiwanese snacks and food to Chongxing spicy food. I bought some takeaways. 芋泥花生醬吐司 ($35)多士有滿滿嘅芋泥，口感唔錯。芋泥同花生醬好夾，當中花生醬比較濃郁。新鮮食嗰陣個包皮幾脆㗎！佢地個包裝幾靚，打以打卡！台式花枝丸 ($32)份量都唔少，可以同家人分享。韌韌地好好咬，唔錯！整返熱嗰時好香！芋圓 ($36)有三色芋圓，仙草同任選三款配料。有十六種配料好多選擇，我揀咗紫薯泥、芋泥同小芋圓，足料！本身想試椰奶可惜今日冇！There are so many small restaurants in E plaza, I would like to try them out in the future!

一向都中意飲台式手調既我，經舊同事介紹，推薦我試下呢度既飲品呢日放早就決定外賣返杯除左常見既台式飲品之外，呢度仲有提供台式小食/近年既大受歡迎既熱壓吐司等等不過當日其實已經食左lunch，所以對咸食就相對無咁有興趣但佢既紫薯芋圓鮮牛乳$32就好吸引我仲有佢地既仙草芋圓$36都好正咁咁岩媽媽打黎問我幾時返，就順便問佢飲咩，帶杯返去俾佢飲啦呢度既仙草芋圓好足料！！每份都已包一份芋圓同仙草，之後仲可以自選三款配料我要左紅豆、紫薯泥同黑糖晶球呢幾款配料都好合拍，我同媽媽一份兩人食都好滿足飲品既質素都唔差我地都各自幾滿意自己既飲品

星期六放學同朋友去觀塘一齊行街。突然好肚餓，就揾食，可能放工時間，太多人。所以買外賣。見到間台灣食店。半茶匙出面有款特色多士。就同朋友一齊試下。加多個飯比呀仔。3款都係百多元。我地都愛吃芋泥肉鬆吐司, 紫芋吐司,鹽酥雞滷肉飯飯粒不會太"淋"因為炸過的雞塊都怕外賣會"淋"但出奇地沒有太"淋" 之餘亦比較入味肉質都會嫩兩者比較雞肉美味過飯紫芋吐司比較出奇地大份因為外脆麵包夾住成寸厚的料超抵食味道好5係太甜減少膩口感冇諗過又幾好味而我個份芋泥肉鬆吐司最初諗買呢款味都驚都朋友仔個份差5多,點知又5同咸甜兩味又幾特別重點5係少料係足料比想像中多.整體價錢, 份量同味道都不錯, 下次再試佢其他野食。

東廣場近來越開越多小食店，咩都有得食咩都有得飲，當中唔少得台式飲品店，呢日行過見到呢間小店有d特色野食就一於試下佢😆元祖芋泥姬❤️❤️❤️望住店員將一大羹芋泥加奶放落去打成野飲，真係淡淡芋頭香，加上杯身好有心機咁整咗花紋，要黎打卡都都唔錯🥳手作芭樂西柚❤️❤️❤️❤️飲落好清新，酸酸甜甜，仲要份量好大杯😆芋泥肉鬆吐司❤️❤️❤️呢個吐司就唔算好驚喜，但係鍾意芋頭嘅朋友不妨一試，厚厚既芋泥絕對冇手軟，夾埋肉鬆鹹鹹地，都唔錯

成日都見到foodie食芋泥toast，真係引死我呢個芋泥控😗不過我又的唔起心肝走入元朗/ 教定鬧鐘同人鬥快搶😅好彩市區都俾我搵到<<芋泥肉鬆吐司>>($35)即叫即製嘅吐司又脆又熱辣辣👍🏻芋泥幾滑！肉鬆嘅比例都夾得好好～唔會俾佢搶晒味😌<<台式花枝丸>>($32)估唔到有咁多粒！抵食👏🏻佢仲有好多飲品選擇㗎👇🏻我哋就叫咗杯<<桃膠蜜桃茶>>($30)桃膠份量好多! 啜極都有😶蜜桃味亦都幾濃🍑

