博多拉麵別天神 (已結業)

博多別天係我經常幫襯既拉麵店！間唔中都心思思會掛住佢地~~店舖雖小，只有10多個坐位！而且麵既款式只有2款及數款小食~但味道已足夠我經常 encore 佢地有自助售賣機係門口，買完野食拎飛就可以入去搵位坐，比完飛店員就等食啦！台上面既醬料齊全，飲用水及紙巾都係自助自取的！佢地仲有教點樣自行調製別天神既隱藏口味添，未試過可以跟住試下~我就點左別天神套餐即係豚骨湯麵配小龍蝦蟹子沙律！小龍蝦蟹子沙律係我最推介的，每次我都係為左佢而來~~~用紫菜包住小龍蝦沙律黎食特別好味又爽口，個沙律仲有好多小龍蝦肉，絕對足料！一來就呷一口湯底，濃而不膩既豬骨湯，帶左微微甜味岩哂我口味！麵質彈牙爽滑，豚肉半肥瘦岩哂女仕們，仲有埋木耳絲增加口感；而隻半熟蛋整得剛剛好，記得要食左先，太熟會唔好食架！佢地既水準都無變，一樣好食！抵我一直支持佢地呢～

I was so surprised that my last commentary about this ramen bar had received so many views. First of all, thank you so much for all your support! If interested, please feel free to visit it again:https://www.openrice.com/zh/hongkong/review/%E6%B9%AF%E5%BA%95%E5%A5%BD%E6%AD%A3-%E7%89%B9%E5%88%A5%E6%98%AFprawn-miso-e3538420As I had provided so many details in my previous commentary, I am not going to repeat this time. I am just going to highlight any differences! Like last time, we ordered exactly

今次同朋友出谷鑼灣買口罩,格完價就去行街,路過搵食支持小店去左別天神,係門口買好票就入去搵位坐,套餐最抵食,有餃子配或沙律這間最細,但最有氣氛,食過咁多間之中,佢既湯係最夠熱,水準係最好同樣有冰水或茶任添飲,唔洗買野飲,慳返十幾蚊!有冰凍既茶水,又有任食既辣芽菜,店家真係夠大氣夠大方先上小龍蝦沙律,紫菜數片伴沙律,配埋一起食,非常夾,如果沙律大球D會更好啦,小龍蝦肉都幾爽甜拉麵超熱辣上菜,同樣有一隻蛋,2片燒叉燒,蔥花,木耳絲,湯底奶白,濃郁豚骨湯入口順滑而不油膩,木耳加蔥花,增添香氣,味道更為豐富濃郁,用日本蛋,蛋味和質感滑而濃郁麵條夠爽身,掛到湯,叉燒夠彈性,不會太肥

This is a small eatery at a quiet corner of Causeway bay. We had to queue to get in but didn’t take long.I ordered tonkotsu ramen with Shrimp soup flavour.The shrimp soup was rich and creamy ! The noodle was well prepared and and the egg was absolutely to die for! The "pork bone-broth" was tender and flavoursome .The dumplings were yummy. I tried it was juicy and tasty. the services was also fine.All of this was up to Japan standards.We will definitely come back for its ramen again!

頭先同朋友飲完野，朋友介紹告士打道拉麵嗰度食，我哋今日就去試下我叫左蝦味噌套餐配餃子$115好抵呀，佢嘅味噌湯好濃味啱哂我，最鍾意佢可以有唔同嘅調味料可以揀，我加咗四匙羹嘅蒜蓉+ 拉麵汁+仲有芝麻三部曲，但好少拉麵店會有咁多配料比客人選擇，一句講晒好好味，好啱我口味👍不過食完全晚成口蒜蓉味🙈朋友之前黎過，佢今次試下別天神套餐配小龍蝦蟹子沙律$105，朋友都話好好味大贊小龍蝦蟹子沙律配紫菜好正，我都覺得小龍蝦沙律好好味，我都食咗好多件🤪我哋兩個捧住個肚走🥰小店來講都算好有水準👍以下5分為滿分😋好味程度: 😋😋😋😋😋💞回頭度: 💕💕💕 💕 💕 📝服務: 📝📝📝📝📝🌉環境: 🌉🌉🌉 🌉#博多拉麵別天神#小龍蝦蟹子沙律一定要試

