又一戟

营业中

休息中

今次嚟呢間鋪頭唔食班戟，試下呢個8號風球雪糕，點解要叫呢個名呢，就係因為佢可以有八種唔同口味。原來味道係冇得選擇，因為佢之前已經預備好，好彩里面都有我最鍾意嗰幾隻味道，例如係朱古力曲奇，豆腐同埋香芋囉。

食過好多次呢度嘅班戟啦，最欣賞佢嘅原因就係因為佢d皮係即刻整嘅，變咗佢啲皮係熱嘅，跟住再配埋佢啲雪糕，有嗰種冷熱交融嘅口感啊，再配埋個芒果生果一齊食，噉仲有啲cream，噉都幾滿足嘅

幾時都話 甜品對女人黎講永遠都有第二個胃🤫呢頭打完邊爐 轉個頭就食返個班戟🤣.🍨焦糖玉米片雪糕班戟係小編近期掃街試到比較高質既甜品💁🏻‍♀️軟滑既cream 加上濃濃既香芋雪糕球🍦灑上加左焦糖漿既脆脆粟米片🌽多重既口感確實幾驚喜✨班戟皮亦都好煙靭有蛋香😋所有野加埋係無得彈既🌸重點係食到底都仲有雪糕同粟米片😋小編仲覺得比起一D出名既雪糕班戟呢間質素更高更足料 價值都更化算💰絕對可以Encore🤙🏻.人均消費：$28推介指數：👅👅👅👅👅👅👅👅👅（9/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）

旺中一直係mk的代名詞，但淘寶的盛行同埋mk妹的末落，旺中都因此而人去樓空，越來越多吉舖，所以旺中都向葵廣學野，引入小食店，因為食係無分性別同年齡。📍#粟米片焦糖香芋雪糕班戟（$28）-脆脆的粟米片加上香軟雪糕，焦糖加上香芋雪糕仲有甜而不膩的忌廉，一脆一軟，一甜一濃，非常滋味，班戟皮亦非常煙韌同有蛋香；而最貼心的係一般班戟的面頭有脆脆，下面雪糕，之後就係班戟片，但係呢個雪糕下仲加多層粟米片，果一刻係驚喜ge，有心的小店。😋味道：7/10🙃回頭：8/10💰消費：$28

最鍾意食呢度啲班嘅，班戟可以揀一種生果同埋一款雪糕嘅，噉生果我就揀咗芒果，另外雪糕我就揀咗薄荷朱古力，因為佢即刻現場製造嘅，所以整出嚟嗰個班戟皮係熱嘅，再配埋個雪糕嚟食，一冷一熱個口感，唔錯嘅，價錢都係27元左右

🇭🇰#香港捐窿捐罅記 $15就有8球雪糕食🍦 啱晒平民既大家🙋🏻‍♂️夏天來臨 氣溫隨時去到三十度以上 緊係要食舊雪糕定定驚🔥咁啱比我發掘到一間旺中小店 抗通脹價賣雪糕比大家食🤤西九咁平租都做唔到$1.9 佢係旺中反而可以 仲唔係恩物❤️-味道有紅豆，芒果，紫薯，綠茶等等 都係大家常見既味道😌 味道方面 正正常常 起碼冇融晒或變壞，藥水既味道😂 絕對可以幫大家降降火😂總結來食 行開旺中 可以去食食🍦-🎈旺角中心二樓SA31號舖平均傷害：$15好味值:6.5/10

記得以前次次去葵廣都會食又一戟, 之後旺中開咗分店, 大食妹去親旺中都會食嫁。今次大食妹就同朋友食完飯先過黎, 都係抵受唔得住佢嘅魅力, 嗌咗個紫菜粟米蟹柳pancake, 當然當然—定要加芝士<紫菜粟米蟹柳班戟加芝士$31> (好味: 3.5/5) (抵食: 3.5/5)以前係葵廣食嘅時候, 班戟係多料多到咬落去會爆漿嫁但係琴日再去旺中食嘅時候, 就有少少失望啦味道雖然依舊, 但係佢嘅醬汁同埋芝士就少咗好多... (但係依然可以做到拉絲效果)考慮到價錢依然係咁平, 就酌情扣少少分啦。 可能因為物價貴咗, 而佢嘅pancake一直都冇咩加價, 其實啲料少咗係值得體諒嘅

榴槤真係一樣令人又愛又恨既食物，鐘意食榴槤既人就知道，香港要搵到好食又抵食既榴槤食品一d都唔容易原來旺角呢間小店有榴槤班戟，仲要幾抵又好食，有驚喜！榴槤肉多到滿晒出黎班戟係即叫即整，拎上手仲係熱既，個外皮邊有少少金黃，勁香！除左榴槤醬，中間仲配一球雪糕，榴槤配雲呢拿，兩種creamy既口感融化埋一齊，係榴槤控既小小幸福下次突然想食平平地既榴槤甜品解解癮，一定要返黎呢間👍🏻

