友樂亭爐端燒居酒屋 (已搬遷) 新店位置

今日同同事慶祝， 於是 訂左位 去友樂亭。 叫左比目魚set, 絕對有驚喜。 有面豉湯， 水果沙律做前菜， 之後主藥 照燒比目魚同飯上菜。 有甜醬汁同沙律醬， 魚好滑嫩，好快就食哂。好味到 唔夠喉。 😂之後意想唔到有綠茶雪糕送。 好滿足👍👍👍

朋友推介所以試試，餐廳位於美孚屋邨入面，離美孚站5-10分鐘左右，都唔太難搵。見dinner set 好似幾吸引，叫左一個黎試試。。鵝肝。 好juicy 好好味，完全唔覺膩～。燒帶子。好香好濃牛油味！好正啊！面頭有燒熔左既芝士，個底仲有菇！好味！。天婦豚肉羅烏冬。無咩特別。另外單點野食：。蝦肉松子沙律。無諗過......竟然係生蝦肉......其實味道都幾鮮甜，不夠分量少，價錢較貴。。明太子雞翼。好味！個皮好脆好香，食完仲想再食，不過有D咸同真係太飽啦。總括食品質素幾好！無諗過屋邨入面有間咁既居酒屋。環境就一般，檯與檯都唔太闊。順帶一提，餐廳侍應都幾多，收碟換野好快，搞到食野既節奏好快！！

星期六和我太太來吃午餐，坐下不久兩杯熱茶送上。其中一杯有粒飯在裏面，另外一杯有泡！綠茶又怎會有泡呢？洗潔精？What the f_ck...? 告訴服務員叫他們把茶換掉。我太太叫了一個普通烏冬，我叫了一個什麼蒜片牛舌set。這個根本就是港式黑椒牛枊，賣相大家有眼可見。從沒見過差不多整條牛舌一開五上。口感非常差,完全感覺到牛舌上的脷枱，感覺很像跟牛在舌吻，味道只可以用難吃來形容。至於我太太那個烏冬跟我家裏的工人煮的沒分別，可能工人煮得更好味。吃了不夠一半我們甜品也沒吃便走了。

食過幾次, 魚生新鮮麵質湯底很不錯, 奈何服務一般, 只同熟客social, 算!今晚7:49想再幫襯, 一拉門入內無人講歡迎光臨或者幾位都算, 所有侍應生都用奇怪眼光望住, 終於行到收銀位先有人問: 有無訂位, 無的話只有bar枱位。回望整間餐廳入位只有五成不超過六成, 真的其餘的全訂滿嗎?哈!最後該名侍應給了一個很有見地的建議, 比枱你但8:30一定要還枱走。 半個鐘請問可以食D乜? 拉麵不如返屋企煮出前一丁啦～真係咁唔憂做咩? 定係覺得我食唔起? 老牌屋苑餐廳係咪真係只做熟客?

左起: 牡丹蝦三文魚刺身，蝦蓉三文魚籽飯，吞拿魚腩沙律全部都好好味 好新鮮我自己就特別鍾意呑拿魚腩沙律啖啖都食到呑拿魚 而且好肥美👍🏼另外，又試食了比目魚 好滑嫩而且皮脆肉嫩🤤可惜唔記得影相

這間餐廳位置較偏僻，不容易找到。聽聞比較多人食，walkin 要等比較耐，所以今次我book左位先去食。我大约7:45去到，個場都幾full 下，d 位就頗迫，不太好坐。一開始會有碟前菜，係三文鱼骨，味道還可以，但d肉就好實。（埋單先知前菜要另外收10蚊碟，10蚊唔係多，但埋單先知要比錢，感覺就不太好。可能menu 有寫，但真係唔覺。）主菜係三文鱼海膽刺身飯，$150一客，本身頗有期待，可惜海膽只是一般貨色，三文魚的質數比爭鲜還要差。雖然依間餐廳貴得黎野食麻麻，不過無得怪，試新餐廳撞板有時都預左。但依間野最過份係比左我張信用卡比其他客人，個客簽完仲要拎走埋我將卡，個簽名完全唔同都得，個侍應真係唔知係咪返工。攪到我又要報警又要報失，野食又貴又唔好食，依間真係無下次。

