博多拉麵別天神 (已結業)

有時都不太確定 是否值得一試都會做好心理準備嚐‘伏店’門外有販售票機 像日本那樣店內有的拉麵種類不多店內枱面也有少許調味辣芽菜 芝麻和各調味粉 選擇了基本的豚骨湯拉麵湯底真的淡 感覺像某連鎖店的麵條難以掛汁 🙂🙂另外加了配菜 粟米 木耳提供清爽度 粟米的甜木耳的爽脆令我想起了一句自創口號只可一不可再

📍HONG KONG 📍#蝦味噌豚骨拉麵湯底勁合我口味 香濃得來又失不蝦的鮮味🦐🦐淨係個湯底都勁滿足 加埋d蝦乾正到重要係岩岩好嘅油分 無話太多🤫最欣賞叉燒用噴槍輕輕燒過的焦香🍜重要價錢係香港嘅日本拉麵舖黎講真係絕對貴但係我食到最後先發現 叫少左日本拉麵嘅精髓溏心雞蛋🫠🫠🫠🫠

一諗起日本美食🇯🇵除左壽司～壽喜燒之外·相信一定有拉麵🍜以拉麵係香港有好多大大小小店舖·各有特色·以下小編介紹E間係比較喜歡·欣賞店鋪對每樣食材既堅持👍湯底～拉麵～叉燒什至配料絕對唔馬虎——————————————————☻非專業食評·純個人口味☻一定會再食😜搵到香濃豬骨湯底以無味精加上對其他食材都唔馬虎😍細細聲話你知😏北角分店都唔錯🤫至於其他分店有機會都一定會試下同埋試埋其他拉麵款式👍到時再介紹俾大家

又到咗一個禮拜一次嘅餐黃店系列啦今次呢到呢間別天神拉麵有幾間分店 餐廳入面設計非常有日式拉麵屋嘅感覺叫咗最普通嘅豚骨湯拉麵 湯底濃郁係奶白色 拉麵變質煮得軟硬適中 仲有粟米 豚肉叉燒 紫菜等等嘅配料

今日天氣好凍，想食個熱辣辣嘅拉面暖下身，經過見到呢間舖頭個裝修好特別，好有日本新宿街頭的感覺，所以入去試，叫咗個拉麵餃子沙律套餐， $105 ，雖然唔係貴，有面有沙律又有餃子，但係質素好普通，拉麵湯底好重味，唔錯，但係餃子好細粒，冇肉冇咬口，環境同乾淨程度都滿意，食物就一般般，都算合格。下次會再嚟試吓去其他套餐，睇睇佢會唔會有所改進。但係其實旺角食拉麵有好多間，日本餐廳亦有很多選擇，如果唔係夠近，我都未必會再過嚟試

蝦味味噌豬骨湯拉麵套餐，豬骨湯濃厚，蝦仔勁多。湯底帶微橙紅色非常漂亮。由於湯底顏色很白而且帶鹹的味道像牛奶，所以店家有一個牌，寫明湯底的白是因為高濃度豬骨淆製和沒有牛奶。最滿意那糖心蛋。跟餐的小龍蝦蟹子沙律，龍蝦肉煙煙靱靱，蟹子的脆口也能吃到，味道非常好。波形的沙律份量比外面的多。

香港的日式拉麵店越開越多，除了不斷有來自日本的過江龍，本地小店也定期有新面孔出現。這股拉麵旋風應歸功於「味千」，雖然現在只剩下四間分店，亦早已被歸類為次級的味精湯底、港式口味日本拉麵，但成功將日式拉麵在香港普及化的功勞又確實不能抹煞。今日就揀了一間本地日式拉麵店「別天神」試試。小店早在2013年創店之前，創辦人曾經遠赴日本學習日式拉麵手藝。為了紀念拜師學藝的拉麵店，特別加上「別」字，日文意思代表「另一個」。不過，上日本美食網站 tabelog 努力搜尋，也找不到一間名為「天神拉麵」的店子；雖然博多天神站周邊一帶，又的確有很多著名的博多風味豚骨湯底拉麵店，可能「天神」只是指地區，並非店名？門口一張大海報介紹了小店的所有出品；不計算套餐及追加配料，其實只有兩款拉麵、煎日式餃子及沙律四款出品。款式確實少得可憐，但這正正是日本個體戶拉麵小店的特色：餐牌選擇少，店主（通常也是拉麵師傅）才能功多藝熟、保證穩定的出品質素。小店門口另一邊就放置了一台自助食卷機，想起日本的拉麵小店。日本仍然非常傳統，需要用現金買卷；香港就先進得多，採用觸控式螢幕及信用卡付款，反而不接受現金。撥開冷氣擋簾，店舖一眼盡見。

