南記粉麵 (已搬遷) 新店位置

下午時間去了怡和街的南記,點了一碗豬腩肉米線加春卷,問收銀員有冇加一蚊豆漿,佢話冇,要加五蚊,但係波斯富街個間又有,算了...拿張單去比廚房叫佢個湯唔好咁淡,同埋春卷分開上,點知四條都係放響碗野入面,然後豬腩肉米線d湯勁淡,唔係燈色,好似清湯加左少少辣醬咁!!!!!.勁勁勁淡!又整都我d春卷淋晒!!!!叫左佢個湯濃d,點知咁淡,唉~~咪問佢可唔可以加番d野令個湯濃番d,佢話d湯''SET''好晒!!!!!!!!!!要濃d要加肉碎,要加錢!hahaha!要加錢?!?!要加錢?!?!?碗野整得唔好比我,原來仲要加錢?!?!!!!我之前一日就起波斯富街個間食完,怡和街呢一間完全唔同,點解會咁?????''波斯富街個間''湯濃春卷正,d腩肉又好食,''怡和街個間''湯淡春卷淋,腩肉好似牛展,食落去得返個一個''酸''字...............我以後都只會去''波斯富街個間!我全公司起碼有十個人以上都係一個南記Fans,一個星期都起碼食2-3次,佢地都好鐘意食波斯富街個間,所以我以後...............

多次聽龍大讚這家店，奈何我對粉麵的興趣太低了，一直都未有機會去試。除夕夜，龍很好的陪我來到銅鑼灣完成心願，我也就一就他，陪他吃碗酸辣米線吧~　麵店算光猛企理，只是座位有點窄。豬腸是龍永遠吃不煩厭的一味，也是他配酸辣米線的心水食材，少試一片，仍然有點毛管棟。如圖，薄身又軟熟的腐皮就討好很多。此外米線本身軟滑而不過稔，湯底也較擁眾多分店的雲南桂林過橋米線為清，味精不覺存在/極少，味道是中上的，不過我還是談不上喜愛。不過見到傻佬笑逐顏開，我也十分開心，忍不住特別貼一張除夕傻佬相! 　直到現時為止，龍每次提起酸辣米線都會口水直流，不解這份熱愛的我常會藉機取笑他；不過他總會回敬我：「你見到甜品不也一樣嘛...」 藉這篇食評，也想多謝這個陪我在2008食了多餐甜品的傻佬；我知道如果角色對調，會是我陪他前往深水埗去拜訪傷心酸辣粉，而非除夕夜疾走銅鑼灣/旺角了!

話說以前係cwb做野既時候基本上每日黎食同埋通常都係食招牌因為又平又抵食但係自從無做之後就好小食啦咁bb一番黎之後...去cwb行街行到咁上下就捉住我叫我帶佢去南記話要食招牌米~!!haha~因為佢同我都係好鍾意食南記既野食咁招牌米兩份食都keep到以前既水準魚蛋彈牙牛丸有牛味魚卷都好好味又平又抵食17蚊有埋豆漿下次要番黎食小窩米線先

點了兩個小窩米線：豬腩肉米線和菜肉餃米線～酸酸辣辣的很開胃～而且大大碗，份量十足～吃罷令人很滿足呢～

不用上班的日子，很久沒做運動了，一於同朋友仔由炮台山行去上環。午饍時間途經cb，平平地黎南記食碗招牌米線吧。有個自助醬料檯擺係門口，十分方便。見到個個都加，我又走去排隊先。見到有盒類似肉燥既物體水汪汪的，雖然都估佢係辣醬，但咁稀，以為辣極有限，加左一大匙；仲加左大堆冬菜，不過好似有點污糟...眼見加左辣醬後，個湯底色水變得橙紅色，心知奶野喇...呷一口，果然有點料到，食食下就流鼻水。講返碗米線先，春卷是剛炸好，邊位仲脆，真的很好吃!牛丸一般。魚蛋最不濟，彈牙，卻久缺魚味。米線份量多，原先還怕不夠我這大食積吃，點知食完頂曬肚，還好仲要繼續我的長征之旅，當係幫助消化吧。

