影片
港铁宋皇台站B3出口, 步行约4分钟
继续阅读
电话号码
27998200
营业时间
今日营业
06:30 - 22:00
星期一至日
06:30 - 22:00
以上资料只供参考，请与餐厅确认详情
今年聖誕節一家三口去搵好嘢食，我哋叫左一個羊腩煲很大煲，羊腩好多很足料，另外再叫了倉魚餐，倉魚亦很新鮮仲大大條，美味而且非常抵食，會再幫襯👍🏻👍🏻👍🏻
继续阅读
去到茶餐廳食野，識食一定會食沙嗲牛😋濃濃花生醬香味既牛肉，真係會令人欲罷不能!所以今日放學黎到南豐餐廳都即刻叫個沙嗲牛常餐食下先，只係$37，加埋凍飲都係$40，勁抵！沙嗲牛麵+多士+火腿煎蛋真係絕配💯雖然間間茶餐廳都有沙嗲牛麵可以食，但好食既真係唔多，而呢一間既沙嗲牛都可以話係好食！牛肉嫩滑又彈牙，唔會好難咬唔會好老唔會好鞋👍🏻加埋惹味既沙嗲汁超入味！公仔麵都軟硬適中👍🏻三樣野(麵+牛肉+沙嗲汁)都好出色，所以先有一碗出色既沙嗲牛麵👍🏻以後Lunch又多個選擇了😋
继续阅读
【九龍城區】【南豐餐廳】寫咗用餐體驗三年，有啲餐廳好難寫，就係嗰啲純粹因為夠鐘食飯而去食，冇乜原因經過嗰頭。而食物嘅味道又冇乜切入點可以寫到嘢，食完就好似冇食咁，呢啲餐廳係好難寫嘅。要湊字數，最簡單直接嘅方法就係食兩次。咁講明唔係有事經過，又點會咁容易食到兩次。因此而家我轉咗型之後，呢啲食得一次但又唔知點嘅稿又可以重見天日喇。今日要講嘅就係呢類餐廳，入去食個 $48 嘅「全日常餐」，價錢唔算平，但質素上又唔知點講好嗰隻。個餐裡面主食係「南豐叉燒湯意粉」，睇圖片大家應該都會了解到件事係平庸到可能出門口已經唔記得佢咩味。反而配菜嗰碟嘢有得揀「叉燒奄烈」算畀到驚喜，但其實咪又係嗰啲叉燒，電影<飯戲攻心>提過嗰啲呀，哈哈。杯「熱奶茶」佢哋係唔差嘅，幾滑，只可惜嘅係喺香港要搵一杯好嘅熱奶茶又真係唔難，攪到好似好普通咁。總而言之，我用 $48 完成咗呢餐，維持咗我嘅生命，而有時人生都係咁，冇可能每一日都咁精采，平平淡淡都好。。。（地址：九龍城侯王道61-63號）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am九龍城區 #九龍城 #宋皇臺 #南豐餐廳 #全日常餐 #南豐叉燒湯意粉 #叉燒奄烈 #熱奶茶 #1am1035 #1ambackup
继续阅读
無意中经過不顯眼的餐廳 前面有燒鴨之類外賣 在中午時叫了一碟豆腐卜蒸鲩魚加白飯 坐下不够五分鐘 碟菜已經上枱 覺得非常新鮮及大碟 沒有魚腥味 相信是非常新鮮 的魚腩 杯熱奶茶亦非常熱及美味 以後我都會用來的
继续阅读
估唔到啲燒鵝咁好味👍🏻👍🏻奶奶從上水過嚟九龍城，必食燒鵝😍再打包半隻返屋企，我哋訂成隻燒鵝，約定嘅時間去拎，即斬，皮脆，肉嫩，唔騷，好夠味！（我絕對唔係打手），仲有佢哋嘅頭抽叉燒，好好味，一啲都唔硬！我想坐低食碗燒鵝叉燒瀬粉或者返去加餸都一流🥰🥰🥰值得要讚：店舖老闆做事好認真，好細心！兩個燒味師傅，工藝一流，燒味係自家製，喺餐廳即燒即賣，絕對唔係外來交貨，而且唔會大大嚿斬，師傅到刀功精緻，又細心幫我哋切走啲肥油，令人好想食多幾舊😋😋😋
继续阅读