叁廚

营业中

休息中

瑤柱鮑汁菜膽雞香蔥蒜油白切鹵肉瑤柱鮑汁菜膽雞：瑤柱鮑汁菜膽雞是一道結合了瑤柱、鮑魚汁和菜膽的菜品。瑤柱是一種高級的海味食材，其鮮甜的味道為這道菜帶來了豐富的風味。鮑魚汁則提供了濃郁的鮮味和鮮甜的口感，使得整道菜更加美味。菜膽的加入增添了食物的口感層次，軟嫩的菜膽與雞肉的結合非常搭配。整體而言，這道菜味道豐富，給人一種高雅的用餐體驗，適合喜愛海鮮和雞肉的食客。香蔥蒜油白切鹵肉：香蔥蒜油白切鹵肉是一道受歡迎的中式肉類菜品。這道菜以白切鹵肉為基礎，加入了香蔥和蒜油，為肉質帶來了更豐富的風味。白切鹵肉本身是一種煮熟的肉類，以保持肉質的嫩滑和原汁原味。香蔥的加入為菜品增添了清新的香氣，而蒜油則提供了濃郁的蒜味，兩者結合在一起，使菜品更加美味。這道菜色澤誘人，口感豐富，適合作為一道下酒菜或者配菜。

朋友喺葵興返工，今日嚟搵佢食Lunch👫🏻佢推介依間位於工廈入面嘅餐廳，仲可以預先留座嗌定嘢食，一嚟到就有得食，正！🤟🏻店員哥哥好好禮貌，態度友善，同客人有傾有講，所以有不少回頭客幫襯👍🏻✴️呂宋燴牛尾✴️賣相極好，睇到都想食👀牛尾份量多，有4,5嚿大大嚿，仲有紅蘿蔔、西芹、蕃茄等，成碗牛尾都好足料🥣醬嘅味道偏甜，掛滿喺牛尾上，好好佐飯！✴️錫紙海蜆蒜蓉焗雞✴️醃得唔算好入味，如果無蒜蓉嘅位會較淡～雞肉鞋身，唔係充滿雞油嘅肥雞，整體上偏瘦，但就健康啲🙈蜆有少少沙，但都唔係太大影響～

今日lunch同同事又去葵興附近搵食啦，見到佢選擇都幾多，所以今日又黎到叄廚食飯。我就叫左個黑醋金沙骨飯，白飯呢就轉咗做菜飯，可以健康啲又多啲層次感，我中意食佢個金沙骨，酸酸甜甜好好味，而且份量都足夠，用嚟送飯真係一流。上海粗炒就還可以啦，啲肉絲如果再多啲就好啦，個面有夠炒得夠乾，味道都唔錯，香蒜雞扒煎蛋飯，隻蛋係有流心嘅，佢件雞扒大大件又夠juicy，但塊雞好油，整到個飯有d油淋淋。總結，呢到整體味道還可以，間唔中食下都ok。

同同事之前食過, 覺得幾好食而且又好快送到, 所以決定再食. 但今次真係好傷心. 明白天氣凍, 會多左人叫外賣, 唔介意等下, 但我地都1點半先叫外賣, 相信唔會太忙, 但都等左個幾鐘D野食先送到黎. 問題係, 打去問既時候, 對方過等多5-10分鐘, 結果等多半個鐘多D先送到, 期間同事們只能不停咁食零食充飢.好喇, D野食終於黎到, 發現6個餐入面, 有3個係送錯左, 打去問點解. 點知對方一句唔好意思都冇, 淨係話今日生意太好, 咩都賣曬, 所以有咩送咩, 你叫D同事自己傾掂去喇. 當下心諗, 你咁都得? 生意好係好事, 但你D衰賣曬, 係米都應該要話俾個客知等佢自己揀返? 覺得麻煩, 寧願你幫個客揀都冇問題, 咁都至少通知返個客呀. 又唔通知, 送外賣個同事都冇講到, 咁如果個客有食物敏感, 食左你幫佢點既餐, 你地係米會負全責先? 就算個客冇食物敏感, 都有義務同個客講聲. 或者個客打黎問, 都講聲唔好意思, 而唔係叫個客自己傾掂數. 食物係唔差, 但服務態度唔得, 真係要改一改.

叫左6個餐 等左一個鐘先送到 我明白lunch 時間要等係正常但叫六個餐送錯左三個餐叫口水雞送左排骨飯打去問同我講太好生意賣曬話有咩出咩 同事自己分明明係你地自己出錯連基本禮貌都冇賣曬唔係應該要打電話通知咩？服務態度上真係好有問題..............................

在葵興返工已三年多，除了工作經驗累積外，打寫字樓的我體重亦累積唔少。始終附近仍有不少工廠大廈，午餐地方都以份量、能量為主。想找家 $50以下、可以食得健康啲嘅地方去解決午餐，並不容易。還好近月發現呢間餐廳，我覺得佢地有質素、又有心煮的。何解？因為我自8月平均一星期有一半日子在這裡食 lunch，都未令我失望過！最初喜歡佢地嘅獅子頭，加上現在在香港不常遇到的風沙雞翼，還有，促發今日想打呢篇的 - 蘿蔔牛腩。近日天氣轉涼、轉冷，食蘿蔔合時，如果無信仰、信念，冬天今牛保暖也可以。佢地嘅牛腩大部分都相當 “林”，就算係筋都合理地少許咬口，控制得宜。加上偏茶味的港式奶茶，實在啱晒我口味。😋至於頭先話健康，因為佢地小菜午餐，往往有份小碟的時菜，在香港不用另外叫一大碟菜，亦是十分難得。如果午市時間尚早，廚房不太忙，可提問少汁甚至走汁，我覺得都無問題。其實，佢地廚房煎的豬扒、雞扒亦有一手，自同事叫了一次，我就知呢個之後都可以輪流選了。甚至炒河、炒麵，清碟後都無乜油留在碟上 (可能我亦食得太乾淨了 😌)，都是我覺得呢間店值得一去。佢地口水雞都唔錯，聽食辣的同事們講，我嘛… pass… 🙈當然，每間店都有

風沙雞中翼 $ 19 / 3隻即叫即炸 , 熱辣辣 , 咬開有好多肉汁 , 好JUICY~ D 炸蒜好正, 食到停唔到口香蔥雞扒  配 白飯    連豆漿 $46  ( 掛住食, 唔記得影)一個SET 咁上 , 雞扒好滑 ,. D 薑蓉未食已經聞到勁香送飯一流~最後清哂成碟