盧太太上奶湯水

营业中

休息中

Openrice $208有5包急凍湯我自己直接聯絡咗佢哋買佢哋用SF發出 但係SF就外判比另外一間公司做 唔係日日可送凍貨 所以盧太太佢哋會提早一至兩日約你收貨日子 送貨時間由0900至1900 當日我等到下晝兩點 見未有電話就打去問嗰間公司職員 佢哋再叫司機聯絡我 未久就收到電話 時間暫定1800收貨 誰知我等到1930😩😩 算 我都控制唔到(A)沙參玉竹麥冬竹絲雞湯 (B)海底椰螺頭百合粟米湯 (C)粉葛赤小豆生扁豆鯪魚湯(D)蟲草花螺頭豬展湯 (E)蕃茄杞子牛鰍魚湯 *另加豬腳薑醋1包* <<< 需額外付費ii) 湯款(A)/(C)孕媽媽不適合飲用 湯款(B)孕媽媽20週前不適合飲用我係懷孕中 但真係好想試晒所有湯 所以有部份湯佢話唔飲得 我都照飲少少😆 因為第時坐月諗住我想訂佢嘅湯水package 網上好多評語都話佢啲湯水好得 所以想試左佢哋急凍湯包先再決定 豬腳薑因為坐月湯水package包埋 所以額外order一包試埋 好食的話會額外再訂 唔使辛苦屋企人煲A: 沙參肉竹嘅味 好突出B: 唔係想像中嘅味 唔好期待個湯係好甜 我凝住個湯有粟米同螺

最近個人比較注重健康，做廣告行業成日都要應酬而目返屋企都比較夜，成日想煲湯飲但冇時間，最後我都係會選擇出面嘅湯包。.最近比我發現左個盧太太上奶湯包，個人認為佢唔太同一般連鎖嘅湯包，佢味精冇咁重，無添加飲起來比較健康！.今次試咗個蟲草花螺頭豬展湯另外仲有南瓜章魚豬展湯，前者蟲草味夠，煲岀黎都幾香，但係我覺得螺頭未唔夠重，清清地甘，建議可以味道再濃郁點會更加吸引。反前南瓜章魚湯我好鍾意，清甜夠味！.我買嘅時候問職員點樣去處理個湯包，佢話浸係煲好熱水5分鐘就可以飲，非常方便，而且湯包儲存喺冰格可以有一個月嘅時間，岩曬我哋懶人飲，幾分鐘有得飲。.下次想再試下佢個杜仲栗子懷牛膝豬脊骨湯同支竹蔥白鯇魚湯。

其實湯包呢一樣嘅產品都出左好一段先，好多大型嘅連鎖鋪頭都有做，今日我發現左另外一間自家工場，叫做盧太太住家，喺網上面做過一啲功課見到佢其實除咗湯包之外仲有一啲炒米茶上奶湯水，仲會定期有一啲嘅展覽例如BB展呢啲，先講返個湯包，啱晒我呢啲上班族，平時收工時間已經得返好少邊有時間自己煲湯，但呢一種嘅湯包只係需要浸熱水或者滾水，一陣間就可以飲到，兩包湯包個味道都好甜我比較鍾意南瓜嗰包，仲飲到有少少南瓜蓉嘅口感！而且飲得出係無添加非常健康嘅味道！

中式湯定西式湯？呢個問題成日都難到卡比，然而今日可以答你----中式湯。一向都好鍾意飲老火靚湯，於是買左兩個盧太太的湯包，原因係佢地有送貨嘅湯包，放係冰箱保質期有近一個月，岩哂想飲時又可以隨時係冰箱到拎出黎飲。飲口靚湯不需要買材料，不需要煲幾粒鐘，然而一個微波爐或者一個熱爐加沸水，花上數分鐘就足夠，真正快靚正。🔷杜仲懷牛膝栗子豬脊骨湯成份有一些甚至卡比都未聽過嘅材料，如杜仲、懷牛膝等，其功效以壯腰强腎，補益氣血為主，尤其適合老人家及婦女，但孕婦就會絕不適合的。飲落唔會覺得鹹，亦完全無添加味精，屬無湯渣嘅湯包，500ml同家人2-3分都好足夠。🔷蔥白支竹鯇魚湯呢款湯則與上述的不同，為適合懷孕及哺乳期媽媽飲用嘅營養湯水，因為鯇魚含有豐富嘅碘，對嬰兒嘅腦部發育原來有大大的功效。另外其功效以抗菌解寒、補心養血為主，材料加入左金華火腿， 味道會格外香溢，同樣無添加防腐劑及味精，油份亦非常少。

