友利冰室 x 勿當奴 (D2 Place TWO) (已結業)

🔎友利冰室 x 勿當奴 (D2 Place TWO) (荔枝角)💛緣份到了終於可以食到友利 🔹招牌乳豬卡邦尼意粉 $88 凍奶茶+$8呢個配搭係幾有趣 但又唔會唔夾喎 乳豬香脆唔肥 卡邦尼好濃好夠味又掛哂汁 不過份量就少咗啲 🔹招牌即燒爆谷燒鵝 $68 凍奶茶+$8燒味都係必食之選 所以揀咗個燒鵝 甜甜地爆谷味 都幾好食凍飲用不銹剛杯keep到溫度 同埋用碎冰令杯飲品更快凍📍荔枝角D2 Place TWO 1樓109號舖🍴搵返相關地區👉🏻 #90sfoodieshare_荔枝角 #食在荔枝角

友利冰室X勿當奴係一間特別吸引我嘅餐廳，佢嘅菜單同環境都好特別，係一個獨特嘅用餐體驗。佢哋嘅豉油雞飯係我嚟呢度試嘅第一道菜。呢款菜傳統而美味，雞肉嫩滑多汁，配埋豉油嘅香氣，每一口都好滿足。飯粒蓬鬆可口，同雞肉嘅味道相得益彰。之後，我試咗佢哋嘅沙嗲和牛出前一丁。呢道菜結合咗香辣嘅沙嗲醬同嫩滑嘅和牛，創造嚟一個驚艷嘅味覺享受。和牛嘅質地好出色，入口即化，而沙嗲醬嘅辣味令呢道菜更加誘人。喺飲品方面，我推薦佢哋嘅富士山蘋果伯爵茶。呢款茶用新鮮嘅蘋果同高質素嘅伯爵茶煮成，口感清新宜人。蘋果嘅甜味同茶葉嘅香氣完美結合，帶嚟一種令人愉悅嘅感覺。喺甜品方面，我試咗佢哋嘅日本牛乳布丁。呢款布丁口感濃郁滑順，奶香四溢。佢嘅質地好綿密，每一口都令人陶醉。作為餐後甜品，佢完美咁總結咗整個用餐體驗。友利冰室X勿當奴嘅食材大部分都係由外國進口，呢樣令佢哋嘅菜單更加豐富多樣，充滿咗國際風味。不過，佢哋唔係忽略本土特色。環境入面融入咗本土元素，帶嚟一種溫馨同親切嘅感覺。而且，佢哋桌上嘅紙巾係購至喵坊，呢個細節令人感受到佢哋對品質同細節嘅關注。總括而言，友利冰室X勿當奴係一間值得一試嘅餐廳。佢哋嘅菜單獨特而美味，環境充

黎開荔枝角，搵到一間環境好大，野食選擇好豐富的冰室，有羊腩雞煲，雲吞雞煲食，亦有海南雞飯，西式鋸扒都有-餐廳不設加1服務費今次同朋友揀左花膠雲吞雞煲 $298 雲吞，雞件份量都幾多，雲吞皮滑溜，叫一個鍋會有❇️新鮮蔬菜拼盤：如粟米，翠玉瓜，生菜，娃娃菜❇️雜錦肉類： 午餐肉，芝士腸，魚蛋，蟹柳，魚皮❇️日本豆腐打邊爐梗係想食下牛額外叫多個美國🇺🇸SRF 和牛胸腹肉 $168 ,呢款食材係外國入口係抵食&高質既，牛肉味濃郁，薄切，肉色澤靚，質地細嫩，油花分佈均勻飲品係任飲的，選擇多有一樽樽自家製飲品，富士山蘋果伯爵茶，羅漢果茶，洛神花茶….玻璃樽飲品有可樂，忌廉等牛奶咖啡都有最後，每位有一客movenpick 雪糕，味道有：strawberry ,chocolate , coconut，cookies,vanilla，唔想食雪糕，亦有日本森永布丁🍮

