南記粉麵 (黃埔天地奇妙坊)

营业中

休息中

酸辣湯底夠酸夠辣 我中意佢用幼細對既米線 有咬口 而入面既酸菜唔會太甜去平衡個酸味 幾好. 招聘春卷個外皮炸過 食落更香口.各款魚蛋同丸都好彈牙 唔會有雪藏味 都好好食 而且量多 cp值高

食親南記都會叫麻辣湯底，南記真係鐘意食麻辣野既人既福音！個個湯係真係會食到好麻，但後期會愈黎愈冇咁辣除左個湯，d米線都好出色，細心d咬會發覺好彈牙，好有咬口雖然佢成38蚊得一個餸，但肥牛既份量都ok到，呢個價錢可以接受

果日朋友係附近返工, 專登約佢試下呢間南記, 睇下味道上有無咩太大分別, 其實因為之前食開其他既南記分店, 都好鐘意佢地既麵。入正題啦, 因為我本身就好鐘意食麻辣, 同埋亦都好食得辣。見到佢有麻辣米線就當然好開心咁, 諗都唔諗就叫左魚蛋牛展麻辣米線。等左一陣間, 同朋友傾下計, 時間好快過就可以拎得, 埋到位當場係相機食先啦。試左佢啖湯, 唔錯, 夠味道, 好多時食麵就係食佢個湯底而呢間南記個湯底濃而不膩, 個麻辣味亦都好足夠, 夠麻又夠辣 岩曬我口味。至於個餸既果方面, 魚蛋同街邊魚蛋有少許分別, 就係個魚蛋夠曬彈口, 唔會無咬口, 比想像中好; 個牛展好有肉汁, 就咁望以為好乾身, 但其實咬落去果下, 入面既肉汁先會滲出黎。個米線同其他好食既米線分別不大, 都係好滑, 粗幼適中, 咀嚼既時候唔會一咬就變成一糊咁樣, 每一條都好分明, 湯既精華亦都滲左入麵入面。 好食, 值得一試。

呢間南記裝修咗之後啲路闊左，亦都整理左好多。不得不提的是他的春卷魚腐，係最地道最好食的。湯底亦都有好多款選擇，清湯魚湯酸辣湯麻辣湯，都好有港式風味。而且出餐好快係繁忙時間之選

黃埔南記微裝修後，企理了，也多了位置，可幸的係無因此大幅加價。平民清湯麵仲保持到25元一碗，不過其他湯底就不算經濟實惠！25蚊春卷麵，果腹暖肚，四條春卷可口彈牙，很歡喜。

米線控又周圍試食，今次來試試的連鎖式的南記。其實之前有食過很多次，不過到時食晚餐，今次見午餐有套餐的所以也來試試看。午餐套餐有三款，平均也是少於$40 ，但有款是有多款牛肉的米線，就要$56。我們也是被這款米線吸引，所以找點了這款。不過看來牛肉的份量不多，雖然味道不錯，我們加錢轉了蕃茄湯，味道也不錯，但比起其他套餐，這款午餐相對而言較貴。我覺得若果要南記食還是普通的四寶可米線加紫菜，因為紫菜份量也不少，較為抵食！

琴日同男朋友上就十點幾去食 咁個個時段黃埔冇乜餐廳開左 啲人話南記岀名都聽過下既 就去左食我叫左個沙嗲既米線 佢就麻辣但唔香 我碗米線少到喊左岀黎🤦🏻‍♀️ 位又冇人執 自助到☺️雖一就系夏日炎炎夠冷氣好涼爽 同埋個奶茶都幾好飲 咁個沙嗲米線系完全冇意欲想影 如果唔系都可以同大家分享下佢米線系少得幾驚人😂男朋友個量又正正常常 但唔太好食 唔會再諗住黎 唔知佢地系唔系重男輕女啦 但真系少得過份左 個米線好輕盈添😀 冇下次了咁大間鋪 佢地只收現金👍🏻

香港仔南記再唔淨係局限係香港仔啦依家去到香港九龍新界都會有香港仔南記規模就開到好似係譚仔咁樣大家去到邊都有得食依度點餐模式就係你入到去之後見到收銀處就落左單俾左錢先之後就可以搵定個位坐低等廚房嗌你個Number然之後就可以攞嘢食啦今次我就叫左魚肉春卷麻辣米線米線入面會配左韭菜同芽菜麻辣方面喺呢度嘅麻辣食完之後會令到你個嘴脾脾地越食越過癮因為我叫左一個餸嘅關係所以魚肉春卷會有四條呢碗米線嘅份量都幾大 相信男仔都會夠飽！😋