細妹啱啱生咗bb而家坐緊月bb要食人奶🤱由於佢工人未到我媽咪有因為武漢肺炎問題唔可以去照顧佢👩‍🦳朋友推薦我盧太太上奶湯水畀佢飲 價錢好平又方便全密封包裝啲湯一早已經煲好雪到一舊冰只需要解凍就可以即時飲用飲落去好足料雖然有魚香但係冇腥味😳好濃好香 奶白色阿妹係開刀 但係都可以大飲特飲三日已經上晒奶bb唔駛補奶粉仲送埋炒米茶真心好唔錯👍自己煲一壺湯 價錢係差唔多但係用嘅時間功夫就爭好遠加上而家出去咁危險無論係產婦或者佢屋企人都唔可以日日去街市真心方便到 價錢又平仲包送貨👍👍.🎀盧太太上奶湯水🎀Tel: 9094 9585

之前住宿想飲湯，就會去某連鎖店買冰凍湯翻熱黎飲，但始終連鎖店湯款選擇唔算多，飲得多都會悶。今次機緣巧合下試左盧太太住家 既湯包。盧太太本身主要做坐月既湯水同薑醋，最近推出埋住家湯包系列，大人細路都啱飲！小店既湯款日日唔同，今日小編試左其中兩款。杜仲懷牛膝栗子百脊骨沙強筋健骨，而沙參玉竹麥冬竹絲雞湯止咳生津，最適合呢段特別需要健康體魄既時候飲！除左滋補養生既功效，兩款既味道都好醇濃，鮮甜清潤，最重要就係完全係添加，無味精無防腐劑，飲得好味又健康！ps: 係openrice/hktvmall就可以online買到，仲有順豐冷運送貨上門既服務（唔使浪費一個口罩出街！）而湯包送黎既時候係冷凍既，只要翻熱／叮熱幾分鐘就飲得，好方便，唔想即刻飲仲可以擺係冰箱長達一個月！

平時工作忙碌，晚上回到家都想喝一碗滋潤的湯。朋友介紹下，買了幾包盧太太上奶湯水的家常湯包。雖然名字是叫「上奶湯水」，但還有其他滋潤的湯水適合我們這些OL 和上班族。。買了南瓜章魚豬展湯 和 鮮椰子竹絲雞湯，湯包有各款材料的卡通圖案，頗為有趣，設計相當清晰。個人較喜愛飲南瓜章魚豬展湯，首先會嗜到清甜的南瓜味，之後會喝到微鹹的章魚味和豬展肉的味道，整體味道清潤。鮮椰子竹絲雞湯也相當足料，能嚐到相當濃厚的雞肉味。湯水是去了渣的，大約可存放一個月。選了雪藏的家常湯包，可以有需要時再加熱享用，湯包是速遞冷運到家門口的，頗為方便。另外，也有可即時享用的暖壺湯水提供。

以前就因為工作忙關係，冇時間煲湯，而家就因為疫情影響同樣冇得去買材料煲湯，搞到我鍾意飲湯嘅家人成日都有啲怨言，幸好知道盧太太湯包系列服務之後就解決咗我呢方面嘅煩惱，因為佢哋嘅湯水每日都不同，而且材料又充足，最緊要係即日煲即日送上門。今次飲咗海底椰螺頭百合粟米湯， 除燥清熱、滋陰潤肺， 喺呢段時間飲啱曬，而且非常快捷十分方便， 只需四至六分鐘處理弄熱就飲得，放喺碗用微波爐叮一叮就飲得，好到位，好正！

盧太太住家靚湯以前大肚嘅時候已經有留意因為佢有坐月上奶套餐最後因為我請咗陪月就無order到最近疫情嚴重而我又得自己一個人湊住兩個真係無可能日日都落街買餸煲湯加上煲個湯需要好多料 又要洗又要切老火湯更加花時間 我就更加懶去煲但我自己又真係好鐘意飲湯但湊住兩個真係無甘多時間所以就買左盧太太住家靚湯湯包有好多唔同款式 我擇左蟲草花螺頭豬展湯同海底椰螺頭百合粟米湯堅真材實料 飲得出完全冇味精非常鮮甜 飲完感覺好滋潤☺️佢哋有送貨服務 唔洗去門市買 係屋企足不出戶都可以飲到靚湯水湯包黎到係急凍左唔飲放入冰箱可以保存最多兩個月可以買定多啲係屋企想飲嘅時候 只需要加熱就飲得好方便💓

