叄壽司凍肉專門店

营业中

休息中

呢幾日天氣都好凍 想一直留係屋企於是就係屋企附近揀左一間外賣店 買野返屋企食呢間鋪頭主打做壽司刺身既外賣，鋪頭同時有賣零食，而佢地賣既日韓泰零食，都係市面比較少見，等外賣既時候可以睇下零食，都幾好可能因為係冬天既關係，鋪頭有做埋羊腩煲同雞煲。天氣咁凍，我就決定買半隻雞煲，同埋買少少刺身。最後揀左海膽，赤貝雞煲連埋個鐵盆出貨，返到屋企加熱就可以食得，都幾貼心，同埋都好足料，食落好香，有大中小辣同埋唔辣可以揀，由於我唔食得辣，所以只揀了唔辣，但都好夠味。海膽同埋赤貝都幾新鮮，刺身+雞煲呢個配搭都幾好～～值得下次再去呢間外賣店仲有做盆菜，過年都會考慮下再幫襯～

屯門虹橋出名多嘢食，見今日聖誕節專登過嚟覓食🤣係景峰落車見到尼間外賣小店有我最愛食既魚生同壽司決定試下先👅不過大家要留意餐廳只供外賣沒有堂食❗️而且舖頭入面有各種代購零食、日本魚生和冷凍食品選擇，而最特別係原來餐廳有雞煲同羊腩煲😳🤩大家可以買返去屋企同家人朋友一齊食因為近排食咗好多打邊爐，所以地我就嗌日式小食同魚生壽司🍣✨加拿大海膽海膽色澤鮮艷呈橘黃色，挺身飽滿，一打開盒就聞到甜甜的香氣，而且加拿大海膽的海水味非常濃郁入口即溶👅 海膽會附送埋紫菜和飯糰🍙✨咖喱炸蠔飯🦪🍛日式酥炸生蠔肥美飽滿，入口鬆脆，肉質鮮甜配咖喱食別有一番風味，日式咖喱加左蘿蔔薯仔洋蔥去烹調，食落香甜微辣✨蔥吞拿魚腩魚生飯京蔥吞拿魚腩飯，厚厚既吞拿魚腩，食落又新鮮又肥美，師傅加咗甜燒汁和肉鬆作點綴，特別得黎又唔會搶咗吞拿魚腩本身既鮮味✨吞拿魚刺身 4塊吞拿魚赤身位置脂肪比例較少，口感較結實，魚味香濃✨鯛魚刺身 6塊鯛魚刺身紅白相間肉身色澤鮮美，肉質紮實爽口，細緻鮮嫩美味另外嗌咗幾款壽司同小卷：✨粟米沙律壽司 ✨吞拿魚壽司✨八爪魚壽司✨希靈魚壽司✨象拔蚌壽司✨芝士蟹籽小卷而印象最深刻就係象拔蚌壽司同八爪魚壽司，象拔蚌壽司

今日經過景峰附近見到一間壽司外賣專門店～同老公買外賣番屋企一邊煲劇一邊嘆2個人叫左兩大盒壽司2個前菜一個小食一碗拉麵重有一個手握飯團最喜歡呢幾款～正時比較少見到好似腐皮既壽司船咁上面分別有芝士蟹子/吞拿魚蓉/肉鬆/蟹膏非常yummy握飯團～本身已經包左生菜絲～玉子同蟹柳～另外可以自己揀醬汁同埋配料～我加左肉鬆～芝士～同千島醬肉鬆芝士加落去飯圍到味道真係好夾～飯團成隻手掌咁大～炸雞粒番到屋企都重暖暖的肉質好嫩滑～拉麵會分湯～唔會索晒d湯呀～ 有糖心蛋～筍～櫻花蝦～甜腐皮～粟米～ 很足料的👍👍佢地既壽司既用料都好新鮮～原來除左壽司外賣重有雞煲同羊腩煲既外賣天氣開始涼涼的下次真係要試下舖頭入面重有日韓台泰既零食賣添

今個聖誕開party，又發掘了屯門一間外賣食材小店！多左個外賣好選擇😊叫咗個細刺身拼盤&帶子裙邊出奇地個拼盤都好大盤！而且係件件新鮮肥美，特別讚三文魚同蝦，係靚料😋😋辣味三文魚卷8大卷好滑亦好Creamy，飽肚感十足芝士年糕芝士控一流，因為裏面係流心芝士，而且係多既！😊豬骨湯烏冬+炸豬扒估唔到個湯入面有好多櫻花蝦，令到成件事好香，炸豬扒亦都做得好好，外脆內軟正正😋😋整體黎講，店舖雖小，但食物質素高，而且店內仲有好多其他國家的代購產品，算係幾特別的存在。

