又一間餐室

营业中

休息中

在團購網上買了「又一間餐室」冰火三文治套餐包熱飲一杯團購coupon.2011年7月21日, 就是第一天可以開始換購, 便換了一份冰火三文治套餐. 三文治餡料: 炒滑蛋及冰凍吞拿魚, 既份量及質數都唔錯.2011年7月29日, 第二次去換購. 嘩嘩, 比起第一次, 今次呢份冰火三文治既餡料就超級大縮水: 炒滑蛋夠薄, 冰凍吞拿魚夠少.呢份炒滑蛋夠薄, 冰凍吞拿魚夠少既冰火三文治套餐, 有過今次經驗, 就一定無人願意用正價$30去幫襯.用團購價去吸引消費者到餐室幫襯, 就應該給消費者一個正面, 物超所值既感覺.否則, 將貨就價, 怕蝕底, 怕蝕本, 覺得唔甘心, 「又一間餐室」就唔好去做團購去promote 間餐室啦.

六時多去到, 見到門外餐牌, 寫著茶餐10am - 11pm ..入去坐底至話供應到6PM.... 要散叫.....叫了冰火菠蘿油加奶茶.菠蘿油很扁, 加上張底紙秥底, 除了底紙後加包重更扁.菠蘿包面果層不夠香甜脆.. 包不夠熱, 做不到他所說的冰火效果. 塊牛油略嫌太薄..奶茶味道不夠濃...

The place seems to be in need of some renovation or at least re-spackling/painting.Since there was no English menu, I took a stab at tea set C. What an interesting combo! I'll try my luck again next time I'm in the neighborhood.One thing which was a real turn-off was the huge boxes of lemons next to my table. Normally not a problem, but while dining, the waitress walked over to get some lemons. She opens up the box, I peek inside, and the fuzzy mold was so clearly visible that I felt the urge to

經過碼頭見咁多人食..以為應該幾好啦!!入到去...冇人招呼..坐低左會問你食咩..但d野好耐都唔黎...(就算平時冇咩人食)都好慢另外,,明明係lunch hour..會見到員工出去食飯..又慢左..態度又唔好不過佢d野食味道都幾濃...唯1較差就係牛腩撈一丁食落去1d一丁味都冇...又乾..認真麻麻但去過村屋o個邊..service好好多..nice好多~~另外村屋d野食都好味濃..仲會健康少少多幾條菜

看門面以為不錯，誰知道裡面十分之不清潔！有幾張餐桌杯盤狼藉已久都沒人清理，地板sticky，拿來的餐具彷彿都是未洗的！用水浸完都係要用紙巾'卒'，個碗仔直情是有d殘餘的醬狀物！真是慘不忍睹！個飯呢，有4份1都是又硬又痴住一餅野，不能吃！Lunch時間，侍應都十分忙碌，居然有一侍應在吃飯？！好端端一間餐廳，何解要搞得如此沒誠意？

食佢既下午茶餐, 點了西多同什麼"冰火三文治" 同兩杯熱央, 兩樣嘢食同老婆等咗成世都未來!好啦,先來兩杯熱央,用"黑白牛"杯上,無抔碟, 杯中插住一枝膠既外賣攪攪棒!連不銹鋼茶羹都買吾起?真又cheap又吾環保!!!!睇吓杯嘢, 竟然見到啲未溶既即溶咖啡, 我心諗"吾係呱, "即溶咖啡!"攪吓兩杯嘢, 發覺吾夠奶, 叫個姐姐去水吧拎, 拎到黎都吾知有無兩茶羹, 火都黎, 叫佢再拎都係得丁咁多!!黑白牛淡奶原來咁矝貴!!!!!!西多入面用粗粒花生醬, 九至撘八!!"冰火三文治"只係双層三文治, 一層係吞拿魚,一層係碎蛋, 同冰火扯吾上半點關係, 你話一層係凍吞拿魚, 一層係剛煎起既蛋, 都話有又凍又熱既感覺, 有冰火feel丫!!!垃圾中既垃圾!!!!!吾通冰火意思係一個冰冷無火既食客都食到扯火, 叫冰火?

