南記粉麵 (已結業)

我唔係第一次去食南記, 佢每一次都無令我失望!我最鍾意食佢d菜肉雲吞, 因為每一隻都唔係好大隻, 一啖一隻啱啱好, 仲有佢裡面d涵有好多菜, 最特別係用左雪耳, 食落好有口感! 呢度d牛根同春捲都唔錯, 值得一試!

要去銅鑼灣買d嘢，返公司時順便買個菜肉雲吞米線返公司食。我要了少辣，有七粒菜肉雲吞，韮菜，芽菜及肉碎等，大大碗，材料豐富，一個女仔食晒會太飽嘞。味道方面就不過不失啦。最後我都係食唔晒，不過到晚餐時段都仲係幾飽。

今日特登去買外賣返公司慢慢嘆~~~腩肉+春卷米線(小辣)*米線裡面有`少少芽菜+腐皮+肉碎+9菜*腩肉好正,係一片片架,雖然無肥膏,但係夠"林",又入哂腩汁味,又有小小辣..........正呀*春卷既外型唔吸引,食落口又唔錯,裡面係魚肉,浸落d湯到一齊食,會仲好食架~~~ 值得一讚就係外賣個兜,係用紙做,雖然紙做,又好硬淨(可以放心),唔係用發寶膠,咁都算環保吖

今日一條冷四圍搵地方食晏, 忽然醒起好友食家"乜都放入窿"講過呢間食店, 橫掂從來都未食過, 所以決定一試!入到去食店, 發覺原來係自助形式, 當然有點失落啦, 皆因師傅出名懶人, 要自己攞野食, 真係有少少唔慣; 行到埋去柯打左一碗招牌米, 招牌米有兩粒魚蛋, 兩粒牛丸同埋兩條春卷, 再加多杯凍檸茶!先試下個湯底, 湯底好清好好味, 唔覺有味精, 可以啦; 魚蛋唔夠爽口, 口感一般, 唔多討好; 牛丸就幾香同幾鬆, 十分爽口, 幾得; 春卷體型都幾粗壯, 春卷係用腐皮包著, 咬落爽口, 味道唔錯, 口感一流, 真係幾好味! 而米粉就冇咩特別, 都可以啦! 值得一讚係呢度d冬菜, 成樽放喺枱面任你落, 不過冬菜就咸左少少; 至於凍檸茶就唔算環保, 用膠杯, 但檸茶就幾凍同幾有茶味, 得喎!總括黎講食物質素幾好, 特別係春卷, 尤其一絕, 好友食家"乜都放入窿"真係冇介紹錯喎; 環境都清潔乾淨, 服務麻麻喇, 話說師傅喺比飛前已經講左走蔥, 但個伙計理都唔理, 照落, 真係你有你講, 佢有佢做, 吹漲, 有相為証架; 而價錢唔貴, 招牌麵都係十六蚊一碗, 而凍飲加九蚊, 可以啦! 下次

星期六晚，落完吧見肚餓，所以隨便找了間粉麵檔作為晚餐地點。這裡是自助形式的，跟男友各要了招牌麵和魚蛋河，份量剛好，魚蛋有魚味，卻不太彈牙，河粉都頗滑溜，味道ok，兩碗質素不錯的麵只是$28，在灣仔、銅鑼灣一帶實在罕見。

男朋友知我八點幾要見朋友,所以去左食我最鍾意既南記食野..雖然平安夜應該要食d乜餐\乜餐\去慶祝, 但係只要係同你最鍾意既人一齊食最喜歡既食物反而係最窩心吧...^-^其實南記真係由細食到大架,係香港仔住既時候仲係得一間個陣已經成日去食架啦..d春卷正到暈呀..是晚食左春卷小窩米線套餐\, 男友要左牛展小窩+涷飲..可能我只係要左小辣, 就唔係好覺得竦..不過我試過大辣就食到標冷汗喇..=_+\"春卷煙煙unun真係好美味!!!!

24/3(六) 3pm放半晝的一個週末,與男友結伴到維園賞花前首先醫醫肚子;立意到此店獨食.甫入店內已明確鎖定目標--春卷.點了春卷麵$13;4條體型粗壯的春卷用腐皮包裹著,咬落爽口,味如魚卷,鮮度及口感均甚佳!幼麵麵質算爽口;要挑剔的是梘水味過份濃郁!味精湯底則可置之不理.付上$13已可一親春卷之香澤,一試無妨!