原居民 (已結業)

男友的朋友聽見要慶祝我生日，特意推薦了這間他“食完仲想再食”的餐廳其實事前未聽過，期望不大，大概因為咁，食完真係幾驚喜最好味是生蠔，法國鵝肝，食過仲想再食！男友亦都好欣賞這裡的心太軟。至於main course，頂級肉眼扒，龍利柳，素質算係ok。不過，我最欣賞的是這裡的服務，夠體貼窩心！

又到生日，老公為我選了這家在我公司附近的餐廳店內好整齊，二人檯都設有三張凳，其中一張是給客人放手袋或戰利品！好體貼呵！當日我們選了Set Dinner,有多款選擇(配餐飲）前菜自製鵝肝醬鵝肝醬好滑，但D多士好硬，不知突登做成對比定.......？hahahha虎蝦配什菜伴芒果片虎蝦爽口，夾埋芒果汁好開胃的前菜！主菜炭燒美國頂級安格斯肉眼扒 $278食唔到炭燒的味道！ 不過燒得剛好！都算不錯！煎冰島鱈魚三文魚虎蝦 $238三文魚同鱈魚煎得剛剛好，由其是三文魚中間剛熟，另到肉質不“鞋”！叻！甜品等了半個鐘的～即製薑汁梳乎厘熱辣辣香噴噴，面焗到好脆，入面好軟棉棉！點了一些忌廉又香又滑!（無問到另一個黃色是什麼汁tim!）

朋友話好耐未有去過原居民, 想試下, 晚上7時後到, 有位, 點左兩個晚餐頭盤火腿拼蜜瓜 --- 火腿不太乾, 配蜜瓜正好煙三文魚青口沙律 --- 青口肥美, 三文魚加左少許黑椒吊味, 一流主菜牛扒 --- 要求六成熟, 但朋友嫌過熟羊肩 --- 羊肩的生熟情度就 ok , 只是欠羊味餐只包餐飲, 點了熱咖啡同凍齋啡, 熱啡 ok , 但凍齋啡就是一般茶餐廳水準, 沒甚麼特式, 甜品另叫心太軟整體出品還算 ok, 朋友就話個心太軟既伴菜"熱情果雪芭"好正

行開佐敦，巧合之下和朋友M先生食午餐，由於想坐得舒服d同價錢唔好咁貴，佢提意咗「原居民」。 位置旺中帶靜，人流唔多。 兩點才入席，餐廳唔多人，好喜歡佢嘅寧靜，非常舒服寫意。 餐前蒜蓉包，香脆可口； 薑汁甘筍忌廉湯唔粉夠薑味； 羊仔柳鮮嫩有汁，好味道； 燒厚豬扒就普普通通，唔算嚡口，不過比較乾身。一份set lunch包埋包、湯、主菜同茶，價錢約$80，以有d水準來說，唔貴，會再去。

聖誕節一向我倆的重要慶祝節日，之前兩個月已訂了這間吃午餐（因為預計餐廳會爆棚），去到原來還有許多座位，但為了能與心愛的人一起，花多一些心思也在所不惜！今日的午餐有五款主菜選擇，包括傳統的牛扒及燒火雞，我倆選了燒火雞和羊扒，一同分享。聖誕午餐菜單餐前蒜蓉包前菜可以選沙律或餐湯，我倆就各揀一款，其中沙律所選的菜很爽口，三文魚又很鮮味（應該是煙過的），簡單地配油和醋就成一道美味的前菜；餐湯則是南瓜忌廉湯，比較普通。主菜方面，羊扒原本我們預了係一大件，原來比想像中少很多，不過羊扒燒得肉質嫩滑，拿回不少分數；而豬柳則很爽口，加上汁料則更好吃。至於燒火雞則沒有預料的「鞋」，這是因為餡料配得好，食的時候不會感覺口乾。這間餐廳似乎很著重健康，主菜均奉上炒過的豆苗，而侍應也主動問我倆是否夠吃，讓我倆很好享受這一段美好的時光！

原居民不得不寫...大概05-06年某天, 在903聽到dj live介紹原居民 (當時地址還在亞士厘道)...dj對此讚口不絕..某天跟朋友經過, 決定試試.. 自始, 它成為我的最愛餐廳.不懂"食" or 不愛"食" 的朋友, 我不會邀請到原居民與我共進晚餐. 最愛推介: (價錢不記得...每次去都係咁上下..)1) 北極海螺 - 約hk$55-65 (4大隻...鮮甜...乾淨)2) 煎鵝肝 - 約hk$70-90 (正!! 超抵!!)3) 紅酒燴牛尾(配薯蓉) - 約hk$80-110 (i love it)4) 雪糕/甜品 - good其他: pasta/steak/ 龍蝦湯..都ok ga它不是最好, 不過..以呢個價錢及食物質素....o係尖沙咀, 真係超抵!!!!!!!!!!呢幾年, 我都定期黎~

其實同屋企人去原居民餐廳都食咗成年, 一直都覺得好好. 今日生日好想食有水準嘅SEAFOOD, 所以決定再嚟. 三文魚刺身好新鮮, 之后嚟咗個CREAM SOUP WITH OYSTER & CRABMEAT，湯底好鮮甜，而且只蠔好甘好滑。主菜係三文魚跟虎蝦。經理建議三文魚六成熟，一入口好香，完全唔洗放任何SAUCE 已經好好味，一D都唔腥。超水準之作。虎蝦好大隻，好彈。老公叫咗個SEAFOOD RISOTTO, D 飯好CREAMY, SEAFOOD一响新鮮好洗再讲.另外一讃係員工態度好專業, 好細心. 係依個地方有咁好嘅餐廳真係難得!!!