朋友話佢地舖位大咗好多打邊爐套餐有3個鍋揀 我地最後嗌咗古法雙冬羊腩煲～話說雙冬即係會有冬筍同冬菇 係地道羊腩煲會有嘅嘢👀然後佢用明火爐上枱🔥個湯底勁濃稠 羊肉都連骨一齊煲 羊肉大部分都腍 建議煮到咁上下撈起晒先👌🏻🥦套餐會包雜菜拼盤同雜錦火鍋配料雜菜拼盤份量都多 另外有牛丸貢丸龍蝦丸豆腐午餐肉金針菇之類啲丸幾好食!😙2個女仔淨係食佢呢個套餐包嘅料都夠包🤰🏻🥤飲品任飲 大部分都係有氣飲品 同埋2款支裝茶 如果會有多少少無氣飲品揀就更好🙈🍨甜品有movenpick雪糕揀 值得讚一讚佢有5-6個味揀😋好少見嘅焦糖咖啡味都有我就揀咗士多啤梨🍓😚😚佢地嘅食材大部分都係海外入口嫁如果再食會想試佢啲雞鍋～

友利作為我嘅柯time飛佛，出咗火鍋套餐梗係要捧場下！D2舖依家擴充咗, 大咗好多, 有in house士多, 打邊爐同食set area分開咗. 一貫作風, 非常抵食! 《$298 二人火鍋套餐》三個鍋揀。藥膳花膠成日都食，今次食下花膠雲吞雞～ 湯頭極濃，麻油味重，未落嘢先飲一碗已經非常夠味，應該仲有落金華火腿去淆，超幸福嘅感覺 。雲吞同雞都唔少，粒粒雲吞入面有原粒蝦仔，津白菜索曬啲味。 另有蔬菜雜錦拼盤，一般打邊爐料都有，食材都喺外國進口，絕對唔係cheap雞嘢。除咗有佢哋自家製蘋果或檸檬伯爵茶、洛神花茶等等之外，仲有支裝汽水同茶，森永布甸任食 🤪🤩 每人包一杯movenpick雪糕，竟然有薄荷朱古力、椰子同埋意大利牛奶朱古力脆片味！糾結咗一陣決定放棄薄荷朱古力試新味，好好食！推薦！🥇 美中不足嘅係，原來肉肉同烏冬要額外買。不過都唔緊要啦，我哋食曬枱上嘅嘢其實都啱啱好💖 另外佢地有急凍包係網上有得賣， 一於實行又食又拎🤟

想試友利冰室好耐，一直未有機會食，最近終於的起心肝試下😆餐廳環境好大，座位與座位之間好夠闊，而且光線充足。餐廳更劃分左商店區域，有急凍食物選購，亦可瀏覽網站，更方便選購食品。食物款式都幾多，有焗飯、冷烏冬定食、港式飯餐、漢堡包、意粉、日式丼飯等等，價錢親民。軟殼蟹牛油果醬堡($68)跟餐配薯條🍟及汽水🥤加左$8轉配羅漢果茶，甜甜地幾滋潤😋麵包幾鬆軟，軟殼蟹外皮炸得夠脆👅👅👅味道鹹香，配上牛油果醬🥑蕃茄🍅同生菜絲，味道同口感更加豐富。炸薯條金黃香脆，幾香薯仔味🤤乳豬卡邦尼意粉($88)一共有三塊乳豬，乳豬皮脆肉嫩，食落有油香👅意粉幾有咬口，估唔到卡邦尼配乳豬醬又幾夾，酸酸甜甜既乳豬醬中和左卡邦尼既膩感👍🏻亦有一d洋蔥絲同埋蘑菇片，更加有咬口😋

響荔枝角上完workshop，行去D2揾下午茶食就嚟呢間想食好耐嘅勿當奴😻芝士大啡菇手打牛肉漢堡🍔 大啡菇好juicy，加埋半溶芝士好正🤭 有火箭菜同蕃茄好fresh，減少芝士膩嘅感覺🍅 手打牛肉咬落唔柴仲有肉汁👍🏻 最正係脆卜卜嘅粗薯條🍟🤤 跟埋汽水都係$68就食到高質burger🍔👍🏻玩味十足嘅打卡牆😆 餐廳環境闊落，坐得舒服👍🏻乳豬卡邦尼都經常聽朋友講好好食，下次要同朋友嚟試吓先😆

