友記

营业中

休息中

係自修室溫書溫到10點....朋友打唻問我食唔食野咁梗係食啦!! 鐵人咩大佬!!係黃大仙住就住得耐,但真係近e一年先發覺原來黃大仙係咁多好野食ga..!尤其e條街...今次就係友記食碗雲吞麵la環境:: 係污漕ge,不過我接受到味道:: 雲吞好好味ar~入面d肉新鮮~~又大粒wo~冇記錯有成4粒添ar~~~好正~d麵既口感都唔錯=]服務:: 冇咩特別,ok la價錢:: 十零蚊,抵,唔係都唔會入唻食,haha~

至愛:咖哩汁~辣得黎唔lar喉雞翼尖~正..蘿蔔~甜..酸齋~陸油皮~好少地方有得食螺肉~惹味豬腸~好乾淨..冇臭味但係...地方麻麻..成日要排隊..座位~迫..

相信大部份人會因為睇過電視見到明星推介便會躍躍欲試我都不例外,但只是普通的車仔麵,住了多年鳯凰新村只去過一次

一碗五餸麵十九蚊,豬腸,豬皮,蘿蔔,東姑,抽皮,一個細碗裝唔滿,<br />地方超級嗱喳,冷氣機又迪水,

昔日大勘村除詠藜園外,尚有間殘到不堪,價錢平得發毛兼很有個性的"友記"車仔麵.點有個性?隱身在大墈村內,已經有種世外高人的情操,拉大隊全家去旅行,索性休息唔做生意.一點也不自在.有次去到,逼得摸門釘.還記得友記車仔麵,個湯底很清甜,比坊間濁得發紫的車仔麵店,有如一股清泉.自製咖哩汁,又是與別不同.仲有在車仔麵檔少見的配料如酸齋,鳳爪,螺肉.也能在友記找到.自大墈村成為歷史之後,友記曾暫休一段日子,年前在鳳凰新村內再戰江湖.有兩間"友記"在村內,招牌標明"咖哩車仔麵"的,只時昔日伙記分拆出來的店子.沙士後某天來到,一次過吃罷兩間友記,當時結果係,"次貨"的,竟然比正貨的好.日前去住在附近的友人家中血戰Winning Eleven,造就再一次重臨.月前TVB有節目曾在此採訪,門口貼上TVB主持合照的照片,加多一份"明星效應".老細依舊在店坐陣,求其點幾味,螺肉,蘿蔔,酸齋,鳳爪,盛惠$15.咖哩汁同蠔油汁兩溝.應該能感受到咩叫大雜會的快感.湯底不如昔日,已經比外界的貨色同化.似乎靚湯底的車仔麵,只得灣仔晏頓街的小店.蘿蔔尚甜,但有點渣.螺肉很惹味,酸齋在此碗麵的角色,大約係用來中和一下個味

女友話電視前陣子介紹過, 話好出名, 所以星期天便慕名一試.地方不算亁淨, 但冷氣亦算充足. 店內排滿人, 因是先排隊叫麵然後叫餸再付款.出名的是那二種醬汁分別為咖喱汁和蠔油汁.咖喱汁還可以但蠔油汁就不用去碰它了.餸菜亦有很多選擇, 本人推介的有, 豬腸, 豬皮, 牛腩, 牛筋. 只因全部都煮得很入味, 不吃不可. 牛彊也試了但真的一點味也沒有, 亦不夠淋.埋單四十七, 已有一碗四餸麵, 一碗五餸麵加一枝大可樂. 已算很便宜, 亦可一吃.

　　查實我都未去過大墈村果間，我都唔知佢本身係點既，但見佢Ｄ廣告講到佢咁得，咪試下囉。　　黎到梗係試下佢招牌‘牛彊’啦～一放入口.....Ｏ晒咀......可能係小弟唔識欣賞啦....又un又無味，真係唔知乜鬼野黎。　　至於佢個汁呢～無乜特別.....我覺得附近另一間叫"西貢林記秘制咖哩汁車仔麵"就好食得多啦.... 不過呢度又無呢間野喎...無得寫佢食評添= ="

以前係佢個仔整，但唔好食又成日出錯，最後要伯伯自己出山。咖哩汁夠惹味，但太油，比以前在大磡村時退步很大。質素甚普通，無驚喜，不值專登去。

剪完頭髮三點幾都幾肚餓,原先諗住去鳳凰燒臘整碟油雞胸餓胸飯滿足一下,不過沿經友記車仔面,記起電視讚到識飛一樣,決定試試..<br />要左酸齊,豬紅,雞翼尖,牛脯配油麵..<br />酸齊一向都好少食車仔面時點,今日無神神叫左,原來食味都不錯..<br />豬紅滑且入味,比較難得..<br />雞翼尖牛脯都入味,不過略嫌牛脯太碎..<br />全程店員都幾好相與,有問必答,該店太子爺重不停問我要唔要碗佢地既鎮店咖哩汁..<br />不過衛生必須改善,其實食街彷式車仔面都不太計較..但係張檯痴立立有汁之餘地下重有骨渣,令人食起麵黎都有所避忌..<br />總括黎講車仔麵都不錯,不過無需要刻意撘車黎光顧,因為比佢好既車仔面店應該都有不少..

因電視介紹才去試，幾失望，味道好普通，湯底一般，位好迫，抺布又汚漕。銅纙灣新記好得多。

見早排電視介紹哩檔大磡村出名車仔麵，以前係村到就“掃街”試得多，冇試過車仔麵。依家知佢搬左去我“地頭”，當然要捧一捧場啦～四五點即興同阿毛入到舖，已見長長一條龍排隊買麵（應該係電視效應啦！）。叫左豬腸、牛腩、魚旦、豬皮、菜、當然唔少得我o既至愛雞翼尖啦；同埋唔少得?地o的辣油。忠懇講句，我覺得味道一般咋，牛腩比較韌，豬腸都掂，其他只屬一般，至於辣油，我同阿毛一致認為唔夠辣，每人落成一碗仔，先有汗流感覺。反而我地覺得屋企附近果類“蒙古包”大排檔車仔麵，夠辣夠多塵夠車仔．．．乜食車仔麵唔係食哩種“風味”咩！順帶一提，見到餐牌有一般茶餐廳早餐，發覺好抵食喎，十六雞就有交易，係我哩頭算係抵食喇～

首先要update返d資料先. 呢度已經搬左啦. 新地址係黃大仙鳳凰新村銀鳳街22號地下. 電話: 2328-8109. openrice editor快dupdate啦.呢樹好出名係車仔麵, 每個送大約$3-4, 最低消費係$10. 地方唔係好大, 起碼係冷氣開放, 要自己排隊買麵. 我要左4個送, 有菜, 豬腸, 牛肚同埋雞翼尖. 豬腸好味, 唔un. 而且唔會有d怪味. 牛肚都幾好, 不過un左少少, 但係好入味. 雞翼尖都ok, 幾大隻. 男朋友就要左牛腩, 牛彊... 仲有d唔記得左. 佢話幾好, 特別係牛彊. 平日係冇得食, 係假日至有. 鍾意食辣可以加咖哩汁或辣汁. 個人覺得辣汁辣d, 咖哩汁就麻麻. 雖然呢度係半自助, 但係服務都好好, 多謝前多謝後. 而且?有好熟客仔. 個感覺好warm. 仲有丫, 我地去到0既時候已經係點幾, 但係都仲有早餐供應. 唔想食車仔麵都仲有其他choices. p.s. 呢度d奶茶都好飲

Yau Kee is a very famous food stall for selling chinese noodle. It has a long history for over 20 years in Tsz Wan Shan