卷王 (已結業)

今日下午我們街過旺角花園街見到有間專賣手卷嘅「卷王」都有幾多人買嚟食，同埋我們最鍾意嘅海膽手卷係他們重點推介之一，所以我們都走去買嚟食吓！最初我們買咗兩個半板海膽手卷，食落覺得海膽非常新鮮，味道相當鮮甜，紫菜亦好香脆，所以就即刻買多兩個嚟食，一個係一板$90，一個係半板$60嚟對比吓大小同份量，兩個放埋一齊睇，海膽嘅份量表面好似多咗啲，壽司飯嘅份量就好明顯多咗，但味道就有啲啲異味，感覺好似唔係好新鮮咁，令到我們覺得有啲失望！

是日 趕時間但又好肚餓，雖則沿路好多掃街小食，魚蛋，臭豆腐，章魚小丸子等等香港美食，但喉嚨乾乾地好似好熱氣咁，真係唔敢博。行過呢間手卷鋪頭都好幾次，但每次都約左人食飯冇機會試。今次左睇右睇，諗左陣就決定叫左個黃金魷魚手卷本身 鋪頭細細 人來人往 以為佢都係求其賣d小食，所以我都冇咩期望。 店員送到出黎，omg 料好多而且都fresh。 紫菜係脆既，魷魚好新鮮，而且蟹子都好多，入口爽爽聲。正!好快咗食完走人，有機會再幫襯

今次遇上驚喜小店之前去過葵芳出名手卷店，我覺得價錢與質素係成正比，係抵食，但未至於非常美味。而今次係旺角街頭呢間「卷王」手卷店同樣係價錢與質素係成正比，價錢合理，而且非常美味睇餐牌時，本以為睇1張就夠，原來店面幾張都不同，好多選擇，有1款刺身既手卷、有雙拼、有3併、仲有飯卷、炸物、迷你丼飯，所以真係要認真睇晒今次叫左3併的「蟹膏蟹肉軟殼蟹」手卷，食蟹唔洗拆殼，最方便我呢d懶人即叫即整，其他刺身類我見其他人等1~2分鐘就有得食，而軟殼蟹就要等耐少少，要炸嘛整好就會用手卷架裝著，就可以到隔離既位置落豉油，店舖已分好「豉油」、「小辣」、「大辣」，小大辣就是加左Wasbi的豉油，我就揀左小辣。直接倒落手卷內。嘩~好多蟹膏分量十足手卷仲有鋁紙包住個底唔怕整污糟手，好適合女生。而且倒豉油時，如果倒多左都會裝著，但我建議大家倒小小豉油就夠，因為材料已經夠鮮甜一咬落去，喳喳聲，紫菜好脆啊！好明顯係靚野而且飯係用珍珠米，正蟹膏蟹肉鮮甜，無腥臭味軟殼蟹熱騰騰，脆卜卜，粉漿薄，不黏口，夠乾身$55蚊我覺得價錢都算合理一定會再 encore

前一陣子，香港吹起食海膽潮流。小編都係愛海膽之人，一聽到呢間新開的手卷專門店，就即興去食卷王最出名的半板海膽手卷。首先，店舖位置相當方便，好適合各位順便掃街，食盡旺角花園街，登打士街的小食。而排隊方面，人流同等候時間都比坊間海膽手卷專門店為快。而作為主角的海膽手卷，表現都不過不失。紫菜仍然香脆，海膽數量多及鮮甜，不過略嫌每塊海膽的份量略細及沒有把海膽放到入手卷的最底部，所以只吃上面幾口，已把全部海膽吃完。幸好，店舖有提供幾個不同程度的辣豉油，可自行調味，方便食客。總括而言，卷王的海膽手卷是旺角掃街的一個不錯的選擇。

出旺角掃街，黎黎去去都係果幾幾間。今日突然見到呢間「卷王」！半板海膽放落手券？即刻覺得要試一試！有d 普通野抵食既，但我同朋友就只係叫左半板海膽手卷（$60） 同三文魚籽手卷（$30幾）即叫即整，五分鐘唔洗有得食。豉油有幾支㨂（小辣/辣/豉油）由於無講話係wasabi定乜晒辣，我就只係落左普通豉油。講真，除左塊紫菜趣之外，飯唔夠酸，海膽無乜味。我應該慶幸間店話「今日無做全板海膽」唔知點解覺得唔會再食囉！

到好景印野經過見到卷王忍唔住買番件手卷食！左揀右揀揀左芝士飛魚籽手卷，可能冇咩人等我俾完錢轉個頭就整好左。芝士飛魚籽有好重芝士味，但就略嫌份量有點少兩啖冇晒，話晒都成廿幾蚊，份量多番少少會好d，至於紫菜都幾脆，壽司飯都幾軟熟。另外值得讚下嘅係佢都幾貼心，分左原味鼓油同埋3種唔同程度嘅辣鼓油。

