南記粉麵 (已搬遷) 新店位置

沉晚屋企打邊爐, 心諗點可以少得南記春卷呢....... 更何況阿媽鐘意食..........所以放左工就去買一份春卷返屋企喇, 一份有6條, 我去買時, 可能岩岩出爐咋, 仲熱騰騰的, 好想搭車返家途中時偷食一條~~南記春卷出名好味, 唔同喺凍肉店買果d春卷一樣, 更何況係又細食到大, 可能食慣了, 所以次次打邊爐都會買1-2份加料........

買完飲嘢去咗食Dinner:mad朋友食3號仔, 豬腩肉小窩米線我就食牛丸八爪丸米呀~呢度既牛丸好好味~ 好彈呀~又爽口喎~朋友強比豬腩肉2片給我食呀~ haha, 其實豬腩肉係好好味架~ 但太肥嘞~ 所以只係能食二片喳~ hehe我食既八爪魚丸就差咗d, 因為八爪魚丸好多肥肉呀~ 我至憎呀.... 下次唔會試呀~但牛丸就好好味呀

因為夜晚要打邊爐,放工就去買春卷.春卷用的是魚肉,魚肉味香濃,最好是完全沒有下味精,完全是魚的甜味,最好是外面炸過,炸過的魚又鮮甜又香口,真是好好味道.每次也食到停唔到口呢>>小貼士:春卷本身己經炸過,所以食時不用淥得太久,如果淥得太耐的話太過淋就會影響食味的了16元6條雖則有點貴,只是當你吃過得便會覺得物超所值了

今日系特別既日子，雖然系簡單既形式度過，但系都一樣咁開心~~ 終於系銅鑼灣度摸索到依間店啦，之前一直都知道距好聞名，但系要今次親自試下先可以定個答案。早上10點半，我趕上早餐既特別優惠，點左個魚皮餃＋牛腩既麵，加埋杯豆漿先至17蚊，簡直抵吃啊~~ 之後發現d料好足，好多牛腩同5只魚皮餃，加埋個清湯，今日既breaklunch非常滿足~~相信下次一定會幫襯的！！

近期愛上了南記每次到銅鑼灣到忍唔住要去光顧除了因為它的價錢合理加上它的食物質素亦十分高最愛它的"腩肉春卷小窩米線"絕對係推介之選到目前為止都未可以搵到任何一間米線店既腩肉可以取代佢既味道可能佢的味道太重每次食完之後都會好口渴而且服務態度..............-__-"但我亦會繼續光顧因為它確係一個食飯的好去處特別係趕時間的情況之下

每次去銅鑼灣其中一個原因就係想去食「南記」,南記係銅鑼灣我知道都有2間,而2間我都試過,我個人較喜歡怡和街呢間,因為佢D酸菜無咁酸,同埋個湯底濃味D。南記的魚肉春卷係好出名的,好彈牙,好香,而「豬腩肉小窩米線」真係好正,我個人較喜歡食辣,所以通常係叫大辣(其實中辣已經幾辣下),「豬腩肉」並唔係有肥膏果隻,而係似豬頸肉果D,不過佢就厚身少少,同埋好入味,就眼睇OR食落口都唔覺有肥膩既感覺,我個人好怕肥膏,但南記既「豬腩肉」真係好好味,大家不妨一試!怡和街呢間「南記」較大,如果一大班朋友可以去呢間,好快就有位,而且佢有3層,地方大,無咁迫。可能係正靚正 (大大碗都係$25) 的關係,星期日係好多菲律賓人士,平日就以OFFICE 既人較多。呢間野有埋糖水食,不過就麻麻,豆腐花好難食。可能佢地都係賣開粉面多,糖水就真係無咁好食。

銅鑼灣普遍食店都係較貴，但南記就反其道而行，以價錢平為招徠。這裡一般粉麵也只是廿多元，與附件食店比較真的較相宜。我曾試過肥牛河，牛肉及河粉都十分爽口，真的既平又好食。每次來銅鑼灣都會來呢間，但每次都好多人，雖然有兩層，但夜晚好多時都搵唔到位，真係想來試既話唯有早d來。

對男友嚷了好幾天要食南記, 7月1日當遊行既人散水後,我地終於行到南記...(注意, 我地不是參加遊行, 而係被遊行封路所影響而行左好多冤枉路!)細果碗- 牛丸春卷河加牛腩大果碗- 春卷小窩米線加腩肉少辣牛丸- 好味, 冇筋, 細粒, 爽, 彈牙春卷- 炸魚肉條, 真係好好好味, 被湯浸到林林地腩肉- 9.5成係瘦肉既腩肉, 一D都唔韌, 入晒味小窩米線- 有2塊腐皮, 有芽菜及韮菜, 仲有少肉碎, 湯濃, 送米線一流2個雪碧, 不能不叫飲品, 因為味精, 都幾喊, 又少少辣, 又熱辣辣革新後變左自助調味BAR, 都幾麻煩,碗粉要買飛, 自己拎, 又要記得行去BAR檯加調味,仲要霸位搵位, 同埋, 長期都好FULL,真係, 搵食艱難!朋友教路:4條春卷+腩肉小窩米線應該點落ORDER?對: 春卷(4條)小窩米線+腩肉($25+$7腩肉)錯: 腩肉小窩米線+春卷(4條)($25+$10/4條春卷)