今日去咗旺角行街，人多擠迫，想搵間餐廳食嘢都難呀，所以就想食呀小食啦，自從旺角中心變到好似葵芳廣場咁嘅小食店之後，其實都冇幫襯，今日一於去睇下變成點樣！2樓有好多小食嘅種類選擇，人依然都係咁多。我揀咗一間冇咁多人排隊嘅pancake店，既係我鍾意食嘅嘢，又係我一直想食番嘅嘢😄😄我叫咗曲奇雪糕香蕉pancake，軟軟嘅pancake皮特別滋味，仲要天氣熱辣辣，食一口凍凍的雪糕🍦更可以帶來一點涼意，還是喜歡呢！😊Pancake有幾個層次，第一層係cream加香蕉，第二層係雪糕，第三層又變返cream加香蕉🍌如果每一層都有雪糕嘅話我會食得更爽

好耐無去旺中行街 今日心血來潮去同朋友睇下😝 發現多左條美食街 好似葵廣咁 於是我地就試左葵廣好出名的又一戟😛😛😛今次我地叫左朱古力芝士蛋糕班戟 少cream😚 朱古力芝士蛋糕好有驚喜 吾會太實 配埋雪糕同煙un的餅皮 好好味！！ 因為我好怕食cream 所以今次就叫左少cream 個班戟食到最後都吾係好膩😋😋 建議大家下次都少d 感覺仲好似多左雪糕🍦添🤣🤣🤣

食完晚飯後，意猶未盡就想去旺中買件班戟食下。位於旺中分店係我唯一食過果間，雖然每次去到都有人等候，但時間都唔會太長。主要分熱食或凍食，鹹食或甜食。口味都有接近廿款。食飽飯就決定叫個雪糕班戟兩份share.香蕉朱古力雲呢拿雪糕班戟$27等左大概10分鐘左右個雪糕班戟就到手。主要配料有香蕉，忌廉，朱古力，雪糕。大件既香蕉集中係上方，底層只有香蕉粒粒，雲呢拿雪糕味道唔錯，不過朱古力漿味道就比較假同稀身！

真係有細食到大😍係回憶嘅味道！今次好好彩唔使排隊就好快有🤣我揀咗呢個蜜桃班㦸加士多啤梨雪糕其實$26真係好抵 喺其他日式班㦸店呢個價錢真係食唔到同埋味道一路都冇變😍🤣不過食過藍田嗰間覺得藍田嗰間大份啲🙈🙈🙈

係以前又一戟個芒果班戟係葵芳已經非常出名～而家仲開到出旺角～慕名之下當然要同朋友推介一齊去試，叫左一 陣，等冇幾耐就整好，要賣相有賣相，外型整到好似一枝甜筒，食落芒果唔會太甜太酸，用係班戟上搭配口感新鮮，入口芒果軟綿，水果果香迴蕩，芒果獨特的口感，搭配上面甜甜的朱古力醬，再配搭忌廉，忌廉軟得似綿花，三種口感融合會有一種係度食緊芒果雪糕的感覺，但係熱騰騰又軟綿綿的，最後到班戟皮，大部分人都憎食厚皮，例如餃子皮太厚就會超唔好味，剛好又一戟的班戟皮整得夠薄又軟香，唔會令你太飽，蛋味濃郁，再去掃過街~

葵涌嗰間我自己已經食咗好多年十年都應該有自從出咗熱榴槤芝士香蕉班戟之後幾乎每一次去葵芳廣場諗唔到食乜好嘅時候都會食佢今次經過呢間分店就照舊食一食我嘅例牌（無影到相…）呢間分店令我有啲失望可能負責整餅嘅得一個人所以速度比較慢拎上手唔係好熱首先食落去無葵芳食咁脆口但主要以味道嚟講都失望榴槤本來都無特別期望會好濃味但呢一間榴槤味只有好少，食完個口都無乜臭味芝士亦出奇地偏淡最食得到嘅就只係香蕉不過店員叔叔好有禮貌但要我再試，都係返葵芳好啲

行街經過，食返個甜品😍😍平時係食開葵廣果間，有日去左旺角都試下依間先🌸依度比葵廣小人排隊，我前面竟然係無人排！(不過其實係keep住有人買，只係唔似葵廣咁誇張😂)我地叫左一個蜜桃雪糕班戟，大約五分鐘就食到！但覺得味道唔係話太出眾，第一次揀蜜桃味，雖然都知道佢係罐頭桃，但都想試下。依個班戟分三層，第一層係cream，第二層雪糕，第三層係桃。我仲以為每啖都會食到依三樣野，因為之前食oreo班戟果陣就係啖啖有層次感，有點知依個係分三層。定係唔知水果系列都係咁🤔（？）所以建議佢可以分多層d！覺得今次揀錯左，滿足唔到我味蕾。不過賣相都係好好既，可以影下相📸下次再試其他！！