🤭D2 Place友利冰室唔係第一次去，之前食過港式fusion西式菜感覺都唔錯。最近聽講重新裝修就嚟睇下，原來入面多咗個打邊爐區🍲🍲最近天氣開始轉涼又可以打邊爐喇。新裝修之後個場好大，地方好光猛新淨，坐位寬敞舒適。自助區有🧄炸蒜、生蒜、蔥、芫荽自己調較醬料，亦雪櫃存放飲品任飲(有玻璃支裝汽水)同甜品🍧🍨我哋叫咗個🍲藥膳花膠雞煲，套餐有埋蔬菜拼盤、日本豆腐、台灣肉丸同午餐肉。另外再加多個🥓美國SRF極黑金標和牛嘅肥牛片，都幾多唔同國家同本地既食材👍🏻一打開煲藥膳香味十足煲，入面有半隻雞嘅雞件🐥同花膠。原本以為藥膳湯會令雞件變苦，但估唔到不但唔苦仲幾好味，花膠質地軟滑，充滿膠質，為湯添加了濃厚的口感🤩🤩雜菜有🥬娃娃菜、生菜、金菇、蘿蔔、粟米、🥒翠玉瓜，放晒落去慢慢煲索晒味。日本豆腐煲極都咁滑，兩粒台灣黑棣牛丸味道十分濃👍🏻而午餐肉係厚切長城牌，都唔係一般普通貨。美國和牛嘅肥牛片淥兩淥就食得，入口嫩滑充滿油香，一大碟好快食晒🤣🤣飲品方面，雪櫃飲品任飲，出面大雪櫃有好多自家茶。分別係羅漢果茶，洛神花茶，🍎蘋果伯爵茶同🍋檸檬伯爵茶🍵羅漢果茶同洛神花茶正常味道可以幫助消滯，而我特別鐘意蘋果伯爵茶

呢間餐廳有好多唔同既fusion 菜，有中西，日韓，burger，燒味，意粉都應有盡有。好多野都想試。點完餐先入座，拎住號碼牌，店員就會送餐。點左握介既招牌即燒爆谷燒鵝，有鵝味，皮脆，加埋爆谷醬既香甜，好特別。軟殼蟹鮮茄羅勒意粉，軟殼蟹超大舖面而且幾有肉，鮮茄醬好濃郁但偏酸，但夾埋蟹食就中和返個味道。叫左碟菜share，非常翠綠爽口粗壯，岩晒打工仔下午都有菜食。飲品我地就選玻璃樽裝的汽水，特別可口，但亦見到不同既自家製飲品，好有心思。餐廳好大又舒服，牆上既壁畫亦好吸引岩晒fusion 主題。

[✨荔枝角友利冰室x勿當奴•足料花膠雞煲🍲]#友利冰室x勿當奴 #荔枝角d2place 🔸火鍋套餐二人前 - $298🍲花膠雲吞雞煲 + 蔬菜拼盤🥬雞肉🐥好入味!! 肉質嫩滑，刀功利落，沒有碎骨😋而且好足料，感覺足足有半隻雞😯蔬菜拼盤豐富，湯底味道鮮甜。鮮蝦雲吞蝦肉爽脆，雲吞皮薄且滑，而且分量都頗多。花膠質感順滑，亦唔會有咩腥味或者因為煮得太耐而融化。仲配有一盒日本豆腐，豆味香濃，健康之選🫶🏻💕凍櫃飲品任飲，由汽水咖啡到茶類飲品應有盡有，仲有Movenpick雪糕、日本布丁、牛乳小甜品😍 ————————♡♡♡♡♡♡———————— ✨總結整體以二人前火鍋，食物種類豐富且足料🤩食物材料大部分由外國入口(詳情可參考餐牌)，質素當然有保證💯環境衛生光猛，坐位寬敞。餐廳仲有劃分左一個小賣部區域，內有好多急凍食品選購，食飽飽又可以行下😊打邊爐餐及各樣套餐款色多，絕對絕對值得推薦👍🏻*餐廳設有自家網站Yaulei.com.hk，足不出戶就可以選購到餐廳既美食，亦有提供到會服務，真係好方便呀🤩🤩 📍友利冰室 x 勿當奴 🏠荔枝角長順街15號D2 Place TWO 1樓109號舖#jmhkfood

呢間聽左好多次，今日終於有機會去朝聖🍟因為佢係新派既茶餐廳，無論係佈置定菜名都好玩味，令我入到去都會會心微笑😊因為好多野都新奇。而呢度除左有主打既各款茶餐廳菜色之外，都有唔少經典茶餐廳菜式，就好似我今日黎到都係一眼睇中左menu上面既呢個豉油無骨雞飯同埋個叉燒飯🐷不過係店員推薦下，最後我就揀翻呢個豉油雞啦🐔另外我都加左個湯同菜，咁樣就combine左為一個好豐富既晚餐啦🥣。🐒豉油無骨雞飯💰$62👉🏻蠔油菜心苖+$28👉🏻老火例湯(涼瓜湯)+$18👉🏻凍港式奶茶+$8果然係自家製小店，因為佢嘅味道幾特別👅唔係普通茶餐廳嘅感覺，而個老火例湯完全食唔出有味精，成件事好真材實料，怪唔知得都吸引左唔少員工去食啦，另外都有唔少獨行俠去食添

