南記粉麵 (香港仔大道)

营业中

休息中

趁有幾天假期，想抽些時間陪家人。媽媽希望重遊兒時成長的地方──香港仔，我亦樂於從命。旅程先從鴨脷洲開始，我們走過大街、逛過市場，買了一對老夫婦親手製的雞屎滕。然後再乘街渡返回香港仔那邊。經歷時代巨輪的沖洗，媽媽說很多地方也變了。原本想帶媽媽吃著名的謝記魚蛋，但她更喜歡南記。極愛春卷的我叫了一碗春卷河，媽媽則點了春卷魚蛋小窩米線。我遊遍南記的分店，膽敢說香港仔的質素最高。這裏的春卷不會炸得太乾，不經不覺的吃完一條又一條。小窩米線湯底酸酸濃濃的，配合腐竹、冬菜、肉碎、芽菜等配料，十分冶味。吃飽飽了，繼續我們的「尋根之旅」。

趁放假, 四圍搵食.在香港仔探完朋友, 個肚超餓.見到間南記粉麵, 店內有好多人.之後, 叫左碗小窩酸辣米線, 廿幾蚊, 個湯底好香, 好濃.辣得黎, 又醒胃.而且個米線好爽口, 好正.叫佢地多青, 佢地真係落好多青.服務態度都可以.不過, 店內人太多.有好多人企在店內等位.所以, 好似要好快食完咁.真係可以一試.

因在麥奀吃得不飽, 要到這裏再吃一碗招牌米線.招牌米線有春卷 (其實是腐皮魚肉卷), 牛丸和魚蛋, 米線一吃下去很"硬", 且有點黏在一起的感覺. 牛丸和魚蛋是手打的尚算可以, 用來填飽也不錯.

我時常去南記食下午粉,因覺得好食但至從沒有免費腩汁後就去少了,我明白腩汁是要錢炆,你不给我也冇辨法,但有次太想食了,所以叫了腩义河加A,拿時叫阿姐给多少少腩汁,但她竟說不會给腩汁的,但我話叫牛腩也不能给嗎,她哦兩声就沒理會我了,頁的太過份.講真他們的魚肉春卷也沒有以從那麼吃香,在附近有間買乾粉麵的也買到,而且也恨好味.而服務就更加不知所謂.

南記一向係香港仔名店之一, 今次去左巴士站分店, 提早十二點去食, 人一樣咁多, 點左豬肉小鍋中辣, 相信好多嗜辣人仕都一樣, 覺得店中所講的大辣中辣小辣都好, 都係睇下個阿姐手輕手重, 次次辣味都唔同, 今次好唔辣.........米線多, 九菜多, 肉少餸少, 樓上個"雅座"感覺好dirty, 地下污穢不堪, 阿姐又黑口黑面 , 抵食與否真係見仁見智, 如果你好想食到好飽咁走, 佢一定幫到你,

呢間重新裝修了，感覺比以前清潔，開陽了．坐位亦多了．點了一個貢丸春卷湯米．老公就食牛腩春卷小窩米線，加一碟生菜，作為 dinner 入可以．不會過飽．貢丸好彈牙，有小小香菇，真香口，好味．春卷，吳使講，南記的招牌食品之一，幾好味．牛腩春卷小窩米線，好吸引，不是呢排食熱氣野太多，都係收歛下先．生菜都好新鮮，完整兼大大塊，吳好睇小它，有ｄ粉麵店ｄ菜好碎，好似菜頭菜尾咁．下次我會食番小窩米線

我知道香港仔的南記一向都比出面旺區的分店平少少, 但原來香港仔的南記都唔聲唔聲地加左價!平時因為就腳, 去開香港仔湖南街, 但其實次次8 點左右去到, 都係勁多人的時間, 無論係堂食或外賣都係.今次就特登去香港仔大道這間分店, 都係8點幾去到, 雖然當時都係坐滿人, 座無空位, 但因為這裡的枱冇放得咁密, 所以都ok.今次都係例牌的3號豬腩肉小窩米線($25), 都係咁好味, 而且今次的米線淥得剛剛好, 唔會太淋太脹, 比湖南街那間好一點.

