南記粉麵 (已搬遷) 新店位置

唔知點解我食極都唔厭.次次去親CB都好想食.豬好好咁成日陪我食.以前我淨係識鴛鴦粉.但自從有次跟豬食過小鍋米線之後.我就次次都係食春卷牛丸小鍋米線豬就有時食豬腩肉.有時食牛腩.有時食春卷我就要中辣.佢要小辣.但我覺得中辣都唔算係好辣碗粉酸酸辣辣好平均.唔會特別酸特別辣講下D配料先喇.佢有酸菜.芽菜.腐皮.肉碎等等樣樣都有D.加埋米線同D食送.搞到大大碗.次次食完都好飽春卷:雖然佢放落碗粉到.但係都有少少脆.好味有咬口牛丸:冇筋既牛丸.同出面食到既好唔同.又彈牙爽口.又有肉味豬腩肉:佢D豬腩肉好似豬頸肉.好淋唔會好難咬係CB黎講算係抵食.又平又大碗.真係好好味.搞到我成日心思思想食不過要預左食飯時候去要搭枱.因為真係好多人食架

家姐成日都話呢間野唔錯架. 叫我得閒試下.但我本身唔係中意食湯麵的人. 所以冇去試到.但自從星期日破例地食左碗魚蛋粗麵之後就覺得湯麵又幾好味 所以今日出銅鑼灣就試下食南記.又係叫左碗魚蛋粗麵. ＄１６碗麵都幾大碗. 有四粒魚蛋同四片長的炸魚片.估唔到份量又唔係好小喎.不過魚蛋個味有點似墨魚丸 個湯都算幾清. 唔錯.家姐話我好傻 唔試下佢出名的春卷.因為我怕唔岩我口味.

原本想食樓下間壽司店,推埋門入去都無人理我,結果走去隔離間南記食餐廳係快餐店形式,自己買完飛之後再去counter攞食物, 睇哂成個餐牌,都係揀左招牌湯河嚟食,因為係最平,十六蚊碗,有春卷,牛丸,魚旦.. 其實碗粉都唔係好細碗,對比番人地既廿幾蚊碗既河粉都係差唔得太遠呢!味道方面,唔算係好好,例如魚旦比較多粉,魚肉就唔係好多,牛丸就唔錯,不過細粒左少少,但係十六蚊,又點可以要求咁高呢? 湯底都係一般!見有好多年輕人嚟食,環境係一般快餐店格局!

這裡環境雖然沒有半點可觀裝修﹐感覺還有點兒像工廠食堂﹐但衛生尚算可以。這裡買食物程序像大型連鎖快餐店一樣﹐先買飛﹐後給廚房櫃臺等叫好碼。當日叫了豬腩肉米線(小辣)&牛展米線。豬腩肉米線(小辣) $25 - 肉夠淋﹐很香兼入味﹐但肉質好似有點兒似豬頸肉。叫了小辣真的給予小辣﹐真的可以滿足每位不同顧客的口味。牛展米線 $25 - 牛展在湯內程現著黑淺黑淺梅花間竹的顏色﹐但如拿起被燈光照耀下﹐淺色的筋位會變成透明﹐很漂亮﹐食落都覺得好味些。 味道鹵得入味﹐每口咬落都食到其香香的鹵水﹐質素做得出眾(推介)兩碗的米線都做得出色﹐米線本身也不會煮過火而淋bat bat﹐反而這裡每一條米線都煙煙 韌韌﹐軟硬適中。其他配菜如腐皮﹐芽菜﹐酸菜都不錯﹐但可大方一點如其他米線店般給顧客多一些而不用加$3。酸菜味帶甜多酸少﹐所以食落比較容易入口。下次如途經此地會試試其他食評所讚的春卷。總括來講這間米線食店可算是數一數二。

今日食左個酸菜小鍋米線, 要春卷, 豬腸(要另加$6). 初初以為好細碗, 因為拎個時只係見到啲湯, 連啲餸都蓋過埋, 加上相比平時食既米線, 佢既份量係少啲, 但係食落都夠飽, 唔知係咪因為好多大腸, 食到好滯, 所以最後都食剩左少少... 佢啲春卷真係好好味, 係熱同脆架, 唔係淋晒, 下次會試下其他野. 但係就唔夠辣同酸, 要自己加料, 佢個啲豆辦醬好得, 好夠辣, 攪到我心思思好想再去食

男友鐘意食米線, 見呢度評價咁高, 一於黎試試。環境唔算好乾淨，尤其架 lift 好似有 d 怪味咁, 不過 d 櫈有軟墊, 算坐得舒服買食物只有二樓, 所以坐三樓的我們要行上行落, 拎住兩大碗都有 d 狼狽。兩個人，叫左一個肥牛加春卷米線，一個魚皮餃米線再加一碗采菜肉雲吞肥牛夠肥，但 un, 唔算好味，無牛味.... 春卷好特別，睇落似魚肉卷咁~~好味~~魚皮餃普通，當然比街巿貨色好，但比其他麵檔的唔算出色。菜肉雲吞好多菜，少肉，夠健康，不過如果以味道黎計，我覺得加多少少肉會惹味 d 。但試過先知, 我自己對酸辣湯底無好感，所以唔覺好好味，不過男友話好正﹗豆漿真材實料，仲飲到少少豆渣 (少少啦, acceptable ~~)，甜味啱啱好~~抵﹗最後，唔明點解個 window 要做到反光，睇唔到街景，雖然個景都只係馬路，不過如果望到街，應該成間店的感覺都會開揚 d ~係銅鑼灣咁既價錢咁既質素係超值。晚上七點三後開始多人，建議早 d 黎食好 d ~