今晚食自己, 又撞正晚市禁堂食, 掃街醫肚就最好不過。放工去左觀塘東廣場兜兜, 好一段時間冇黎, 原來開左好幾間外賣小店。今晚就幫襯左間台式小"半茶匙" 限定款式吸引我一試【紫薯芋圓鮮牛乳】HK$32紫薯係杯邊令賣相變得有特色, 入口牛乳幼滑, 紫薯味偏淡, 有少少好林嘅小芋圓增加層次, 整體味道偏淡, 不是過份落糖的死甜之作。【芋泥花生醬吐司】HK$35即叫即做, 吐司表面輕輕烘底至微脆金黃, 內側平均搽上花生醬, 再夾起厚厚軟滑芋泥, 芋泥味道偏淡, 整體味道主要黎自花生醬, 對比一般茶餐廳的花生醬多士, 只是多了軟滑芋泥嘅口感。最後點埋甜品【手工芋圓套餐】HK$36三色芋圓、配仙草底+自選三款配料我就揀左小芋圓、椰果、紫薯泥, 非常足料, 有淡淡練奶香, 芋圓帶微微煙韌, 滑滑仙草帶少少甜, 小芋圓質地好林, 超喜歡細細粒椰果, 甜甜地, QQ口感, 又能豐富層次; 至於上面兩款芋泥味道雖然偏淡, 但加了練奶後, 味道甜返少少, 唔錯!

小館唔易做，所以很多小館都會格外用心做好品質！點了他們的3款食物，2款甜品（冰粉及手工芋圓）＋1份鹽酥雞，全部都大大份，好足料！手工芋圓煙韌有咬口，鍾意食芋圓嘅朋友必試！冰粉口感似啫喱，好味！鹽酥雞惹味香口，但不。油。膩！值得Encore嘅一間小館！

< 半茶匙 > 📍觀塘前幾日行觀塘見到呢間台式飲品店好多選擇 就買外賣返屋企食😛 味道都唔錯😋🥛Oreo 波霸厚鮮奶 $32黑糖珍珠好香黑糖味 幾煙韌😛 oreo係中間 充滿Oreo 味 唔錯 鮮奶味道濃郁 整體唔太甜 幾好飲😆🍼炭燒珍珠烤奶 $28呢個冇咗oreo 碎碎 但係珍珠嘅黑糖味更加濃郁😆😆 烤奶應該都係普通鮮奶 對得住呢個價錢😛🐔鹽酥雞 $38即叫即炸熱辣辣🤤 鹽酥雞好香 有啲似巴辣雞粒 雞肉嫩滑 份量好多 食落好惹味 唔錯😋

●柯華田波波冰 ($35)●睇名完全唔知係咩來，攞上手之後目測應該係冰沙+珍珠+朱古力漿 啲朱古力想做掛杯效果但係太凍啦哈哈凝固晒 飲果陣要刮番佢落嚟先有返啲柯華田味 😅🤣🤣🤣🐷🐷🐷●鹽酥雞併台式香腸魯肉飯($52)●佢嘅咸食比嘢飲好好多！鹽酥雞有經過特別醃製，食落有啲似KFC啲炸雞咁 好惹味～可惜可能因為放咗入外賣變到冧咗少少～大家一定要趁熱食呀！！魯肉飯都好惹味，唔會太鹹／太味精 肥豬肉嘅比例都做得啱啱好 有蔥油香得來唔會太肥膩💭💭💭好味(8/⑩)抵食 (8/⑩)💭💭💭

係東廣場有個迷你嘅food court，果到有好多好食嘅餐廳，行完街想買甜品食，所以去到依間台式飲品店，店員嘅態度幾友善。台灣手工芋圓包左一份芋圓同仙草，仲可以任選三款配料，平時常見都可以點到。今次揀左紫薯泥、黑糖晶球同紅豆。芋圓有蕃薯圓、芋頭圓同紫薯圓，都算大粒，食落幾煙韌，唔會太粉；仙草食落幾滑，配埋糖水都幾好味。紅豆食落係一粒粒，唔鍾意食淋曬嘅朋友會鍾意，但都唔會太生；幾鍾意黑糖晶球，佢係黑糖味嘅小果凍，口感Q彈爽脆，仲有濃郁嘅黑糖味，不過紫薯泥有少少苦，但個泥整得幾好。本身揀芋泥肉鬆吐司嘅時候有少少擔心唔好食，芋泥同肉鬆好似大纜都扯唔埋，但食落嘅時候又幾夾，鹹鹹地嘅肉鬆同少少甜嘅芋頭都係一個估唔到嘅好配搭。芋泥整到幾香滑，冇芋頭渣，多士整到岩岩好，唔會太燶。琥珀波霸鮮奶係黑糖珍珠鮮奶，係平時必點嘅飲品。飲落都唔錯，佢有濃郁嘅黑糖Q彈珍珠，仲有濃郁鮮奶，有濃濃嘅黑糖奶香氣。