南記粉麵 (已結業)

事原尋日o係開飯見到中環南記的comment.食南記癮起,今日午餐立即同媽媽去開餐~!哇..爆位,長龍成為左兩間南記的標誌!當然係lunchtime先會咁啦..等左10分鐘先有野食! 等的途中有多位顧客投訴好耐好耐.ok,一唻真人多人,二唻,小姐呀你嗌小窩米線都預左架啦係咪呀.. 嘈都無謂.本人做過賣食物的工作深明南記員工的慘況,我做唔切都未出聲,你等多一陣都有啦.又唔係係漏你單!我食的係豬腩肉小窩米線,都係見到comment先第一次試的,果然係好介紹,豬腩肉好稔好夠味,唔太食得辣的我,小辣已經覺得好刺激了! 我向來欣賞南記的小窩米線,因為其中的酸辣真係做得好好! 仲有配菜的芽菜腐皮都好好味!十個讚!媽媽食的係肥牛河+春卷,haha 但係冇問到媽媽的意見!講真身為南記由細到大的粉絲,都知道質素唔差! 肥牛同粉都夠多.所以咁ge價錢真係好抵!飲埋杯小豆漿就閃人喇.因為真係太多人喇~~~

選了四寳紫菜米（$26) 加細豆漿($3)。原四寳包括魚蛋、八爪魚丸、春卷和牛丸，走牛丸，就拼了三片魚片。那裏的四寳跟凍肉店買到的，沒有兩樣。紫菜沒有什麽味道，湯卻是越食越紫色，感覺怪怪的，米粉沒有吃完，就走了。之後，發覺越來越口渴兼有少許頭疼，是吃了味精四寳加味精紫菜加味精湯？...... 試過就算，不用再來。

我今次第一次吃, 點了中辣, 辣度剛剛好, 好惹味. 豬腩肉真的好腍又夠味, 但又一點都唔肥. 鮮腐竹, 九菜等的配菜好味. 23蚊, 大大碗, 好味又抵食. 另外, 我最欣賞南記老實的經營手法, 單拼和雙拼都同價. 相反, 潮苑雙拼加4蚊之餘又要減餸的分量(即其實雙拼加起來的分量都是同單拼無異), 好搵笨!

15蚊一碗魚蛋米, 真係抵到爛, d米粉多到痹, 食得好飽, 湯底唔油, 魚蛋唔鹹, 好健康。

21 years ago, the deep-fry fish roll wrap was very delicious, we ate lunch there at least once a week. Like a 'Tai pai dong', but,... maybe no such fish can be caught nowadays.

魚蛋,牛丸+春卷河盛惠$15仲想點!?causewaybay食一碗雲吞麵都5 止呢個價$難得的是...河夠滑,湯算清,夠大碗加埋tung菜啱啱好下午間中食一次都不失為一個5錯的選擇可惜的是...香港仔分店的春卷質素已經下降了還記得起初剛開店的時候食到的是剛炸好熱騰騰的春卷春卷的外面還是脆的現在的只是一早做好跟住再弄熱的口感比從前差很遠Nan Kee出名了,但質素下降了......

粉麵檔質素良莠不齊，南記其實算係唔錯，價錢平，味道中上。加上自己個人鍾意啲粉稔身啲，南記幾啱自己口味。1) 雲南小鍋米線($20-$23一碗，睇你喺邊間分店)如果要平平哋的話，南記會係我首選。因為依度啲小鍋米線食到酸味又食到辣味，唔會只重喺一邊。都算唔正宗都唔係問題。啲酸菜夠味，唔會得個樣唔味(之前喺其他平價麵店食同類米線有不快經驗比較)餸方面：a) 牛展- 味道夠得嚟唔會太鹹b) 豬腩肉- 味道夠，廋得嚟又稔c) 春卷- 南記未有舖頭係靠買炸春卷起家，質素緊係有返咁上下啦。春卷大小適中，味道好食唔醒o架！一碗春卷粉麵($13-15, 睇時間日期而定)有4條春卷呀，幾抵食o架！春卷可以散外賣做餸o架！2) 其他粉麵其實一般，湯底不太淡，都可以。不過佢哋可以無限加冬菜(我最愛)、魚露、好味o既辣油、辣醬已經有得加分！浙醋唔會俾啲差你點。佢哋日日換啲醬料o架(我食過某啲麵店試過醋變壞、有死蟲呀，一係就係本身啲醬料味道唔得！)

