原汁原味

营业中

休息中

今天晚上，我經過一間名叫原汁原味的食店。我見有一兩個人等緊外賣，上網查吓個食評都不錯，就試吓呢間。入到去下單，看見環境其實是非常一般，但我還是膽粗粗下了單。我點了一個魚香茄子煲飯套餐，有餸有飯有湯。大概十分鐘就有，我取時都覺得有點不對勁，。回到家後打開，樣子沒有異樣。我先吃一口茄子，發覺這餸一點也不香，味道淡而無味，非常差勁！我還要到㕑房取鹽來調味。湯也不是新鮮的，我喝了幾口就停了。而飯是有點硬，絕不柔軟。總括而言，他們的食物名過其實，請不要幫襯！

之前知道呢間有啲名氣特登來試下，可能因為疫情，星期日1點半去到唔洗等位，2人叫咗：1. 排骨陳村粉（午餐set）夠滑多汁，份量都ok，價錢唔平都80-90蚊，不過喺香港午餐可以食陳村粉嘅餐廳真係好少，呢個係加分位！2. 柚子雞半隻 （招牌菜）雖然係招牌菜但性價比就唔高。味道本身唔差，雞皮脆，入味，可惜個人覺得落得太多柚子，甜過頭，如果你平時飲嘢鍾意走甜少甜嘅話未必鍾意。而且雞肉係切薄片/雞絲，份量本身唔多之餘，揭開個底大部份其實係柚子撈沙律，實際食落並冇半隻雞肉嘅份量，收呢個價位且標明招牌菜個人認為略嫌失色。3.  菜心普通菜心冇特別Overall唔差嘅，希望下次有機會再試下啲中式小炒！

呢間餐廳好耐冇食，唔係因為佢啲嘢唔好食， 而係覺得每葉餸的份量偏少， 而且價錢唔平，兩人以上的飯局，就好少選擇呢一間餐廳。 由於限聚令關係， 晚市禁堂食， 呢度推出咗抗疫外賣套餐， 睇落價錢合理， 就一於試下。 選擇咗 鮑魚小炒王、 蒸咸鮮馬友 同 慢煮牛肋條。 打開盒發覺賣相唔錯。 至於味道呢， 條馬友鹹鮮味十足， 送飯一流， 牛肋條肉味濃郁，唔需要點咬， 就順滑吞咗落肚。 鮑魚小炒王就味道正常，相信堂食會好味啲， 因為唔使畀個外賣盒焗住。 整體覺得， 呢次外賣體驗十分良好， 而餸菜份量， 已經比之前印像中多番Ｄ。 值得推介

哩日同女朋友去灣仔行街 佢最鐘意食住家飯 炒小菜 真係百吃不厭平時要搵食D咩 岩佢心水 都真係幾麻煩 但見到哩間叫 原汁原味一睇就知咩料 果然佢一聽就話OKAY! GO!因為疫情關係 鋪頭係中午時間都冇乜人 只有兩三枱客入座之後 好快就簡好野食女朋友簡左佢最鐘意食既霸王雞我就簡個開胃D既咕嚕肉兩個算係食肉獸 同埋成日都覺得叫肉抵過叫菜食 haha上菜第一客wow 份量算幾多 兩碟都好多肉霸王雞 算有雞味 但好可惜 應該整得太熟 肉質變得太實同口感唔好女朋友愈食愈唔滿意haha 真係好高要求而咕嚕肉就我地兩個都覺得幾好食甜酸味道適中 口感係紮實既感覺 好有住家菜既味道唔似平時出面外皮爽脆既做法最後仲叫左碗芝麻糊 但一般般 冇乜特別overall 用餐體驗 都算坐得舒服 service okay但價位以lunch 小菜 都唔算平 食物質素希望可以更好 

同朋友去完灣仔會展後 ，係附近找一間茶餐廳試 看舖頭餐牌見正正常常 就沖入去 怕再找就過10點 無飯食 食完後 覺得要再去過試其他 今次第二次再來同朋友賀生日， 朋友一早訂枱及訂菜 怕無得食特式菜 又叫招牌：柚子雞 ：皮脆肉滑又無骨 鮮柚子夾在皮與肉之間去油膩感鴨腿湯飯：不是用豉油湯 係炖湯南乳脆鱔：南乳味有少少重 但尚可接受芝士乳豬：可以蘋果脆米龍蝦🦞：店員推介 較特別做法 但真的是不及蛋白炒 感覺不太配合魚翅乳鴿：塞滿魚翅，魚翅粗身有咬口蛋白杏仁茶：不太甜膩，味道不錯所有人都食得飽滿 十分滿足