銅鑼灣一條友唔知食咩好諗起呢間別天神即刻嚟回味下之前朋友帶我嚟食已經好中意尤其係佢個蟹肉沙律不過一個人就食個拉麵算依舊出色！湯濃淡適中 拉麵我叫偏軟最緊要落大量蒜基本上嚟親都好似食蒜多過食麵好中意佢打到咁溶配麵或者木耳都好好食份量對女仔嚟講都算恰到好處中午一個麵夠晒飽又唔會唔夠喉又有麥茶解下膩👍🏻要講缺點就係鋪頭細 多人就好唔舒服同焗到癲下午茶時段得一兩個人都算舒適的老闆係個有啲年紀嘅姐姐非常好禮貌 上菜快 👍🏻

Hello 大家好，又係我地Hkfunlife小編分享好餐廳既時間啦 實在好耐冇去旅行，今日特登搭車嚟食日本拉麵。呢間拉麵店位於銅鑼灣告士打道277號地下3A號舖，叫博多拉麵別天神。去到需要係門外禁機買拉麵，十足係日本咁。然後就入去比飛仔嚕。店內環境只有一排登，所以如果繁忙時間黎可能要等一陣。埋到枱見到有齊備嘅拉麵配菜同麥茶，正。之後就會即叫即煮拉麵，我地叫左蝦味噌䐁骨湯麵。個湯真係好濃好好飲，麵硬度適中，叉燒都唔錯！

别天神喺拉麵界都叫出名，咁啱下午見冇乜人人，就緊係入去食碗麵啦！！叫咗個小龍蝦沙律，又幾好食喎！🥰🥰🥰學入面啖啖都係肉，而且唔腥！放小小上張紫菜度包住食，都好正啊！呢個櫻花蝦龍蝦湯拉麵，我再加多咗隻蛋蛋。佢隻蛋又幾好食喎，溏心蛋都幾入味，溏心蛋好溏心，有蛋味！佢個日式叉燒都唔差嘅，不過瘦咗啲。佢個拉麵唔會好淋，都有啲彈性。佢個湯底個個蝦味都濃，不過就真係幾鹹啦，飲多幾啖都會覺得口乾，就真係一般了。

Bookmark左好耐，終於食到別天神，好感動。用自助販賣機，可用信用卡或直接入鈔票，先買後交票。上麵速度算快，店內有冰水供應。拉麵款式不多，我點了別天神套餐。奶白色的豚骨湯，我好耐冇飲晒成碗湯，呢碗真材實料得很！半熟蛋全隻，已切開一半。溏心，一睇就知整得好好！入口軟軟嫩嫩，充滿蛋香。木耳絲爽脆，份量多。蔥花見刀功，大小一致，蔥味濃。煎餃子味道正常，有4隻，好飽！辣芽菜有驚喜，爽口又夠辣，忍唔住添多口。又多一間我儲掛念的拉麵店❤️

好小寫比較差嘅食評，但今次真係有啲失望！首先去到舖頭，我哋要喺門口選擇左自己想食啲咩，然後再入去坐。餐廳係以日式風格，所以走廊比較窄。店員竟然叫我企出門口，起初我以為係因為未有位，點知佢同我講，佢出唔到嚟。會唔會係比客人坐低咗佢再行出嚟會好啲呢？我哋嗌咗兩個別天神套餐，一個係配餃子另一個係配沙律。小龍蝦蟹子沙律，味道唔錯。但係餃子毫無特別，煎又唔似，蒸又唔係。同超級市場買嘅冇咩分別。餡料唔多。建議大家唔使嗌。拉麵方面，一碗好油，一碗唔油。但係明明係同一款拉麵。餐廳強調湯底係100%豚骨加純水熬製而成，但係我又唔覺得好有豚骨味。平時食拉麵都會好鍾意飲埋啲湯，今次我基本上冇飲過咁滯。唯一叫做係好嘅，面底比較多，但係一啲都唔彈牙。而且越食越口渴。有兩片叉燒，感覺有啲鞋。唯一比較好，係叉燒相對地厚身。

