又一戟 (已結業)

又一戟的雪糕班戟是葵廣眾多名物之一，所以難得來到葵廣，點都要試下。就算原本未聽過又一戟的大名，只要經過店外，看到店前一大群人都會知道，人群都是以圍圈方式圍著店子，而店前面則留下很多空間，當我正想行前看清楚餐牌，店員就語帶不善地喝令我們不要行近，以免阻礙其他人看餐牌，由於餐牌字體不算特別大，我唯有矇著眼極力遠望。我點了柯華田雪糕班戟，雪糕很濃柯華田味，中間還有很多榛子朱古力醬，班戟皮也很薄，係好食嘅！其實拍店門口照片時也被店員喝止，我明白店員可能不願上鏡，但不讓食客行前，難道要帶望遠鏡才可點餐？雪糕班戟是好吃，價錢也比出面甜品店便宜，但是否值得光顧就見人見智了。

以前在葵芳附近返工，經常會到葵涌廣場開餐，今日重遊舊地，有很多的回憶在腦海中浮現，這裡多了很多小食店，每間的食物都很吸引，小小的店舖提供不同的美食，大開眼界， 打造了特色商場美食街。而我以前經常會幫襯這間班戟店，來來去去都是吃這兩款，甜的會點香蕉加雪糕班戟，咸的會點咸牛肉班戟， 經過多年後，發覺多了不少新產品，新口味。點了一個咸牛肉班戟，落單時店員會問是否需要加芝士（要加錢）及黑胡椒（不用加錢），由於即場制作，需耐心等候，單是看制作過程，已忘記等候的時間，好像表演一樣，店員以熟練的手勢及完美的分工合作制作。班戟外皮香脆，內裡滿滿的咸牛肉，生菜絲，沙律醬及黑胡椒粒，用料十足很惹味，外脆內軟的感覺，吃的好滋味。

今日行葵涌廣場，見到呢間買班戟專門店， 就畀佢吸引住， 我就揀咗芒果雪糕班戟， 佢嘅水果係芒果，但係雪糕嘅口味可以自己選擇， 而我就選擇咗口味比較清新嘅荔枝味， 芒果粒在加上荔枝雪糕，個味好夾。 呢間舖仲有好多其他選擇，值得推介嘗試！

不時都會上葵涌廣場掃街, 因為地方乾淨有冷氣(當然唔太大哪, 好過棟係條街食)。 每次黎都一定食, 咸牛肉芝士戟, 加芝士, 黑淑~~好好味, 本身咸牛肉芝士係絕配, 加上有好多菜, 不會太咸~~素食者可以選粟米蘑菇芝士, 都好好味~~但我成日見到好多人買甜戟, 但冇咩衝動想去試~~

粟米脆脆焦糖班戟(左) 蜜桃薄荷朱古力雪糕班戟(右)一睇個名就知有哂咩材料😂即叫即整 雖然好多人等緊但等食時間算係可接受範圍比我個陣 叫我要所有材料一齊食 唔好分開食佢個班戟皮cool down得好快 如何做到😏雪糕要咗椰子味 好重椰香 好有驚喜 粟米脆增加口感?反而食唔到焦糖醬味食到底都仲有雪糕👏如果唧出嚟個cream都係雪凍咗就好食到好飽——————————————————$26又一戟葵芳葵富路7號葵涌廣場3樓

好好味好好味好好味好味既野要講3次👍🏻好多年都好似無加過價咁芒果+cream+icecream都係$25又飽肚又抵食雪糕大大球⋯每次都係食甜，但唔係食芒果雪糕，係轉食香芋味，原來咁樣夾都好好味

「8號風球」打到黎，小心啊，落雨好收衫！！！講笑。其實係8個雪糕球一齊打到黎一次過食哂芝麻、咖啡、曲奇、薄荷朱古力、朱古力、香芋、士多啤梨同芒果🍦每球迷你size, 咁多個味我最中意奶味；果味既雪糕反面麻麻地。不過都只係十幾蚊就食到咁多球，底到爛！

是日週末行葵芳廣場，少女聚集之地，除左好平平地嘅靚衫之外，近年進駐好多新興食店，不過講起食甜品，我始終如一，鍾意呢間售賣手揸pancake。呢間pancake舖好抵，廿幾蚊就有個pancake食，配搭應有盡有，雪糕同配料都自由選擇，咸甜口味應有盡有，仲要係即叫即整，夠曬新鮮滾熱辣。我叫左呢個蜜糖脆片雲呢拿雪糕pancake，入口甜度剛剛好，淡淡嘅雲呢拿雪糕同蜜糖相映成趣，交織住一段優美嘅樂曲。最正嘅係，食到底依然有料，真係無花無假！

午餐吃過麻辣米線後，饞嘴的我總覺不夠滿足，想吃一點甜中和一下，來杯雪糕就剛剛好。又一戟是葵涌廣場經典食店之一，假日總堆滿等後的顧客。除了出名的咸甜班戟外，小店還有雪糕單點。雪糕有十多款口味，都是一般大路口味。可選一至三球，而每球份量亦有普通與珍寶之分。由於剛吃過午餐，故今次只點了芝麻味單球珍寶(杯裝 $9）下單後了一會店員才有空製作，只見他不斷滔雪糕，疊至紙杯的兩倍!！只叫了單球的我，感到實際有三球的份量，非常驚嘆！雪糕帶著濃郁的芝麻香，雖然奶味和順滑度不能和名牌相題並論。但以這價錢來說，實在物超多值、毫無投訴吧！!

