叉燒丼家

营业中

休息中

今日又去叉燒丼家食lunch, 由於已是2:30, 食客不算多，不用等位。店內坐位寬敞，但服務一般，我叫了原條鰻魚滑蛋飯連飲品都只係$58,好抵食。原條鰻魚味濃香滑，沙律伴菜爽脆，配搭酸醬汁，非常開胃。

今日哥哥學校放假，爸爸又放假…即興去咗行山~~落腳點係石蔭(籬？)哥哥一直記住想食呢間，所以過嚟食食物葱花滑蛋脆多士呢個堅正❤️真係脆！同埋有冰牛油嘅加持🫡加上超香葱花同滑蛋~~真心好食😋。推介推介！星洲咖哩牛腩飯啲飯略嫌硬咗啲…啲汁超好食，但杰咗啲(我哋加咗少少水，就冇咁辣同漿口)同以前一樣都係超多牛腩，仲有筋卡邦尼意粉配炸魚首先，個炸魚堅大塊！有調味，啲魚食落都唔係cheap魚！同埋炸就一定脆👍🏻但令我好費解嘅係個卡邦尼意粉同我食開有啲岀入，唔知點解好油…冇卡邦尼嘅醬啲意粉好碎..環境貪佢有卡位，坐得舒服！不過今日到1點lunch都坐唔爆，上幾次黎坐到爆，要等位服務啲姐姐好nice,見到我有小朋友，會擔心佢哋坐冷氣位凍，因為好多職安真漢子黎食，所以有時冷氣會凍啲。其實收現金、支付寶、八達通

中秋翌日叫外賣見到哩間叉燒丼飯幾特別、價錢仲唔平、唸住質素有咁上下試下食、叫左鰻魚叉燒丼飯 $98 連檸檬茶+$4。黎到賣相普通外賣盒有鰻魚，叉燒飯，有啲沙律菜，都可以啦幾特別，先食鰻魚味道都可以，跟住再食舊叉燒⋯哇⋯有陣形容唔到既怪味⋯豬騷味咁⋯似隔夜唔新鮮得一舊無咁大陣怪味、啲飯又硬，完全衰過求其一間燒味店賣既叉燒⋯食完之後無耐果晚仲開始肚痛⋯。真係跌錢仲要食到人肚痛、如果堂食真係可以搵食衛署⋯。賣得貴唔緊要、起碼比番合理水準食物比啲客。哩間真係無下次⋯要去試既人都要唸清楚。

今日同老公係雍雅軒做完野都12點喇…咁就過去對面搵飯食呢間係第2次嚟食，因為第一次食係去對面睇完戲🤣早場好平！食物星州咖哩牛腩飯好香咖哩味，真係星州炒米個陣咖哩味🤣🤣🤣係有分別㗎！仲有舊舊牛腩都勁大舊，用匙羹對比俾大家睇😂我老公就話韌，我就覺得係冧🤔同埋啲薯仔係炸過，有誠意呀❤️脆邊蛋葱油雞扒豬扒飯個葱油勁香！係新鮮嘅葱油啲扒有醃過去煎，雞扒就嫩啲，我覺得雞扒唔錯，我老公就鐘意個豬扒，但我略嫌佢硬得滯🤔勁大塊扒，厚過iphone12🤣環境呢度多卡位不過裝修就比較暗，我就鐘意坐近窗會光猛啲。同埋原來佢哋都係可以係電話自助下單！

剛剛放工經過葵芳呢邊，心思思見到呢間餐廳，門口睇到個餐牌好似好抵食wo, 豬扒拼雞扒飯都只係四十幾五十蚊。 見到咁抵都入左去，環境俾我感覺都好有空間感，差唔多都放到五十人咁，環境算係舒服既 空間感大。事不而遲快快手落單，選擇左雞扒拼豬扒飯，黎到都有少少驚喜，好大塊🤩🤩， 加埋隻太陽蛋，令碟飯增色唔少。我都滿意呢餐Lunch, 隻蛋生熟程度剛剛好，而雞扒煎到有少少脆而又唔會太乾身，豬扒唔會煎得太老，係Juicy又滑 唔會太乾身。感覺滿意