嘩, 住了銅鑼灣十幾年, 多人就當然知啦, 但估不到星期日晚上, 原來在銅鑼灣食個快餐係咁難既!先去了 kfc, 勁爆, 老麥又係咁, 上南記少點人, 又有位, 坐下先.已餓扁了呢.只食$16的招牌麵, 因最多人叫, 也肯定係最新鮮的~等了一陣有得食了.個碗係比第二d 麵細少少的. 但共有兩粒牛丸, 兩魚蛋, 兩魚肉春卷.加少少冬菜及辣醬, 好鬼香.喝啖湯底, 一般, 幾清.牛丸都係ok的, 冇筋架.魚蛋好像棉花糖咁, 一咬即扁, 又淋淋地, 怪怪的...魚肉春卷勁好食, 有咬口, 春卷皮又少許韌, 正, 下次我必定會再叫!麵幾鹼. 都幾大注.16蚊, 仲想點?講開又講, 沾仔都上米芝連, 唔知南記上唔上倒呢, 哈~~~ 另有甜品, 豆腐花, 西米等, 朋友都話係推出冇耐的, 幾個星期倒.有機會一試啦. 勁多人, 星期日銅鑼灣係印印天下...

今日lunch約咗個朋友去咗食南記lunch 時間外賣真的好多人~因為太肚餓,吃咗碗菜肉餃子小鍋米線~ 一個人可以食晒丫~加埋杯豆槳真係好飽好滿足我朋友仲勁,叫咗兩碗面,魚片河加牛丸面...佢真的吃晒呀仲飲埋豆槳添...南記真的好好味~ ^^

近排黎呢間野食過兩次...感覺都比以前差左唔知係咪因為依家賣埋糖水...多左野做所以quality差多呢前日食左個墨魚丸牛腩小窩米線~小辣個米線得dd酸~我諗只有酸菜既酸味...又一d都唔辣我唔太食得辣都要加辣椒醬...見到佢d辣椒醬好似溝"希"左咁~無以前咁辣...明明係酸辣米線~變得又唔酸又唔辣黑魚丸有三粒...淋的...不爽口~但都算有墨丸味牛腩比以前少左...有d "un"d配料都算幾多~芽菜,酸菜,腐竹,肉碎等雖然係差左不過銅鑼灣黎講都幾低食既

星期二晚上九點, 搵左銅鑼灣至平又幾多笑臉既南記試下豬腩肉小窩米線$25 豬腩肉望落好似牛展樣, 食落係豬味但淋到有d怪, 因為太肥? 以往食豬腩肉又唔覺有此情況~另外仲有d芽菜腐皮咁啦~個米線都係一早煮好再放湯啦, 淋到咁, 個湯底有dd辣, 但明明我冇叫酸辣, 個湯都會有陣酸味??!!可能因為d酸菜響湯度~大腸小窩米線$25 男友幾鍾意食呢種大腸wow, 我問佢個湯係未冇我呢個咁辣, 好奇怪地, 我倆個湯竟然一樣味, 佢既反而啖湯有陣激辛既味, 啃喉既, 我未出聲佢就問我"覺唔覺有d酸味?"P.S. 以為酸辣同辣係兩樣野, 唔知係個湯本身一定會有d酸味定係....??不過睇到碗米咁既樣胃口唔見到會大本人對食物並唔係只看外表既人, 無論外表如何不堪, 只要食落有驚喜既我都會為它歡呼, but呢度既我真係不敢恭維喇~sorry~anyway, $25一碗米線又有咁多餸, 冇錢開飯既話都可以接受既~

　　成班同事一行五個女仔最好都係食粉麵，因為不會太HEAVY，又會食得晒．但係日日食都會厭，但係呢間有樣嘢好就係多選擇．若第一次試，記得看收銀處旁邊或身後有個牌係特價粉麵，其中有個魚腐米線真的值得一試＄１５包一杯豆漿，因為那兒比較窄，我第一次去試個時便因為不知道有特價而價錢貴了一半．另外有個小窩米線＄２７都好好味．　　仲有呀，佢哋Ｄ菜莆都几辣但真係好治味．