已經懲罰過呢間黃店無數次，無論係尖沙咀紅磡北角銅鑼灣分店都po過！因為小編真係覺得呢間野有心做拉麵！拉麵款式真係唔多但真心足以夠，佢哋配料例如蒜蓉辣芽菜真係好好味。-蝦味噌豚骨湯拉麵 8⃣ 💰85豚骨湯飲咗就知道熬得好用心，細細隻櫻花蝦不可忽視，獨特鮮味令到成碗拉麵昇華唔少，小編真係建議大家每一啖拉麵都配住櫻花蝦一齊食！-豚骨拉麵 8⃣ 💰75櫻花蝦拉麵同一個湯底，佢哋仲有一個隱藏口味（蒜蓉+辣芽菜+七味粉），呢個真係可謂我最愛嘅味道，但提提大家辣芽菜真係幾辣下，唔食得辣嘅朋友仔記得加小啲。叉燒表面燒過好軟嫩，真係想加多幾片嚟食！-龍蝦沙津 7⃣💰35鮮甜小龍蝦肉肉泥，一定要脆口嘅紫菜包住嚟食，口感特別之餘又好味。-
餃子 7⃣ 💰35日式餃子就是底脆內裡充滿肉汁，餃子熱辣辣上枱每一隻都脹卜卜，大家試下就知簡直置身日本。

別天神拉麵既拉麵出名！ 今次就同朋友一齊食， 分別叫咗兩份套餐！一款係豬骨湯底拉麵， 另一款係 蝦味噌拉麵！ 一份要咗餃子一份要咗小龍蝦蟹子沙律！先講蝦味噌拉麵， 櫻花蝦鮮味十足， 超級濃郁強嘅湯底， 湯底嘅精華完全滲入拉麵當中！ 拉麵麵質煙韌又彈口！煮得剛好！ 溫泉蛋超級流心！ 蛋味香濃又滑！ 叉燒亦都非常嫩淋， 兩大片厚切 又唔乾身！幾好食。豬骨湯底亦都做得好好， 唔會食完麵之後口渴， 想濃味啲嘅話，可以再加蒜蓉，辣芽菜，味道更加豐富！小龍蝦蟹籽沙律蓉，配上紫草，口感非常又帶鮮甜味！還有餃子，煎到外脆內軟，仲 keep到肉汁。

好耐無食拉麵😔所以搵左日夜晚去銅鑼灣依間博多拉麵別天神食拉麵🍜7呢度係要先買「食券」🏷叫左蝦噌味套餐同別天神套餐😍蝦味噌蝦豚骨湯麵 🦐蝦味濃郁，配菜有日本半熟溏心蛋、蔥花丶紫菜、櫻花蝦丶粟米🌽拉麵幼身彈牙，叉燒多肉而唔會好肥👍🏻成碗面都好有層次感😋豚骨湯麵🐖奶白色嘅豚骨湯底只係用左豚骨同水煮🔥味道唔會太重口味，質感白滑香濃，配菜有溏心蛋、木耳、蔥粒同紫菜🥚麵質幼滑又煙韌🤤小龍蝦蟹籽沙律🥙蟹籽沙律入面有好多隻小龍蝦肉，將少少沙律放落紫菜包住尼食都幾好味😆小龍蝦肉鮮甜爽口，而且啲好惹味嘅蟹籽喺口入面係咁爆，超正🤪日式煎餃子(4隻)🥟每一隻餃子嘅一邊都煎到金黃色， 皮好薄，所以非常香脆☺️餡料多且肉汁豐富，沾上醬醋食更佳💯你仲可以自行用蒜蓉🧄七味粉丶辣芽菜🌶調配特濃同特辣口味

今日做到冇停手，放左工去嘆番碗正宗拉面先🤤一見到個湯底已經想飲多兩啖..超濃郁，請問可唔可以幫我加湯呀。面既軟硬適中，我最中意食係隻溏心蛋..岩岩好 唔會overcook 好想請教下師傅既時間，豚肉入味軟林。值得推介🙏🏻