去南記食過不下十次，無他，大大碗粉都只係承惠20大元，仲想點！尋日lunch又外賣咗個3號仔(即豬腩肉小窩米線)返公司食. 本人嗜辣, 但都只敢食中辣, 因為試過大辣真係食到口水鼻涕一齊嚟，無辦法食得完碗粉．D豬腩肉嫩滑依然，而且炆得好林，湯底酸酸辣辣，皆因落咗大量酸菜同煮，仲有芽菜仔同埋鮮腐竹，簡直無得頂．

(17/11)不知何解，食店有「南記」這兩個字，總對它有些期望，深想食物的質素優良。午餐來了一碗大酸辣牛腩、魚皮餃米線，油菜另上。這店作風是以快餐店型式經營，憑票叫號取食物，等了一會，米線上桌，不知味道如何？桌上已備有菜甫，隨意加入，將湯底拌勻，嚐那湯底，香辣味道濃郁，不會過鹹，肉粒已隨隨於湯中，惟酸菜是過少，酸味相對減弱；牛腩入口，大件，味道是滲透裡面，但過韌口，差了點。其實已吃過數遍，那款春卷，其實是魚卷，吃下不太覺得有魚味，反而那腩肉還比它好。總括而言這「南記」在於那期望之外。

前幾日無所事事之際，行過就去試試叫左牛腩春卷米線加檸檬茶Ｄ牛腩真係好差，ng腍、ng入味而春卷就可以gei，但無其它人講得甘好食米線、檸檬茶就一般，無咩特別我就覺得間店名過其實，可以不試!

曼谷泰菜之前,先去打底是必然動作,落場比賽之前,點都要熱一熱身嘛.橫顧左近,似乎得香港仔老字號"南記".都係浸到淋晒的春卷,淨食會開心得多,底下淡而無味的河粉,要加上大量冬菜才能吃光.話說春卷,來來去去仍是老樣子.外面腐皮包住魚肉,就憑此味便縱橫江湖數十載.魚卷以外,還有甚麼?我諗唔出.

有一日在office見到有個同事食緊麵，好似好正咁，問佢掂唔掂同埋係邊到買，答案係正！在南記買。既然咁講得，今日有機會就同朋友去會一會佢。Lunch time，我第一時間衝去，朋友住附近，所以已經到埗。十二點左右已經好多人，好彩有張二人檯。一個人坐低霸位，另一人去排隊買野食，我揀了四寶紫菜麵加杯凍檸茶，朋友就好似係要雙丸河。我個麵要成$26，加埋飲品要$32，食麵來講都算幾貴，不過中肯ｄ講句，個麵確實係幾大碗。四寶其實即係魚旦、牛丸、八爪魚丸和春卷，魚旦比起謝記個ｄ真係爭小小，牛丸和八爪魚丸一般，就連最有名既春卷都冇咩驚喜。你話佢好差其實佢又唔係，不過就冇謂山長水遠來食。

去南記唯一想食o既,應該只係春卷,但係宜家D春卷又好似越來越差,失去左以前o個種獨特o既味道,同一般o羅貨返尼o既貨色冇分別,殊為可惜.

呢間係巴士總站的南記和另外一間在"綠野仙蹤"附近的不同，他們雖然同名，但老闆及食品品質卻大有不同呢間南記的湯底、春卷和丸類都比另外一間好... ...我以前比較喜歡食"央河"或者燒春卷米... ...現在則比較喜歡食大腸+春卷小米線有很多配料在小內令小米線的份量很足，酸酸辣辣~味道很好~

南記,最出名係鴛鴦河,依家都有好多唔同的粉吃. 係香港仔來講都幾出名. 每次我都係要吃鴛鴦河. 有d人鍾意佢地的春卷,但係我覺得普通啦. 魚蛋都好爽. 但係d服務真係一時一時呀.