咁多人排隊嘅？！吸引左我哋去排，即叫即做，很新鮮，雪糕底自己㨂，生果底自己揀，加埋大量cream 同朱古力醬，外熱內凍，好fresh.店員也很細心，叫我地不要走太遠，整完要即刻食先好食，否則啲cream 同雪糕會溶，一口食落去，生果、雪糕、班期樣樣都有啲好正

之前黎過幾次見到未有機會食呢間，今次掃完街個胃有空位啦！揀左佢張圖外觀唔錯既 oreo 食…揀左雲呢拿雪糕球人唔算好多，等左一陣就拎得～由於唔太方便係人多擠迫地方拎住周圍行，張相我已經食左個邊同塊餅但係個外型同佢遞俾我果陣差不多，我一見到外型好似…同佢痴係到果張圖唔太一樣喎～點解張圖豪華咁多，定係影相角度問題？餅皮：薄得黎又有Ｄ軟Ｑ咬感，唔錯，我幾鍾意～唔會覺得太厚皮到食兩啖就唔想食雪糕：味道入得下口！同普通雪糕冇分別，唔獨特～Cream：一開始食，上部份因為有雲呢拿雪糕支撐，就冇留意，開始食完中層，黎到中低層，入面就全部係Cream，味道現形……好味既Cream係可以令我食完都唔覺得Heavy仲想食哂，滑而且有一種奶香味…由於我食過好味既Cream…完全食唔慣依種…簾價Cream共通點吧…輕拋拋﹑油膩﹑好漏雖然已經努力食埋，但最後頂唔到丟左…讚一讚佢整到底 d cream上面都仲有少量oreo碎，唔係得cream…。呢個價錢唔好望有好味Cream，食上半部份基本上覺得仲可以，下半部我放棄…。口痕平平地食都還可以，但cream唔想食會唔會再光顧：可能下次會試下咸食，始終個皮係唔錯既

✨✨✨✨✨✨✨✨✨✨葵廣掃街必食既又一戟❤️🍨木糠焦糖曲奇雪糕班戟$25🍨呢個配搭必勝✌🏻好好食😌兩層既香甜焦糖同有蛋香既木糠好夾🤤仲有曲奇雪糕同cream，係童年回憶👧🏻餅皮軟軟地，少少煙韌，都唔錯😌不過如果係揀咸食就好似脆身餅皮夾啲~.食物質素: 🌕🌕🌕🌕🌑食物顏值: 🌕🌕🌕🌕🌑性價比: 🌕🌕🌕🌕🌑回頭率: 🌕🌕🌕🌕🌘✨✨✨✨✨✨✨✨✨✨✨✨✨✨✨

呢間開左十幾年，我就食足十幾年。佢甜同咸既pancake都好好食。我最鐘意既系咸牛肉pancake。佢s panxake系即叫即整，所以個皮又熱又有少少脆。咸牛肉同生菜好夾，好fresh，加錢要埋芝士仲正仲濃味，仲要有拉絲。

自從搬了入西貢生活之後，荃灣同葵涌真係鮮有機會去拜會。這一次，因為太太同兒子去了旅行，我帶同未足一歲的女兒去到父母位於美孚的家過幾晚夜，所以我可以放工後，先來葵涌廣場這一個美食基地，朝拜一下。在葵涌廣場要朝拜的美食其實有不少，不過，有一間小食店 (我曾經劣評過)，多年來，越做越見進步，越來越出色，仲做到開埋分店，這一家小食店，就是專賣日式 pancake 的《又一戟》。 葵涌廣場的始祖店，人很多，等上兩、三個字可以說是小事。第一天來，心中想食甜的，所以我要了芒果芋頭雪糕的口味。甜的，是以圓筒型的形式包裹，這樣包是因為內裡有一球雪糕。是日的芒果雖然不算是甜美，但至少不會有酸味。不過，當中最吸引大人同小朋友之處，並不是芒果，而是內心的芋頭雪糕同佈滿了整個 pancake 的忌廉。 第二日再來，我想食個咸的，味道是煙鴨胸蜜桃。作為一個飯前的食品，這一個小食實在是有點點的邪氣，因為有好多好多片煙鴨胸，也有好多好多片蜜桃片，甜中帶咸味，而且薄餅底是脆口的，加上餡料足，沙律醬又令到鴨胸同蜜桃的味道得到了一個 balance，幾好。 好好味，早已經對此店改觀的我對這一次的拜訪，感覺是更上一層樓的

通常講起班戟都一定會諗到甜品，一層薄薄嘅班戟，嚮上面嚮啲生果，再加啲果醬、朱古加醬，同埋忌廉，最後再加多一球雪糕，真係諗起都興奮～不過班戟又唔一定只係得甜品嘅，鹹食都一樣唔錯架！煙肉蛋蕃茄芝士三文治平時就食得多，但當外層由麵包轉咗做班戟嘅時候，究竟會帶來點樣嘅驚喜呢？一大口咬落去，煙煙韌韌嘅班戟加上質感各異嘅餡料，口感好豐富，而且味道仲好多元化，就好似將一碟All Day Breakfast一次過擺入口享受咁～