提早做冬，叫左個羊腩煲😍其實我好鍾意食羊，但就最怕啲羊炆得唔入味，咬落又好韌，咁會好難消化，但係呢間位於屯門嘅小店，推出嘅羊腩煲真係令我好想特登出一個食評淨係讚佢😍😍首先講磅數先，一路食覺得食極都未食完，發現真係有好多舊羊肉，老闆話過呢煲羊腩煲唔包料，淨係羊肉都足四磅，原來冇呃人🤩再講味道，佢啲羊肉全部都好腍，而且入晒味，腐竹控嘅我真係覺得啲腐竹極度吸晒羊腩嘅精髓，好好味🤤連我嘴刁嘅媽媽都覺得拍得住佢啲手勢😂😂其實真係好欣賞小店，咁俾心機去鑽研唔同嘅食材，以上嘅文字可能比較誇張😂😂但真心覺得好食，想推薦俾大家咁足料一煲4磅先$388，一家6口食都好夠👍👍

終於揾到間性價比高既屯門既小店。呢到有得食雞煲同羊腩煲架～ 仲有代購韓國零食🥰❤三文魚半磅 $110-厚切三文魚~超肥美, 顏色帶有光澤, 好新鮮呀!❤赤海蝦（4隻）$80-好大隻赤海蝦, 鮮甜美味而且有好多蝦膏, 好香~無腥味, 超滋味!❤雜錦魚生飯 $80-剌身有希靈魚, 三文魚腩, 魷魚, 劍魚, D剌身好新鮮, 顏澤好靚! 我最鐘意食三文魚腩, 超肥美❤大蝦蟹子沙律 配麻醬 $45-份量好多,大蝦口感鮮美, 成個大蝦蟹子沙律好清新, 配埋麻醬更美味❤牛油果三文魚卷(6件) $42-牛油果好香，夾埋三文魚,青瓜, 醃黃蘿蔔! 又健康又好食❤吉列炸蠔卷物 $50-炸到黃金色, 外脆內嫩, 鮮甜多汁 ~ 性價比好高!❤三文魚頭(代炸) $30-外皮香脆，肉質鮮嫩, 加少少檸檬汁令到更fresh

屯門一向有好多小店, 而且都係好隱世而且又好食, 今次叫左D壽司/拉麵/沙律/刺身試下特別點評幾款花之戀講下海膽花之戀:海膽新鮮甘甜, 包住肥美既三文魚, 好有滿足感三文魚籽花之戀:粒粒三文魚籽好新鮮, 帶有醬爆效果, 咬落去即爆好juicy! 有頭甜蝦(6隻):蝦身新鮮肥美, 蝦頭帶有甘甜蝦膏, 味道鮮甜!牛油果三文魚沙律:原隻切片牛油果, 再淋上胡麻汁, 將三文魚粒+蔬菜撈埋一齊食, 真係好fresh好新鮮可以將前面既飽膩感中和一下~拉麵:麵質彈牙, 叫左辛辣湯, 都真係幾辣下, 食唔到辣既朋友要注意下啦咬開隻糖心蛋帶有流心效果雞翼尖:帶有少量酒味, 食落去微微既酒香散發住成個口腔

今日去朋友屋企玩，諗住叫外賣，朋友屋企附近有野新開食壽司外賣既鋪頭，叄壽司凍肉專門店。我地叫左好多野，味道都好新鮮同埋熱辣辣海膽壽司$56 海膽好鮮甜，完全一啲腥味都冇，紫菜都好脆下👍🏻👍🏻👍🏻白肉豚壽司$40白肉豚呈奶白色，甘香爽嫩，香氣徘徊係口入邊😜赤海蝦壽司$40赤海蝦新鮮，鮮甜美味🤤同都幾大隻火炙芝士蟹柳壽司$16火炙芝士三文魚壽司$28芝士濃郁，炙燒後戴岀馥郁香氣，令蟹柳，三文魚增添風味辣味三文魚卷$68辣味三文魚加左蔥mix埋一齊，增加左三文魚短嘅口感同香味，增加左層次感👍🏻芝士玉子燒（半份）$30玉子燒口感綿密，配搭濃郁嘅芝士融入咗一齊，每一啖都散發着雞蛋同埋芝士嘅香味炸魷魚鬚（6件）$40酥脆既外皮包住魷魚鬚，好彈牙好香脆油甘魚4片$72新鮮油甘魚，每淡都有油脂味，好香口鯛魚 6片 $60調魚片，魚肉鮮嫩滑順👍🏻🍽️原來小店入邊除咗有壽司刺身賣之外，仲有雞煲，羊腩煲，仲有盆菜買。另外仲有一啲韓國嘅零食，真係包羅萬有。

