叁拾咖啡室 (已結業)

同老婆行街行到攰， 喺門口見到佢個名叫30咁得意， 就入咗嚟呢間舖頭食嘢， 係唔係太肚餓嘅情況底下， 試咗佢個特色金磚套餐， 佢有兩嚿黃金磚仲可以配埋其他選擇例如豬扒包美式漢堡包，做得比一般西多士做得厚身香軟， 比一般茶餐廳嘅套餐都多選擇， 大概有三四十個套餐可揀， 最特別係有啲素食套餐可以提供， 啱曬唔同口味嘅人士， 嗰杯奶茶都有香濃茶味， 以三十幾蚊一個套餐嚟講都叫抵食， 如果下次有機會黎開呢頭， 都可以再去試下去其他套餐

三個男人，觀塘揾食，我鍾意食炸雞脾，聽朋友講呢間嘅炸雞脾唔錯，當然要試下。😋三個男人，三碟炸雞脾飯/意粉，都幾震撼！😳係香港要搵一間整炸雞脾做得好既茶餐廳都唔容易。大大話話都食過20、30間炸雞脾，今日呢間都算幾好。😭Size好大隻，成隻碟咁大；皮好香好脆，有少少硬果隻脆，唔算厚粉；生炸，熱辣辣，加分。但比起三多，無咁Juicy。至於性價比，佢$51，加凍飲$3，埋單$54。唔算太平，不過夠大隻，男人食都夠飽。我覺得$50幾都值。👍🏻

被迫用此題目作為今次食評嘅開端😒暴風雨嘅前夕就一定係風平浪靜在八號風球前同友人到觀塘游泳池暢泳一如既往，游完水後一定會餓腸轆轆由於星期六，行過工業區，好多小店舖已經收咗所以見到呢間店仲燈火通明就衝咗入去店內係典型茶仔裝修，有卡位有圓枱餐牌選擇仲多過jupas嘅選科都花咗唔少時間去㨂我叫咗火腿奄列，比友人嘅先到多士烘得夠香口，牛油也不慳火腿奄列大到成隻碟咁大抵食另外逼咗友人食呢個金磚經店員講解後仍然未figure out到係咩咁就叫一個睇下咩嚟，原來即係細細西多味道唔錯，幾好離開時先知道呢間係有份參與金茶王比賽有眼不識泰山

這家餐廳雖然位處於觀塘的工廠區，但是門面其實挺華麗😏一早說過，即使你有華麗的門面，食物不好的話也沒有回頭客🤔。雖然位處工廠區，但是這家餐廳竟然曾經奪得金茶王奬項，實力相信毋庸置疑。下午茶時段非常之長，約下午1345到晚上八點，時間非常之久，而且選擇眾多，令人眼花撩亂、心亂如麻。雖然火腿蛋奄列跟厚多士的普通食品，應該非常簡單，但簡單之中更見功夫，多士薄薄一層牛油，厚厚的多士就咁食也非常好吃，配合炒蛋也極之美味，少許流質的蛋與多士融合。那個蛋不算非常之熟，味道不錯。有個選擇很有趣，叫做「金磚」🤔，查問店員的時候，他也回答非常有趣，他說是「四方形的麵包」，之後來到的時候，才發現原來金磚所指的是「西多士」😂。那為何餐牌上不寫作西多士🤔呢，可能是為了吸引客人的寫法吧。但是為何店員也不會答「金磚即是西多士」，可能他心想，金磚即是西多士答了等於沒答，所以沒有想到以「西多士」回答這條問題，真是充滿哲學的感覺。西多士小磚的，其實雖然體積小了，但邊皮的麵包醮過蛋漿，以致西多士更脆。兩層極厚的麵包，中間還沒渣流攤，花生醬充足，再淋上糖漿，可說是優秀的西多士。吉列魚柳的炸粉好像比較厚身，但是內裏的魚柳也不算過