上次都係食基本的, 今次fancy 少少吧~叫了個辣豬腩仔米線.超快, 30秒已坐下了~先飲口湯, 超熱, 少許辣; 幾濃.d 腩肉幾肥, 預左.咬一口, 都幾入味, 正噃.配料如芽菜等都不少呢, 爽口.米線浸在湯一陣, 韌度o岩好!廿幾蚊, 經濟抵食.都幾飽架.因幾辣, 食完都出了不少汗; 對面的哥哥仔突然俾了張tempo 我, 超感動, o岩晒, 連忙多謝他, 因太熱了雖然唔知你叫什麼名字, 但再容我在此多謝你多一次~

行完sogo之後, 去左斜對面的南記粉麵試試, 因為好似都有幾多人讚!呢間麵店俾我第一個印象係有好多年青人嚟食, 入去食都覺得自己後生左, 第二個印象係呢間食店好似快餐店, 因為要自己買飛, 好攪笑, 好少麵店係咁樣做!買左碗招牌河食, 因為價錢平, 又好似有好多料, 味道估唔到都唔錯, 魚旦細細粒但係幾爽, 條春卷 (其實係蝦卷) 幾好食, 仲有墨丸都ok, 河粉幾滑身, 可能因為一入嚟覺得似快餐店feel, 唔覺佢會好食, 但係食過之後都印象幾好碗粉都唔細碗, 十六蚊既價錢都值得推介

食過南記好幾次，今次來cwb接好友放工，加上她從未食過南記，於是帶她一嘗每次必食春卷，今次都不例外！今次order春卷清湯米線+豆漿=$22其實都唔知杯豆漿幾多錢?春卷依舊好味，更有四條，正！但杯豆漿真係又細又難飲下次都係飲番凍檸茶吧！

星期六, 4點半.想食個餐才去睇曼聯;來了南記. 叫了 16蚊的春卷墨丸麵.效率奇高, 1分鐘內有得攞.加了少少冬菜.坐底, 喝口湯, 都幾好飲~火麵都幾大注, 16蚊已算多. 女性友人話扣底都食唔晒, 肯定係真的!有3墨丸, 兩春卷仔.墨丸好彈牙, 好好食.春卷都幾長, 內有魚滑, 又係好有咬口的, 也好味.麵少許鹼, 唔算太勁, 冇落醋.食到一半好似不太夠湯, 回去加, 姐姐馬上加, 非常友善!入圍熱店, 真的堅呢...

這裡給我最深刻的印象, 係佢個自助形式, 好似之前未試過粉麵店要自己買飛的 (大家樂的燒味湯粉除外)另一個深的印象, 係自己去攞調味的辣椒油, 醋, 冬菜粒等, 想要幾多攞幾多!跟住係個湯粉, 招牌湯河, 有墨丸, 牛丸, 春卷, 價錢只係十幾蚊, 有三拚既餸, ok了, 味道雖然好普通, 醫肚不會難為只係要serve自己, 服務可以更好吧!

突然跑出一間叫南記既粉麵店, 仲攞埋獎, 點可以唔試...去到先知係自助式的, 買完飛再自己捧, 好似返左大學canteen咁, 價錢寧寧捨捨有個招牌河係 $16, 但其他係廿幾蚊, 所以好似形做到好平咁..買左碗紫菜三寶河食, 牛丸, 春卷同墨丸, 坦白講湯水幾好, 所謂春卷係魚肉炸成的魚條, 味道一般, 墨丸比較多粉, 牛丸反而好好食, 真係有好又有唔好, 所以我話可以好一點...要讚係可以自己加冬菜, 要彈係辣油應該每枱都有, 唔駛次次要出去攞!

2009年04月03日，2145實在太餓，南下前皇崗口岸的煌鵬吃了碗豬潤生麵。在途中打電話給太座，她告訴我太疲累，要先睡。下車後我便繼續覓食，由灣仔至銅鑼灣。在這人氣店吃碗招牌河，再回家。配料：牛丸細粒彈牙、魚丸軟滑、魚卷甘香。粉底：不愖入目，一團糟，要自己用筷子撥散，沒有誠意，口感差。但師傅多，在回家途中已口渴，少吃為妙。服務基本上沒有，但這價位，算了吧。題外話：途經燈籠街的貴價魚粥店，魚腩粥HK$40.-，還是讓他揚名立萬後，再試好了。亦見到渣甸街的天香牛雜，但胃納空間有限，下次再試好了