南華餐廳

营业中

休息中

這一天的午餐，南乳豬手飯配凍奶茶豬手超級多汁，腍而不化，但我最愛的卻是腍到化，即腍到骨與筋肉接近融化分離。味道可接受，雖然沒有驚喜，但單單用南乳汁已經可以夠撈成碟飯。凍奶茶有驚喜，是煉奶開的，即凍茶走，我點知？唔通飲咗咁耐茶連煉奶同淡奶都分唔到咩？今餐阿姐送多一碗仔西洋菜湯添，服務算可以，唔似之前食評講到咁差。呢間舖頭裝修一般，勝在有卡位，坐得算舒服，呢日我就一個人坐咗4人卡位了，它雖然鄰近學校區，但午飯時間卻不見有學生進來幫襯。埋單計$55，值唔值就見仁見智。

座位真係無得再迫了，上餐勁慢，阿姐數量不夠講嘢又串，抹檯塊布一陣難講既味道。整餐既阿叔一路係度鬧D亞姐。。成間鋪亂曬龍，如果唔係周圍食肆少，呢間嘢真係食得屎。。。

平時無餐具少事，經常送錯餐又無禮貌，未講完就cut線！今日仲過份，叫左一個粟米魚柳飯飲杏霜，Xo醬炒麵配茶走。半個鐘後黎到，比左一盒牛腩飯，一杯杏霜同一盒炒麵，完。茶走就真係走左好聲好氣打比老細講翻以上情況就好快cut線，等左34分鐘後，只拎一杯茶走黎，並無帶粟米魚柳飯交換翻走盒錯既牛腩飯！再打去聽電話餐廳收銀係咁又問又罵話想點，一早已明確講出問題同更換，個收錢女人就話家下你想點你想點？完全無聽過人講野，再問係咪又要等一個鐘換？就又再cut我線！垃圾餐廳以後吾會叫

剛搬來這區，就隨隨便便進入這家茶餐廳，服務態度不好也在意料之中……但沒想過香港人成為三等公民！進入這裡沒人理會，樓面有三個人，一個年紀很大的伯伯，二個亞嬸，等了10分鐘沒人清潔枱，揚聲叫點餐，嬸嬸們大聲說找其他人點，我不做點餐的，而伯伯一直在包裝外賣，最終叫到亞伯點餐，他給了我凌厲和嫌棄眼神，大叫「點就說」，食品也不太好之外，突然聽到後面操普通話的客人，亞嬸溫婉的幫他們點餐。如果他們是大客戶點很多也就算了，也只不過點一個早餐，要歧視香港人那麼利害嗎？難道他們是同鄉，我們香港人才是外來人？一定不會再幫襯

以前住附近隔日就嚟開餐，好掛住佢哋嘅粉麵。今日喺旺角特登行過去食。店喺培正學校對面，附近街坊同學生都係佢哋嘅熟客。牛腩湯河 $40好耐冇嚟食，一樣咁多人，牛腩一樣咁好食，夠腍夠入味，河粉夠滑，個湯唔混濁 ，水準仲keep 到，價錢合理 😋😋😋

落單阿姨未能搞清楚牛筋牛丸麵應要付加錢，出咗單我問詳情，阿姨唔識解釋另一位幫忙解釋完我話ok明白，點知到俾錢時顯得態度惡劣。牛筋牛丸麵偏油膩同埋鹹。止此一次吧。

南華餐廳在培正小學對面，餐廳門口有很多巴士站牌，距離旺角東地鐵站都不遠。位置便利。今天點了罗汉上素煲和雙菇炒生菜。分別都是62元配白飯和飲品(或者湯)。工作人員人很好，看到我們選擇素食，就耐心告訴我們哪些是素食，湯是有肉的。素食小菜味道很不錯，量足，價格也很好。以後還會過來。付款也可以支付寶和微信，太方便了。

南華算是何文田區的老舖，屋企人時常來外賣水餃，雖然價錢頗貴（$6一隻），但物有所值，用料十足，有鮮蝦和木耳，筍等。是日貪方便到此堂食，時常經過門口見到牛腩麵檔口幾吸引，便叫了瘦腩米線一試，點知咁就中咗伏...首先正宗的潮州牛肉檔一定可以選肉的肥瘦，我碗瘦腩米線的牛肉確有一半肥膏...湯頭冇牛味，卻十分之鹹以及非常油膩。份量亦很小，以$34的價格來說，有點貴了。三兩啖匆匆食完就算。 如果食潮式牛肉麵，何文田區來講一定是愛民邨嗰檔最正，如果來南華都是幫襯水餃算了。

