友樂亭爐端燒居酒屋 (已搬遷) 新店位置

食lunch時間，同事們一早已經book好左枱食友樂亭，如果無book枱的話好多時都會食唔到。去到餐廳睇完餐牌，即叫我至愛的“貝類刺身飯”，材料有北寄貝、赤貝、海膽、鮑魚、玉子、日式魚旦，價值$138，包括前菜、麵豉湯、魚生飯、雪糕 。貝類魚生飯好好味道，每一種食材都好新鮮，完全無腥味，雖然價錢有點貴，但係食材咁新鮮真係值回票價呀。非常推介，值得一試。係美孚黎講係最有水準的日本餐廳（居酒屋）。

已是第四次寫友樂亭，皆因次次吃次次沒失望次次想記低滋味。終可試已不新的松餐: 赤貝牡丹蝦剌身，赤貝那鮮甜、那索索聲的爽、那冰凍令我以為自己坐着漁船，在日本海剛捕獲冰泠深水中的赤貝，即開即吃。牡丹蝦大大隻，蝦肉鮮甜，最了不起是蝦頭，鮮味在口中爆發，久久不散。甘海老沙律多士是fusion cooking 的典範，也是藝術品，海老剁成膠，雖然不特別甜，混着青瓜羅馬生菜烤松子和蟹子，放在圓形的多士上，視覺味覺都變成天衣無縫，絕妙。玉子魚生飯繼續高潮，玉子竟是poached egg，魚生有三文吞拿油甘魚北寄貝，不是一件起兩件止，每款都有五六塊，肥美的魚生和着蛋漿山葵軟糯的飯吃，十分十分十分滋味。260元一客，看似不便宜，想真，除三，每款不用$90，就這麼精美這麼美味。

98 是 $98一份的午餐，有吞拿魚腩碎伴飯，小小一碗飯，飯面一圈圈日本葱白，魚腩鮮甜香糯，友樂亭的日本米飯特別綿，魚和着飯，葱香隱隱，滿口滋味，不捨吞下。再來兩顆赤蝦，不過不失。壽司向是友樂亭強項，惟三文魚片太貧瘠，美中不足。$108的特級刺身午餐改壞名，送來的沒一件是特級，都是尋常百姓級刺身，見慣見熟的街坊，儘管擺得美，剌身也肥美，終究也難掩失望。這場98 勝 108。

一直都知道美孚的友樂亭日本料理好出名, 出名好好好貴... 不過都出名好食...第一次中午來食午餐, Set lunch 大約有十款左右, 選擇都頗多星期一至五, 供應時間為 12:00 - 14:00 星期六、日、公眾假期, 供應時間為12:00 - 15:0012:15左右來到, 不用要等位, 但由於已經有其他人訂了位 我們只能被安排坐到Bar檯前面的坐位, 坐位有點兒迫我點了一份鵝肝雜菌飯並3款刺身先上頭盤, 面豉湯 + 沙律, 再上刺身 (共6片), 然後到主食, 食飽原來還有甜品 - 綠茶雪糕沙律, 酸酸甜甜, 很開胃刺身就不過不失, 都好新鮮, 都幾厚切主角鵝肝當然更加沒令我失望, 它的香味, 入口即溶的感覺, 正!! 真係可以再ENCORE  綠茶雪糕就沒甚麼咩特別, 侍應拿出來時, 雪糕竟然有少少溶的情況, 這點有待改善最貼心時, BAR檯竟然有一盒TEMPO紙巾供應 

同屋企人去完荔枝角公園之後，就去咗呢間日本嘢食晚飯，感覺都還可以，一分錢一分貨尚可接受啦！唔講咁多啦，有相睇最實際！燒得幾香，入口還可以！前菜都無咩特別，係面豉湯有啲淡味，如果可以濃味啲就更好！蝦天婦羅烏冬都幾好味，可以一試！有個雪糕做甜品，算係畫龍點睛啦！雖然唔可以話真係好好食好抵食，但至少我都算滿意嘅，希望下次再嚟會有更大進步！