唔講都唔知原來公司附近開左間外賣壽司鋪，今日咁岩唔想煮飯，就一於試下佢啦呢到除左外賣日本野食之外，竟然仲可以外賣雞煲、羊腩煲可以一試入到鋪頭更加大開眼界，除左外賣，呢到仲係士多，各式各樣既零食、凍肉、刺身、酒、日用品都有賣，等外賣既同時可以睇下有咩岩買，完完全全岩我呢啲打工仔收工去！豚肉拉麵，分左湯真係要讚下先豚肉分量都唔少，多到拉麵都睇唔到咁滯，食落軟身唔會老，肉味夠香牛油果三文魚沙律，同樣一啲都唔孤寒，淨係睇到啲牛油果多到咁都勁開心配上麻醬食一流！牛油果三文魚卷，擺得好靚，面頭有啲蟹子點綴，食落好fresh鯛魚刺身，拎到返屋企食都依然爽口火炙壽司，面頭加左芝士，一打開個盒仲有燒完既香味出黎，真係唔錯

今晚唔想煮飯，見到呢間新開張外賣壽司店，門口有隻紅色達魔，吸引左我入去支持下。小店除左壽司、刺身、魚生飯、日式拉麵烏冬套餐、自家製涼拌小食，仲有師傅秘製雞煲和羊腩煲，另外三文魚腩骨有代炸服務。希靈魚+三文魚+櫻花魷魚壽司：希靈魚魚身附有粒粒黃色既魚籽，口感爽脆；三文魚脂香四溢；櫻花魷魚煙韌有嚼勁，味道鮮甜。腐皮芝士玉子+牛油果三文魚壽司：芝士玉子經炙燒後，香氣撲鼻，入口即融；牛油果三文魚，加埋面頭脆卜卜既三文魚籽，口感豐富。特長珍寶蟹棒壽司：蟹棒真係有成20cm長，鮮甜爽口，味覺頂級享受。厚燒鰻魚壽司：鰻魚燒得香口，厚身沒有碎骨，一試難忘。照燒雞扒飯：雞肉嫩滑，配埋溏心蛋和甜甜地既照燒汁，送飯一流。總結，小店食材新鮮，即叫即整，足料味美。

屯門開咗間集合外賣壽司、日式丼飯、雞煲、羊腩煲、韓國代購嘅舖頭🤠店主會幫大家搜羅各地嘅精品、美食，間唔中過嚟行吓，可能會有新驚喜。佢哋個雪櫃真係寶物嚟，有唔同口味嘅燒賣，買咗一大包麻辣木耳豬肉燒賣，早餐整少少嚟食辣辣地好好味😆另外推介佢哋韓國水蜜桃乾，甜甜地容易入口，當零食一啲都唔肥！仲有好多好多零食，每次嚟都有唔同。跟住試咗佢哋個鰻魚飯，超大條原條鰻魚，仲有一隻流心蛋，醬汁份量啱啱好，鰻魚都幾厚肉食落去唔錯。額外叫多咗一份玉子燒，上面加咗芝士然後即場火炙，佢哋嘅玉子燒質感比較厚實感覺用料十足！口痕就試多三文魚，價錢唔貴三文魚質素幾好，而且大大片！

無意中發現呢邊有間賣壽司刺身, 涼拌食物, 日韓零食, 炸物, 麵及烏冬的外賣小店, 店舖細細但內裏都幾多嘢食賣, 選擇都幾多元化!🤓辣冷麵 $20/碗點咗2碗! 辣辣哋🌶️好惹味!😋芝麻醬牛油果三文魚沙律 $58牛油果同三文魚粒都好新鮮, 無變壞無黑! 撈埋大大碗青瓜絲沙律溝芝麻醬, 好fresh!叄壽司拼盤 (24件) $178芝麻八爪魚壽司 x3醋青魚壽司 x3中華沙律壽司 x3三文魚籽壽司 x3三文魚壽司 x3腐皮壽司 x3辣味三文魚壽司 x3貝壽司 x3炸雞軟骨粒 $28雞泡魚干 300g $109自己買返屋企用燒烤爐或者熱鍋烘幾分鐘，烘到慢慢開始燒到微微卷曲同聞到有燒魚乾香味就得~ 平時出街外食一至兩片雞泡魚都要幾十蚊! 呢度有得賣!自己買返屋屋烘來食!好方便!