屋企人中午飽飽滯滯,但我又想食飽d,咁就去間近近地既粥粉麵飯食晚飯啦,各取所需.。 去依種舖頭一定要叫碗牛腩面試下佢嘅功架,這是常識吧.碗麵一上枱嚇咗一跳,點解冇面嘅.撩一撩,.原來只係隻碗太大,面條匿埋係碗底啫,.份量係正常既.伙記其實可以輕輕撩下碗面咪好睇好多囉.面係蛋麵,冇鹼水味,而且火喉啱啱好,有咬口,啱晒!牛腩唔錯,肥瘦/軟硬都適中,而且都幾入味.另外叫左咸魚雞粒豆腐飯,雖然唔係炒飯亦唔係成鍋上,但都唔應該成碟飯濕笠笠.起碼要收乾少少水先至好上碟嘛.我知鹹魚同埋豆腐一向都係主角,但雞粒實在太少,咸魚又大粒得滯.可能因為成碟都稀冧冧,而且芡汁無味,令到豆腐雞粒都非常淡口,唯獨偶然食到大粒梅香咸魚既鹹味.餐湯係豬骨合掌瓜湯,幾甜,應該唔重或者無味精.順帶一提，卡位幾窄下,如果坐齊4個人,每人叫一set餐,即係飯,湯,餸,飲品,就會非常擠迫.4人或以上最好坐圓枱,如果有既話.

黎到何文田條食街，間間都爆晒，仲要排隊。唯有茶餐廳唔使排，所以入左去。依間茶餐廳過多2日就要裝修，不過之前未試過就試下～我叫左午餐既切雞飯，老公食常餐，叫五香肉丁，配牛油麵包炒蛋。我個切雞飯d雞既賣相唔係好吸引，雞味唔濃，飯偏硬！旁邊既菜心咸咸地，應該係用左油鹽水煮既方法煮，但重手左加鹽......常餐既五香肉丁無咩特別，整體無咩特別，都ok.杯凍檸茶佢自己都寫左少冰少甜，但老公叫左杯正常既，同我個杯一樣！無少糖無少冰

由於近年尾要趕工嘅關係，我們加班到10點幾差唔多11點先去何文田窩打老道嘅「南華餐廳」食晚飯！我們叫咗鮮茄燜馬頭嘅馬頭外層炸得好香口脆身，入面嘅肉質都幾嫩滑，鮮茄食落感覺好清新，無乜油膩嘅感覺，但係加埋啲草菇一齊就令到味道怪怪咁，同有啲格格不入嘅感覺！薑蔥魚腩煲炒得好夠鑊氣，魚腩嘅肉質好結實彈牙，而且份量都幾多！清蒸盲曹蒸嘅時間火候控制得啱啱好，肉質好鮮甜嫩滑！

今晚我們去咗何文田窩打老道嘅「南華餐廳」食晚飯！我們叫咗牛膀河粉嘅河粉麵質好軟滑，牛膀嘅質感好爽滑彈牙，唔會過腍，味道好入味！今次係本人第一次食牛膀，感覺都幾特別！我們喺好耐之前嚟食過，當時覺得他們嘅湯底味道比較鹹，但今次食就無咁鹹，真係有改良咗，值得一讚！牛丸米粉嘅牛丸好爽口彈牙，牛肉味都幾鮮！豉汁蒸盲曹嘅肉質好鮮甜嫩滑，唔會蒸到過火，而且都幾大條同肥美肉厚！老火例湯煲得火候十足，湯底味道好濃郁！

今日中午我們去咗何文田窩打老道嘅「南華餐廳」食午餐！我們叫咗三個常餐：叉燒公仔麵拼香煎鷄翼多士嘅叉燒都幾香甜鬆軟，麵質就好腍身同好粗「嚡」，香煎鷄翼煎得唔係好金黃香脆，味道亦比較淡！沙嗲牛肉公仔麵拼火腿太陽蛋麵包嘅牛肉肉質好嫩滑，沙嗲嘅味道唔會好鹹！腸仔通粉拼火腿奄列麵包嘅腸仔煎得都幾香，通粉唔算好彈牙，奄列嘅表面煎得好香口，入面嘅火腿份量亦都幾多！

When arrive great service waiter very polite,When the drink arrive look ok taste ok, the main dish arrive which is disappointing!The fries half cooked, no color, chicken have huge different between the picture and the reality.Use the soy sauce marinated chicken from last night, over all not fresh dry like hell as u can see in the picture. Recook chicken so dry taste bad I will never come back. One simple dishes horrible taste

早兩日收早就在何文田附近食個下午茶，一入餐廳門口見到有個粉麵檔見到牛腩好似好對版，試試吧各式粉麵牛腩伊麵$33～牛腩半肥瘦，沒有鞋口，但牛味欠奉還有點黐牙湯底淡如清水加油伊麵爽口，正常口感沒有偏差淨雲吞、墨丸雙拼$36～雲吞好實肉，一浸雪味，蝦肉只是碎的只有肥豬肉味墨魚丸只有麵粉口感，一點墨魚味道也沒有，口感非常厚實、彈牙口感當然欠奉如同上一樣湯底更淡凍檸茶$9～非常抵飲而且茶味都尚算ok,其實味道比起其他的粉麵茶餐廳收費也不大差距，但味道卻屬於差了一點,雖然沒有試過水吧廚房食品，但應該沒有下一次，而且冷氣唔夠食到一身汗，沒有辣椒油根本不能食得到