銅鑼灣有很多拉麵舖，但我總是對别天神情有獨鍾今晚放工突然想食碗拉麵，毫考慮就行去別天神。店子大約有十多個位，雖然店子不大，但反而有親切感，一個人來食拉麵也沒有孤單感覺。別天神的主打拉麵有蝦味噌和豚骨2款，而套餐尤其抵吃，今晚我揀左蝦味噌套餐$115, 包蝦味噌豚骨湯麵，小龍蝦蟹子沙律和餃子4隻桌上放滿不同的調味料如七味粉，蒜蓉，豉油和白芝麻，也有少許前菜如辣豆芽和醃蘿蔔，自己鍾意加甚麼，加多少也沒所謂，最重要適合自己口味。小龍蝦蟹子沙律~百吃不厭的小龍蝦蟹子沙律由鮮甜的小龍蝦肉，卜卜脆的蟹籽混和沙律醬和少許芥末，混合而成，以爽脆的紫菜包着食，無論味道和口感都好正，很美味。餃子4隻~表面煎至微焦，裏面是軟腍的豬肉碎和椰菜絲，不錯。蝦味噌豚骨湯麵~未食拉麵前首先飲一啖湯先，湯頭充滿濃濃的豬骨和蝦的鮮甜味，還有大量的樱花蝦，粟米粒和葱粒，極為香濃。還有一隻切開的温泉蛋，不會太熟，也不會過生，啱啱好，蛋味濃郁。义燒也有2大片，軟腍又鬆化，肉味香甜。麵質幼而爽口，好啱我口胃！

香港人暫時冇得去日本玩，真心灰，唯有食拉麵頂下癮先。來到銅鑼灣 「別天神」。只賣兩款拉麵，咪話唔型！先賬購票, 後主場，坐位只有幾個， 一眼睇晒。豚骨湯面、蝦味增豚骨湯麵 ， 套餐大約一百零。鏡頭一轉，兩碗拉麵已送到面前， 而兩款拉麵的配菜也是墟得滿滿，但是略材料有不同。  $105湯底顏色呈現奶白，口感同樣濃厚可口， 直頭可以當湯飲、富油脂，味道濃郁帶有木魚香；叉燒半肥瘦，肉質鬆化；糖心蛋色澤靚，真心冇得頂，軟淋淋口感入口即溶，蛋香澎湃。 略嫌麵條較淋, 吸湯可能力良好,  而且份量夠， 一定食得飽。 $115湯底呈現深褐色，深深地呷一口濃厚而有質感的蝦湯,  鮮味一湧而上。每口也吃到超多櫻花蝦，蝦控一定喜歡 。套餐均配小食「龍蝦蟹子沙律」、「餃子」龍蝦蟹子沙律，冰冰涼涼，味道鮮鮮的， 以紫菜包著沙律，同時有蟹子卜卜脆口感，幾唔錯 。煎餃子一貫的日式煎餃子質感，餃子皮厚而脆；以,味道不過不失，加醋提味後，味道還可以，同時亦可減油腻感。

約左好友一齊銅鑼灣做facial，佢話晚餐想食拉麵~行過見到博多拉麵別天神，時間尚早，唔洗排隊。先係門口自助點餐機買飛，入去揀位坐底再交飛比店員就OK~好友未食過呢間拉麵店，加上兩個人又肚餓，一於每人各點一個套餐。拉麵加HK$30加配四隻餃子，口感外酥內軟，甘香惹味，蔬菜內餡多汁，酥脆可口。好友加HK$30揀選小龍蝦蟹籽沙律，蟹籽口感清脆，小龍蝦肉新鮮，夾埋香脆紫菜一齊食，層次豐富。豚骨湯麵 HK$75濃郁豚骨湯底濃而不膩，拉麵滑溜，煙韌彈牙，叉燒厚實富咬口，木耳絲爽脆，半熟蛋嫩滑。蝦味噌豚骨湯麵HK$85湯底芳醇，鮮味十足，加入櫻花蝦，令味道更豐層次。叉燒肉質細膩，肉味香濃，咬啖半熟蛋即湧出香滑金黃色蛋黃，幼身拉麵爽滑彈牙。

