原居民 (已結業)

一個人的浪漫。去完理工上堂 想對自己好點 食個靚西餐獎勵自己。Set dinner 選擇很多 前菜都有六種。我揀左火箭菜虎蝦沙律。虎蝦在處理上幾用心 冇雪藏味而且挑左蝦腸 呢一點真是超讚。火箭菜伴上芒果沙律汁 帶有淡淡黑椒味 伴碟的芒果好甜 不錯。黑松露西蘭花湯～ creamy 淡淡中帶點黑松露香氣。主菜～香煎鱸魚。帶子。虎蝦帶子好大隻 鮮甜 煎得金香而口感依然嫩滑。鱸魚好滑 外脆內軟。配上龍蝦汁 清淡得來不會沉悶 女士好適合～配菜好surprise!! 竟然係我至愛既豆苖 係意想不到的match!!! 冇諗過豆苖同什菇車厘茄炒一炒 配上海鮮會咁好味。另外再點了甜品 滿足女生的胃。Creme brulee~ 最驚喜是充滿雲呢嗱籽 所以好香濃。口感比較heavy 一個人要食完真是有點難度呢😂環境清幽 靜靜地過了一人的晚上 滿足。

人生在世難得找到可陪伴到處品嚐美食的吃貨, 又能談心的朋友, 實在不多呢, 很幸運地熊熊身邊就有啦, 特地選了環境舒適寫意, 在佐敦港鐵站走一小段路便到達的原居民西餐廳來醫肚丫~ 意大利風乾火腿蜜瓜 前菜也蠻多選擇呀, 帶點鹹味的火腿色澤粉亮, 配上清甜的蜜瓜, 更能引出火腿的鮮香味呀~ 南瓜湯 其實熊熊所點的是 set dinner, 有前菜、餐湯、主菜及飲品丫, 有香濃南瓜味道, 又不會太杰膩, 恰到好處啊~ 香煎西班牙黑毛豬排蜜桃汁 $298 大大件厚切黑毛豬, 份量十足, 外脆內軟, 就算厚切也能保持肉質軟腍, 沾上蜜桃汁更帶有微甜的味道, 還有些薯菜拌碟嘛~

好耐未見過食一餐正式西餐，由於反工很辛苦，就諗住自己生日，就對自己好啲，朋友介紹下，就和屋企人來到餐廳。餐廳一到放上set dinner 大大黑板餐牌上供選擇，主要包括前菜，餐湯，主菜，飲品。未叫餐點前，待應送上墨西哥脆片 小吃 好窩心。前菜方面，有沙律，多士，小吃，選了日本芥茉三文魚伴甜蝦上碟非常有心思，非常整齊，原來一個小脆皮盒子入面放了三文魚和沙律醬用青瓜伴碟，好精緻。是日餐湯，是粟米忌廉湯，和蒜蓉包。主菜炭燒安格斯牛扒配薯菜。牛扒五成，剛剛好，不會太硬，牛肉汁非常多，煎得好香口。配南瓜菇，菜薯菜，中和牛肉的較濃味。餐配上特別雪芭，有特別熱情果同士多啤梨小小雪芭外，還叫了梳乎厘要等20分鐘左右，有橙味，薑味，熱情果呢啲特別的味道。因見冬天，就叫了薑味，即叫即整，好鬆，夠熱。餐廳環境非常安靜，待應服務很好，近地鐵站，仲有好多梳乎厘味道想食，下次記念日，朋友聚會，一定回來。

成日揸車經過 都無咩留意呢間外表平凡既地舖。直至上個禮拜經過，見到店舖既聖誕裝飾好似幾有氣氛咁，咁岩要約個舊同事出黎食飯 交換禮物，就揀呢度啦！又到聖誕 又到聖誕~~呢度比我既感覺有d懷舊，好似細個時候媽咪帶我去屋企樓下d餐廳 食聖誕大餐既感覺；幾自在 幾親切。menu都係懷舊feel超好味墨西哥脆片，配埋鮮番茄肉醬汁，夾到不得了。頭盤係煙英國鱔凱撒沙律。煙英國鱔真係第一次聽 第一次食。味道無咩特別，係比較彈牙，魚味重。配上凱撒沙律汁同生菜都幾夾 幾好味。香煎法國魚塊配虎蝦帶子皇。魚塊外表煎到帶少少脆，裡面肉質香滑。帶子皇似厚鮮味，唯一可以改善係有點過熟，所以無咁彈牙。虎蝦亦鮮甜，無雪藏味，不錯最後甜品點左蘋果批配雲呢拿雪糕。蘋果批焗得岩岩好，皮夠脆帶微焦，好香一啖蘋果批夾一啖雪糕黎食，冰火口感，非常特別。不過呢個甜品都真係幾漏。。好彩我同朋友share一客，否則一定食唔哂！平凡既外表，往往有意想不到既內涵。就好似呢間懷舊既餐廳，雖然位於鬧市旺地，不過價錢非常合理，而且食物質素屬中上級。多謝原居民帶番好多童年過聖誕既回憶比我，我都好想帶daddy mommy 黎呢度食番個聖誕大餐

