又一戟

营业中

休息中

次次都食crêpe 都會食又一㦸三十蚊有找又好味去邊搵？元祖店喺葵涌廣場藍田匯景都有一間呢兩間都成日會食反而旺角呢間好少食今日就試下佢!由於未食晏所以揀個咸嘅蜜桃煙鴨胸價錢好似比其他兩間店貴一兩蚊🤔可能呢度租貴啦落完單 企埋一邊等咗十幾分鐘就有得食拎上手熱辣辣 正！皮脆夠薄 料又足啖啖都會有料入口唔會淨係得個皮美中不足係沙律醬唔夠多 而且好稀可能d比d蜜桃溝稀咗？無咗d醬 成件事就有d奇怪味道好似各有各咁同埋食到下面個皮已經淋晒唔似開頭咁脆不過都無辦法嘅熱嘅時候包紙 比d濕氣整淋咗佢都唔想🤷🏿‍♂️Anyway 27蚊咁嘅質素無投訴雖然好似葵廣平d又好味d😜下次或者可以食埋甜嘅試下

去開葵芳又一戟，最愛香蕉朱古力班戟，一定無得輸。難得係旺中見到又一戟踪影，即使食飽都要嚟捧場。相對葵芳店，旺角店細間而且人流無咁旺。我梗係叫我嘅至愛啦- 香蕉朱古力班戟配椰子雪糕但出到嚟賣相同材料確實同葵芳又一戟有啲落差。餡料少左幾多，雪糕同朱古力醬都少咗。雖然差唔多樣，但完全感覺縮左水。真心有些少失望。

話說我好鍾意食crepe之類嘅嘢..尋晚食完飯十點半行去旺角中心，竟然見到九成舖頭都未收，見到第一間又一戟就心思思想食。見到佢推介熱楓糖香蕉芝士班戟（$30），張圖都幾靚，咁就叫咗嚟試試。等咗五分鐘到就攞得。攞上手熱辣辣，仲摸到好厚添，但殊不知食落完全係另一回事。成個crepe都見唔到食唔到有楓糖味，香蕉份量都ok，芝士得幾粒芝士碎。香蕉同芝士溝埋一齊係會令到芝士味同香蕉味一齊消失...好似食緊一個無味嘅crepe咁下次唔會再比佢個樣呃到了。

芝麻雪榚味道中規中矩，喜歡芝麻雪榚的食家可以一試。奶油味道一般，雪榚底下全是奶油，太膩，味道單一。木糠薄薄一層舖在雪糕的表面，完全被雪榚冰而濃的口感和味道蓋過了，變得可有可無。看過別的照片，感覺是我這個的焦糖特別少。雪榚的味道已很濃，無需再加焦糖木糠等，建議將焦糖木糠加在奶油上，補救味道單一的奶油，整體的搭配會比現在更好。在旺角和葵廣兩間分店吃過咸味班戟，感覺旺角分店的斑戟皮更脆更熱。

旺角中心必食！！價錢合理即叫即整！之前荃灣先有，宜家旺角藍田都有得食！咸牛肉班戟$26加芝士$5熱辣辣，好多內涵個皮又好食一定要架芝士！香蕉朱古力雪糕必食次次都係呢個配答！

我同太太交低了小朋友，來到旺角逛逛街。我們行入了旺角中心，我沒有想到此商場加入了不少小食店來增加人流，而太太特意帶我來輕食的，也就是《又一戟》的分店，我又再一激了。 這一次，我可以看到製作過程了。看見師父把麵粉漿煎成餅，再把餡料加上去，一步一步的把 pancake 煎成，包成，製成，整個過程實在是令人期待的。 是日，因為是頂替中午飯的食品，所以我同太太都要了熱食咸薄餅。沒有肉的是蘑菇粟米口味，用上的雖是罐頭蘑菇，但熱熱地加了可愛的沙律醬，咬入口，更有爽甜的粟米粒做出味道的點綴，很不錯。 我手上的 pancake，是辣肉腸Pizza。即是說，pancake 包的是大家食 pizza 常見的辣肉腸。入口是香辣的感覺，而沙律醬配辣肉腸，同傳統在 pizza 上用芝士去配，一樣咁香辣可口，而且，這一個辣肉腸 pancake，係夠飽的。 《又一戟》在旺角又再一激。味道進步了，多完化了。難怪兩次來，兩次都人山人海。

上星期同朋友去完葵涌廣場食個鹹班戟，蟹柳紫菜粟米加芝士，非常有水準，又快又正，所以今日帶阿媽去旺角食，諗住近d，奌知....希望下次個皮可以平均d，唔好咁漿..失望而回..1