長沙灣一帶睇戲出名價錢相宜🍿️距離開場前還有一點時間，便先來友利冰室吃個午餐，裝修後的冰室更加光猛寬敞，付款點餐後直接入座，便有職員送餐 🍔 芝士大啡菇手打牛肉漢堡（$68）手打牛肉漢堡加了碎洋蔥提味、大啡菇厚而多汁、麵包用了千島醬🍟配上香脆粗薯🥤汽水跟餐免費，整體性價高 🐽 乳豬卡邦尼意粉（$88）乳豬皮脆肉嫩🫶🏻還附有一包乳豬醬，嘗試把一點點醬拌到卡邦尼意粉內🍝帶點甜甜的味道更有層次😆 🥤 富士蘋果伯爵茶（+$8）自家製果茶💓自然香甜又微酸的蘋果味與伯爵茶自然混合🫶🏻清爽解渴 *臨走前也可以到旁邊的雜貨店逛一圈，憑冰室單據買滿$50即可當$3現金卷使用

D1 Place 有間友利冰室 x 勿當奴 , 幾得意, 咩菜式都有得食, lunch時間經常幫襯, 裝修過後地方更加闊落, 先排隊落單之後先入座, 我嗌佐個軟縠蟹牛油果漢堡配薯條, 汽水, 不過我轉佐熱咖啡, 但原來要加多八蚊, 我見其他餐冇配飲品都係另加八蚊, 有啲貴, 轉咖啡係因為我平時唔鍾意飲汽水, 上次飲過佢地既熱咖啡又覺得幾好飲, 今次再飲, 不過上次係自已斟, 今次變佐佢出餐俾你, 都幾好, 唔使自已郁手, 薯條厚身熱辣辣幾好食, 個包就麻麻地, 牛油果唔够多, 食完唔太飽, 見到同事個意粉同叉燒飯都好吸引, 仲加佐個時菜, 健康之選. 係呢度食既好處就係可以一大班人一齊黎食, 大家都可以揀自已想食既菜式, 自由選擇, 唔錯.

🥘冇諗到友利x勿當奴除咗係港西合壁嘅冰室, 最近仲新出咗2人打邊爐套餐☺️ 打完個風後, 天氣開始涼涼地, 呢個moment真係好啱打邊爐呀♨️.佢哋出咗3款火鍋, 分別有$298嘅花膠雲吞雞同藥膳花膠雞煲, $398嘅古法羊腩煲~ 呢個價錢已經包咗雜菜拼盤, 午餐肉, 丸, 豆腐, 飲品任飲同一杯雪糕😋 佢哋食材大部分都係外國入口, 美國肥牛, 西班牙豚肉, 台灣雜丸, 日本豆腐等等~ 我哋揀咗藥膳花膠雞煲, 湯底藥膳夠滋補, 花膠美顏又養身, 雞件嫩滑, 食完真係暖笠笠😌😌😌 仲要野飲唔淨得汽水, 仲有自家飲品: 洛神花茶, 羅漢果, 蘋果伯爵, 檸檬伯爵, 多款選擇🥳 呢個價2個人食到咁多野, 真係超抵.📌 友利冰室 x 勿當奴荔枝角長順街15號D2 Place TWO 1樓109號舖.#hkig #hkfoodie #foodporn #foodphotography #likesforlike #instalike #followforfollowback #hotpot #foodlover #foodpic #foodstagram #foodies #友利冰室

🍽友利冰室 x 勿當奴豉油無骨雞(半隻)入口嫩滑到不得了😍豉油味亦岩岩好～唔太咸亦唔淡👍2-3個一齊食值得叫黎試下👏軟殼蟹牛油果醬堡隻蟹幾好味🤤不過牛油果小編就麻麻地🫣整體好食～記得襯熱食薯條😋乳豬卡邦尼意粉老實真係幾好食😋非常推介～加上兩樣係小編鐘意食😂加哂分！盛惠$2xx💰💰💰💰💰好味指數🫵 5️⃣最佳🍻🍻🍻🍻🍻☻非專業食評·純個人口味☻🗣️仲有咩想講唔係第一次黎～裝修都唔同左～以友利更加唔係第一次食保持水準👍特式多國菜🤤推介！