放工嘅時候無意中搵到呢間餐廳雖然門面唔係太過起眼不過望入去個氣氛都好似幾好所以就入咗去試一試呢度係食set dinner入面包括有一款前菜一碗餐湯同一份主菜墨西哥脆片錢財就叫咗煙英國鱔凱薩沙律雖然沙律上面嘅鱔肉只有一少塊不過肉質異常彈口而且食落口真係充滿煙燻的香味講真煙三文魚就食得多但係煙鱔肉就真係第一次食另外個沙律啲生菜都非常之新鮮再配合埋個沙律汁令人異常咁開胃到了餐湯今日就叫咗佢哋其中一款嘅龍蝦湯一上台就見到先橙紅色的龍蝦湯食落口淡淡龍蝦的鮮味食得出間餐廳應該仲有加入蝦入去煮呢個湯鮮甜嘅香味真係滿佈成個口最後主菜就叫咗香煎西班牙黑毛豬扒配蜜糖桃汁呢塊豬扒大大件而且用厚切嘅方法油脂比例較高的西班牙黑毛豬刀叉切開入面粉紅色有光澤肉汁美味滲出看得到的嫰滑入口肉汁流㴜味蕾肉質厚意有彈性熱朱古力薑汁梳乎厘啱啱焗起所以十分香噴噴有著濃濃的薑味而且梳乎厘十分軟綿綿而且好大個兩個人食岩岩好這裏的消費大眾化而且賣得便宜不過可能位置喺尖沙咀的較吊腳的位置聖誕節的時候食聖誕大餐應該唔使同人哋迫

這間餐廳已經營多年，從前來的時候還是個小朋友，想不到眨眨眼睛，這次再來已經是個成年人了！有時候都分不清到底小時候比成年後快樂還是成年後比小時候快樂！有些回憶 不會說起但卻會記起... ..言歸正傳，分享一下這間餐廳。聖誕節臨近，餐廳都佈置得富節日氣氛！空間感大，燈光柔和，感覺舒服！羊鞍配露絲瑪莉汁，生熟程度拿捏得準確，鮮紅的表面來點點的血水，是我期待的五成熟度！拍在羊鞍上的香草，把羊的膻味帶成膻香！粉粉紅紅，肉質細嫩，讓人難以抗拒！配菜用上溫室豆苗，更顯高貴！蒜蓉包沾上龍蝦濃湯伴吃絕配！重重的龍蝦香，不腥不澀，味道濃郁！鵝肝肥厚,油潤,入口即溶！餐牌上寫熱朱古力蛋糕，我想不到原來是心太軟！這款蛋糕迷人奧妙之處，盡在一刀切下去時，裏面的朱古力漿流出，有如火山熔岩般，慢慢流動，不其然有股快感！這裏黑朱古力比例多些，苦味重些！正所謂佳餚配美酒，想品品酒但可惜當晚需要駕駛！後記* 員工表現儀表整潔，敏捷有禮，縱使當晚近乎滿座眼見他們都能駕御！

如果想食好嘢嘅話，真係要嚟拜訪下呢間隱世餐廳價錢都只係大約二百蚊起跳，但絕對拍得上出面賣緊四五百蚊嘅貴價餐廳 菠菜蘑菇湯 菠菜蘑菇湯，菠菜味較為突出 蘑菇味道隱約浮現，但整體搭配之下，湯味道濃郁又能保持平衡本身想留肚食主菜嘅我，都忍唔住飲曬佢 日本芥末三文魚伴甜蝦 芥末三文魚味道有少少似辣味三文魚不過多咗陣芥末獨有既刺激香草燒澳洲羊架 露絲瑪麗汁 羊架醬汁既配搭選擇一向都比較多呢間餐廳就有提供薄荷啫喱 芥末汁 薄荷啫喱都係第一次試 兩種醬汁味道偏濃 羊架大約六至七成熟 血色部分比較多，烹煮時間真係掌握得啱啱好羊肉質感鬆軟而且肉味十足 羊架外層沾上嘅香草，就算唔點醬都已經帶出咗羊肉嘅鮮味 所以我個人喜愛不需點醬，就食到原汁原味餐廳仲有自家製既雪糕以上係藍莓同薑味薑味雪糕既薑味真係好濃郁而且好少地方可以食到係個小驚喜