上網見咁早有tea同lunch discount,時間就到就即刻衝過嚟趁住lunchtime試試。Lunch menu 分星期一至五，有A.- I. 餐揀，五日裏面，重複之中又會有變化。第一次嚟試咗雪菜火鴨𢇁炆米+熱檸茶，火鴨其實即係燒鴨蚊米。味道算唔差，不過食完唔算好飽。時間方面，落單上菜都快。阿哥姐姐招呼尚算周到，收嘢都有提醒先，服務態度算唔錯。Anyway,以呢個價錢，同仲可以揀tea sets,應該可以一試再試。

第一次黎都係最後一次去依間茶餐廳～三十五度仲要全間野開得一部冷氣其他冇開～而選擇開風扇～依間野個老闆真係勁～d員工件衫都濕曬叫完2個餐野食未黎都已經好熱真係想起身走人～熱到咩胃口都冇坐咗陣野食到～淨係想快d食完即刻走～成身汗火腿通粉配煎雙蛋多士熱奶茶～湯底轉咗羅送湯～羅送湯夠濃唔太辣好味可惜通粉略硬～煎蛋多士同其他茶記一樣沙嗲牛肉米粉配餐肉炒蛋多士熱奶茶～沙嗲牛肉分量超少但好在沙嗲味夠又唔會太鹹～炒蛋夠嫩口～奶茶夠茶味可以再滑D食物味道係緊要～但環境舒適都要配合～唔係好難有回頭客

今日同朋友來到叁拾咖啡室，名就叫做咖啡室，但其實就係茶餐廳。見到午餐餐牌1:45pm後有優惠，所以都等到1:45pm先落單，但我同朋友都睇漏左大大個係桌面的餐牌，原來1:45pm已經可以叫下午茶，而且選擇都唔少。喇唦扎肉蝦餅鮑片湯河 - 最初見到D個個名咁鬼長，個配搭又有D騎騎呢呢咁，我有問湯河可否轉米線，待應都話跟餐牌冇得轉，但原來上菜後先發現個湯河即係米線，咁又好似正常返D wor。喇唦比想象中辣，而各樣餸都比想象中多，蝦餅有兩大塊，而且都幾好味，扎肉同鮑片都唔少，但就冇咩特別。味道都唔錯。咖喱汁肉眼扒飯 - 朋友叫左咖喱汁肉眼扒飯 ，個扒都幾大塊下，味道就不過不失啦。最後其實佢個茶餐的湯麵類可轉蕃茄湯底或羅宋湯底，都有D心動想試下。整體而言，食物質素還可以，係觀塘區來講都算抵食，而且下午茶1:45pm已經開始，算係比較少有。

午餐價錢42蚊起，一日有8個餐左右選。等耐小小1點45分的話可以等埋個早嘅下午茶，選擇仲多38蚊起。打工仔平得一蚊得一蚊。份量來說不知道會不會比午餐小份，但男人來說還是夠的，所以不用擔心。今天就叫了咖哩豬頸肉飯同越式粉。咖哩豬頸肉飯好食，咖哩係中式咖哩，味道做得香濃，有多種香料味，而且還帶點微辣，不錯。豬頸肉有5塊左右，好吃，軟身，入口有肥美感覺。另一個越式河粉，味道說不上係越式，中式湯河已而。但係材料夠多，魚餅好食，大大件，有餡，彈牙。

工作關係經過觀塘呢頭，順便揾一揾餐廳食lunch。觀塘好多工廠飯堂同埋樓上餐廳，今次就揀左一間出名「巨人雞脾」既飯堂。一入去呢間餐廳，環境裝修新淨 有d80年代茶記feel。1點半入到去都坐滿人。出名巨人雞脾，咁我緊係叫黎試下啦。我叫左個燒汁炸雞脾加凍檸茶。一黎到，隻巨人雞脾真係好大隻，大隻過我個拳頭食落去啖啖肉，個外皮超脆，一定要試！個餐連凍飲45+3=48蚊。lunch黎講算偏貴，但係值得一試！