好懷念以前香港仔舊大街, 有一檔擺街的麵檔。那個「以前」, 已經是十多年前, 那時沒有吃過九記、群記或安利, 不知道甚麼是崩砂腩坑腩或爽腩, 只知道深夜偷偷出街吃一碗牛腩河, 加入橙色的辣椒醬, 再來一碟油菜, 也不會理會吃消夜是否影響腸胃。時移勢易, 香港仔已經變了很多。不過, 像響噹噹的謝記魚蛋, 和「冇咁響噹噹」的南記粉麵, 仍然屹立不倒, 倒是值得慶賀的事。南記以前也像旺角街邊麵檔般, 儘管有一個小小的舖, 但「家徒四壁」, 只有若干摺摺, 在現在成都道98號巴士站的舖位經營。後來, 憑鴛鴦粉麵(魚蛋、牛丸加像鮮竹卷的春卷)做出口碑, 在銅鑼灣、中環、灣仔都開了分店, 在香港仔也有兩間。好記得中學時, 南記的老闆是我的鄰居, 碰到面都打聲招呼。而食lunch時, 常吃叉燒魚餃瀨, 拼命加冬菜和豆瓣醬, 吃完個口噴火, 便去便利店買雪條吃, 食辣的能力也是在當時開始修練而成。事隔多年, 吃的是它的鴛鴦瀨, 味道沒有差到, 豆瓣醬還是辣得過癮, 只是人面全非。

好耐冇寫過食評，翻睇番自己寫過的原來曾經話過依到的小窩米線要等好耐。今次真係要讚番一讚佢。其實依家去南記次次都會嗌小窩米線，我唔食得辣所以佢會幫我走哂d肉碎，但湯底依然好好味，酸菜簡直係一流添，非常開胃。搞到d蔥呀付竹都好入味好正。我鍾意食呢到d腩肉同豬大腸，係一d肥膏都冇，食得健康好多。而春卷就唔駛講啦，我諗好多南區大的人都係食依到d拍卷大。係最近果次食牛展麻麻地，好爽口同埋唔夠味。

上回講到老外同事呼吸墮連男會用自己嘅方法學同記中文，例如太興燒味佢會翻譯成"too trendy"，又將南記翻譯成"blue homosexual"。今日去Blue Homosexual食晏，可能仲係暑假，無咗D學生哥，所以唔洗等位。南記每日都有特價式款，今日輪到6號菜肉雲吞小鍋米線減價，原價$23，特價$20，於是我點咗一碗菜肉雲吞小鍋米線，貪心嘅我仲加咗牛展，菜肉雲吞有八粒，烹調時間剛好，仍然保持雲吞皮原狀無散開，牛展有十幾片，夠林，湯底味濃且無油，比起雲南桂林過橋米線店嘅清簡，好味！今日食妟時多核士問究竟牛展英文係乜，佢老外男友旭及問佢，佢唔識答>.< ?! Sorry, 我都唔識！

今日幫媽媽買左個大腸米線~可以走spice之餘真係好好食>u<!~大腸既數量又多, 米線又5會太林* 一碗夠三個人食~都只係$20>>抵到喊~不過每個地區既南記價錢都有5同~加上外賣會等耐d (around 10至15分鐘)~態度又麻麻咁啦*香港仔既鋪位好多時都無位坐(during食飯時間)

呢個香港真係好多間南記，淨係香港仔已經有兩間，究竟係咪一樣既呢？今日食左呢個牛腩春卷小鍋米線...要小辣..果然真係唔辣喎.....好味..仲有好多配料..好大碗..真係好扺呀

由於在office附近,差不多成日都去食!我喜歡酸辣窩米線不過一定要走炸醬因為太多肥豬肉粒!招牌鴛鴦米牛丸無咩味魚蛋太腥,有時仲唔係好得!牛腩尚可算係咁啦凍飲都係$6蚊雞,不過阿嬸沖襯唔係「超甜」就係好似「成杯鮮奶」咁,唉!

今年第一個工作天食Lunch,就去o左湖北街o個間，見到小窩米線做特價，即刻試蕃碗，試落又真係幾正喎！之後再去，見排長龍，改為去香港仔大道呢間，食落仲正添　　　

呢到的雲南小窩米線味道絕不比雲南店差,係酸辣個種,香港仔店只賣$18,好平,米線底有芽菜、酸菜、韮菜、肉碎做配料,另選擇一至兩款餸如春卷、牛肉以至大腸、牛展等......加$5有茶或咖啡......便宜又飽