友勢日本料理 (已結業)

適逢嫲嫲生日及终於约齊一家大细合共16人開年，今日嫲嫲當然係主角，所以我們首先幫佢落order，平日食好少嘢的嫲嫲食咗以下食品，你話勁唔勁？先食咗蟹籽沙律，好醒胃！跟住嚟個日式釀蟹蓋，嫲嫲話很香及好味，外脆內軟，很適合長者及小朋友！跟住就食咗幾片刺身有三文魚、鱆紅魚、油甘魚及魚，樣樣都好新鲜，唔腥！跟住嚟一碗和風蟹皇翅，口感和味道不錯，真係有蟹肉！炸物就有南瓜天婦羅、蕃薯天婦羅及大蝦天婦羅，原先每樣两件，食完後又忍唔住再加二件蕃薯天婦羅，因為好粉好好味！串燒就食咗秋刀魚、燒魷魚咀、燒生蝦及茄子田樂，因為已經有飽意，所以每樣食少少，剩下的當然由我哋攪掂！我食燒雞翼、海螺串、日式龍蝦粥及拉麵時，佢又話要試吓，真係唔講得笑？我哋見到嫲嫲咁食法，真係有啲擔心佢飽過龍！到最後仲食埋杯紅荳雪糕至走！總括來講，以放題角度來看，有水準，好滿足，非常正！ (因嫲嫲在今個月生日16送2)

早幾日經過中染新城,見到呢間野有得食放題,環境好似幾好,食物款式又多咁,就好想試呢間野‧平時食開d佰六七蚊既放題,諗住沉日一家四口做節就食貴少少喇~!點知入到去d位原來勁窄,有d壓迫感‧冇睇落咁好坐‧之後就點野食啦~見網友話佢d魚生好fresh,款又多,所以一心諗住食多幾件都抵返啦~點知出到黎大失所望 三文魚: 雖然全部都係魚腩,但有邊既(本人唔太喜歡食到咁邊,覺得有d腥)鮮帶子: 食落有d假,好彃牙,冇甜味章紅魚: 新鮮,但因為個師傅切得太厚,完全咬唔開,好似食擦子膠咁榮螺片: 幾好,鮮甜其他熱食款式好少,多串燒款,但味道一般!就連最簡單既炸物都做唔好大大舊粉不突止,仲要唔跟單,是但出一大堆野比你食,務求食飽你個肚個薯餅最離譜!!完全唔似薯餅,好似d唔熟既粉漿多d!唯一可以讚既係d waiter服務好同埋不限時是次消費每人$200,其實咁既價錢我出去一壽司散嗌仲好=.=!!!因為友勢真係冇咩好食,我好快就已經放低筷子,食左好少野,,,,就連汽水都冇得任飲,,,,如果係放題,,我會寧願食返佰幾蚊果d,起碼野食好味d,多款d又平d,不過最唔好就係趕囉,得2個鐘~

我和班舊同事共十人每隔半年就聚會一次，今年已是第五年，今次我們選擇喺中染新城的友勢日本料亭聚會，貪佢無時限，可以傾足一晚！ 這裡的座位很闊落，不會擠迫，樓底夠高，好自在，無壓迫感！ 來到才知道有日式肥牛火鍋，每個人都非常肚餓，而且我們十個人，只加廿二元，所以當然食啦！牛肉的質素俾我們預期的好，諗住任食無好嘢，抵食！除了肥牛外，還有新鮮帶子、生蠔及其他配菜供應，非常豐富！ 刺身方面：夠新鮮，八爪魚刺身夠爽、鱆紅魚刺身很鮮甜。卷物方面：脆辣鉄火卷，值得一試。料理方面：清酒煮蜆及和風蟹皇翅，好味道。炸物方面：大蝦天婦羅及日式炸豆腐，爽脆不油膩。燒物方面：鹽燒秋刀魚、串燒生墨魚及汁燒和牛串，好正呀。

上周二 (1/12)同成班同事嚟友勢食放題，食咗$1,800蚊，後來俾錢時至知有回贈，回贈咗$120蚊現金卷，於是我約咗三個自己友，一行四人係今晚(8/12)嚟用咗啲現金券及試吓個頂級和牛祭<因為四人同行有一份免費的頂級和牛祭>，(裡面有和牛刺身４片, 和牛壽司２件,霜燒和牛４片,和牛串燒２串，薄燒和牛卷２件及鐵板一口和牛１客) 起初睇見傳單都唔信咁着數，於是去試吓，果然有驚喜，呢個和牛祭有水準，啲和牛生同熟食都好好味，鍾意食牛肉的人，值得一食！ 裝修簡潔，座位頗寬敞，空間多，不用移來移去。 放題食物方面款式都好多，很多選擇！ 唯獨甜品太少，應改進！扣分！ 待應斟茶、態度及招呼都不錯，可加分。 總結來說：是一頓非常滿足的和牛放題。 每人消費HK$155(扣減現金券$30蚊