星期日去行花卉展, 出去銅鑼灣已經係lunch時間, 有人提議去南記, 咁啱我未出街之前都響Openrice都搵左一輪, 打算去南記喎!不得不投訴一下銅鑼灣的路真係九曲十三灣, 因為有架BB車要推就更加係麻煩由落車行到去南記, 我唸行左15分鐘, 原來已經三點.... 餓到就嚟暈 >_< 去到發覺係無位坐, 三點鐘都無位坐!? 因為果日有半間俾菲人攻陷左....我未嚟過, 俾人點嘢食, 三個人叫左兩碗米線: 大腸小窩米線 (大辣, 加六隻水餃) & 春卷肥牛小窩米線 + 兩件奶茶! 埋單好似係 $76~ 兩碗都幾好食, 大腸果碗因為係大辣, 所以有幾次差啲咳到喊 肥牛果碗唔知點解我覺得有啲人蔘味!? 飲落係幾清甜好味! 可惜南記全部分店都係響港島, 我又好少出去果邊, 如果唔係我唸都會經常去食, 因為真係幾經濟又好味! 有人會將南記同譚仔比較, 或者係先入為主o既問題, 我都係會首選譚仔, 而南記係一個除左譚仔之外, 另一個好味之選!

金融海嘯下~ 好多食店都推出優惠呀~今次南記都有嘢送呀~慳錢既我一定唔會輸蝕啦~今日lunch 去咗買春卷牛丸魚旦米粉 $22 送豆槳呀~ 抵呀一向鍾意食南記既朋友唔好執輸呀

我好中意南記既腩肉, 墨丸, 春卷都唔錯節酸辣米線好味, 中辣都幾辣, 一定要準備定TISSUE有時我都會外賣淨腩肉番家"送"飯, 好好味呢, 不過就甘食會咸D推介!!!!!!!!!!!

點左春卷牛腩小窩米線，都有幾多料兩舊春卷，三舊牛筋...奇怪就係我明明點牛腩，點解比哂牛筋我，好在我都中意食。中有芽菜、酸菜、腐皮、蔥湯底酸酸地，好似担担麵咁..，米線既分量都幾多，我都食剩左d，以為無野飲..+$1有豆漿..不過size就細d

招牌麵朋友仔係招牌麵的死硬粉絲，黎南記從來都只會食牛丸魚丸春卷同生麵。仍然來個例牌菜，就是我倆各自交換(食送)菜吃。牛丸魚丸除了彈牙外，其實無咩味，食落似加了味精既粉團。春卷本身應該係好好味，可惜被湯水浸幾浸，脆腐皮都變了老油條般。所以建議寧願少湯，總好過錯過美味可口既美食。大腸小窩米線內臟怪既我點可以唔試呢度既大腸。叫得小窩，無論係個碗定係入面既料都俾招牌麵大、多。除左面頭十幾廿片都算得上係厚切既大腸外，仲有雪菜芽菜腐皮等配料。至於質素，以銅鑼灣廿五蚊一餐來說，相信是中上水準了。

一向好鐘意食酸辣米線o既我, 終於去試o左好多人話好食o既南記.我點o左個酸辣米線, 配豬大腸同腩肉!米線質地煮得唔錯, 煙煙unun(好似唯獨係得哩樣好)!個湯底無乜咁特別, 同我晌深水埗食過果間雲南小鍋米線差唔多, 但係又唔夠酸又唔夠辣!豬大腸普普通通, 腩肉略嫌甜o左d(估計應該係片糖落多o左)!整體o黎講唔得囉...好失望!食過咁多間米線, 都係葵涌果間雲南小鍋米線最好食!

話過唔食～但又比機會佢．．．．朋友又喜歡食WOR~原本唸住食普通米線~但朋友仔話一齊食小鍋米線會開心d~~好啦~ 豪一次d脂肪比人啦~ haha牛展~ 我都鍾意食架~ 但係咸咗"d"啦豬腩肉~係我朋友仔至愛..佢請咗二件我食~ 好味呀~但好肥囉.....我一個人就係咁...食晒成碗小鍋米線...(係咪好勁.....hahahahhahahaaaa)

今晚嚟呢度食晚餐好耐好嚟過呢間南記~ 現在仲有糖水吃添~唔知好唔好味呢?菜肉餃子米線~ 味道一般~仲覺得好油呀.....激氣下次去番另一間先

除夕夜第一次光顧南記, 由於食評大多正面, 對餐廳有點期望呀!粉麵店很少在樓上, 而且南記還有兩層呢! 人頗多, 要等位, 往後時間, 也有很多顧客。我和honey分別點了豬腩肉米線&牛展米線, 另點了個油菜和凍檸茶。米線相比平日所吃的較幼身, 不會太腍, 份量亦算多;我認為酸菜不夠酸, 欠惹味;牛展的味道不俗, 夠腍又夠香;豬腩肉不太特別。個人還是較喜歡譚仔記/景霖。