以後都唔去又一間 上次o係又一間買外買印尼炒飯，番到屋企打開先發覺無晒雞翼同雞蛋，爭係得炒飯底，我諗住落去拎番，但係屋企老人家話算啦，下次幫襯再話番俾佢地聽啦！街坊生意，成日都幫襯。過左幾日，我同屋企人落去堂食，我同個經理有以下對話：我：經理，上次我外買印尼炒飯，無晒雞翼同雞蛋，爭係得炒飯底o丫。經理：o甘你要即刻落番o黎同我地講喎。我：我諗住下次幫襯再話番俾你知。經理：你即刻落番o黎，我可以問廚房係唔係漏左，如果佢地話係，我可以俾番你。我阿媽：如果廚房話無漏呢？(心諗：如果佢地知漏左，就唔會漏啦！)經理：o甘我都無辦法，食物係屬於佢地o既，我唔可以叫佢地無啦啦俾兩隻雞翼我架。我阿爸：街坊生意，唔通我地突登o黎”握”你咩。經理：o甘就好難講，真係咩野人都有架！。真係聽到眼火爆 ，一句唔好意思都無，重暗示我地”握”佢！我發誓以後都唔會幫襯又一間！！！

今晚係屋企樓下買外賣，叫咗照燒牛扒飯，等咗十五分鐘，拎到返屋企一打開睇，點解同平時唔同嘅，Ｄ扒細塊之如仲乾＂爭爭＂，一食就知唔對路，係豬扒黎嘅，我真係掯唔落，一怒之下，成碗包返，攞去換！入到去，同個男侍應投訴，佢揭開睇，都唔肯定，有一四眼女侍應拎去問廚房，個廚望咗下話係牛扒，四眼女侍應又拎返出黎，我叫佢試一下，佢唔理我，咁我就自己拎去叫個廚試，試完都話係豬黎嘅，我叫佢同樓面個女人講，跟住我話＂次次叫親外賣，次次都錯＂個四眼女人好冇禮貌咁答＂次次都錯咁你就唔好黎買啦＂，我話＂你估我好想黎買呀！＂＂個廚跟住走出黎話幫我煮過，又反口話係醃料問題，我都唔理咁多，要佢煮過，個四眼女人竟然叫個廚唔好理我，由得我去投訴喎！如果可以，我真係想去食環署／消委會度投訴！咁個廚又冇理佢，煮過比我，我怒氣沖沖咁拎住出門口。我係度呼籲珀麗灣嘅居民，唔好再幫襯呢間服務咁差勁嘅又一間（係一出碼頭嗰間），佢哋如果唔係靠班居民，一早已經執咗笠啦！

好難食....間野所有食物都唔熱湯...飲到最後有粒飯.個時飯都無到我懷疑的碗唔乾淨碗豬排飯仲得人驚又係冷的...的豬排好硬......仲有杯阿華田....好似水咁我可以淨咁多.都係一個証明

話說癲TOUR II 諗住去挪亞方舟度影相，做野之前當然隨便搵間舖食左就算。叫左個蟹肉蛋白炆伊麵。因為用過薑蔥，伊麵係一定有味既，之但係蟹肉少到唔知去左邊。至於服務問題嘛，快餐點會同你講呢D野Je*不過杯檸茶係正常既@@"講真，只係為填肚既，幾可會翻兜Gar?

呢排工作關係去開馬灣,食過兩三次都幾穩定所以講講.湯有白湯同中湯,但次次都飲白湯所以唔知中湯得唔得,白湯就好多料D菇好多.之前食過特色牛腩,雞排冇相唔講.今次食鮮茄雞球飯,黎過陣以為睇錯餐牌鮮茄咖喱雞球飯??D汁好似咖喱汁食落又冇野喎,D蕃茄同雞球都好多好食,朋友食黑椒牛排飯同佢換左兩舊食,幾霖又唔會乜牛味都冇幾好.杯奶茶滑得黎有茶味,好過之前飲凍檬茶唔洗叫少甜都唔甜.整體黎講30蚊有湯有野飲(凍飲加兩蚊),D料又唔少味道又唔叉,不過問鋪本身就細左,又分一半賣包,D位唔超過20個.D包新鮮焗幾香但未食過唔知.

