又一戟 (已結業)

《葵廣篇❕第二彈》食鹹嘢食到呢係時候食返啲甜甜地補補數啦😚.🥢阿華田班戟配雪糕🥞 $25望住師傅整個pancake時都見到佢落咗好多嘅餡🤩班戟皮偏薄，食到一半嘅時候就開始因為一邊cream同埋醬太多而塌落嚟，不過都證明到cream同埋朱古力醬嘅份量好多🍫望住啲阿華田醬平均搽滿係班戟上面，不過份量就比較少味道比較淡😕如果可以再多啲濃啲就好啦～雪糕就可以自由配搭，而我哋就揀咗cookies&cream比較配番阿華田嘅味道☕️自己一個食嘅話可能就會有啲漏啦建議兩個人share😚.巧味道指數👅：6.5/10再食過指數🏃🏻‍♀️：6.5/10錫荷包指數💸：6.5/10.又一戟 (葵芳)葵芳葵富路7號葵涌廣場3樓85B號舖.

夜晚11點幾先回到葵芳本打算所有食店已關但也抱著撞彩嘅心態去到葵涌廣場睇下有冇店舖未關去到3樓 發現平時大排長龍嘅又一戟仍在營業因為未食晚飯 立即整返件食咸牛肉加芝士加黑椒 班戟可能因為收工 班戟比平常厚實黑椒可以不加 沒有太大分別啖啖都有芝士很邪惡班戟亦後脆口

一直好支持香港小店，呢問幫襯左都好多年，個陣知道係旺角開分店都十分開心。已經好耐無去葵芳了，滿心歡喜去食，點知換來不禮貌對待。知名小店不代表你可以這樣對待客人，單打客人。以後不會再幫襯

又一戟唔係第一次食，但都隔左一段時間無試，以往通常都係叫水果加雪糕，鹹食都好少叫，今日突然之間好想食，望吓餐牌，就叫咗佢嘅新野（可能都出咗一排），就係木糠焦糖雪糕班cake（$25），我揀咗椰子味雪糕，嘩！一食落去就覺得好夾啦，椰子味雪糕好清新，佢嘅木糠焦糖亦都好配合，唔太甜，而且佢嘅cream仍然係好滑，一食就停唔到口咁當然啦， 佢份量都唔少，而且都幾多cream， 細食嘅朋友未必食得晒，同埋如果加上水果可能會冇咁「漏」，可惜佢冇呢個選擇，或者要加錢先做到，整體來講都係要去試吓㗎

經過又一戟癮起但約左好鵬友食飯唔可以食咁飽😟 咁點算呢？！比我見到有奶昔❗️我揀左豆腐味～感覺無咁膩嘛等左一陣就叫我飛仔有等飲啦如我所料真係一啲都唔膩唔濟豆腐味好香好上腦(我好中意食豆腐味雪糕架～）呢個係又一戟輕食之選

每一次去到葵湧廣場，都會見到這間鋪頭排長龍。之前見到太多人所以沒有幫襯。今次終於試下菠蘿火腿芝士pancake!的而且確幾好味,又有雪糕食真係好吸引。pancake真係好香。裏面有雞蛋以及芝士味。仲熱辣辣。口感一流。我見到有十幾種唔同嘅口味,真係任君選擇。綜合以上所述 下次打完排球,再帶朋友仔嚟試。😘its good

十幾年前喺葵芳讀書，呢一間班cake店已經存在。當然細個嘅價錢就無而家咁貴啦。但其實對於學生哥或者年青人來講，都幾抵食。我最鍾意食佢啲甜食，香蕉朱古力好好味架。但係今日未食午餐 ，所以就叫咗個鹹味嘅，肉鬆紫菜粟米，芝士要加$4 ，我就唔加。$26 ，新鮮整俾你，真係我嘅童年回憶。

唔知道大家去日本有冇食可愛餅嘅愛好呢?當然,日本嘅可麗餅淨係睇門面已經夠搶眼也可愛,大部份都係吸引少女們嘅Kawaii style,之但係我哋香港都唔輸蝕,如果要講到出色嘅可麗餅,就非<又一戟>莫屬喇。 對我嚟講,葵芳呢間分店應該係佢哋嘅發跡地,我好似細細個讀書時期(出賣年齡?!)已經開始幫襯佢哋,佢哋舖面一個個栩栩如生嘅班戟樣本,無論係咸嘅定係甜嘅都應有盡有,多年嚟水準依舊,亦都開始喺其他地區開咗分店。 今日嚟到葵涌廣場行街shopping,要填肚當然又心思思嚟幫襯佢哋喇。今次點嘅呢份係吞拿魚班戟,本身只售$26蚊,我另加芝士所以加多$4蚊就有交易喇。 葵廣呢間分店我次次嚟都客人不斷,由點單買飛開始輪候,職員所有班戟即叫即整,普遍都需時等大約七至八分鐘就可以食得到,雖然賣相冇日本咁精美,但佢嘅美味亦可以同日本一較高下,與其話佢只係一份吞拿魚班戟,我覺得佢可以叫做"吞拿魚沙律班戟",啱啱烘好嘅班戟皮唔算十分厚,蛋味好香,裡面除咗有吞拿魚餡料之外仲有加咗生菜同埋沙律醬,味道開胃可口,而我加錢加咗芝士就更加多一份層次,絕對可以同日本可麗餅媲美