前幾日d朋友仔話想去食日式放題, 就決定黎呢間試下~環境唔錯, 坐得好舒服.食物方面, 最先食o既當然係刺身啦, 好新鮮.串燒好多選擇, 我最鍾意食牛舌串同和牛串天婦羅又熱啦啦...正!!加$22蚊就有火鍋食tim呢餐真係好滿意

亞爸嬴咗馬，中咗孖Ｔ，亞媽話要食火鍋慶祝，亞妹及細佬話要食日本餐，於是睇吓雜誌有冇好介紹，俾我睇到有間日本餐館有火鍋食，仲話加$22蚊可任食肥牛，於是我們就去咗荃灣中染的友勢日本料亭食火鍋及放題。 我哋一坐低，個經理哥哥話加$22蚊有日式火鍋，我和亞妹都冇理佢，就第一時間去攞火鍋料，首先攞咗八隻帶子(因亞媽鐘意食)、八隻生蠔(因亞爸鐘意食)、金菇、芝士腸及粟米(因亞妹及細佬鐘意食)，我就唔駛講，先嚟二碟肥牛！ 在煮火鍋時，我們馬上開始剔嘢食，先點數款刺身，我和亞妹推介三文魚及魷魚刺身，非常新鮮！跟著又點了六款炸物，我們推介大蝦天婦羅、吉列炸蠔及脆皮海鮮卷，好食！至於爐端燒，亞爸話記住要試汁燒牛舌串、汁燒黑豚肉串和汁燒和牛串，必吃！！ 服務方面，OK good！上菜速度，Accept！ 我提議：I)火鍋不用加錢就 wonderful！II)免費泊車四小時就更perfect，因為三個鐘唔夠，亞爸要俾一個鐘泊車費，So bad！ 總數$960(收回$60現金卷) 每人消費HK$180 推介 : 汁燒牛舌串、大蝦天婦羅、三文魚及魷魚刺身

女朋友上次生日同朋友食完,,今次話要等我補完習帶我黎食。雖然女朋友請客,,但明明講好話平先好食點知價錢都唔係咁平/抵,,似終我地係學生,,普普通通一餐飯唔洗咁貴。照舊上左黎openrice睇下資料先,,睇下有咩好食。為左幫女朋友慳家,,所以簡左平d既食物,,同埋無叫壽司。首先叫左兩個定食 同埋d主菜都幾大碟,,一般人都夠食=]-燒汁牛肉:就味道重左d,,食親都要飲水-咖哩海鮮:就真係好普通↑推介我食飯好鍾意偷睇人地食咩,,睇起上黎真係幾唔錯。我亦聽到有人讚,,應該值得一試。另外亦都叫左幾條串燒,,同埋一客。-餃子:又是普通之作,,不推介。:食唔出軟骨,,而且燒得不好: 好一般的,,醬汁的確較咸: 相對出色,,燒得幾好,,七味粉落得岩岩,,少少辣亦不太咸環境方面: 配套上尺日本餐廳但格調不太似服務方面: 員工速度頗高,有禮貌我杯茶先後幫我加水十幾次未試過杯水少過一半(會唔會太密呢?)

今日公司有位靚女同事生日，所以我哋一行十人，預早訂咗間房(貪佢可以睇电視同埋自成一角)今次係我哋第三次嚟荃灣"友勢日本料理"的確唔錯，加一後成人每位$185(不限時),唔收開酒費同切餅費,我哋由6:30食到10:30，真係個個都飽到飛起！服務:幾滿意,有禮,不停添茶/收碟, good！！速度:滿意OK啦,魚生/壽司差唔多即叫即到,熟食好快,黎到仲熱辣辣的食物:以放題來說，種類好多,魚生/壽司:樣樣都新鮮,三文魚好肥美,壽司師傅話係每日新鮮劏嘅，沙津:我推介蟹籽沙津及芒果沙津,好醒胃炸物：指定必食天婦羅炸蝦，蝦肉新鮮，有蝦味，正！燒物/鐵板燒:和牛串燒，肉粒多汁，牛舌都好正，而且炒雜菜及雜菌也不錯，清酒煮蜆記住要食呀！條秋刀魚好新鮮，一啲都唔腥，最後再食埋义燒拉麵，飽飽！以咁既價錢一個人黎講,我好滿意了啦~下次到我生日我可能會再去呢

當晚7:30到, 起初冇位...要waiting list度等起初諗住冇得食...下次記住最好訂咗位先點知...話咁快...佢已經有位比我哋....very good!!!之後坐低....開始準備剔纸仔嗌食野....座位幾闊落...唔會迫款式ok多呀....雖然我唔食得甲殼類(因敏感)但係我都覺得好多野食~~魚生正正新鮮~燒物~值得叫多d食...真不錯壽司:款式好多~ok 好食la...其他食物都算中上~(因食左太多...已經唔記得晒)服務生既服務都好，自動幫你倒茶，汁野。上菜速度又夠快！真係幾好！不過整體黎講真係食到好飽好滿足

