南駅 (已結業)

過海搵食……難得有個住對面海既朋友，所以就叫佢帶路去食好西，家住荃灣既我去筲箕灣都要成粒鐘，不過朋友話絕對唔會令我失望咁話喎😆🤔 朋友果然無介紹錯，餐廳地方唔算好大，裝潢帶有日本風，啱哂鍾意去日本旅行既我😊😉-☆ 海南雞飯 HKD$80用全透明四方擺設碟上碟，真心覺得靚😍 個海南雞飯即時high class左😆👏 雞既份量唔少，肉質都算幾嫩滑，最喜歡嘅係食到雞用含酒既糟鹵汁醃製過👍食落有微微酒香味🤤 有個細壺仔入面裝住熱湯，唔會驚好似地方咁放涼，絕對細心，值得一讚😚-☆ 蒲燒鰻魚籠仔糯米飯 HKD$78上碟係用四方竹盒裝住，糯米飯由荷葉包裹住，再除去上層令糯米飯外露，所以糯米飯充滿住濃濃荷葉香味🤤 糯米飯上面有大大條蒲燒汁鰻魚，鰻魚整得十分腍身，亦好入味，鰻魚上面有顏色鮮豔既雞蛋絲，為成個飯更錦上添花🤩 糯米飯蒸得十分軟腍煙韌，個人非常喜歡😋😋

作為一個成日係筲箕灣出現既人, 我就經常發現有間餐廳排晒長龍咁, 所以往往無機會試下~ 但今次因為約左人食TEA, 終於等到佢無人排隊既時間啦!-籠仔糯米飯。梅菜豬頸肉 HK$68 - CP值超高! 用個籠仔整荷葉糯米飯, 上面鋪滿左梅菜豬頸肉~ 嘩真係絕, 因為肥既關係我都好耐無食心愛既梅菜扣肉, 而佢用左熱量少好多既豬頸肉去同梅菜煮真係罪惡感細好多, 而佢調味得宜, 唔會太咸, 好好食! 今時今日茶記食個碟頭飯都要5字頭時, 呢啲精緻好食既選擇HK$68就好抵啦~-招牌海南雞飯 HK$80 - 上檯擺碟已經搶左眼, 用一個透明玻璃盤放左主體海南雞飯, 三種醬汁, 用嚟飲湯既碗(有舊雪耳係到)同埋有湯既茶壺~ 份量中上, 雞肉滑嫰程度我比夠9分, 連埋醬汁都有誠意, 嚟得一定要試!-鵝肝多士 HK$88 - 我食鵝肝既頻率都幾高哈哈哈哈, 今次呢個價食到四大舊我覺得都唔錯, 味道中上; 然後想講埋個凍奶茶都夠晒滑, 奶茶控可以一戰!!

成日聽人講東大街好多好野食日式、中式、西式咩都有實在係花多眼亂，都唔知食咩好所以我就決定揀間fusion餐廳慢慢嘆返個午餐🥣一開menu，西式日式中式咩都有，想食西式可以揀pizza，中式有海南雞飯，日式可以食烏冬⋯⋯一間已經可以滿足哂所有人要求😂我同朋友就揀咗食主打嘅海南雞飯同蒲燒鰻魚籠仔糯米飯。清遠海南雞油飯一上檯見到咁大隻碟，擺放得好精緻，啲雞都好新鮮，好有雞味如果係無骨就仲好啦另外個湯係放係個壺仔入面，倒出黎都仲熱，唔會攤到凍哂！鰻魚籠仔糯米飯一上檯就聞到啲荷葉香味🤤飯面鋪滿鰻魚，夠夠都好肥美；而糯米飯夠乾身，咬落去煙煙韌韌，唔錯👍🏻黑松露蝦多士同一般蝦多士唔同，呢款係蝦肉醬，配搭埋黑松露，脆卜卜嘅多士，幾特別，值得一試！一口安格斯一口牛唔錯，肉身香軟，但可惜啲香蒜太燶，如果唔係夾住一口牛食仲正。