朋友試過呢間外賣話幾好食甘就去試下 la,賣相係吾錯但食落認有吾掂,份rib eye肉質麻麻,食落有渣,完全吾值二佰幾蚊而另一主菜鴨胸肉質超'un' 用刀都難切开,要個待應幫忙切开上枱,最好係個疏乎里,熱la la,幾好食! 不過d 食物都出得幾慢要耐心等待. 餐飯食左五佰幾好吾抵,無下次!

聽公司同事講話這間餐廳不錯, 雖然價錢貴少少, 如果不錯也值得嘅~ 點知原來是被人"老點"咗!? 經過今次之後, 問人食邊間餐廳好, 千祈唔好問D 師奶同事意見呀.入到間店冇咩人, 環境都ok啦, 但佢最大特色是---> 餐牌.佢地的餐牌就是一個流動式的木製黑板, 上面寫晒當天所有set dinner, 然後侍應拿住個大黑板俾D客人睇, 但其實幾唔方便囉! 尤其對客人的我地來說.侍應服務態度真係唔得啦! 我地每人起碼食成二百多元一個set, 但D侍應個個都黑口黑面, 好似仲衰過D茶餐廳的侍應~食物一上碟, 唉~~~ 完全唔掂呀! 頭盤&主菜冇一樣係熱的, 連暖暖地的感覺都冇, 唔知係唔係放咗好耐呢?!唔好諗住二百幾一個人餐有好多野食呀, 原來得頭盤,主菜&餐飲. 湯及甜品係唔包括在內, 都算幾唔抵食囉~ 之前見食評話個甜品都幾好, 每人叫咗一個來試下!我地叫了一個心太軟及兩個梳乎里, 最係連甜品都一樣係凍嘅!? 真係O晒嘴啦! 原本係熱的甜品, 最後竟然係凍食. 食物質素與價錢不相符, 以後我唔會再光顧這間店! 最重要係唔會再信師奶同事的食評, 靠唔住!

預祝何太生日, 所以作為主角的我, 挑選一間喜歡的餐廳! 佐敦原居民!麵包- 唔知係咪肚餓, 大家覺得那籃蒜蓉包, 正呀! 經理聽到我地自己討論:唔知可唔可以要多啲呢, 好好食! 經理便叫人再送一籃給我們! 好好人呢! 第二籃都係咁多片!頭盤 - 我點了刺身盤, 魚類很新鮮,翡翠鏍也很好口, 生蝦也很鮮甜; 姊妹們點咗龍蝦湯及三文魚凱撒沙律主菜- 鵝肝拼西冷, 四成, 不過好似熟咗啲, 味度是可以, 再淋啲會好啲; 姊妹們的牛扒也不是太淋; 不吃牛的點了海鮮飯, 帶子, 好味呀!甜品 - 我最愛的心太軟....實在太好食啦! 我哋坐得近廚房, 未出嚟己聞到好香好香朱古力味! 熱辣辣....啲朱古力醬很急流出嚟....實在太好食啦....她們點了梳乎里.....我覺得麻麻!整體食物質素都幾好! 都會再嚟! 經理好好人, 主動問我地駛唔駛幫手影相!何太好開心! 多謝幾位知己好姊妹!

食物具水準, 價錢經濟實惠, 法國菜來說, 絕對是平民價!!叫咗兩個set dinner.....主菜都有六樣選擇.....小麵包籃 ~ 新鮮法包搽咗好香o既香草蒜容牛油!!頭盤 ~ 煙三文魚沙律(菜新鮮沙律汁好味), 南瓜湯(南瓜味唔夠香濃)一般!!生蠔同翡翠螺 ~ 買相精緻放在碎冰山上, 酸汁, 茄汁放下層. 生蠔鮮甜唔腥, 螺又唔韌(另外order) 燒澳洲羊架薯菜 ~ 五成熟, 三支骨, 羊嫩唔蘇, 配紅酒汁!! 香煎立魚拼海鱸魚薯菜 ~ 外皮煎得香脆, 魚肉肥美嫩滑, 吃時滿口油香! 甜品 ~ 梳乎里入口軟棉棉, 心太軟一切開朱古力漿即流出, 朱古力味香濃但唔太甜..pefer!!要一讚service 十分good!!