突然心血來潮，想食居酒屋，立即想到友樂亭～這間開在美孚新村的居酒屋。大大人先豪氣叫了雜錦刺身份量足，全部厚切，也吃得出非常新鮮雞肝串～醬汁多了少許，不過不失燒三文魚頭～香味撲鼻，很驚喜的…個頭非常大，不似一般店只有半邊，燒得香脆，肉也嫩滑，剛剛好，讚蒜片牛舌粒～大大很喜歡牛舌，雖然蒜很惹味，但相比燒牛舌較遜色。計埋今次，這是第四次光顧了，每次都嘗嘗不同的食物，質數也很穩定，所以每次也要訂位，很難得在不是旺區的屋苑有這間有質素的居酒屋，也很感謝我從朋友口中得知這店與大大人共嘗

估你吾到，店舖小小，位於美孚一個遠遠的地方，有點難搵，但做到如此細緻同別出心裁，真係好值得大家去試下，都好多人食架。溫馨提示:早點等位服務一流，好爽手，環境又舒適

昨晚約友人晚歺，第一次嘗歺menu 每樣都差不多過百或百以上，不過食好質素日本嘢是可接受。我哋叫咗四款嘢食包括：1．和風沙拉2．三文魚飯團3．牛肉烏冬（自動幫我吔分開兩碗）4．一個六款sushi set埋單$502會自動每人加＄10有前菜同甜品昨晚前菜係🐔沙拉同jelly.下次會再去

Well, this is a relatively good japanese restaurant I would recommend in Mei Foo. There are plenty of Jp food in MF but not so many with this good quality. I have been there for so many times already, more than 5 I could say.Food Quality: Great! Fresh sashimi! Always smth I would order hereService: Not bad. Waitors/Waitresses are nice with quick response but you can bearly get a seat if you do not make reservation in advance. There are quite a few times for me to get adhoc and went to this rest.

本人一向鍾意日本野食，超掛念日本的美食，所以自己抽起條筋走去食日式野。因為我獨愛鰻魚，所以今次都點左日式鰻魚炒飯。賣相已經幾吸引，大大片鰻魚放左係炒飯上面，炒飯係熱辣辣，真係即炒既。炒飯應該用上鼓油上色，顏色均勻而且香噴噴，加上蔥粒，令色香味更添增，但味道稍嫌略鹹呀。塊鰻魚係一整條再橫切，比其他餐廳既切粒優勝，除左保留鰻魚原貌，味道係更豐富，唔會一粒粒令味道失真，整體係幾唔錯既鰻魚炒飯。

探朋友後來到附近吃的日式餐廳，好在book左枱，如果唔係都無位食。頭盤免費提供竟是這份牛舌粒，辣辣的本來是開胃的，青瓜粒也醒胃，但牛舌做頭盤總是覺得怪怪的。然後我們叫了燒尤魚筒，已經幫我們切成一條條頗細心，燒的時間是掌握得幾好，不會太熟，又唔會硬身銀胃，看得出廚師的技術。而他們的壽司也是合格的，蟹子新鮮，飯粒少許醋，加上wasabi 係即磨的，新鮮wasabi係唔同d

座落在住宅群中的小店鋪，日本美食卻不平凡。刺身，壽司，便當，應有盡有。中午時段的套餐實在抵食。前菜，主菜，湯和甜品全部齊備。尤其是魚生刺身飯，吃落尚算新鮮，吞拿魚肉質肥美，賣相襯托算吸引。在美孚區算中上，放飯時間卻又找不到地方吃日式料理，此間為不錯選擇。

今系系openrice見到d人系咁讚佢，就同女朋友試下，由於我地都唔食生野，就自然叫左幾樣熟食。。。1.鹽燒鯖魚-幾好，無咩骨，唔錯，但味道就好一般。2.鰻魚炒飯-如其名，鰻魚+炒飯，配料蘿蔔同酸瓜(應該系), 再以 鰻魚放上面…味道都很一般，鰻魚較硬。。。3.紫咩葉雞串燒-奇怪的味道，醬汁系夾糖味4.鹽燒雞翼-我唔知系咪我味覺問題，食落去好似放堆鹽落口咁。以上幾項食物小弟都不建議叫喇。。服務態度方面真系幾唔錯架，又會時常幫客人加茶。。結帳300 蚊，以那個味道來說就略微覺得貴左d..

因為七點未够就黎到美孚，所以居酒屋入面仲有好多位~完全唔洗等，一坐低好快就有人奉茶and前菜沙律~菜色好多都好吸引，可惜得兩個人食，試唔到太多。價錢係香港黎講唔算貴，但如果同日本比，同樣嘅價錢已經可以食到好多刺身料理😅不過值得一讚嘅係食材真係好新鮮👍應該會再黎食，下次要試埋d料理and燒物😋