#葵涌#叉燒今日經過葵涌和宜合道見到一間叉燒丼家 身為叉燒愛好者嘅我毫不猶豫即刻衝左入去食叉燒感覺都係半肥瘦好食啲但今次有少少失望因為我叫咗一碗叉燒泡菜飯叉燒偏瘦 🥲睇真啲餐牌有個叫肥叉燒飯 我估計如果想食比例適中啱啱好嘅靚叉燒飯應該要叫呢個價錢仲要只係相差幾蚊 我下次會再試因為仲有好多配搭都好吸引而鰻魚滑蛋飯係100分但如果呢間餐廳以叉燒為主打既話我就會對叉燒高要求啲所以整體來講我呢個飯就失色🥲但價錢係抵食👍🏻

叉燒丼家📍葵涌打砰磚街夜媽媽出開葵涌搵食搭車見到呢間叉燒丼家就試試佢啦夜晚9點幾先入黎，但職員態度都好好完全冇嫌我地咁夜先黎食野🔸肥叉燒丼飯 $58叫得叉燒丼家，緊係試下佢招牌叉燒叉燒飯有分肥叉同普通叉燒今次叫左肥叉飯跟左兩隻煎得好靚既太陽蛋🤗兩隻個黃都好大所以蛋汁絕對夠撈飯個飯底已經有豉油所以就唔需要額外加啦然後想講個肥叉真係好好食😽好香，停唔到口唔係一般燒味鋪既叉燒，但一咬就開，食落又唔會痴牙然後夾埋d蔥一齊食又唔會膩～朋友叫左普通叉燒，個人覺得肥叉更好食！晚飯黎講呢個價位算平民同埋職員態度真係好好，我哋知道10點關門所以好趕咁食晒個飯，姐姐都叫我哋唔使急最後搭九左右食晒就走☺️會再encore！

叫左饅魚滑蛋飯 $50份量好大啊 要叫少飯 可以減$1🤣🤣跟餐凍飲🥤加$3 個日落雨 天氣凍 飲熱野都好夠～🥸重點係唔好浪費！！.滑蛋都好滑 配埋鰻魚汁應該好好送飯鰻魚🐟都好大條 但係冇咩鰻魚汁🥲食鰻魚飯點可以冇汁架！敗筆🙃🙃.而且飯好多 又冇咩汁 搞到我好似食得好少🤣下次都係要少飯多汁先得😇.餐廳裝修好大 全部都係卡座坐得都好舒服 但服務員比較少午餐時間去 會叫唔到人🤣🤣但都見服務員冇停手咁 係咁做既🙂

完咗聚會，又喺兩公婆搵地方食晏嘅時間，老婆話周周都喺「太子」（茶記），想今周轉吓口味，所以，改咗試吓附近嘅「叉燒丼家」，其實，都喺一家主打叉燒嘅茶記而已，不過，就唔喺淨得叉燒嘅，仲有其他選擇。 走到鋪內，地方都幾大，主要以卡位為主，一室以灰色為主調，格局比茶記就高檔少少，有啲似西餐廳，但卡位就顯得有啲窄。 不過，晌茶記常見放餐具嘅枱邊抽櫃，晌度一樣喺咁，排列得都算幾整齊，「自給自足」，唔使等侍應招呼喺方便啲。 此外，幾款調味料放晒晌枱，自由取用。食物選擇方面，一組喺午餐精選，當然唔會淨得叉燒，仲有唔同款式，連意粉都有，更有素食嘅選擇，啱晒老婆，定價為$45-$98，包一杯基本熱飲，但可加錢轉特飲。 另一組就喺全日餐牌，即喺散點餐牌，有碟頭、小食、多士……等等，同樣有好多選擇，但當中都有一款茶記常見嘅常餐供選擇。而睇勻個餐牌，較特別嘅喺脆洋蔥圈叉燒芝士漢堡配薯條，顧名思義你都估到喺以叉燒代替牛肉做漢堡。 野菜丼飯 $45 明知老婆唔喺大食，所以，改要少飯，可減$1，不過，嚟到之後，都仲喺覺得碗飯幾大碗吓，真喺唔知佢有無少飯。賣相就肯定喺平平無奇喇，主要喺炒椰菜，搭啲茄子及甘筍，後兩者就無