食個百幾元的放題, 根本就沒有期望過可以吃到超水準, 望的只求物有所值已經很足夠, 但連續兩次的放題都給我很不好的經驗... 以後除了貴價放題或自助餐外, 我想我不會再去試這樣百幾元任食的餐廳仔!而這一餐, 吃得更不開心的, 是被人誤導了!!!首先, 看到宣傳牌寫的是$128一位的, 進去後, 原來$128的是小童價錢, 餐牌上的大人價是$168一位, 但到我們叫侍應點菜時, 侍應卻告訴我們因為是星期五晚, 所以是$178一位. 反正已經坐下來, 所以我們也沒有所謂, 也只不過是多付10元罷了.但不久問題就來了, 食物不是很差, 有些甚至是好吃的, 份量少也一早預了, 我們甚至對這一餐沒什麼要求, 你不要難吃就好, 但是當壽司上到第三輪時, 我們大家都發現飯出了問題, 有種怪味, 禍延那些本身就已經不太新鮮沒什麼鮮味的剌身也一股怪味的, 跟侍應說了她就把整盤拿走, 10多分鐘後回來跟我們說: 我們有4位同事包括壽司師傅都吃了你們的壽司, 大家都覺得沒有問題啊! 朋友跟她理論說她可以怎樣解釋我們一桌人都覺得有問題呢? 她答: 壽司就是這樣的味道啦, 所以不是怪味.我按捺不住一句插

尋日同友人一齊去試個放題因為未食過唔知佢d野掂唔掂, 所以試平d冇刺身果個一開始我地揀一個美國生蠔一個北海道燒蠔, 佢話呢日冇生蠔喎, 唯有兩個都要燒蠔個燒蠔外表睇幾靚, 但係入面隻蠔係好細o既沙律就全部都係青瓜絲, 魚生沙律果d魚生怪味的壽司d飯林的, 痴埋一舊咁, 仲衰過普通食o既飯, d配料如其他食評所講, 冇乜味--難食..天婦羅, 炸物全部都係外面果層厚過入面, 層野成cm都有,入面d肉又有d怪味雜菇冇乜菇味, 得牛油味..其他d咩鹽燒, 一串串都係好咸, 咸到唔知食緊乜關東煮係最正常一個, 唔係好好味又唔係唔好食..食到尾聲先醒起汽水任飲, d侍應完全係廢, 剩係識搶收人地仲食緊o既碟, 冇提過任飲呢樣野甜品最好笑, 雪糕糯米糍, 係大一蚊銀dd, 有埋獨立包裝果隻.

星期一同左個fan去左呢間店到食晏,叫左個魚生飯定食,個size好細,分量唔多,d魚生只有八爪魚,三文魚同立魚,種類勁少,唔合格,加上唔係太新鮮啦,有魚腥味,真係差!!d小二亦同碗飯一樣差,成個場得我地同隔來枱豕枱人,但d小二都唔願煜,態度好有問題,冇下次!!

尋日係我男朋友生日, 因為之前有朋友介紹話呢間唔錯,所以係上星期已經book左,第一樣叫既當然係刺身啦, 都好新鮮喎,跟住我就click晒d串燒 , 最好食既係牛舌串,而日式炸豆腐和吉列玻璃蝦都好好食,係呢到發現左一樣好特別既小食, 就係枝豆啦基本上成晚既食物都非常好味,以呢個價錢食到咁既質素,唔俾個good佢都唔得啦!!!

小弟o係荃灣中染返工既,睇住呢間野開,開頭都無諗過試既,不過食厭左周圍既野,又睇到d食評咪諗住膽搏膽試下囉,就前日同班同事落左去lunch啦,我自己就點左銀雪魚定食,好正,d味道吾同出面,同事點左1個豬扒滑旦定食,佢都話正,個汁吾太濃又吾太甜,另1個女同事就點左個壽c餐,埋單吾太貴,3個人2百蚊落到樓,臨走o個時睇到佢夜晚做放題,夜晚我女朋友黎接我收工,又諗吾到同佢食乜野咪試下囉,任食吾分時段,汽水又任飲又多野食選擇,串燒好好食,牛舌同和牛肉串1定要試,炸野都ok,最值得推介係炒雜菌超正,刺身夠新鮮,正...1d都吾似之前d食評甘寫得甘差,埋單400大元,物超所值,抵到爛,正到爆,我諗我會成日黎捧場,因為d野實在太好食

我同兩個朋友仔去左呢度食, 環境唔錯, 座位唔會太迫, 至於食物方面, 有好多選擇, 刺生size比較細, 但好新鮮燒物都ok, 天婦羅就差小小, 但都可以接受.d清酒煮蜆好好味, 值得推介.總括黎講以埋單計每人200元任飲任食, 我覺得呢度係一個唔錯o既放題選擇.