這是我第二次來光顧了～相隔大半年再來，價錢亦沒有變，大部份 pancake 都是 $26，倒是多了很多不同口味的 pancake~這次吃的是辣肉腸 pancake 加芝士（加 $4）～整個 pancake 超誇張超巨型，甚至比我塊臉更大！Pancake 皮薄薄的，邊緣挺脆的。雖然辣肉腸不是太辣，但與芝士混合起來便形成平衡了。辣肉腸本身比較乾，但加了芝士後溶在腸片上，濕度好。餡料的份量剛剛好，不會過少也不會因太多而瀉出來。

呢間又一戟我係葵芳個間已經食過好多次以前去葵芳係必食每一次去到都好多人買但都算快手有得食而家旺角都開左好邪惡因為我成日都去旺角一食完飯就想黎個飯後甜品唉。。。甘食法好快變肥豬wor不過唔理啦食完野先有氣力減肥架麻😂😂😂由於我係夜晚去食既唔係甘多人所以等左陣就有得食啦好多Cream呀士多啤梨唔酸幾甜個Pancake外脆内軟加埋的朱古力漿可以將我今天畫上完美嘅句號我一定會成日黎架你地有機會都黎試下啦

今日係公司聽到同事講，旺中多左好多食野嘅鋪頭仔，好似葵涌廣場咁，於是收工即刻去覓食喇嘩原來呢到都有又一戟吖，佢係葵涌個時已經經常幫襯以前會鍾情於熱嘅咸牛肉芝士班戟，由於今日太熱喇，所以小編就揀左芒果肉+椰子味雪糕班戟，都係29蚊咋，都唔算太貴，仲有佢啲芒果肉唔係得上面有芒果肉，係一路食到最尾都有，真係真材實料，食完令我諗番好多以前中學同班fd一齊去葵涌廣場搵野食嘅回憶

好耐之前係葵廣食過呢間，依家旺中都開左，勁方便！😍❤️食過熱同凍，都係中意食熱既多d，可能因為凍既太多cream😂見到佢新出左榴蓮芝士香蕉班戟($35)，好似好複雜甘，因為熱既一直都係咸為主，見呢個係甜就試下。成件班戟勁厚身，班戟皮照樣鬆脆。芝士唔算太咸，會拉到絲😂同熱熱地既香蕉幾夾👍🏻榴連份量唔算多，同芝士香蕉一起食好香好好味！件野有翻甘上下份量，食完都幾飽。食開凍班戟可以試下熱既班戟，會有另一種感覺😂

旺中變成葵廣般引進許多食店😍旺角始終佔有地理優勢，方便與朋友約會😎。以前跟家人去葵廣，爸爸都會問我要不要吃，因為這店總是大排長龍！___『香蕉雪糕班戟 $25』其實材料真的很普通，但自己絕不會弄🤗。即叫即製，職員讓我們在旁等候一會，因為位置不大不想阻擋其他顧客。每次吃到底總是還有料，感覺很滿足☺️。雪糕與忌廉的份量永遠不吝嗇的，不喜歡甜的人會很易覺得膩，可以再下單時要求「少或走cream」。雪糕味道不假，這價錢，我認為是合格收貨的！甜款班戟皮不脆，但相當煙韌有口感，吃完一整個會好飽！之前嘗過鹹款，雖然皮脆，但即使加了芝士，吃起來也感覺怪怪的，我還是比較喜歡嚐糖😂。@hktpy 《K》

之前行經葵涌廣場最上果層，總會被班戟的香味吸引，但因為每次行過通常都見到好多人係到等，令到小編放棄了嘗試既念頭~ 今日行經旺角中心，見到又一戟這間舖頭，又見唔係太多人等，咁就叫左個熱楓糖香蕉芝士班戟($29)~ 等左大約5分鐘，熱辣辣的班戟終於到手啦，班戟邊位香脆，蛋味濃郁，內裏的楓糖味清甜，配上香蕉非常配合，唯一唔好既係配搭左芝士這個食材，因為加埋楓糖及香蕉一齊食，口感有點怪怪的~總捨黎講，班戟都挺好食，但小編建議可以選一個更好的配搭會較好~

朋友話試過葵芳果間好出色, 所以飽到上心口都陪佢食, 但真係好失望我叫左 粟米 蟹柳 紫菜 加沙律醬, 一聽就知無得輸同點整都唔會難食既組合偏偏果塊餅皮真係整得好差, 又淋又厚, 同朋友食左半塊已經頂唔順下次情願食隔離果d炸物

（芒果雪糕班戟 $26）味道 4/5賣相 4/5-呢個班戟好足料！Cream同芒果間住咁砌上去，望住店主係芒果粒上面擠上滿滿嘅鮮忌廉，再均勻咁落上朱古力醬，未食都覺得好滿足！咬落去忌廉好滑，暖暖地嘅班戟配上冰凍嘅雪糕球，同埋鮮甜芒果粒，超級好味！忌廉份量好多，食到最尾都有滿滿嘅忌廉。鍾意食甜野千祈唔好錯過～（怕肥的話建議叫走cream/少cream，因為真係好多忌廉）