粵式懷舊中菜館，菜式強調原汁原味少油、不加味精且價格大眾化即係抵食又有水準既中菜餐廳宮保豆腐菇丁 素食小炒 豆腐炒香菇粒,香香辣辣好惹味, 仲有瓜粒同腰果仁口感豐富蜜餞南乳脆鱔 起晒骨再上粉漿炸脆 炸脆後再切件上碟, 本身已經醃好了,已經好夠味食到脆皮之後淡淡既南乳味會慢慢滲出黎, 啖啖肉好好食仲要好嫩滑有魚味即燒西班牙叉燒西班牙黑毛豬，肥瘦肉質最平均，前腿上肩部的兩塊小肉- 梅花肉即燒肉質鬆軟又豬肉味濃,西班牙油脂特別豐厚,燒起上黎肉汁同脂肪都特別多消費$500地址: 灣仔灣仔道141號地舖

幫襯過好多次最後去果次吃娃娃菜吃出曱甴（仲係帶著女朋友媽咪去 勁尷尬）同員工講呢件事 佢都只係話換一份 再無其他表現 唔好意思都無聲（都唔知係唔係拎走曱甴再上翻同一份）之後就無再去了野食味道係ok嘅 如果唔係都唔會去幾次但係衛生真係要加強 同埋態度認真唔得見到comment都幾多人講態度問題希望老細快點搞掂啦雖然搞掂我都唔會去 認真唔想吃曱甴囉希望大家以後可以搵到乾淨又好食嘅舖頭！順便推薦埋俾我啦！唔該嗮各位！

去開灣仔附近做野，lunch時間唔知食乜好，行行下見到間鋪招牌有老火靚湯，就吸引左我入去試下啦！😋入到門口有種古典味道😌有d似返左古代客棧到食野咁🤣「小二(店員)帶我上樓上雅座稍作休息，給了我一份小菜清單過目，然後我點了一份原籠金銀蒜蒸龍躉球飯餐」🤣🤣 個肚餓到咕咕聲，好快店員就送上lunch, 附送熱茶＆招牌老火靚湯😋今日個湯係紅蘿蔔豬骨湯，堅。老火靚湯！毫無味精感覺，飲完一d都唔口渴！紅蘿蔔同豬骨都好足料，湯底有好多湯料😋紅蘿蔔好甜好好味，豬肉煲到淋晒出晒肉味！哩個湯比100分👍👍👍👍👍個原籠金銀蒜蒸龍躉球飯放落枱面時，未食就已經刺激味蕾🤣個蒸籠好大個好有氣派，真係好似古法製作既感覺，視覺衝擊挑釁著為食又肚仔餓既我😋第一啖飯佈滿住香蒜同蒸魚豉油，飯身軟綿綿帶一點煙韌，舌頭隨即在口中翻騰180度轉體降落，一粒飯都不漏地完美的吞下所有🤣龍躉非常新鮮，有豉油同香蒜點綴 入口彈牙，一d魚腥味都食唔出！非常好味道！用薑片辟魚腥味 獨立一片片，容易分開！岩晒我哩d唔食薑既人🤣🤣推薦！👍👍👍👍👍 哩一餐lunch可算係第一餐打工以黎大滿足既lunch, 快靚正而且坐得舒適！鐘意古典風格既人，一定

裝修似普通茶記，見標榜原汁原味，就入去試下，點知原來fusion野，叫左黑松露帶子蒸豆腐同金柚片皮雞。食得出無味精。黑松露帶子蒸豆腐，有松露香，但帶子唔夠鮮，豆腐滑，菜都好食，唔會過冧，豉油汁味道啱啱好，甜甜地。金柚片皮雞完全意料之外，脆皮下竟然係柚肉雞肉沙律！好食嘅，但就完全送唔到飯🤣

今日書展最後一日, 晨早9點去行到1點幾走人, 行番落去灣仔搵食~ 就黎左呢間 "原汁原味".原本只係諗住求其食D 野又唔洗等位就入左去食~見到個 午餐 MENU 都好豐富, 又有雞, 又有鮑魚, 又有家常蒸肉餅飯, 可惜冇易低個MENU, 原本都冇諗住打食評.最後叫左個  蝦兵蟹將泡湯飯, 原本只係諗住海鮮湯飯, 有D 蝦仁有D蟹肉..點知碗湯飯黎到嚇左我一跳.. 見到一大隻瀨尿蝦 原隻上 (有剪開三件易食D, 仲好細心剪走曬D腳, 有D 殼既尖尖位置) , 隻瀨尿蝦 明顯有油泡過有沒油香味, 唯肉質唔夠彈牙, 但都啖啖肉食得好滋味,  真既蟹肉就冇,  有蟹柳, 蝦仁, 細細粒既急凍帶子, 有D 瓜, "菜寶", 薑. 湯底味幾濃幾惹味!咁多材料 + 一大隻瀨尿蝦  都只係收 $108 ... 真係抵食又飽肚~ 為我當天旅程劃上完美句號

