又一戟 (已結業)

幾乎每次去葵廣都會食又一戟，廿幾蚊一個戟，又好足料。通常我都會食香蕉雪糕班戟，班戟好似個cone咁，香蕉忌廉喺底，上面既雪糕有得揀口味。其實一個戟兩個人份都夠。平時食開甜班戟多，今日叫左個菠蘿火腿班㦸(加芝士），咸既會落沙津醬，加左芝士同烘完有啲脆，感覺好似食緊pizza，唯一係自己心理上覺得班戟要配甜先夾啲。我覺得老闆（冬菇頭）同（好靚女既)老闆娘都好nice，雖然生意好忙，但次次見佢地都笑笑口同好親切。香港呢種貼地小店買少見少，希望佢地可以繼續做落去。

個人好鐘意食pancake之類既野所以成日去葵廣我都會食又一戟有熱有凍 都好好味🤤🤤🤤有好多款揀 即叫即做最鐘意食熱既朱古力香蕉班戟 同埋菠蘿火腿班戟凍既都好好味 有雪糕🤤🤤

這家食店如果要點餐，你必須很有耐性，因為每次等待都需要超過15分鐘。而且所有的班戟都是即叫即做的，因此等候的人十分多，等候時間十分長。我最喜歡的就是吞拿魚班戟，內裏還有芝士呢，十分好吃，吃起來鹹味十足，又有嚼勁。所以下次你們來葵涌廣場一定要預留時間吃這家又一戟。

同朋友去葵芳廣場shoppingShopping到肚子餓了要覓食！一向好中意食crepe之前去曼谷同日本旅行一見到就買嚟食。反而香港就第一次食。揀左咸牛肉$25。店員問加唔加$4要芝士？芝士控嘅我，緊係要啦即叫即製。不過人唔多。等一陣就有得食喇！份量都係大大份。餅皮算做得唔錯。都脆脆地！最重點嘅係⋯芝士比得好慷慨。幾乎係每一啖都食到芝士。當然主角咸牛肉都唔少啦！$29 絕對會Encore👍🏻下次會試下其他味！

crepe可以話係日本女高中生既兩大標誌性食物之一(另一種係聖代)但其實早係好多年已經比人叫叔叔既我都好鍾意食呢款源於法國既甜品,基本上每次去日本都一定會整幾件廢話講完,就講下呢間都係早係好多年前已經開業係葵涌廣場既班戟店啦其實呢間野係crepe係香港盛行之前已經有係到咁多年就應該自有佢既原因今日就係抱住呢個心態黎一試叫左crepe入面既王道: 士多啤莉雪糕crepe士多啤莉份量足夠,但都係出街食士多啤莉既通病,唔夠新鮮同少少酸不過除非真係食好貴既,如果唔係其實都預左皮就非常失望一來冇蛋味又淡加上有少少軔,感覺似食雞蛋仔/格仔餅而唔係crepe雖然雞蛋仔/格仔餅同crepe既原料都係蛋漿但其實口感應該係會有分別呢間店可能用左港式雞蛋仔/格仔餅蛋漿配方黎crepe就變左不倫不類如果仲未知我講呢間crepe既口感係點可以試下阿波羅有款係一排朱古力造型既雪糕呢到既皮就同呢款雪糕既皮一樣咁頹雪糕似乎只係普通既雀巢雪糕所以稱唔上好食或唔好食雖然同日本既相比真係有d距離但係價錢夠大眾化一個crepe只需27蚊難怪會係小店林立既葵廣有一席之地另外值得一提既係服務態度非常好,非常有禮貌係呢個年代係非常

前幾日同朋友行街經過葵廣個又一戟唸住好耐冇食過去食下啦！點知係未落order係側邊佢睇收銀處唔係當眼位咁我唸住就咁落order啦！唔該唔該叫左好幾聲女嘅員工係入面整緊班戟到佢行出黎俾班戟人就咁望住我ok fine我當你聽唔到！但一直係出面嘅男員工態度就極為惡劣你對眼睇唔到收銀處咩？買就唔買咪阻住嗮啦！我冇睇清楚收銀處係邊我固然有錯，但係洗唔洗咁樣講說話呢？我係食客唔係黎嗮錢買難受況且我唔係係歇腳亭個邊過黎我係側邊座位過黎，個時好多人遮住左視線在所難免！出於店員嘅態度我寧願以後去葵廣都唔光顧呢間班戟店寧願去沙田或其他人口中貴d、遠d嘅班戟店我都唔想再係呢間店度買任何一舊班戟簡直就係去買難受！全香港咁多班戟店真係多你一間唔多少你一間唔少何必為左個區區幾十蚊嗮錢係個d地方～

細細個就食開呢間！最鍾意食佢個可麗餅可自由加旦糕入去都得 我自己就鍾意加cheese cake連cream同雪糕一起吃軟綿綿～-生果雪糕方面更有好多口味可選生果雪糕都係可按個人喜好選亦可order要多cream多朱古力