同事喺公司annual dinner玩遊戲贏左成千蚊，照例又比人屈番幾百出黎萬歲下午茶了。攞張外賣紙睇睇先，嘩，下午茶都佔好大篇幅喎，選擇多到花多眼亂，有選擇困難症嘅同事，足足用左45分鐘先揀到食咩我就揀左金磚配巨人雞脾，金磚就即係西多士，而西多士最重要就係花生醬同糖漿，而家外面好多餐廳轉左煉奶，無咁好味了，好彩呢度都仲係做傳統西多士，味道正得多。而主角巨人雞脾的確夠巨，開頭以為只係炸粉夠厚，咬開雞皮發覺誤會左佢，啖啖肉而且唔會話炸到好乾身，食完隻雞脾直到好似食完碗飯咁，巨人雞脾確係無改錯名，果晚番到去都食唔落呀P.S 其實個下午茶仲有跟杯紅豆冰（另加$8）但食完雞脾飽到唔想郁，竟然唔記得影相。呢份$40下午茶仲飽過我個午餐呀。

坐下來便影相，不知道什麼時候已經成為一個習慣。熟我的，就算我不在位，食物到了都不會吃，總等我回來。從前我覺得這個行為很港女，但是自己現在也愛影，是港女麻？我沒有很誇張的把食物影到涼了也不吃，只是想給大家一個參考，給自己的一個紀念，不為過吧？如常的早餐，火腿鮑片通心粉配火腿炒蛋加菠蘿包。是挺重量的早餐。通粉的味道不錯，不似外面的都是重味精。這裡多了鮑片的鮮味。火腿炒蛋內裡有蛋汁，炒得不錯。麵包是可以選菠蘿油，牛油不是厚厚的。但能夠足份看見裡面是有牛油的。吃落亦有牛油的香。另一個叫了五香肉丁麵，這裡除了清湯底可以轉為蕃茄又或是羅宋湯，都是免費的。羅宋湯不是太濃，但味道夠。早上不吃太濃也是好的。配的炒蛋，正宗炒法，腸仔不多說。多士都不錯，喜歡加醬的可以加一蚊成奶醬多。可惜我看遲了，下次吧。這家早餐質素可以，配菜的選擇都較多一點，有新意。位置亦大，不怕沒位置。

下午茶時間，其實幾抵一入到去好多人，1:45開始就有下午茶叫左巨形雞脾+奄例+樽裝奶(+$3)魚柳包+沙律雞脾超大隻，但入面無乜味，只有塊皮有味奄例無諗過會有火腿絲呢魚柳包及沙律無咩特別店舖還有wifi供應

下午茶真心抵食，雞脾夠大隻，生炸脾，建議女士們連沙律食，金磚西多士，呢個又係真心覺得正，本人最愛食西多，起初黎到以為得個大字點知切開有芝士，喜出望外。以後會多d黎食下午茶

經過呢間餐廳，見佢新開張，門口又大大張貼住「巨人雞脾」嘅海報，下午茶時間食炸脾薯條就最啱。咁既然放喺門口做招牌菜，當然要試一試啦! 入到去，餐廳裝修一般，地下好污糟，新開張都咁嘅樣... 坐低之後，聽到啲員工喺度大大聲爭論呢碟係邊張邊張枱、果杯唔係呢張枱、呢個唔係架... 心諗有無咁亂呀😓 。落單叫咗個巨人雞脾薯條，一分鐘後就上枱！我已心知不妙，炸定嘅？身為薯條狂迷嘅我一叉就叉條薯條放入口，嘩！不得了！凍嘅！ 唔脆！硬嘅！可以話係食過最難食嘅薯條！到雞脾，真係好巨、好大隻，但暖嘅.... 算啦，唔可以浪費食物，照食之外，無他選啦～ 但因為係巨人雞脾，我用刀切係切唔入，要好大力先𠝹到落去，可能佢本身諗住係要用手拎住大啖大啖食掛.... 味道一般，塊皮有味，裡面嘅肉無咩味，由於用刀切實在太攰，入面有頗多筋位，所以食咗一半就放棄咗。總結係....我唔會再幫襯，好後悔畀咗$35 食呢個下午茶。

成碟牛河唔係炒出來，根本係撈出黎。牛肉同河粉完全無味道，D河粉仲碎濕濕，冇鑊氣，連豉油味都冇。難食到喊！芽菜都唔多條，根本就唔可以叫做乾炒牛河，不如叫牛肉撈河。結論係＂難食到喊！＂