原味家作 (已結業)

想話去買飯糰既，點知原來冇咗間野，落一層去樓下睇下仲有咩食，見到有間原味家作，咪諗住試下咯。所謂上湯蒸花菇肉絲紅米菜飯，見到d姐姐仔係個櫃度拎包飯出黎，剪開膠袋，倒入電飯煲內撩幾野，然後再畢俾人客，個紙兜咁細，一拎上手咁輕，都知唔妥架啦，但冇睇清楚佢整個裝飯過程，唔敢莽下判斷。我隔離位就話佢分別係一度夾d菜，又去飯煲度加d飯就俾人客。返到公司，d飯唔熱唔在講，我個同事即刻投訴話：「點解會有好似魚蛋咁大舊菜架?」係？等我睇下我果盒先！面頭唔覺，食一啖，咦！唔熱都算啦，點解好似撈咗d生米咁架？咪同我講話糙米係咁呀，我食糙米大架！專登獨立夾一粒紅米黎食，係唔太硬既，只係擺到明有d米未蒸透唧。我用匙撩下，嗄！唔係啦掛！所謂菜飯有一球菜係度？仲唔係點碎架喎！簡直覺得呢間野超過份，淨係畢飯俾人咁簡單都要人客等咁耐，d飯又唔熱，蒸得又唔透，味道又麻麻，仲要係飯還飯，菜還菜，咁算係咩菜飯呀? 我地簡直覺得入咗黑店呀！連聖安娜既荷葉飯都多餸過佢呀！但人地聖安娜份量就足好多，只收$15。而呢間野呢？$25得少少野咋！

跑完外勤, 不覺又是時候食晏, 行到來地鐵站, 買些東西回公司食。天氣開始轉涼, 不想吃隔離 Grove 的凍冰冰三文治, 就來這兒買杯滋補靚湯, 以慰近期日夜顛倒, 忙到氣咳的身體和心靈。但見排隊購物的都是白領一族, 大家都辛苦了。姐姐落力推介是日湯品, 選了其中一款海底椰螺頭佛手瓜湯 ($38 12 oz), 另加 $19 可配糙米飯一款, 要了瑤柱香菇肉碎糙米飯。拿回公司, 搞了兩搞過了半個鐘才吃, 但湯仍然好熱, 湯身很濃 (我以為是清湯呢), 應是老火湯的效果, 也不大喝到味精; 當然這個湯的湯渣沒什麼吃頭, 不過某些湯品如能讓顧客選配湯渣 (加錢也沒問題) 就更好了。價碼算略貴。但是瑤柱香菇肉碎糙米飯就認真麻麻地了, 飯很乾, 也沒有什麼味道 (要平衡一下濃味的湯?!), 配料切的太細碎, 也是很乾。原味家作走的路線和某大涼茶連鎖店差不多, 價位也相近, 兩者我實在沒什麼 preference, 哪兒就腳就去哪兒買; 但畢竟, 湯, 還是家裡媽媽煲的最好。

HK$22/3隻不便宜但想與家人分享雞翼飽滿肉嫩，醬汁濃郁帶點貝殼的腥，滿滿的一杯，用作伴飯也不錯

於部份唐人，老火湯係寶貴的文化財產，至少我男友係這樣想。廣東人的老火在我家桌從不是 "must have item"，所以唔識欣賞，亦無興趣。問題係你來來另一半係老火湯 fans 的時候，唯有 "try to 學習" 這文化。今晚下班後，放棄 City Super 的 Lasagne ，跑去兒了個湯 + 飯 + 飯品合共 HK$66，份量偏少，味道就 ... 。我想說，看得出用料甚豐，唯我真係唔欣賞那碗 Chinese soup，那紅米菜飯很 OK 很好味，那牛漢果茶 taste so xxx。我猜想我跟 Chinese soup 無什麼緣份，酸辣湯和魚湯概是最大的程度。感覺好貴，亦不合口味。

經過地鐵站時見倒有無味精嘅湯飲, 係英國時成日無湯飲好可憐呀, 所以即刻試吓木瓜猴頭菇牛鰍魚湯有小小甘甘地, 又唔似出面啲湯得個鹹字, 無嘜油, 唔錯哦

有天早上發現有間新野,入去望望D樽裝drinks,其實和健康工房十分相似,不過這間感覺更足料。店員熱情地招待試飲,試了合桃杏仁露,勁正!!好似媽媽煲的質素,$18一支就貴左D o羅....(28/11/07)買左杯上湯花菇肉絲紅米菜飯,碎碎的材料拌勻在飯,飯o既口感很有纖維,整體味道偏淡。下次要試蒜辣濃湯炆花螺$15、濃湯雞翼$15三隻。

最愛花膠海底椰煲雞湯同無花果雪梨茶...正呀值得一提係鋪頭既設計, 我去過東涌, 尖沙咀同中環鋪頭, 最欣賞就係中環鋪..好d 法國大廚房feel, 見到都知道好新鮮...不過最重要都係d湯同野食好味足料!!!

經過香港站，發現多了“原味家作”這一間新店。賣的是中式湯水和飲料。售賣員說湯水可以試味，就要了一杯川貝煲鱷魚肉。味道不錯，不可以苛求用足料，但畢竟不是滾水味精湯，比有些速遞湯水，這裡的味道亦較為濃郁豐富。試過味，買了一份大的鱷魚湯（$48)，一個飯（$16) 和一份雞翼（$15 三隻)。飯的名字我忘記了，内裏有點豬肉，堯柱絲，小量菜和薑絲。雞翼說是用秘製鹵水汁，味道還可以。售賣員說湯水可以用保鮮袋包裝，買定兩三天的份量，放在雪櫃裏，只要加熱就可以了。要不然，外賣用的紙杯，亦可以放進微波爐，方便即日飲用。總體來説，不過不失，有點貴，偶爾一次的幫襯，就是了。越來越覺得，現在很多食肆做的食物，不是不好，但味道總是“差咁啲”“出唔到啲味”，不知是廚藝問題，還是已經沒有人再用明火煮食的關係？