紛亂，荒謬，無助，氣餒。忙了許多天，許多天沒真正吃，今夜終有心思想起吃，我立刻想起隱於美孚的友樂亭那美味的一人套餐。坐低看見簇新的菜牌，已心知不妙，從前的套餐有蟹子沙律、魚生拼盤、吞魚腩碎海膽飯原來已成歷史，換了牡丹蝦剌身多士沙律(我至今仍不明怎配)、玉子赤貝魚生飯，對我一點也不吸引，還加價至$238, 加一加前菜，就近三百，我專程來吃從前的套餐，那一刻那種失望是幾近絕望。我把菜牌翻來覆去，肚打鼓抗議聲越來越嚮，想起沒吃過這裡的手卷卷物，隨便點了油甘魚腩手卷和劍魚腩卷物，以前已留意壽司bar的兩位師傅應是高手，今次一試果然不得了，簡直是一吃難忘，紫菜香脆、飯香糯、油甘魚腩和劍魚腩肥美豐膄，壽司司傅的巧手把他們天衣無縫契合，手卷從頂到底都藏着顆顆甘美的油甘魚腩，不似別的店吃完頂的第一口便要啃紫菜白飯，切成六件的卷物卷着大大顆的劍點腩，幾片薑片，一團生磨的山葵，是藝術品，入口更啖啖魚鮮和油香，配烤香的紫菜和黏糯的飯，滋味不亞築地。吃慣了的鹽燒牛舌依舊甘香，蟹子沙律清爽卜卜脆，全都成功地把我從幾近絕望中扯回來，還得到喜樂。

在荔景山上工作已4年多，雖然每天返工放工都係係美孚轉車，但係去食友樂亭都係第一次！就今日跟成班同事去食！跟大隊叫set，感覺抵食d！我就叫了個B Set ..賣相好ok，碟碟精緻！蔥碎吞拿魚飯 - d 吞拿魚整到好似魚醬咁，好滑，好新鮮。蝦刺身 - 超新鮮、又大隻、勁彈口！雜錦壽司 - 三文魚等等全部都好新鮮面豉湯 compare 比其他既野食就比較一般另，欣賞佢 wasabi ，同普通日本食店既唔同，唔係一patpat，而係一落豉油會散開，似即磨。甜品係綠茶雪糕，本來我都唔係太食綠茶，但餐包左照食，都OK可接受！Lunch 食set around $100, 其實少少貴，但真係好新鮮，都值得食！

今年工作上有了180度大轉變，這個轉變是當初提出辭職的我所始料不及的。原來有時候只要有勇氣嘗試，雖然不一定保證成功，但卻可能意外發現另一片更廣的天空。事業愛情等人生大小事如是，對於「食」也可以抱這種勇於挑戰的態度，那就能越食越廣，越知越多。對於美孚這個小社區不太認識，只知道這兒有我最愛的意大利餐廳Mia，其他試過的餐廳寥寥可數。男友說美孚有間不錯的日本餐廳，聽後心裡半信半疑，不過說過今年要勇於「嚐」試，那就試吧! 來到的時候，雖然時間仍然有點早，不過除了吧檯，其餘位置都坐滿了人，此起彼落的笑聲加上店內外紅色燈籠的影照，很有居酒屋熱鬧的氣氛。前菜是呑拿魚沙律，從外表看覺得有點像貓食，想起老虎食罐罐的模樣，不禁莞爾。吞拿魚中混了一些青瓜及紅蘿蔔絲，味道有點辣，但不會很乾或太腥。燒河豚乾$62有一大堆，價錢算是合理，不過如果在日本黑門市場買，同樣價錢差不多可以買到一盒四片，自己烘烤後再切絲，配啤酒一流。這兒的燒河豚乾，表面有種炭燒的焦香，整體不會太軟或太乾，外脆內軟很有嚼勁。這兒有賣日本手工啤酒，今晚無飲實在有點浪費呢。店內的刺身櫃排滿了多款刺身，光看樣子感覺很新鮮，但刺身和壽司價格比較貴。

夜深路經，又冷又餓，匆匆來一個一個人的晚餐。這個set $200:1. 前菜:薯仔沙律, 好吃。2. 麵豉湯: 冒着煙，有海帶有豆腐，絕不馬虎。3. 雜錦刺身: 章魚，魚，三文魚各兩大片，厚薄適中，不會薄到你吃不出味道，三文魚更應用一塊/舊來形容，其他地方會把它一開三，三款都十分新鮮甜美，青葵味道似是生磨的，正。4. 海膽拖羅碎飯: 海膽是加拿大大海膽，不及馬糞，但也十分甘香，拖羅厚厚一層鋪滿飯面，肥美鮮甜，飯不太多，結局每啖飯都有海膽拖羅，從來祇有在日本才吃到這麼慷慨的sashimi飯，這碗飯100分。5. 蟹子沙律: 又是一大碟，青瓜大葱蟹柳都切得幼幼，加上蟹子，全都卜卜脆，索索聲，令人吃得很痛快。6. 芝麻雪糕加一$220, 看似不平，但是吃日本菜，吃的是拖羅海膽魚生，份量十足，抵吃。Ps: 太餓，忘了拍照。