虹橋出名多正嘢食😬喺景峰輕鐵站對開這間 叄壽司 近排推出咗雞煲，羊腩煲當然店舖主打係刺身、壽司，仲有日、韓、台、泰代購真係算係麻雀區小五臟俱全😝今晚同老公Happy Friday唔煮飯就食壽司啦極上海鮮飯. 超有驚喜🤩珍寶帶子 超級大隻 非常鮮甜 要分開幾口才吃得晒 👍👍三文魚 厚切 有四大塊 非常足料海膽 甘甜 有四五瓣 完全冇腥味有頭甜蝦 油甘魚 同樣新鮮花之戀 😍😍最愛三文魚每次都要點 外型討好有鮮甜三文魚腩 超厚切 肥美！白肉豚 壽司 第一次試口感綿軟,有魚鮮味🤩另外 叫多罐墨魚咀 蜜蜂包裝 雪櫃冷藏 聽日放假慢慢食😋😋種類真係好多 見到仲有新年盆菜都有得預訂雞煲羊腩煲1小時前落單就得啦仲有其他好多產品日本🇯🇵韓國🇰🇷台灣 泰國產品都有琳瑯滿目，好有創意嘅小店👍

今日發現左間新舖，系正個巴士站隔離，勁方便本來入去諗住買下凍肉，點知原來入面除左凍肉，仲買埋熟食、代購，又幾多元化！既然都係要買野返去煮，不如直接買返去食，比較方便！我買左：1. 汁燒豬軟骨飯2. 鯛魚6塊3. 赤蝦4隻4. 6件腐皮壽司：牛油果三文魚、芝士蟹子、辣味三文魚、帶子裙邊、粟米沙律、蟹膏5. 3件火灸壽司：芝士蟹柳、醋青魚、芝士熟蝦6. 牛油果三文魚卷6件7. 麻辣墨魚咀1. 汁燒豬軟骨飯可能住得近，個飯返到屋企仲好夠熱有1個糖芯蛋，6件豬軟骨，3舊蔬菜，好大方糖芝蛋：流心、調味充足豬軟骨：炆到好淋、好入味2. 鯛魚6塊好新鮮，有鮮味，無筋3. 赤蝦4隻新鮮，好細心，已挑走蝦腸4. 6件腐皮壽司：牛油果三文魚：牛油果好香，好夾三文魚芝士蟹子：唔會膩，份量多辣味三文魚：有少少洋蔥，口感配搭好爽口帶子裙邊：甜甜辣辣好開胃，裙邊爽脆粟米沙律：粟米無渣蟹膏：好好食！勁香 無腥味5. 3件火灸壽司：芝士蟹柳：新鮮食熱熱地，好好味醋青魚：香而且醋味好開胃芝士熟蝦：賣相好靚6. 牛油果三文魚卷6件我最愛！牛油果新鮮，而且包得好靚7. 麻辣墨魚咀好中意個汁！超香唔太辣，墨魚咀又好脆口

今日上朋友仔屋企玩貓，買外賣上去食啦，係附近搵到呢間壽司店。原來唔止壽司店咁簡單，仲有雞煲、凍肉，代購食品，小店做到一應俱全。自完制墨魚咀，喜歡食辣一定要試，夠辣不特止，墨魚咀咬落去索索聲兼有口感，好好味！三文魚、吞拿魚刺身，刺身表面有光澤，新鮮又厚切，抵食！帶子裙邊、辣味三文魚、牛油果壽司，呢三款都係特色壽司，帶子裙邊好爽口，三文魚角切連紫洋蔥有微辣刺激，牛油果做壽司，效果又唔錯喎！腐皮壽司都不再單調，有幾個組合，有創意得來又好味。蟹子玉子燒，暖笠笠既玉子燒食到濃郁蛋味，蟹子係口卜卜下仲有一層層玉子口感，食落好多層次。雞軟骨，一份既份量都唔少啊，軟骨好有咬勁。