自己一個, 星期五, 9 點, 銅鑼灣.d friend 話去飲野, 我都係唔去了, 食少少野回家啦.都幾個月冇吃過南記, 今晚上了來.都仲要搵位坐呢... 好多人吓.9點都仲係咁.海嘯已殺到埋我身了, 起碼!叫了3號餐, 即豬腩肉小窩米線, 係小辣既.但一看, 又不太豬腩, 似豬頸肉多d.喝啖湯, 正, 少許辣, 但有少許腩汁味, 跟米線一流再食啖豬頸肉, 少少韌啦, 浸陣湯便行了.米線份量好像少了, 以前食唔晒, 今晚食晒都唔太飽咁既.... (絕對否定係自己大食o左！)下次找豬豬女友試探吓就知ｌａ，　哈哈！

八月十九‧晴在跑馬地場練完波，教練拉隊來了這裡吃，因為佢話：「呢度抵食！」去收銀機買票，再去等，這裡給我的印象，一向麻麻，主要是其廚房的衛生甚差。沒吃幾年，想不到也是差不多，大家望入廚房就明，不細表了。要了個大辣的豬腩肉小窩米線，米線是浸在紅紅的辣油湯中，上面放了幾片豬肉，賣相一般。喝口湯，真的幾辣，吃片肉，是豬頸肉，腍身得來又帶點脆口，又不錯；吃真一點，除了腩肉，還有腐皮、雪菜等配料，又比想像中豐富。雪菜甜甜的，幾奇怪，而腐皮索了辣湯的味道，好吃；米線一團的，明顯是淥定再放湯。吃起來口感也太腍了，不過運動過後再吃一碗湯粉，比起飯是易入口一點。份量也多，不怕不夠飽。埋單25蚊，果然如教練所說：「呢度」係「抵食」的。

不是近期 早幾個月前 到南記吃酸辣湯底米線第一次 光看到圖片已經很引吸 令人食指大動發覺可以自選辣的程度(大.中.小) 正正滿足到我這些怕太吃辣 但卻喜歡吃辣的人又有幾種配料(芽菜,艽菜,酸菜,肉碎和腐皮)和自選餸菜 我那次選了招牌春卷和墨魚丸 一碗熱烘烘的米線在我面前 我馬上舉高雙筷起動 味道比我之前食的任何一間車仔麵或麵店的麵還要好吃得多辣味剛剛好 喜歡吃酸的我 只要吃一口 便停不了我發覺份量頗多 每次只要二十多元就很滿足離開了

屋企夜晚無飯開,只好吃外賣,仍然點了招牌米粉,春卷仍然係美味,真係好難搵到第二間可以煮得咁好味,牛丸又真係唔錯,彈牙爽口,肉味濃郁,至於魚蛋也好有魚味,爽口彈牙,最重要唔覺有味錯,真的不可錯過.!上次無提個湯,我都係幾鐘意碗湯,每次都係飲到盡,應該話俾粉索到盡先啱呢??如果可以俾多條菜更加好,飲食就均衡點啦這個招牌真係美味便宜,最重要食完真係好滿足

自抱恙以來,幾乎日日與麥片米粉為伍.........有點私務往附近跑,整個早上只得一碗麥片到肚,肚皮叫得拆天,反正又要趕時間,二話不說便買票可也.這兒是以自助形式為主,水吧訓練有素,出食品是快手快腳,要趕時間的人最合心意.一碗招牌米亦不過$16,平得要命,兩條魚肉春卷,白魚蛋及牛丸各兩粒,份量是不少,呷一口湯,師傅不少,少喝為妙,白魚蛋除了彈牙之外,魚味輕得可以,牛丸當然不能與德發或嘉麗園級數比較,但肉質結實,牛羶味輕柔,十六蚊野,仲想點?魚肉春卷並非太多地方有得食,基本上是我每次光顧必食的一樣食品,魚肉春卷奇怪地比魚蛋肉味更濃,入口軟燸,好味.在戒口肥磅的日子,有一碗充電的美食,份外幸福