之前自己去食過，喜歡這間的味道及少味精夠健康，所以今日同媽媽黎食之前裝修過，還是簡單的中國式裝修設計，簡單舒服有不同午餐的選擇，有送例湯，更可加$要小食、油菜、飲品等等我今日點了原籠蟲草花蒸雞飯青紅蘿蔔煲豬肉湯：好喜歡這個清甜的湯，好飲又唔會令人口渴，健康美味！最愛湯的我必飲！（原籠蟲草花蒸雞飯）等咗一陣，熱辣辣送上，好香呀！醬汁及荷葉味令飯更香，飯又軟硬剛好；雞好嫩滑，木耳爽口，配有爽脆蟲草花、紅棗片、香蔥等等，我清到底，好滿足，唯一是少少油膩但每位食客有熱茶送上

上星期五原本跟同事去灣仔新開嘅Cafe happy Friday, 但其實太多人排隊，於是轉場去左間中菜餐廳，我去到先知原來係米芝蓮推介嘅餐廳。餐廳裝修古典，充滿濃濃中國風。由於菜式份量較多，所以我地4個人叫左3個午餐，每個午市套餐送一碗老火湯。以下係我地叫嘅菜式︰蟲草花燉鮑魚鴨腿湯配白飯個湯好鮮甜充滿鴨香，食得出係無味精嘅。而且鮑魚燉得好入味，鴨腿更加係甩晒骨！圖片外另附送一碗白飯。(多謝同事借對靚手出黎拍攝)芝士焗龍蝦伊麵呢個好大份，目測都夠3個人食飽！而且啲芝士醬汁好足料、濃郁(呢樣真心食得出，因為有啲餐廳似少少芝士溝白汁多啲)！另外，龍蝦焗完肉質都仲好彈牙，唔會乾，４個人1人半隻啱啱好。日式鰻魚配炒飯加沙律菜炒飯底好香，整體都幾好味，不過不失。沙律菜剛好中和鰻魚嘅油膩感。明太子釀雞翼我地加左$10上湯灼時蔬同$20明太子釀雞翼。雞翼炸得好香，入面嘅餡料好足料。4個人食3個餐，每人大約$90。

諗唔到食咩嗰陣就會想食中式小炒 食極都唔厭😌 今次試咗灣仔呢間小店 雖然裝修唔靚 但係店員服務態度好好 食物都唔錯🤓我地叫左一個2隻粉絲蒸元貝 一個三蔥鮑魚炆雞 同埋XO醬豆腐牛肉煲😋首先蒸元貝略嫌蒸耐咗少少 但味道唔錯 鮑魚炆雞好惹味 都有好多粒鮑魚 送飯一流 XO醬豆腐牛肉煲都係一級惹味 絕對可以encore🥳 整體來講 食物質素中上 不過份量唔算大 如果大食嘅話可能就要叫多啲先夠食😌Chinese food is always my comfort food I would say, like I never get bored of having it😆 This place in Wan Chai doesn’t have a glamorous interior design, but their staff was enthusiastic and food was nice! 💛We got 2 Steamed Scallops with vermicelli, a Stewed Abalone and Chicken with onion, scallion and

原本想去附近一間人氣食店，但比想像中仲要多人排隊，肚餓既我地即刻放棄😢，改戰另一場地。幾經考慮，就揀左哩間出名小菜同籠仔飯既原汁原味😛。原籠金銀蒜蒸龍躉球飯 $90一上枱蒜味🧄就超香，望落去勁吸引。食落啲米粒粒分明🍚，索左啲魚味🐟同蒜味既精華，再加上淡淡荷葉既清香，非常惹味。魚肉都彈牙同滑，係有少少腥😖，不過都接受到。土魷蒸肉餅飯 $88 跟餐加凍檸茶 $8佢嘅飯同樣係粒粒分明🍚，不過冇咗蒜味嘅襯托，就冇咁重口味。但我鍾意佢嘅豉油，淡淡地增加到飯嘅香味，又唔會太過搶味。佢嘅土魷🦑係切粒放面，味道唔算係好突出，不過肉餅就岩岩好。肉餅🐷完全係真材實料，唔會好似坊間有啲咁溝咗粉或者其他嘢，啖啖肉感🤤。午市黎講好似有啲偏貴，但試過就知道份量好充足，細食既朋友完全可以兩個人share一個飯，而且真材實料👍🏻，老火湯又好飲，絕對抵食。可惜明明係午市旺場嘅時間，但都係得兩三枱客，希望大家好好支持良心店舖💛。

<原汁原味荷葉蒸飯💛>~~🍲原籠金蒜野菌蒸龍躉球飯 $90同店名一樣 食物係唔落味精 保證原汁原味😆蒸飯原籠上 上枱熱辣辣🔥龍躉🐟肉質正常 唔算係好嫩滑 不過冇腥味👍🏻蒜味真係好香🤤 白飯🍚都吸曬魚味同蒜蓉味 仲有淡淡嘅荷葉香 餸飯一流😋另外午餐跟一個老火湯 係粟米紅蘿蔔湯🌽🥕 湯非常清甜 encore左一碗😛~~評分📈味道 7/10環境 7/10性價比 7/10—Rating 📈Taste 7/10Environment 7/10Worthiness 7/10~~🏠原汁原味📍灣仔灣仔道141號地舖