一直都知別天神係黃店，不過未有機會去懲罰佢，今日就可以啦！ 晚上6:00同埋朋友去到，已經有一位客人上座，店舖用購買機喺門口買票，然後就可以入去坐啦。店舖地方不大，一張長吧枱，坐大概10多人，有啲似傳統日式車仔麵店的格局。枱下有鈎可以把袋鈎住，坐下後，被身後的一幅連儂牆吸引，大家都把心聲寫上呢！食物方面，拉麵有兩款，我要了一個「蝦味噌拉麵配小龍蝦蟹籽沙律」套餐（$115），朋友則要了另一款豬骨濃湯拉麵再加餃子的套餐（ $105 ）。不用等多久拉麵已經送上了，湯底真係濃到不得了，而蝦味噌的分別是在於多了一堆櫻花蝦，而湯底也食得出有蝦的鮮味！拉麵麵質彈牙，加上兩塊叉燒，好腍。仲有流心蛋一隻、粟米粒和櫻花蝦，好好味啊！小龍蝦蟹籽沙律，係一個球體，加上幾片紫菜，用紫菜包着沙律來吃， 十分可口！小龍蝦有咬感，正！至於餃子一碟有四隻，外皮煎香了，內餡似係蔥蒜加肉碎，可以點小小醋來吃，不錯！店舖還提供不同調味料，顧客可以按自己口味隨便調教，還提供傳統日式店有嘅冰水/冰茶，我幾鍾意佢個茶有麥香味，還有紙巾提供，十分體貼哦！

別天神係我地一想食拉麵🍜必選店舖，店鋪簡單黎講只專供兩款拉麵🍜同幾款小食，可想而知佢地嘅拉麵🍜係幾咁出色。店鋪門外擺設一部點餐機，直接用八達通或其他網上支付平台付款，非常方便。店舖唔算大，一般小型日式居酒屋🏮間枱，只有一張大約坐10人嘅L形長長bar枱，面對bar枱嘅一幅牆，已經變成一幅特式嘅連儂牆，寫滿所有黎過食客嘅心聲，真係好有愛❤️一坐低，就獲店員派發一個口罩，袋上寫住送給身邊有需要嘅人，真係好有愛心👍🏻🥢小龍蝦蟹子沙律 - 用脆脆嘅紫菜包黎食，又方便又好味😋🥢餃子🥟 - 熱辣辣上枱，每隻都脹卜卜，啖啖肉，好好味。拉麵 ：🍜別天神豚骨拉麵 - 先飲一啖豚骨湯，湯底極之濃郁，有膠口感覺，加埋蔥花另香氣更加提升，接住再依照店鋪教路，自行調製隱藏口味（七味粉+辣芽菜+蒜溶 = 特辣口味）另極濃嘅湯底加埋辣嘅感覺，真係我嘅至愛味道😋；叉燒唔洗講係一貫入味同腍滑（**不得不讚，辣芽菜真係好好味，又辣又爽脆，真係唔好意思，我差不多成樽KO左🤭）🍜蝦味噌豚骨拉麵 - 櫻花蝦雖然細細隻，但係佢嘅香同鮮味真係唔可以睇小，另整碗拉麵提鮮左唔小，真係好出色👍🏻

依家疫情嚴重去唔到日本，唯有久唔久食下拉麵幻想下自己去左日本啦。店小小好有日本拉麵店嘅感覺。好似日本d 拉麵店咁門口有架機比你買飛簡自己想食嘅野而且仲有埋圖一目了然。一坐底店員就遞上每人一包兩個口罩，係呢d 一罩難求嘅時候真係難得ge 良心店。小店主打蝦味噌豚骨湯麵同豚骨湯麵，叫餐仲有隻半熟蛋同一款小食（小龍蝦蟹子沙律或餃子）同其他分店一樣, d 麵煮得岩岩好保持到麵嘅咬口。今次試下加埋拉麵汁, 蒜蓉同辣芽菜, 果然有驚喜！個湯變得好濃, 而且辣芽菜又爽口, 係我鍾意ge 味道。