本身好中意食辣，又係譚仔常客，之前成日聴人講南記好味過譚仔，路過紅hom 就試下，揀左春卷墨丸少辣，d送就無乜意見，辣度方面都幾辣下，自問譚仔都食到中辣，但又好過癮，但美中不足係d面實在太少不過都會再食

日日都出去食午餐, 餐餐都重口味, 今日就想食得清清地~整返碗清湯粉食下先~南記雙拼都唔洗三十元, 味道又唔錯~真係平又正我叫左碗墨魚丸春卷河粉~朋友就叫左辣豬肉酸辣米線~春卷係招牌餸, 一如以往嘅味道, 每次都必點墨魚丸就普普通通, 唔夠其地粉麵檔好食辣豬肉米線, d豬肉幾夠味, 不過塊豬肉就薄左d, 切返厚d就good啦! 湯底有酸菜, 芽菜同腐皮, 唔太酸, 但幾開胃。不過平時我鍾意叫麻辣多d~食完個口麻麻地的感覺好正XD

有營粉麵套餐 (7/10🤪)$40 包兩餸，可選麵底，有一碟菜+飲品必食主菜推介@炸春卷:口感一流，有咬口😋環境@尚算乾淨服務@出餐都快價錢@CP值中等，男士應該唔夠飽🙄

😁😁😁😁😁😁😁😁😁😁😁😁😁😁😁😁登！登！登！南記好出名魚春卷喂！你無睇錯係外賣邊爐set懶惰的人有福了連街市都唔洗去❤️🤪🧐個湯底係番茄濃湯🤤🤤成個set 有丸ssssss 🤤肥牛 🤤魚片 🤤最重點緊係魚！春！卷！啦🤗🤗🤗🤗(官方說招牌春卷魚片牛丸貢丸菜肉雲吞魚餃墨丸西生菜肥牛辣醬湯底）Lee 個set 係for 4~6人用既我地5女1男都食到大滿足😁😁😁😁加上價錢真係好開心價🤤 可以話一次話滿足曬打邊爐+食南記辣醬+魚春卷既食慾🤤🤤🤤$318!!!!!

之前都已經來過這間南記，很久沒有再來，想不到友人有一天，竟然晚餐後散步兩下，又覺得肚餓😨。😣嗅到這間南記的氣味，於是又想吃消夜了。想不到現在南記這麼多元化，竟然連雞鎚也有得賣。可能不久之後，南記甚至乎會賣飯盒了。這個小窩腩肉春卷米線，腩肉也是正常，不太肥膩，脆皮。春卷正常，外皮也還爽脆，沒有被湯浸林晒。小鍋確是夠辣，小辣已剛好，再加辣油魚露則太辣雖然人流不太多，但是等得不算太快，可能晚上買外賣回家的人還不少吧。

喺香港食米線既舖頭其實都真係有好多間，但作為一個新界人，真係好少機會可以食到南記，因為新界區無分店，想食南記就要去九龍或者更遠既港島，好彩公司附近有一間，想食粉麵既時候，除左3哥，又多一個選擇。舖頭坐滿晒人，而且仲有好多人等緊位，想搵個位堂食都真係有難度，於是乎外賣拎走返公司食。點左個有營套餐 $40，揀左雙拼 (招牌春卷+魚腐) 配米線、凍豆漿(細)、生菜，個套餐有咁多樣野都只係 $40，價錢都算合理。外賣返到公司一睇，竟然俾錯左河粉我，但錯有錯著，河粉唔錯，食落好滑，加埋醋同秘製辣椒醬一齊食真係絕配，當堂令一個平平無奇既清湯底變得吸引同好味。春卷係南記招牌之一，所謂既春卷其實係用腐皮包住魚肉黎炸，外型一條條好似春卷咁，由於佢將春卷放左落湯度，所以係浸淋左，我就覺得無乜特別，唔可以話好好食，另外魚腐就正正常常，生菜太熟，豆漿唔太甜。之前食過一次，叫左招牌春卷牛腩酸辣米線，我覺得南記既酸辣幾好食，比較濃味但唔算好油，個人黎講我覺得牛腩好味過春卷。

南記粉麵由細食到大，而家喺學校附近有得食真係好開心呀今次叫咗個套餐，五十幾蚊就有嘢飲，冬茹、招牌春卷、魚片、豬肉等嘅餸，再加麻辣湯底嘅米線，大大碗，男仔食都夠哂飽呀！