叄壽司凍肉專門店

营业中

休息中

早排見到開左間日式食品的小店，其實經過幾次都比佢門口餐牌吸引，餐廳的食物選擇應有盡有，而且價錢合理，想試好耐。所以今日想食日本野的我地就決定去這間日本餐廳買外賣返屋企試下。而這間餐廳是沒有堂食。門口餐牌show出來的食物選擇有不少，除左主打既刺身壽司、日式小食外，仲有日式飯盒、一板板既海膽、自家製涼拌小食、烏冬等等。入到去，原來仲有代購其他日韓小食。除左日韓小食賣，餐廳仲有做盆菜、雞煲同羊腩煲，非常吸引。我望緊d餐牌時店員就話盆菜、雞煲同羊腩煲都是師傅自家製。自家製的話我又有些興趣和好似都幾適合冬天去食，黎緊聖誕/新年可以搵機會去試試佢的盤菜！今日同幾個朋友仔一齊食，決定咩都叫d，我地叫左 照燒雞扒飯三文魚刺身甜蝦刺身牛油粟米芝士蟹籽壽司黃金魷魚壽司辣味三文魚壽司蟹膏壽司油甘魚壽司特長珍寶蟹棒壽司三文魚刺身，日本刺身我多數都是食三文魚刺身，所以都是必叫項目。三文魚刺身口感鮮美，滿滿嘅Omega-3。$40蚊4片。甜蝦（$80/6隻）都唔錯，肉質細綿、味道甜美。特長珍寶蟹棒壽司，呢個蟹棒勁長，足足有外賣筷子咁長，再配以沙律醬，賣相相當吸引。喜歡食蟹棒的我下次會再encore。$20蚊1件

琴晚叫左個師傅秘製醬料雞煲（半隻）＄198味道非常好，而且可以簡大中小辣。我自己就要唔辣，這是佢係咪真係咁新鮮，估吾到食落真係非常新鮮完全冇雪味。鮮味十足我特別鍾意佢嘅醬汁，簡直令我差點誤以為佢醬汁先係主角。大家如果鐘意食雞煲一定要黎試試下，包你返唔到轉頭，加上而家天氣開始轉冷，熱辣辣既雞煲絕對可以暖胃。另外店家大方地送埋大大盒三文魚刺身，當然要乎合條件啦，想知可以打去店舖到問嫁。我已經準備定下一次再落order開大餐啦。

返屋企吃飯，幫手加料，唔洗媽媽煮得咁辛苦💖今次再次幫襯來自屯門既小店-叄壽司鋪頭好有心，知道天氣開始凍，師傅開始鑽研新菜式-香噴噴秘製醬料雞煲🈵️🈵️聽老闆講，佢地仲有做羊腩煲，不過要提早預訂，下次我再黎訂一煲試吓先😍好啦，講返雞煲，為左啱老人家口味，唔敢要辣，仲驚唔夠味，但味道啱啱好，好入味，配料好多，足料👍👍另外追加多左磅三文魚刺身😍😍😍賣飛佛💖💖幫襯得多，唔知老闆係咪都認得我，我發覺今次啲三文魚好似多左幾舊三文魚腩，好肥美🙈😂😂

應該都第三/四次幫襯，所以野即叫即整所以都要等15分鐘左右 等唔係問題 最緊要好味嘅 整體上不過不失啦 有進步嘅空間 好似開左一年都冇 都算唔錯架啦 門面都光猛既 門口個隻公仔 福神？是但啦 都幾容易搵既🤭嘢食都算新鮮同多選擇，仲轉埋新餐牌 特別腐皮壽司系列幾特別都幾多元化喎 又拉麵 又飯 同埋等嘅時候啲員工都好健談，好nice, 聽staff講佢地仲有做埋代購所以鋪頭都好多零食賣 我記得疫情前去名古屋機場買左包蝦片 係香港都網購過既 估唔到呢度都有 忍唔住買左幾包🤣🤣

無意中發現呢間小店，就捻住支持一下小店，點知一幫襯就變成熟客了 原因無他，如下： 1⃣️新鮮抵食的壽司🍣 呢間店係做外帶壽司🍣，店面乾淨衛生，放心食用，壽司都好新鮮抵食，最鍾意就係超大隻的花之戀，仲有秘制的冷面（百吃不厭🔥🔥）、後來新推出的腐皮壽司都大大隻2⃣️各種日韓代購、零食（仲有限定款） 呢個係令我基本每次返屋企都要入一入店內的主要原因🤣，店家時不時會返新嘢，好多我係出邊冇見過的零食😍3⃣️凍貨大全 等壽司🍣時，順便買兩包凍肉，就唔使捻聽晚食咩餸啦，方便🤪，聽店家話黎緊仲會返臘腸同膏蟹🦀️，期待，我小朋友好鍾意食臘腸😋 店家間中會推出新款壽司美食，返各種唔同既新嘢、零食，入去有呢次會有D咩新嘢哩（開盲盒感覺）😂

屯門友注意⚠️想吃又平又新鮮既壽司推介大家黎呢到😙😍係三文魚刺身，每塊都大大塊，極度新鮮😋😋仲有平靚正辣冷麵面，獨一無二既味道、係個種我唔吃得辣都想一吃再吃👍👍👍仲有新出既腐皮壽司，好有驚喜，睇得出廚師好用心咁去製作食物🤪🥰花之戀壽司，超級大嚿，同手掌咁大，真係吃兩舊都夠飽😍😍最近仲新出左牛油果三文魚沙律，創新，呢兩樣食物嘅愛好者必食之選🥰期待更多新品最特別嘅一點係，呢度仲有日本零食可以買，平過出面好多🥰 👏🏻 選擇好多。