#小秘書 今日又嚟到 #東大街 搵食，早幾個星期經過 南駅 Hainan South 門口，見 #餐廳 裡面黑蚊蚊，又收起哂啲枱櫈！仲以為佢... 🙊今日見佢開返門，梗係要嚟幫襯吓啦！餐牌上嘅食物似乎加咗啲新嘢，不過我都係鍾情 #南駅 嘅 #梅菜豬頸肉籠仔蒸糯米飯🍚 #糯米飯 唔會太濕，咬落去 #煙煙韌韌 咁，配埋 #甜甜地 嘅 #梅菜 同 #豬頸肉 一齊食，味道啱啱好👍🏻 仲有原來佢杯 #凍咖啡 都好好味㗎🤤 大家如果過開嚟 #筲箕灣，都不妨一試㗎😀

海南雞飯 (清遠麻雞) 其實黎呢間餐廳主要係想試佢最出名嘅海南雞飯🐔不過又冇想像中咁好食，普普通通。我地揀左比龍崗雞貴10蚊嘅清遠麻雞，屬於小型優質雞種。雞味濃郁，肥瘦適中，皮薄肉質有嚼口，不過都係唔夠嫩滑。另外幾欣賞佢有好多翠玉瓜🥒😂.蒜香海鮮籠仔糯米飯 呢個飯有微微荷葉香而且吸收晒海鮮嘅精華再加上蒜香，真係不得了，好惹味👍🏻👍🏻😍上面嘅材料又好足料，帶子大大粒，貴妃蚌同蝦仁都爽口彈牙！🤤.鵝肝多士 & 一口炸芝士 呢個價錢嘅鵝肝多士竟然有四件，每件都唔算細架，味道都ok不過偏油。想過下癮嘅呢個CP值幾高☝🏻至於炸芝士就正正常常冇咩特別👌🏻

海南雞飯好好味, 籠仔糯米飯都很不錯!但用餐時要用洗手間, 店員說餐廳沒有洗手間, 要外出到東威大廈地鋪商場洗手間, 更說沒上鎖的話! 結果大家心裡有數喇!  累我的朋友行了成條街去麥當當借廁所用！這食肆不算太小，有三十幾個坐位，為何裝修前有廁所，裝修後廁所不見了呢？這是否符合食肆的設施規格呢？

難得放假就揸車去東大街睇下有咩好食見到呢間鋪路就誤打誤撞咁行左入去食之後先發現佢主打係海南雞咁緊係叫番個黎食啦黎到見到佢有玻璃盤上樣樣野都井井有條個湯味道都好清重有雪耳跟埋一齊佢個有兩隻雞揀，一係就龍岡雞一係就清遠麻雞⋯⋯本身想試下龍岡雞⋯⋯點知去到得清遠麻雞兩隻雞既價錢都係只差十蚊到個油飯又夠味，油度適中佢d配菜都好用心去做唔會搶走佢個海南雞既味佢個開放式廚房⋯⋯⋯可以俾大家睇住廚師準備每一份既海南雞飯

真係幾鍾意依度個海南雞飯嘅上檯擺位，佢係用一個透明玻璃盤放晒海南雞飯、三種醬汁、要來放雞湯嘅碗同埋放咗雞湯嘅茶壺。飲雞湯嘅時候，係自己將茶壺入邊嘅雞湯倒出黎，好得意。整體嘅味道都可以，個人覺得可以雞肉再滑啲。另外今次試咗呢個竹籠海鮮雞飯，尚算可以啦，有幾粒帶子，不過覺得嗰個味道淡左就少少，如果濃返少少就好啦。

平時好少去港島東 ... 所以問左住係到 ge 朋友有咩好食 , 佢推介左南駅當日係星期5 晚上8幾點 , 都幾多人 , 排左 15 分鍾左右先有位試左雞南雞飯 ~上菜個下有驚喜 ~ 透明玻璃托盤或者碟 (傻傻分不清楚 🤔) 簡潔得黎好有設計感雖然搞到張枱有 d 逼 , 但係呢個玻璃餐具上食飯 , 自我感覺良好~ 😂小壺入面係雞湯 , 要飲個時先倒去裝有一舊白蘿蔔 ge 碗 , 就唔怕個湯凍曬 ~雞都幾滑 , 醬汁足料夠味 , 雞油飯唔算唔好油 岩岩好下次去開港島東都想再黎試下其他菜式 😀😀😀

