又一戟

营业中

休息中

每次去葵廣都會食又一戟，終於唔洗去到葵芳咁遠，旺中都開左分店。同葵廣一樣都係咁多人，等左15分鐘左右。班戟有咸有甜，我覺得咸好食啲，戟皮比甜嘅脆。今次點左蟹柳粟米紫菜班戟，保持葵廣水準。戟皮依然香脆，餡料都好足，每啖都食到蟹柳同粟米。雖然材料簡單，但加埋一齊食真係好夾好好食。

全城Hit爆的班戟風❗️已經衝出葵涌廣場🏃🏻正式殺入旺角喇！😍蜜桃雪糕忌廉班戟 🍑🍦 ($22)朕每次經過都大排長龍😳原來班戟係即叫即整架！🙇🏻拎上手仲係暖身添😛果然夠哂新鮮呀！🤘🏻滿滿蜜桃加上頂層忌廉🍑賣相好誘人呀～😍蜜桃果肉份量夠哂多💯驚喜係食到底層都仲有蜜桃架🙊層次感輕鬆滿分啦！👏🏻Pancake皮整得夠薄🌯滲出絲絲蛋香味🍳頂層邊邊位咬落脆身👄班戟皮口感煙韌。厚度適中☺️忌廉打得好滑😍唉～為何深夜總是餓呢？🙄

葵廣又一戟登陸，車費都可以省反啦✨雪糕揀左曲奇味，加左大量cream😌姐的脂肪是這樣儲回來🙈長度差吾多有手臂咁長💪一個人食完都飽飽地😹士多啤梨略嫌有啲酸🍓不過班戟煙煙軔軔，好有口感☺️

聽聞旺中變了好似葵芳， 食店進駐商場， 於是走入去睇睇。真的有舖頭由賣衫變食店。我對pancake 情有獨中，所以不能不試。有甜款式。有鹹款式。两款都好吸引。今次選了荔枝雪糕香蕉pancake，25元，由於不喜歡cream, 所以走cream. Pancake 外脆內軟，有雞蛋及牛油味，不太甜，好香。咬落好有口感，与清新味的茘枝雪糕和香蕉一起吃，是不錯的選擇。不知是商場提供還是又一戟提供，有一部流動冷氣機放在舖外，好體貼呀