每次嚟到葵涌廣場都會見到呢間賣班戟嘅鋪頭大排長龍,之前我見太多人所以冇去買嚟食,但今次因為我未食lunch,正在搵野食既一刻,咁岩又見呢度小左d人排隊,就忍唔住衝左去買班戟,睇下有幾好味!呢度有分鹹同甜嘅班戟賣,我見到甜嘅班戟個樣都幾靚,又有雪糕食好吸引!!但我想食鹹班戟多d,所以喺咁多款咸班戟當中,我揀咗粟米蟹柳紫菜班戟,佢哋即叫即做,見到舖頭後面有好多人不停手咁整班戟!!其實我都唔係等咗好耐,我就已經可以食!!班戟真係好香, 聞到一陣蛋味,仲熱辣辣添,不過外表就冇我想像中咁靚, 班戟比較扁,不過入面嘅餡絕對唔少,我咬落去嘅每一啖都充滿著紫菜,蟹柳同粟米,真係好好食!!可能我太肚餓喇,唔使五分鐘已經食曬!!咁好味的班戟下次我再嚟呢度shopping一定會再嚟幫襯!!

食左好多次先寫食評，次次都叫香蕉朱古力加曲奇雪糕班戟付款後需要到右邊等候區等叫號碼，平日晚上唔算多人，星期六日可能等15-20分鐘左右。以這價錢已是不錯了，通過我都點一個兩個人share! 香蕉都是新鮮沒變味，班戟不錯

離遠都見到好多人啊，等我又過黎排一排又一cake，顧名思義係食pancake ge有咸有甜，任骨選擇咸：扁平身既pancake甜：扁平/高身既形狀，因為要裝雪榚🍦經深思熟慮，叫左個甜既係我最中意既士多啤梨🍓，曲奇雪榚pancake上面有cream, 士多啤梨生果，朱古力醬Pancake皮脆脆，配上內層曲奇雪榚入面仲有兩粒士多啤梨

去到葵涌廣場 最後一餐掃街就係諗住食甜野咁就走到上第3樓 睇吓有咩好嘢食👀跟住一上電梯就見到一間叫做 又一戟其實一間野都開咗好耐 但係就未試過佢啲嘢食 咁就今次試吓佢啲pancake啦💁🏻‍♂️💁🏻‍♀️佢鋪頭門口都已經有好多款pancake可以揀有甜有咸嘅咁 不過就會揀食甜試吓先👫上邊就有寫住有凍pancake同埋有熱pancake咁其實即係代表有甜有咸啦 🐶 不過係我等緊嘅途中 我就發現大約有七成人係食甜嘅另外嗰啲就食咸咁之後我就揀咗甜啦我就要個香芋焦糖雪糕pancake 🌸影相呢就影得幾靚嘅 但係如果食落去呢就係另一回事⚡️佢雪糕唔係話太差 正常香芋雪糕嘅味道 焦糖都有夠份量只不過比較差啲嘅就係 佢入邊有好多cream🌬🌬多到係你食完個雪糕之後 入邊嘅有八成都係cream 佢多cream都唔緊要 個pancake底係好似紙一樣 咬落去係好似食緊一張紙咁 🥊🥊🥊冇乜Pancake嘅香味 淨係好似搵塊野包住啲cream食完個雪糕之後呢 就好似之後係食Cream咁

食完正餐係時候食d甜品，幫襯左哩間既oreo班戟，整得好靚靚呀，疊得好高，有滿瀉既感覺，甜度岩岩好，食完成個人都開心左，其實份量都幾多，食左大半最終都係食唔晒。

每次去葵廣都見勁多人排隊食依間班戟，但都係無試過😂有甜班戟同鹹班戟選擇，兩個都好似好吸引。直至有一次同我家姐講我想試，佢超級驚訝同我講:「試啦，竟然未試過！？」之後就食左依個OERO班戟，好似係$30-$35左右。不算貴，因為無論食物外觀，味道都十分好。首先外觀方面，一拎上手就心諗：「嘩！好邪惡呀😍」勁大份，好長好誇張😂覺得一定食唔曬，好彩我地兩個人食～ 上面仲有好多cream同orea粉，鍾意食曲奇一定唔可以錯過！至於味道方面，只能說真係勁豐富！每食一啖都有雪糕、Cream同Oreo，好好食，就算肥都會忍唔住！ cream同班戟皮都係林既，仲有半軟硬既雪糕，再加上曲奇，口感一流呀~食完仲想再食，不過真係要適可而止呀😂整體黎講，依間店真係值得一試！不過太多人啦，有時真係要等一陣~ 下次去食下d鹹戟！

葵芳對我黎講真喺好遠，所以每次都好珍惜去葵芳shopping嘅時間。就因為咁好多時午餐都喺葵涌廣場裡面啲小食舖搞掂。不過唔好睇少哩啲舖頭仔，好多都卧虎藏龍。哩間又一戟喺我其中一間好鐘意食嘅舖頭。可麗餅咸有咸食，甜有甜食，兩種食法都好好味。而且配料可以自由配搭，一定有款岩自己口味。今次我就當甜品食，揀左香蕉•朱古力雪糕兩種配料。因為假日人流都幾多，等左都有10分鐘左右先整好，不過可以睇住佢嘅製作過程，等嘅過程一啲都唔悶。終於黎喇，好長好大份。可麗餅餅層厚度適中，口感軟錦錦，超。包住嘅底層喺朱古力雪糕，份量超多。中間隔住隔住放香蕉同cream，砌到最高會再落朱古力醬，超級足料。