從柯士甸道行去火車站(知道是港鐵吧, 不過改不了叫法), 總是路過一個搶眼大招牌----古早綠底色上工整的寫著”原居民” 三個字!Rei知道那是一間餐廳.可是那個店名, 那個綠色, 曾以為是吃圍村菜的店呢!! 今次一訪,猛然發現不但不是圍村菜是西餐, 而且還是一間很用心的西餐廳!是老朋友知道我工作最近不順利, 約我出來輕鬆一下, 整個餐廳裝修簡潔, 黑板上寫著是晚菜單, 清楚易明先來一個前菜意大利風乾火腿蜜瓜火腿很大塊, 老闆非常闊綽!(笑)蜜瓜夠薄身(如太厚用火腿包著就吃不到火腿的口感), 和著偏咸的火腿吃,非常開胃餐湯我選了龍蝦湯沒有”渣”, 味道走清新風,  你們看那個包:對!  就是蒜容包! 我估計是貼心的廚師特意把湯較淡一點,清新一點, 於是跟濃味的蒜容包吃就剛剛好了! 非常細心!蒜容包非常爽脆, 沾著龍蝦湯吃,清新與濃味, 滑身興脆口, 有一種陰陽調和感!主菜是炭燒美國西冷排看上去很吸引, 吃得出來真是有炭燒味!!大家看一下,砌出來可以見到, 外脆內有肉汁配菜除了薯仔, 還有菇有菜, 廚師對飲食均衡也挺講究吧!甜品來了!!!!!這橙酒梳乎里十分吸晴:橙酒味濃而不失蛋香! 但

成日經過呢間餐廳，見到環境好舒適，已經好想入去食，不過次次都因為太趕，所以都冇入去食，今日終於有少少時間，可以入去嘆晚餐！芒果火箭菜虎蝦沙律一睇個賣相就知道好好味，擺盤好精緻，而且顏色非常新鮮，虎蝦嘅色澤好新鮮，非常彈牙同鮮甜，火箭菜比較濃味，有啲人會唔鍾意食火箭菜嗰陣味，但係呢一個沙律嘅沙律醬快少少酸味，可以遮掩火箭菜嘅味道，出奇地好夾，再加上芒果嘅鮮甜，呢一個沙律更加清新！燒汁安格斯肉眼扒安格斯肉眼扒肉汁好多，牛味好濃，外表睇煎到好靚，一格格咁，仲煎到好香，配埋燒汁食，更能夠突顯牛肉嘅香味，我都鍾意配芥末醬食，又有另一番風味，配菜都非常好食，尤其是貴妃苗，非常之嫩同爽口，最鍾意貴妃苗既嫩香。朱古力心太軟個心太軟即叫即整，熱辣辣，入面個朱古力流心超正，又滑有濃朱古力味，配上芒果雪萉，一流。果然冇㨂錯，環境服務都一流，而且食物質素超水準，一定要再嚟！

陪朋友行完婚紗街原本諗住去韓國街度食韓國菜不過同行嘅朋友近排喉嚨唔太舒服所以唔想食辣野同埋食炸雞咁唯有今晚就轉食其他野啦行行下去到差唔多木球會呢邊見到呢間餐廳食西餐望落個Menu都幾抵同埋幾多嘢食首先就叫咗佢哋個是日餐湯呢度竟然有我最喜歡食嘅南瓜濃湯因為好多時出邊嘅餐廳只係提供紅白湯兩款而呢度就提供有較特別嘅南瓜濃湯南瓜濃湯雖然聽落好似好易煮咁但其實煮得好係十分之有難度的因為南瓜好容易燶稍有不慎就成煲湯就會一帶浸燶味而且呢度做得非常之濃郁食得出有加入新鮮薯仔打成茸所以令到個湯十分厚身之後食埋個前菜因為我本身十分鍾意食魚所以就叫左呢個煙三文魚做前菜估唔到呢間餐廳就算係前菜都用上非常之多嘅煙三文魚而且仲唔係嗰啲cheap cheap嘅煙三文魚每一塊都煙熏味香濃到了主菜我最後選擇左另一款魚肉就係香煎法國多寶魚會日本帶子王及虎蝦呢款多寶魚啖啖肉不單止而且肉質嫩滑多汁因為好多時西餐嘅魚肉都比較遜色但係呢度就處理得非常之好帶子到煎得剛剛好唔會變成一塊橡膠咁不過蝦就比較少了新鮮的味道食落口只有爽口彈牙欠缺了新鮮蝦肉的味道應該是用上了雪藏貨不過主角多寶魚都可以拎返唔少分未至於俾個蝦扣晒分