其實之前我同屋企人及朋友都有嚟過呢度食飯慶祝生日。今次嚟係同老婆慶祝紀念日。呢度地點都算方便，搭地鐵佐敦站落，行去理大方向約五分鐘就到。因為係平日，所以我無book位。我地約八點鐘到，一到好快已俾安排入座。坐低後，侍應好細心地先問我地飲凍水定暖水，然後詳細地講解是晚嘅set dinner menu。呢度嘅set dinner menu都幾得意，係一塊大黑板(即係平時放門口嗰啲size)，佢會楝起塊板喺張凳上面俾你慢慢睇。我地揀咗兩個set dinner，一個係鵝肝拼牛柳，另一個係雜菜蟹肉扁意粉。頭盤我地就揀咗生牛肉他他同煙三文魚沙律，另外點咗個酥皮田螺角。(我唔記得咗個名，好似係咁叫)先嚟頭盤：生牛肉他他：牛肉唔酥，不過淹得酸咗少少；但配法飽個味好夾，剛好balance翻。煙三文魚沙律：三文魚厚身有質感，唔腥兼有魚香味。沙律就ok啦。酥皮田螺角：係一個驚喜！摺到好似咖喱角咁。酥皮好香口，裡面包住係熱辣辣嘅香草炒田螺；香草同田螺嘅比例剛好！一流！食飽頭盤，等約十分鐘就上main course，相信係俾我地消化！main course來了：鵝肝牛柳：鵝肝都好大塊同juicy，牛柳則煮得比較

這天放學後選擇了沒有走過的路往Jordan方向進發~原想到澳牛一帶才找吃的~但實在太曬太熱~經過這青BB的餐廳~又好像有點印象~~於是就進去了~~~~~~降溫餐廳內裡的設計與門面真的有很大差別~hha~都幾有feel ge~不一會~waiter就拉了鄰桌的椅子~放上是日lunch set的黑板~ Gimmick~!?大比先點了個A餐~是為火腿西蘭花白菌配香草忌廉汁長通粉~見有南瓜湯~也不放過~南瓜蓉用上不少~好rich的感覺~但也港式地加了不少三色雜菜~跟湯送上的是4小件Garlic Toast~也不錯Penne徐徐送上~但白烚過的penne拌上比湯還要稀的白汁~當然擦不出火花同時也加上大量雜豆去令佢colorful d~老實說....這penne比普通茶餐廳還遜那麼小的吃甚麼呢~?! 這兒就發生了一段大插曲了~小比想吃salad~見set lunch也有火雞卷雜菜沙律~就問問waiter跟餐的有多大(同時也作了個眼色向鄰桌瞄瞄..都幾大碟的!)...waiter也望了望鄰桌的之後~就向我推薦a la carte裡的沙律類~~~但看見每個也around $7x 以上~咁ok la...

27-SEP-08 7PM9月份食事多, 難得星期六可以静静地食個飯, 攔左一間同事介紹過既餐廳, 並早一日訂位.店內環境很舒適, 牆上掛住一d舊香港的圖片, 但其他陳設都是一般西餐廳似的, 很難想像同店名” 原居民” 有什麼密切關係. 侍應隨手遞上餐牌. 更捧來一個大黑板到我身旁, 親自每款介紹各項菜式, 非常細心.由於我地只叫左一個 set dinner, (either appetizer or soup), 要左牛肉tartar, 只好另叫湯, 但又怕一人一個太多. waiter 就提出"small cup size" version ($45 / 2 cups) 比我地. 真係好好~~Order 後, 先送上一客熱辣辣, 香噴噴既包包..湯未黎就食晒lu~~~洋蔥湯同南瓜什菌湯. 兩樣都好夠熱, 水準很不錯.南瓜湯又 rich 又 cream.洋蔥湯很香~Appetizer:生牛肉他他: 伴以法包, 牛肉用酸咪咪的汁醃之, 挺開胃.虎蝦 + 芒果 +西柚+ camembert cheese +松子紅桑子醋汁沙律: 份量頗多的, 每樣材料都十分新鮮, 尤其虎蝦是極爽.Mai

想搵個好gei 環境食lunch 所以決定試吓哩間la! 入面d 環境真係好正，燈光暗暗地，枱與枱之間隔得好開，講野大聲少少都唔怕隔離聽到 佢地d service 真係幾好，一座埋去就會有侍應攞個好大既黑板menu棟係到比你揀要咩什餐 好攪笑未見過d 餐廰係咁ga!!! 不過個set lunch 都幾貴，最平 $45最貴到六十幾七十幾都有，我最終揀左最平果個鮮茄雞柳長通粉配西式湯同餐茶， 最好味係個蒜蓉多士浸落d 西式忌廉湯到簡直一流 鮮茄雞柳長通粉，哩個好唔得d 味怪怪的個賣相就好吸引d 餐茶唔好飲，我覺得最好味都係餐前gei 蒜蓉包同湯，主菜就好唔掂，可能第二款主菜會好d 掛？？？ 不過我下次唔會考慮再去，因為lunch 黎講我覺得貴又唔係好好食！