環境方面*裝修環境都唔錯，菜單牌都幾靚仔。如果大家都係睇樣嘅話，恭喜大家，呢間野幾伏下。唔好睇外表等待時間方面*呢間野等待時間非一般慢，一個簡簡單單嘅餐，佢地都可以拖你半個鐘。如果野食真係好食，等耐啲都冇乜所謂。但係又唔係喎~~！食物質素*首先，叉燒外表幾靚仔，但食落去個下明顯有豬騷味，跟住飯就有啲生，如果攞野去比較，呢間野嘅飯比農村啲飯好小小，唐記20幾蚊嘅飯都好過呢間野。出邊22-25蚊單拼飯嘅飯都好過呢間野。個人覺得呢間野想唔做，所以做啲野趕客嘅事啩價錢方面*都係個句，50幾蚊嘅一個飯，包杯細細杯熱飲，仲要甘嘅質素嘅。建議大家可以嘗試購買一個22-25嘅單雙拼飯食，呢間野唔值得用50幾蚊去第二次購買。想知道幾伏嘅可以嘗試第一次。大家鐘意like我噢

呢間餐廳好多奇特組合,我就叫咗個鰻魚叉燒丼飯,一次過滿足兩個願望。叉燒指定要肥叉,亦都無失望,無監硬比瘦叉我,你睇相D叉燒靚到無野講,鰻魚雖然唔係腩位,但足足有半條,大滿足你要知,去日式快餐店食個鰻魚飯,閒閒地過佰呢碗丼仲要有叉燒同杯紅豆冰所以真係唔算貴了檯面上面有支鰻魚汁比你任加支鰻魚汁好強勁我一時重手落多咗搞到食完碗飯滿腦子都係鰻魚我仲問佢地攞咗碗咖哩汁試味個咖哩汁好足汁好濃肉味入面有薯仔蔬菜而且仲有一種水果甜味如果添加一D微妙的苦味就完全係日式咖哩了整體佢地D咖哩都食得過下次嚟就試咖哩

約左朋友傾野，但又趕時間，入左去快食個叉燒飯二人限聚令下，客人唔太多叫左個叉燒煎蛋飯，叉燒唔會好乾好硬👍🏻煎蛋，糖心，脆邊👍🏻個飯仲有葱油👍🏻真係不得了價錢方面,$55包熱飲，雖然貴過平時嘅叉燒飯，但真係幾正

今日早左出門，諗住坐低嘆埋個早晨先開始做野 呢間餐廳都係做街坊生意~~Order份簡單嘅三文治餐，但都等左幾耐先有人理我...好似唔夠人手咁...10點就要返上樓..但搭八先開到單..準備要chur食...Finally!!!! 我最愛餐蛋治滑蛋都夠多~~nomnomnom我唔等啦..正常發揮，都夠熱，有彌補返少少等左好耐嘅灰心..哇，杯好立克...水咁嘅樣..有點失望..撈完都唔係好好多...好似飲左半啖就放棄了..

琴日叫咗外賣速遞，好快咁就嚟咗。我哋已經寫咗要半肥瘦叉燒，但係嚟到嘅叉燒係瘦到一個極點，仲要係勁黑色嘅，好啦瘦都唔緊要，咬落去成舊石頭咁，都唔知係咪拎咗啲隔夜叉燒來做呢個叉燒滑蛋丼。強烈不建議食呢間野，有相為證🤬

上次去過食叉燒漢堡覺得好好食，所以今次再回來試吓其他野食今次叫咗個”雙重芝士豬扒焗飯”，因為即叫即整所以等咗25分鐘，有少少耐終於有得食啦！🧀🧀🧀 超級多芝士係上面但塊豬扒就好似冇煎過甘，口味正常，但味道真係認真麻麻。一食落口好大陣腌肉生抽既味😵😵 因為太多芝士既關係，最後食左大半已經好濟。 整體來講61蚊都ok既，但有待改善！不過推介食漢堡，好食😋！