平時西餐廳會有麵包附上，但呢度唔單只有麵包，仲有墨西哥三角形薯片 鍾意食墨西哥薯片嘅我，真係覺得好開心印象分已大大力加左比佢叫咗個set dinner火箭菜芒果汁虎蝦沙律 整個沙律都係火箭菜撈芒果汁，冇加入其他沙律菜 雖然火箭菜帶有點點苦嘅味道，但配芒果沙律汁嘅香甜，平衡左雙方既味道而且芒果非常非常之甜 香煎法國鮟鱇魚、日本帶子、虎蝦配龍蝦汁 魚同各樣配料都煎得非常之香 雖然魚肉份量比較少，但更加突顯佢嘅矜貴 廚師對每樣食材都非常之了解，將時間掌握得啱啱好 將每樣食材烹調到極致魚肉厚實，而魚味濃郁、魚汁豐富，真係成世人都未食過咁好味嘅魚 日本帶子係半熟嘅狀態之下，內裏有種糖心嘅感覺 食完質素咁高嘅前菜同主菜 我都想試埋呢度嘅甜品酒味梳乎厘 酒味真係非常濃郁，不過橙味就相對較淡 梳乎厘好軟綿，質感唔錯好酒之人真係要試

前菜蒜蓉包，個個都讚好食。湯味道很好沙律很大份量牛扒質素幾好，薯角都好好食，再配上芥末同薄荷汁，口感很好！意大利飯同事説味道很好羊架味道同事説很好，但個人覺得要點太濃，，多色雪糕很有心思

話說同男朋友已經一年啦，所以搵左一間幾高級嘅西餐慶祝下先來前菜，是一款小食配墨西哥醬。墨西哥茄醬特別在有少少辣，有少少辣椒及酸瓜粒，感覺既甜帶酸又微辣，都幾特別之後就品嚐三文魚粒沙律，沙律都幾幾清新，而且三文魚粒配搭沙律醬都好夾。用一個花盆型嘅酥皮盛住都真係幾正雖然有沙律醬，但都無令到酥皮變淋。主菜就點了龍蝦飯，絕對係一食難忘龍蝦啖啖肉，而且廚師細心到連殼都起埋，絕對方便顧客。仲有意大利飯唔會因為忌廉而好膩，相反龍蝦鮮味完全融入飯入面，正呀！最後就係甜品，揀左朱古力梳夫里。真係好正呀！朱古力醬倒入去，真係好甜好暖

餐廳空間好大，裝飾似舊式西餐廳，背景音樂都播緊九十年代既經典情歌！環境輕鬆浪漫！蒜容包好香脆外層脆，下層鬆軟依個沙律好特別，第一次食用芒果汁做調味既沙律！芒果較甜，但又有清新既酸味做平衡！不錯虎蝦好大隻好脆口一上碟就覺得好特別，好似玩具咁得意！牛扒煎得幾好，入面七成熟，有似肉汁流出！焗薯上面有香蔥同煙肉粒粒做調味，味道不錯熱情果梳乎厘好好食！口感軟綿，味道香甜之餘仲有熱情果酸酸甜甜既味道！好食又高質！

一間唔太特別起眼既餐廳，但名字又幾特別，所以試下食咩先，入到裡面，燈光很柔和，坐位亦很舒適，不會太逼夾，餐廳很編定左set dinmer比客人選擇，要左 意大利風乾火煺伴密瓜，hams好正，夠薄，唔咸，冇筋位，所以唔會咬唔到，伴密瓜就最一流，如果有哈密瓜就更好主菜就擇左炭燒美國西冷排，5成熟，牛肉新鮮，不用醃制醬汁，原件上，而且西冷不會肥膩，超正 甜品更正，梳孚雪糕，我揀薑汁味，外有小小焦糖，小小脆，入面熱辣辣，加入薑汁，忌廉，真的好味到不得了真係好想再食