這間餐廳中文名是” 又一間餐廳”, 英文應是”Mo-itkan Cafe”, 不是MA WAN RESTAURANT & BAR”， 平安夜當日同家人去馬灣郊遊，大好的心情卻被這間垃圾餐廳破壞：罪狀一 ：食物超難食，明知四五十元一個午餐都唔會expect有超水準既表演，但這間餐廳食物水準比一般市區快餐店及茶餐廳差很遠。菜遠抄牛河，d牛肉好似無醃過咁一d味都無，個獻又是淡而無味，d河粉抄到一舊舊，見到已經唔開胃。 個豬扒雞翼飯，塊豬扒硬過石頭，雞翼仲黑個奧巴馬，最差係個汁，甜甜地既豉油汁但係同塊豬扒同雞翼醃料d味完全唔夾，d飯係一舊舊既泠飯/飯焦物體, 我食左兩啖已經投行放棄。罪狀二：上菜超耐，你如果唔係order午餐，咁你起馬要等半個鐘。我個女order左個野菜湯烏冬，等左45分鐘先到，無論你點追， 個waiter都係話做緊就到，一於闊佬賴理。D咁簡單既食物，真係有心煮5分鐘就煮好，好明顯d間野係煮定晒d午餐就算，其他非午餐食物就盡量唔想做，咁你不如一早講明，唔好晒人地d時間。罪狀三 :服務差，態度惡劣。我地一行三人連一個大背囊，迫你坐個四人枱但又夾硬叫另一個單人坐落黎，無位放個背囊

上星期日朝早筆者過去珀麗灣meet 女友, 女友家姐, 姐夫同Auntie,在到達前15min我吩咐女朋友先落樓搵地方食早餐, 佢地一行4人就十萬分好彩地撞左入去呢間野.. 女友, 女友家姐, 姐夫同Auntie先到達 "又一間" 餐聽, 侍應A同佢地安排左中間一張4人檯, 仲答應稍後會加一張凳俾遲o黎o既筆者佢地點左3個早餐, 好快黎左兩個.過左10分鐘, 筆者來到餐廳, 要求侍應幫我加一張凳(當時食客唔多, 走廊亦足夠放多兩張凳, 唔會阻人). 但侍應B走埋黎同我地講: "我地冇得加凳,你(指我)去坐另一張檯(佢指我去隔兩張台以外o既檯). 我地就同佢講: "之前你地有伙計話可以加凳, 而家要我坐幾張檯以外有冇搞錯?!"之後Auntie睇到對面檯卡位冇人, 要求換檯, 但侍應B竟然咁回應我地:"乜你睇唔到呢張檯俾人留左咩? 唔俾得你地喎" . 擾攘一會後筆者終於可以加凳搭檯, 當時已經成肚氣... 跟住我地再落了兩個order, 希望食完速閃.我地等了15分鐘, 見食物未黎(加埋之前既一個餐都未黎).. 我地見兩檯比我地還要遲來既客人點o既餐都到左, 我地覺得有問題, 立即吩咐

星期六見天氣好於是同女朋友入柏麗灣行下~入去時見到好多一家大細, 又有狗仔...原本心情勁好!到達後一出碼頭見到好多餐廳,比"又一間"既Menu吸引左,入到門口見到有兩個侍應...佢地望一望我就冇理.咁岩有位於是我地以為係自己坐低既...點知比人鬧!要我地拎飛...我咪寸佢囉"咁你又唔應人~~"個侍應話返我"咪寫緊比你囉!" 嘩* 真係一肚氣,咩野態度呀? 之後叫飛竟然唔係我地先,係後面pair 情侶.我問佢...佢竟然話我張飛係5 位??????之後終於有位坐喇! 不過坐左好耐水都冇杯...Menu又冇,要出聲先識比客.我同女朋友一人叫左一個餐...蒜蓉豬扒雞亦飯+熱奶茶...個飯唔係熱既,奶茶仲衰!有煙出不過都係唔熱既?仲完全冇味....淡到好似飲緊奶水咁~勁想投訴+ 拍檯走人!我一邊食一邊留意其他客人....個個都係比佢地既服務態度激到黑面.食咁耐都從來未聽過佢地講過一句服務員應有既說話.請問...唔好意思...多謝晒等等....到我比$時如是~ 佢地差在未要我同佢地講返多謝咋囉!簡直黑店! 呢間咁既垃圾,請我都唔會再去食!!!!!我女朋友未見過我食一餐咁生氣既飯~~~~~~當日

今天下午去吃下午茶，三個人點了兩個下午茶餐和一杯飲品，餐具只給了兩套，伙計不夠醒目．奶茶咖啡不夠熱，奶茶咖啡後來是翻熱了，但食物催了不下兩次等了半個小時也未到，伙計說是正在弄，但根本沒有催促廚房，遲來的人反而有相同的食物，入單混亂可見一班，所以一怒之下茶餐只吃了一個便走．．．．．．另外，有客人問西多士內有沒有花生醬，有個伙計說沒有，但我們吃的明明有，所以便告知那位客人，花生（果仁）敏感會死人的啊．．．這樣做生意的麼？比以前差多了．．．結論：以後到不會去，請我都唔去！