同d friend 最近去間居酒屋，竟然係美孚，都幾難揾，地址只寫街名没有美孚第幾期，最後要靠Google map. 但是d 食物都算唔錯，雜錦寿司唔駛300蚊，有十款，算係咁啦，而且都幾新鮮，賣相都幾好。串燒就食咗牛舌，明太子雞翼，豬腩肉，味道咸咗d. 豬腩肉好似minced咁，唔夠咬口。天婦羅拉面就幾好，天婦羅d 炸粉尚算幾脆，麵就淋咗d, 湯底都係偏咸。服務都幾好，起碼食完一樣还一樣，唔會一吓子嚟哂或者等餐死。

雖然搬嚟美孚已經有4年，友樂亭一直只放晌待試名單，諸多原因拖吓拖吓一直未有幫襯，今次卒之趁個好胏妹生日，佢又喺哈日一族，一於拉隊我哋一班美孚街坊之友晌處食番餐，一邊食就一邊講番早前一齊去旅行嘅軼事。我哋一行7人，雖然老早訂咗位，仲提早嚟攞位，都要等成半粒鐘先至俾到位，只喺有人走咪俾枱嗰隻，根本訂位都有啲多餘。其實店內枱櫈排得頗逼，不過，裝潢上又確實幾有氣氛，尤其店內正中央天花，一大盞巨型日式燈籠吊燈，甚搶眼。此外，近玄關嘅酒櫃，一排又一排掛有熟客名嘅清酒，可見小店甚受歡迎。翻一轉餐牌，不愁無選擇，由刺身、壽司、手卷、卷物、佐酒小食、串燒、燒烤魚類、一品料理、炸類、鍋物、沙律、日本風味、飯類、麵類，到飲品、甜品過百款選擇，款式繁多，而定價屬中等價位。我哋依班「美孚街坊」唔算好揀飲擇食，口味亦唔多「奄尖」，所以全交由小弟發板，為咗一試師傅晌各領域嘅手勢，盡量各種類都點啲。順帶一提，服務方面個人覺得好一般，由等位、點菜到上菜，唔可以話差，個人覺得只喺缺少份做日本飲食對待客人嘅熱誠啫。好似等位期間，啲店員都無理過我哋，只喺掛住招呼阿乜生乜太熟客，就算我哋問都只喺話叫我哋等多陣，好彩老友唔介意咋

是咁的, 是日師妹與我相約咁久先食到午餐，但今日做野慶慶地，我要食貴野，打的去左美孚最正性價比最高的日本料理店一直都好喜歡友樂亭既料理，性價比值，又係咁多間美孚中最好食，叫左三色便堂, 有牡丹蝦刺身兩只大隻兼新鮮，壽司睇落好似好細....但真係手握架WOR!唔係用機最左係蔥蔥吞拿魚飯^0^! 我最LIKE KA!!! 三樣野~分量岩岩好，仲有個烏冬跟~對女仔黎講食完飽飽~仲有綠茶雪糕做甜品 

雖然是在屋邨的日式食店, 但品質絕不差於鬧市中的旺舖 肥美三文魚, 不錯沙律軍艦, 份量適中很有鑊氣的炒飯, 真驚喜, 牛肉雖然不多, 但香口的炒飯真令人回味無窮脹卜卜的雞翼被釀入明太子, 味道不錯, 入口熱騰騰, 很香

近日實在超級忙碌, 很久沒一家人一同玩橋牌了, 終於在星期六的下午能夠再來一場大戰, 真是高興. 經過一輪惡鬥之後, 已經超過八點, 也是晚飯的時候, 想起還未試過這家新店子, 就拉了大家來這裡吃一頓日本晚餐, 不知道爸爸媽媽會否不太習慣呢?其實友樂亭是區內的歷史也有一段日子, 之前是對泳池那一邊的, 也跟文迪惠顧過, 現在就搬了來恆柏道這邊, 店子也比之前大了不少. 星期六晚, 全場爆滿, 也要等好一會才有位. 環境方面, 總算簡潔, 但就幾擠逼的. 看看餐牌, 昔日的經典喜多方拉麵還在, 當然要來一客, 也選擇了另外三款食物分吃.前菜 $10 x 4: 7分, 現在不少日式店子也會在一開始送上前菜, 另外收費, 是晚也不例外, $10一碟, 不便宜的, 螺肉質感不俗, 但實在幾辣, 蘿蔔酸酸的, 是幾醒胃.日本喜多方手打拉麵 $88: 8分, 當然不會錯過這裡的喜多方手打拉麵, 選上了豬骨湯底, 個湯是幾清的, 不太有師傅的痕跡, 大家喝完也不覺得口渴. 麵條是靈魂, 呈粗身的, 有咬口, 多年沒有吃過, 水準還在.能夠選擇一款配料, 揀了天婦羅, 當然是另上的. 想不到水準也不俗