前排有個新手媽媽啱啱坐完月返工，一班女人就圍埋傾下計，除咗聽佢分享揍B大小樂事外，佢仲同我哋介紹佢生完Keep住飲嘅湯水。咁我話我暫時應該未有需要住，點知佢哋異口同聲話湯水係要襯後生開始飲先有用囉🙈！講下講下之際，就上左佢飲緊果間盧太太社交平台睇下。咦有湯包賣喎，養生開嘅同事們即刻組團買嚟試下🛍，群眾壓力下我都搭單買兩包Try Try。唔買唔知原來買湯包可以直接送埋上Office或者屋企，點對點👍！送貨採用順豐冷運服務，送到手上嘅時候湯包仍然Keep住冰硬。湯包成個感覺比起暖壺乾淨同方便，我想幾時飲整返熱就得，都係花幾分鐘時間。今次我飲嘅湯包有2款，而店家就提供大約8-10款口味🥣。每包500毫升，兩個人飲啱啱好。鮮椰子竹絲雞湯，材料包括竹絲雞、椰子、豬展、果皮、鹽同水。呢個湯呈奶白色，飲落清清地，有啲椰子🥥奶香。雞湯嚟講，佢一啲都唔油！湯包上註明功效為除燥美肌，健脾益氣，好似幾啱女士飲咁。南瓜章魚豬展湯，材料包括南瓜、乾章魚、豬展、果皮、蜜棗、鹽同水。呢個湯係橙黃色，未飲齋睇樣都知係南瓜湯🎃，估唔到一飲發現章魚味🐙好突出，味道較椰子雞湯稍為濃啲。湯包上註明功效為抗氧養肝，補氣補血。兩

第一次試依啲方便湯包，原來只係放入沸水6分鐘或微波爐4分鐘就可以完成，真係方便快靚正！而且係openrice優惠$280/5,包順豐冷凍服務都幾方便!! 而一包有成500ml大大包，大約3,4個飯碗，份量都多,一包同3,4個屋企人飲都夠,所以依個價錢都唔貴~睇包裝見到湯包成分單純，無添加防腐劑/味精。而味道方面，雖然入面沒有湯渣，但味道完全不會淡，有濃濃材料味, 而且表面沒有油, 好似好健康。 如果想飲湯, 屋企又無煲湯習慣, 買依D湯包係一個好選擇~

雖然我平日都好鍾意煲湯，但當然覺得現成嘅係最正啦😈。膽粗粗試咗呢間「盧太太上奶湯水」嘅住家靚湯，唔單止新手媽媽，大人細路都飲得㗎🥴。.每包湯包嘅份量大概啱兩個成年人飲👫。不論係「蟲草花螺頭豬展湯」，定係「鮮椰子竹絲雞湯」，每一啖都好清甜，飲得出足料得嚟冇味精，充滿住家感覺。同埋我鍾意佢味道偏淡，飲到食材嘅鮮味之餘，亦都夠健康。最重要係佢夠晒方便，放喺碗用微波爐叮一叮就飲得，煲都唔使洗😏😏😏。

這天和同事談起因為疫情關係，也沒有機會前往街市買餸，很久也沒有煲湯給予家中的親人享用， 被他們已狠狠地咋型。同事建議買點即食湯包給他們品嚐一下，這間湯水店，位於公司的旁邊，從網絡上找了 一點資料，發現是一個太太的創業行。粉葛赤小豆生扁豆鯪魚湯， 用料十足， 家人喝了過後， 也認為我不應該再為他們準備湯水，乖乖的在外買回來就好了。 但值得一讚的真的是家中的味道。 一包才50多元， 價錢上當然沒有自己烹調的那麼便宜 ，但我卻節省了的是時間， 最重要時家人也十分喜愛。

自從bb出左世都好忙，餵人奶又要有足夠既湯水，加上疫情既關係可以避免都盡量少出街呢個時候送上門既湯水就最啱啦👏🏻 盧太太上奶湯水 每日都有唔同既湯，仲會有專人送上門，咁就坐喺屋企都有熱辣辣既湯飲啦🥰媽媽就可以煩少樣野，又多d時間陪bb呢個木瓜花生栗子雞腳湯好濃味又足料，夠曬方便又唔會有味精，對餵人奶既媽媽好有營養❤️除左湯水，佢地仲有盧太太炒米茶 ，啱曬坐月既媽媽，孕媽媽可以預早訂定就唔怕到時咩都未準備好啦

《想隨時都飲到足料靚湯？》有冇人鍾意飲湯㗎？好多人都冇時間煲湯，如果想足不出戶都飲到靚湯嘅，一定要試下盧太太上奶湯水喇😋好飲之餘仲有家的味道佢有冷凍包裝送埋上門，就咁叮黎飲就得，超級方便；另外佢唔止無添加同冇防腐劑，重點係佢嘅湯都隔晒油！呢點好抵讚❤️🔻價錢：$58包 500ml🔻食用方法：1. 整個湯包放入沸水加熱 4-6 分鐘即可飲用2. 將湯包倒入微波爐器皿，以 800w 輸出功率加熱4分鐘🔻保存方法：雪藏於-18°C或以下🔻運送方法：經順豐速遞冷運服務 (-18°C) 點對點上門派送 (冷凍運送不設順豐站/智能櫃自取)📍 盧太太上奶湯水 (葵涌)葵涌葵德街16-26號金德工業大廈1座11樓22號鋪