試過佢兩隻湯，私心偏愛豚骨湯！因為好難得地好清甜而唔膩，湯呈奶白色🤩，唔係黃色好油個隻！好喜歡！！食個陣會忍唔住飲左好多湯～佢聲稱湯係100%豚骨+純水，無牛乳、豬骨粉、味精。不過食完隔左一陣，點都會有d口渴既呢間拉麵係用幼身麵條，叉燒係比較瘦(我鍾意)，但肉質唔乾，味道不過不失💡順帶一提，套餐先會連埋半熟糖心蛋x1 ，所以想食蛋就要叫淨麵+蛋，或者叫套餐～蛋唔會過咸，但唔夠半生別天神套餐 $105 推介🌟必點！！蝦味噌套餐 $115 (櫻花蝦夠多，有粟米，成個湯會即刻清甜左~不過都係鍾意食呢間既豚骨湯多d!)而家好多拉麵店賣得好貴，成百幾蚊碗，呢間嘅套餐幾抵！可以配小龍蝦蟹籽沙律 / 餃子，所以叫左各一💛小龍蝦蟹籽沙律有驚喜，我地一致認為好好食！推介💛餃子都唔錯另外，個麥茶好好飲！！味道: 8/10性價比: 8/10📍博多拉麵別天神銅鑼灣告士打道277號地下3A號舖 (CWB近D4出口)

ғᴏᴏᴅɪᴇ ᴛɪᴍᴇ 今次食咗博多拉麵別天神💛入到去間舖頭，真係覺得好似去咗日本咁🥰首先要係出面買食卷先，入到去成個裝修就係日本嘅拉麵店，仲有啲配菜凍水都好似😆仲播住日本電視台，但係收得唔太好😂蝦味噌套餐🍜🦐($115)套餐包一碗蝦味噌豚骨拉麵同小食，呢個餐好抵，因為一碗麵都$85，套餐包埋小食同糖心蛋添🤩加蛋都要$10! 就咁飲個湯係拉麵常見既豚骨湯底，不過飲得出係冇味精，而且都好濃豬骨味！但係櫻花蝦味唔出🥺湯底都唔會好鹹🤪佢有提供配料比客人自己加上去，可以跟佢既配方，就可以濃味或者辣味🥳我就中意加啲拉麵汁、蒜蓉同七味粉，飲落有啲似一蘭🤤拉麵軟硬適中，糖心蛋都好好味😋蛋味好夠(⁎⁍̴̛ᴗ⁍̴̛⁎)其他配菜有粟米、青蔥，仲可以自己加辣芽菜🥰叉燒係比軟瘦，冇咩肥膏，味道不過不失！小食就試哂兩款，餃子🥟同小龍蝦蟹籽沙律，餃子就正常，日式餃子既味！至於小龍蝦蟹子沙律，龍蝦同蟹既味都有！味道幾好，加埋紫菜食好有特色🤤整體黎講都唔錯(⁎⁍̴̛ᴗ⁍̴̛⁎)仲好有日本feel🥳

Bookmark 咗間拉麵店，冇諗過係㩒飛仔order，order咗🦐味噌🐷骨🍜，簡單日式拉麵店設計，店員收飛丶坐低約兩丶三分鐘就上麵。湯身厚厚，蝦同味噌味好出，飲咗唔口渴配有粟米、蔥花，好好，爽口亦能減低拉麵油膩叉燒帶點肥，腍冇柴皮感，厚度啱啱好麵身係幼麵，正常軟硬啱啱好，有需要可以選擇自己軟硬度，但依仲幼麵外賣食應該口感打折，都係堂食啦成碗麵味度好平行，唔會特別一樣嘢搶風頭。值得一提，個辣芽菜好好味，忍唔住夾完再夾。