在這個飲食都講gimmick講潮流的年代，葵涌廣場內的店舖如車輪轉，隔幾個月又有新舖試業，要在那站穩住腳並不容易。三樓這家又一戟多年來屹立不倒，當旁邊店舖裝修得美倫美奐時，它還是那麼樸實，而每次經過總有一堆人圍在門外，不喜歡排隊的我也是近兩年才開始欣賞它。粟米雞蛋律班戟$25不論鹹甜，小店所有班戟都是即叫即做，餅皮微微煙韌有蛋香，味道絕無驚為天人但勝在新鮮熱辣，老闆們默默無停手為自己小店努力，值得支持。

食開佢果隻咸牛肉PANCAKE, 係HK比較少食軟身既PANCAKE皮, 通常MK食開都係脆身皮, 唔會咬到一地都係本身鐘意食沙律, 佢都落左好多沙律比我, 正

作為一個長期支持者, 第一次寫食評都算係遲～遲～遲~成日鐘意掃街, 香港掃街都不外乎葵芳/旺角/西灣河,各有千秋但係每次入葵芳都要爬上頂樓食班戟, 獲獲上黎都人頭湧湧, 排隊排到癲都要排, 貪佢新鮮逐個做細個就一個柯打頂一餐, 而家都係一個柯打但加其他必叫item一定係吞拿魚加芝士, 熱辣辣夾出黎, 咸咸地既吞拿魚加半溶芝士沙律醬, 即刻擺入咀, 呢個感覺冇得頂小食黎講都算係不能忘記, 希望小店繼續長食長有, 做唔停手!

多年前睇住佢開～ 每隔一至兩個月會去葵芳行街， 必去買一個嚟食， 我長期係買吞拿魚 或 辣肉腸 （ 必定會加錢加芝士碎）～佢以前會咬到芝士咬開有少少拉絲嘅～ 仲會食到芝士味～ 今日再買食咗好似唔知食啲乜， 戟皮嘅味淡咗 芝士碎又轉咗第二隻 冇拉絲感亦都冇味道比片裝芝士更加差，完全無味 辣肉腸都係攞嘅貨係冇味嘅，定係雪得太耐雪死咗唔知 食完究竟我食咗啲乜嘢呀。。。。。。。。。。。。。。。。。。。。。。。。。。。 玩嘢咩200個字

夜晚行葵廣依然都咁多人 雖然呢間都係好多人排隊 但見到有凍食榴蓮班戟 好吸引 就決定試下平時都係得熱食榴蓮 仲要加埋香蕉 今次呢個配搭真係好好多 好難得有榴蓮 加雪糕班戟（$28）可以加$5轉榴蓮雪糕 咁我當然轉啦雖然好多人 但好快店員就叫到號碼有得食 望見都覺得好滿足 好大枝上面係香滑忌廉 加上朱古力醬 為成個班戟有來唔同層次既味道 中間係好香濃既榴蓮雪糕 好正好鍾意但食食下發現成枝班戟都只係得榴蓮雪糕 冇乜榴蓮肉 有啲失望 雖然都好好味 但如果可以多啲榴蓮肉就好啦不過都係值得再食既

之前同女友係沙田食過一次呢類型既班戟，老實講我覺得令我對呢樣野有小小反感(唔好食，份量亦小，,所以覺得好呃錢，但今日係女友既迫使下，試下呢間又一戟真係完全改觀，份量多之如，忌廉，雪羔同香蕉都出奇地夾，仲要比沙田間平三份一既價錢認真底食，唯一就係凍食要等得比較耐，買左飛佢都要確定你係度先做，可能驚雪羔會溶。女友就試左作地既咸牛肉芝士班戟，熱食黎講都算唔錯，二黎等侯時間都比凍既短，個芝士真你會拉到條絲出黎，牛肉都好夠味，正！！！

夜媽媽經過葵廣，點知頂樓仲人頭湧湧，好熱鬧。見到又一戟出番榴槤班戟，呢款凍嘅唔常有，通常都只係出熱食嘅。咁難得就梗係要試下佢啦呢個雪糕班戟配一球普通雪糕（$28），想轉埋做榴槤雪糕的話就要加$5～仍然係大大枝，見到都滿足面頭淋左朱古力醬，加埋邪惡嘅忌廉，令成層次豐富咗好多！唯一可惜嘅係底下嘅filling冇乜榴槤肉，本身以為上下會唔同，結果下層都一樣係榴槤雪糕為主。所以個人認為唔需要再花多$5將最頂嘅雪糕轉做榴槤味

佢之前冇咁多人買都會間吾中買黎食 今日撞正囡囡想食先去買 如果吾系就真系吾會再幫襯囉 第一想食嘅雪糕口味 想要咩味就冇咩味 仲大大嗰牌放系雪糕櫃前面話有多種雪糕口味第二 派咗個no.叫人系等候區度等 跟本就聽吾到佢叫號碼 第三 問佢叫到幾多號 佢話叫咗我哋 仲話我哋冇系等候區等 真過份 買完嘢食已經企系佢鋪頭前面等 仲話人哋冇系佢指定嘅地方等就系錯 離晒譜😤系香港土生土長咁多年 都真系未試過有鋪頭做生意做到態度咁惡劣 食物幾好食都吾會再幫襯 做生意做到咁 請你光榮結業 早點離開飲食界行業 將機會留給其他有心識做生意嘅人