第一次去食。見到menu好似咩都有得食禁海南雞飯，鰻魚飯，pizza都有。最後點左份海南雞飯同埋鵝肝多士海南雞飯真係好滑，但汁少左d而油飯都粒粒分明，好香身。而鵝肝多士。$78就唔好奢求入口即融既鵝肝。但絕對對得住價錢！大大塊鵝肝。

軟殼蟹沙律加上柚子醬，味道非常match, 蠔仔泡飯d蠔仔好新鮮，湯底好鮮甜有一陣陣龍蝦既味道加上同一般泡飯非常不同，利用炸過既米自行加入湯底內非常特別，鰻魚飯d飯係糯米飯都充滿鰻魚香味，海南雞飯d雞好滑而且個湯都好清甜；秋葵都好好味，辣肉腸Pizza足料超好食，海膽豆腐好Match好特別，焦糖排骨好脆味道唔會太甜，蜜糖吐司d蜜糖係蜂味而且吐司好脆；加上店鋪內既職員都好有禮貌並且餐廳環境好舒適，值得再次光顧

蒜香海鮮籠仔糯米飯呢個糯米飯上有4隻大帶子再加上啲蔥花及蒜 好惹味 吾洗一陣已食晒成籠飯龍蝦湯蠔仔泡飯蠔仔泡飯好鮮甜店家俾既蠔仔分量不少 仲隻隻脹卜卜另可加埋啲脆脆一齊食 口感更加豐富店員服務態度亦都吾錯 都主動幫客人倒水

今天跟姊妹到筲箕灣東大街吃午餐，姊妹話好想試這間名叫南駅的餐廳，因她上次來的時候餐廳門外排長龍，所以還沒有機會嘗試。今天與她到來竟然幸運地剩餘一張二人枱，終於如願以償。餐廳裝潢以西式設計，座位也舒適。食物種類也多，有意大利麵、Pizza、海南雞飯、糯米飯等等，午市加$8便可享用一杯指定的凍飲。我和姊妹都喜歡吃糯米飯，於是各人要了不同的糯米飯餐分享。籠仔糯米飯（梅菜豬頸肉）豬頸肉肉質鬆軟，配合䶢中帶甜的梅菜，味道香濃。醬汁滲透入蒸籠內的香軟糯米飯，十分惹味。籠仔糯米飯（鰻魚)鰻魚飯是我一向喜歡吃的，今次用上香軟的糯米飯，較平常吃的日本鰻魚飯多了一份煙韌的口感，鰻魚美味，加上甜甜的醬汁，十分滿意。午市主食加$8便可享有一杯指定凍飲，每位$76 ，以食物質素和服務態度而言也算不錯了。

店鋪唔大，50個位左右，無得訂位的，純 walk in 或現場等位。侍應算有禮貌。食物選擇唔算太多，不過樣樣菜式都有啲咁。掛住食，唔記得左影相 其實有叫薄餅同鰻魚飯，兩樣都唔錯 食物味道大致不錯，價錢都 ok. 惟冷氣差少少，一路食一路覺得熱熱地

今日風和日麗🌞我同friends一行三人由鰂魚涌出發行山行到大潭水塘 發現剩係得架巴士出筲箕灣🚃 所以一於黎食個teaOpenrice到呢間食fushion菜既cafe我地見到個Menu推薦籠仔飯👍二話不說就叫左兩個鰻魚籠仔糯米飯 @$68近排有好多高質日本過江龍蒲燒鰻魚飯店開張而呢間一d都唔會輸蝕比佢地🙌糯米飯粒粒分明 而且蒸得非常軟糯😚鰻魚亦燒得非常均勻肉質唔會鬆散 更加冇碎魚骨 原條食曬都唔係好夠喉😛鰻魚汁滲入曬鰻魚入面 微甜不過淋得唔係好夠 可以淋多少少就好另外仲叫左份餃子雞翼 味道有d似釀蟹鉗 有浸南乳味 幾特別😂