其實日式手卷熱潮都hit左段時間嫁喇～ 全因為當初尖東某一檔帶起～ 於是各門各路地方都紛紛開左咋手卷檔～ 旺中有兩三檔、銅鑼灣又有、灣仔又有，就連松板㾝都撈多樣有埋手卷出售～～ 可惜以上有唔少都伏到QT我連阿媽都差d唔認得=•= 唔係飯凍過冷飯就紫菜林滋滋，更恐怖試過三文魚子唔新鮮到啞色，海膽帶苦味😑 或者軟殼蟹係un..... 嚴重者試過食完30分鐘後急性腸胃炎！柯嘔肚痛到QT爆晒粗口用來化淡我嘅怨氣 ！但係作為一隻為食喵嘅QT , 見到未食過嘅餐廳都總會去試，位於好景樓下阿肥媽對面有一間WT經過過好幾次但都因唔夠時間去試嘅！我終於食到喇！唔係伏店喇😻！料夠新鮮！飯係暖嫁👍🏻 魚生同飯量分配得好好，絕不多飯少料！價錢仲好公道！QT自己就覺得佢水準已經超越左尖東個間喇！絕對值得大家去試！

咁呢排吹起食海膽熱潮，去開旺角，梗要試下啦。呢間都算出名，成日有報導，咁咪去試下。其實60蚊一個係幾貴，咁我期望佢會好食啦。咁評心而論，佢係好食過松板，但又唔係話好WOW。海膽味係有，但又唔係好濃，可能我本身對海膽要求高，仲之呢個我食完就唔太滿意，除左海膽味唔夠，海膽質感好水之外，飯係好熱⋯⋯價錢又唔平。。⋯⋯俾雜誌欺騙了嗎？

周末出旺角閒逛，剛巧到下午茶時段。又去登打士街物色好西，見到依間裝潢勁日本風的外賣店，就一於小試牛刀。店只專注手卷，半版或全版海膽手卷係招牌菜....但唔太特別愛好海膽，所以點了雙拼的帆立貝油甘魚。每款兩件的手卷正常size, 食起上來好麻煩，因為好怕會整跌配料，要食得好小心。油甘魚尚算新鮮，但偏偏有筋且不夠肥美。帆立貝厚身新鮮，不俗。最欣賞是即叫即整令到紫菜鬆脆香口，白米配以青瓜絲和少量芥末，微辛辣通鼻後帶來清脆青瓜的清新。但由在人來人往街道有點些微不夠衛生，而且兩口即食完的手卷，性價比略微不高。

朋友介紹這間旺角的手卷店，很久沒有吃日本食物，很期待，但也不是這麼滿足。店鋪裝修很吸引，多個燈籠掛飾和店名有射燈照著，對食物質素有所期待，但事與願違，我吃了一個油甘魚三文魚腩，味道一般，沒有太大味道，只是很滑溜溜的東西吃進口裡，價錢略貴，~$45，不值，好的是它有大辣、小辣鼓油和淨鼓油讓你添加在手卷裡。

今日返工前經過馬會，見到有手卷賣買了飛魚籽手卷，味道唔錯！等大約幾分鐘就有得食，而且仲可以免費加topping，我選了黑松露醬，都唔錯。用$21享用一個快的手卷對香港人來講應該唔算奢侈。

今日行旺角，經過意間叫卷王既手卷專門店^_^時間大約五點幾，又未去到晚餐時，但又想食下野，所以決定試下啦！因為上網見過有人話好食既^_^今次我點左近來超大熱既海膽手卷五點幾意個時間不多人，完全晤需要排隊^_^大約等三四分鐘就有啦^_^手卷尺寸比想像中細，大約四口已經可以食完啦海膽方面份量多味道鮮甜，醬油已混好，大辣小辣值得加分^_^海膽手卷$60一個，價錢略貴^_^

去旺角少不了會去登打士街掃街，左一串右一串，呢日行到盡頭，轉入花園街，發現呢一檔賣手卷既舖頭。男朋友見到人地食緊既海膽手卷就雙眼發亮，於是就買左一個share食！ 海膽手卷 ($60)食過好多間立食手卷店，呢間海膽手卷既價錢係我食過最貴...一般都係$30~50到，呢間索價$60，係比較貴左少少。 一拎到埋手，見到金黃色既海膽鋪左係手卷面，望落都好有色澤同幾新鮮，等相機食完就忍唔住啜一啖海膽先！我自己對手卷店用既海膽，只要無苦味或奇怪味，已經心滿意足。估唔到呢間手卷店既海膽十分鮮甜又滑溜，size又唔會過份地細粒，質素唔錯！啜完海膽，咬左紫菜一啖，都幾薄同脆！好可惜，再食落去既時候，食到啲飯係暖，搞到塊紫菜沾左濕氣，最後又係比較難咬開。不過要讚既係，青瓜夠多，夾埋黏黏的壽司飯一齊食好清新！ 食到最後，感覺有少少唔過癮，因為海膽既份量比較少，如果可以鋪滿啲，$60有咁既海膽質素，都不為枉過。

海膽手卷話說有半板海膽咁多，但實際好似無半板，海膽份量好似小左咁。而手卷用韓國入口海膽，味道的確幾鮮甜美味，加上系師傅即叫即做，可以保證新鮮。三文魚甜蝦手卷食完海膽手卷 忍吾住試埋三文魚甜蝦手卷 甜蝦都好大隻 三文魚脂肪比例岩岩好 重點系鮮甜又新鮮。推介👍🏻不過價錢方面也是偏貴。

之前成日經過都好想試下😍因為我自己本身係好中意食魚生壽司既人我就叫左個海膽甜蝦 ($44)即叫即整，紫菜仲係勁脆海膽好鮮甜無苦味甜蝦好大隻😍 但就要麻煩少少自己整走個尾殻整體我比7/10分❤️佢就中午12點開到夜晚11點🙈之前我夜晚10點幾去就無咩人🤔可以值得一試🐶