南記粉麵 (金寶大廈)

营业中

休息中

一直都有食呢間分店，一星期最少三次，但直到最近一兩年，食物品質每況愈下。米線有時太硬有時就煮太耐，點中辣，辣度次次唔同，對上一次食直頭多辣油過大辣。油菜16蚊，大概有8-10條細菜心。價錢就加左，份量就比以前少三份一。完全冇quality control, 由以前我會同人講南記好過譚仔，到我而家要寫食評鬧，完全失望。人地三哥啲品質控制做得好南記太多，價錢平過佢，質素好過佢。人手唔夠又接網上同電話外賣單，試過睇住佢做兩三袋外賣，做到要等25分鐘先到我堂食。想食米線，食譚仔或三哥好過。

今日中午嚟開就食下南記啦，舖面都勁多人，要等一陣，見有個套餐就試埋，一款A餐係全牛的粉面配飲品 /B餐就兩餸粉面配生菜飲品/ C餐就兩餸粉面配魚片頭同飲品我就叫左個B餐，要墨魚丸配魚餃河，都好大碗下，但清湯又真係冇乜味，要配返d辣醬墨魚丸都唔會只係得d粉喺入面，都有少少墨魚肉，而魚片頭就有5件，煎得好香但d五香椒鹽粉太多，搞到外面太重味入面又冇乜味咁，好似有d浪費左但總括嚟講，$45連飲品算係咁的了，仲想點丫

成日聽人講南記春卷都好好食，所以今次行過路過南記粉麵，決定都要想去食一食！上到去跟估唔到冇乜人，所以即刻就買咗一碗魚春卷河粉，然後再坐喺度等叫Number !等左大約10分鐘，雖然有啲耐，都唔可以食了！在場大部份人都食米線，而我就選擇左河粉，感覺有啲失望！因為河粉冇米線咁彈牙，而且好似分量較大，淨係食河粉都食到飽了！但係佢哋嘅春卷的確好味，外脆內院，感覺！我相信下次我再嚟，都係會去食魚春卷米線！ 10分好味的推介！

食完飯,四處行下...去到成10點好多鋪頭都已經關門要食一個普通晚餐又食唔落,咁就去左附近一間南記粉麵讀書年代就真係成日食,近來好少食了....去懷念一下讀書時期成日食既野啦快快手叫兩個粉麵一個雙拼河粉要春卷,魚片另一個雙拼河粉要春卷加魚腐南記既春卷可以話係黎南記粉都必食的咁多年都差唔多唔錯的魚片有幾片,冇咩特別,正常大路野而魚腐就入口唔錯南記個辣油都係好正,食粉麵必定要加,連埋個豆漿解下辣真係好正不過唔見左以前好好食既冬菜,有埋就真係好好喇

呢到位於西灣河南記，本來都幾高質素。不過可惜食物價格愈來愈貴，一碗粉加杯野都$56，就已經唔係好正常。一碗今既肥牛粉份量大不如前同湯既温度都唔足夠，清潔道又不足。呢一碗仲離譜，得果幾個餸仲好意思收人$36。你話係咪好過搶，比我一定冇下次。愈做愈差。又貴又少分店唔就腳。

南記粉麵除了魚卷出色之外, 辣豬肉都好出色, 每次到南記必定會食招牌辣豬肉米線(酸辣), 為迎合客人需要, 除了酸辣現在還有番茄及麻辣選擇.酸辣湯底內已有辣炸醬/腐竹/酸菜/韮菜/芽菜等配料, 辣度亦可選擇, 如某配料不要, 緊記於下單時告知職員, 先到收銀處下單, 再等候電視上的號碼取食物南記既辣豬肉每片切得夠薄偏瘦, 跟酸菜一樣, 份量很多, 而中辣的辣度就剛剛好, 不會過份辣而覆蓋酸菜味, 米線口感較硬, 每一次下單都要跟職員說一聲, 煮淋D

同老公一人叫左一碗小鍋米線,佢果碗係春卷,腩肉,八爪魚丸,小鍋米線,春卷唔洗講,一樣甘好食,腩肉得四五片左右,好味,但好少,八爪魚丸OK我果個係春卷,大腸小鍋米線,大腸好少, 酸菜好好味,如果再多D就好啦價錢貴左, 但大腸同腩肉都少左,'因為份量唔算多,所以一個男人食完一碗都應該唔夠飽食完之後仲要再去食過第2D野

起香港餐餐都咁貴邊有咁多錢👉🏻👈🏻不過平有平食貴有貴食架姐😎冇乜錢 南記絕對係一個好選擇😉比起譚仔 我其實更愛南記上圖是招牌米線 $20 $20是早餐及下午茶價早餐去到11am 下午茶好似2點半開始平時正價$24 😏招牌米線 可轉河/米粉etc有2條招牌春卷2粒牛丸2粒魚蛋(休魚期期間轉左做魚片)南記無論魚蛋定魚片定牛丸定春卷都好彈牙👍🏻唔會一食落成舊粉😐米線都唔會煮到爛哂😀(質素視乎各分店姐姐手勢😈)雖然份量比起貴啲既小窩米線細其實我食完都飽既 雖然好似好快餓番🙈但$20我覺得acceptable啦😋唔通你想飽一日咩😂食大家樂下午茶都$2x up仲要唔飽💁🏻 推介😙

行完山又懶得煮，所以同屋企人食南記，叫兩個小鍋米線share，飽肚之餘又平，完全合乎老媽子的慳家原則。西灣河的南記不算多人，當日所見反而多人叫外賣，坐底慢慢食的人不多。牛丸墨丸小鍋米線，牛丸依舊肉味濃，墨丸第一次試，非常濃的墨魚味，算是驚喜之作。貢丸春卷小鍋米線，貢丸是我至愛，南記出品都算是心中排行榜的前面位置，肉味和香菇味都濃郁，春卷就一如以往好味，夠哂香口。話說原本一碗小鍋米線走辣，一碗中辣，前者無肉燥所以好易分到，的確無辣味，但問題在於中辣同樣食不出辣，味道和走辣差不多，只是多左肉燥，問廚房的時候才幫手加多少少辣，扣分。

早餐點先夠霸氣?ALL DAY BREAKFAST?好悶喔...自助餐?住酒店就話姐今次發現最霸氣既,就係平時LUNCH食既南記,原來早餐係無分別,都係有小鍋米線湯底夠酸小辣,味道很香濃,帶點肉香,配合軟身既米線,索哂湯,正,但最正都係個腩肉,咸辣惹味,又不太肥,肉質軟熟,加埋杯凍檸茶走甜,夠哂霸氣啦掛

南記來了西灣河開.第一時間去試下.因本人是粉麵 FANS 點了鴛鴦粉 ;有牛丸,魚蛋,魚條各 2 .個人覺得抵食好想比以前無咁爽口.不過個粉有點糊,湯也沒什麼味道...我也不加什麼醬汁理境算大,最少不用背對背食,夏天我會多 D 幫親的.